Фирдавс Аъзам. Акс аз бойгонии хусусӣ.

Фирдавс Аъзам "Ойини ойина"-ашро ба шеърдӯстон пешкаш кард

55
(Таҷдидшуда 16:16 26.10.2017)
Севумин маҷмуъаи ашъори ғазалсарои ҷавони тоҷик Фирдавс Аъзам бо номи "Ойини ойина" дар Теҳрон мунташир шуд

ДУШАНБЕ, 26 окт — Sputnik. Маҷмуъаи нави ғазалҳои Фирдавс Аъзамро интишороти "Утоқи обӣ" дар Теҳрон мунташир кард. 

Ба гузориши радиои тоҷикии "Садои Хуросон", ин китоб беш аз 60 ғазали тозаи шоири тоҷикро дар бар мегирад ва бо шуморгони ҳазор нусха ба чоп расидааст.

Шоҳин Сипанто, адиби фарҳехтаи эронӣ барои китоб пешгуфтор навишта ва дар он ба бархе вижагиҳои ашъори Фирдавс Аъзам ишора кардааст.

Фирдавс Аъзам номи ин маҷмуъаашро аз ғазали шоири номдори эронӣ Қайсар Аминпур интихоб кардааст.

Қарор аст китоби "Ойини ойина" дар доираҳои адабии Эрон рӯнамоӣ ва ба бисёре аз марокизи фарҳангӣ ба таври ройгон арза шавад.

Фирдавс Аъзам донишкадаи забонҳои хориҷӣ дар Донишгоҳи Ғафурови Хуҷандро ба поён бурда ва ду сол дар Амрико донишафзоӣ кардааст. Нахустин китоби шеърҳояш, ки "Абрҳои обӣ" ном дорад, соли 2012 дар Хуҷанд мунташир шудааст. Ин маҷмуъа ба хаттҳои тоҷикӣ ва форсӣ нашр шуда ва номи Фирдавсро барои форсизабонони ҷаҳон ошно кард.

Ӯ аз истеъдоҳои ҷавони адабиёти муъосири Тоҷикистон ва нахустин шоъири ҷавонест, ки шеъри нави зулолро истиқбол кардааст. Вай дар ин навъи ҷадиди шеър дастовардҳои шоистае дорад ва намунаҳое аз ашъораш дар маҷмуъаҳои шеъри шоъирони муъосири Эрону Афғонистон ҷой дода шудаанд. Дувумин китоби шеъраш, ки "Як бағал ғазал" ном дорад, дар Эрон мунташир шуд. Ҳамин маҷмуъа дар соли 2015 дар Ландан низ бознашр шуд ва барандаи ҷоизаи Конуни нависандагони Тоҷикистон гашт.

55
Барчаспҳо:
ғазал, забони форсӣ, шеър, Фирдавс Аъзам, Тоҷикистон-Эрон
Мавзуъ
Фирдавс Аъзам: Тоҷикон "Шоҳнома" доранд, вале забонашон вазъи баде дорад
Эмомалӣ Раҳмон Рӯзи забони давлатиро ба мардуми Тоҷикистон табрик гуфт
Кумитаи забон: номи Облоқул шакли туркишудаи Аллоҳу Акбар аст, барои ҳамин иҷоза надодем
Сардор Раҳдор: вақт нишон медиҳад, кадом забон мемираду кадом зинда мемонад
Муқбилшоҳ Аламшоев: забонҳои помирӣ ба хатт ниёз доранд
Умед Ҷайҳонӣ: забони давлатии Тоҷикистонро низ бояд танзим кард
ЮНЕСКО: забонҳои яғнобӣ ва помирӣ рӯ ба нобудӣ ниҳодаанд
Истилоҳоти Фарҳангистони забону адаби форсӣ ҷаҳонӣ мешаванд
Сафири Амрико ба забони тоҷикӣ шеър хонд: тақдими китоб аз ҷониби ИМА
Дуои Лоиқ шеъри Шоираи Раҳимҷонро то Амрико расонд
Дар интизории “Шаби шеъри Гулрухсор” дар Душанбе
Бишнав: Беҳрӯз Зеваров шеъри Манижа Давлатро сароид
Театр, архивное фото

Замони оғози мавсими тамошои намоишҳои театрҳо дақиқ шуд

61
Тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ дар ду мавсим доир мегардад

ДУШАНБЕ, 24 фев – Sputnik. Дар Тоҷикистон мавсими тамошои намоишҳои театрҳои касбӣ аз рӯзи 3 апрел шурӯъ мешавад, хабар медиҳад Вазорати фарҳанг.

 ба иттилои манбаъ,тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ  дар ду мавсим доир мегардад.

Дар мавсими аввали он спектаклҳо рӯзҳои 3, 10, 17, 24  апрел, 8, 15 май ва 12 июни соли равон дар Театри давлатии академии драмавии ба номи А. Лоҳутӣ, Театри давлатии академии опера ва балети ба номи С. Айнӣ, Театри давлатии ҷавонон ба номи М.Воҳидов, Театри таҷрибавии тамошобини ҷавон ба номи М.Қосимов ва Театри давлатии драмавии русии ба номи В. Маяковский ба саҳна гузошта мешаванд.

Мавсими дуввуми намоиши спектаклҳо 2, 9, 16, 23, 30 октябр дар театрҳои болозикр доир мешавад.

Вазорати фарҳанг гуфт, китобҳои Ҳошим Гадоро ба маблағи 16 000 сомонӣ хариданд

Ба гуфти масъулин, дар репертуари театрҳо соли равон намоиши асарҳои нави саҳнавӣ бахшида ба 30-солагии Истиқлоли давлатии Тоҷикистон пешбинӣ гардидааст. Ҳамчунин нимаи дуюми моҳи майи соли равон Фестивал-озмуни ҷумҳуриявии театрҳои касбӣ- "Парасту-2021" баргузор мегардад, ки тӯли як ҳафта мухлисони театрӣ метавонанд аз намоишҳои озмунӣ ба таври ройгон бархурдор гарданд.

Таҳияи асарҳои нав дар репертуари муассисаҳои театрӣ аз моҳи апрел тартиб дода шудааст.

61
Барчаспҳо:
Тоҷикистон, театр
Масҷиди марказии Душанбе, акс аз бойгонӣ

Суоли усто аз Шӯрои уламо: аз “пилорама”-и арзишаш 35 ҳазор сомонӣ закот супорам?

623
(Таҷдидшуда 14:56 23.02.2021)
Шӯрои уламои Маркази исломии Тоҷикистон мегӯяд, дар асбобу таҷҳизоти касбу кор закот воҷиб намешавад

ДУШАНБЕ, 23 фев — Sputnik. Як корбари сомонаи Шӯрои уламо аз ин ниҳод суол кардааст, ки ба нияти кор ва пеш бурдани зиндагӣ ба маблағи 35 ҳазор сомонӣ пилорама харид ва оё аз ин дастгоҳ бояд закот супорад ё на.

Шӯрои уламо посух додааст, ки закот бояд аз даромаде, ки аз ин дастгоҳ ҳосил мешаваду ба андозаи нисоб расад, пардохт гардад.

“Дар асбобу таҷҳизоти касбу кор закот воҷиб намешавад, агар фоида ва даромаде, ки аз он ба даст меоред, ба миқдори нисоби закот, яъне 20 ҳазор сомонӣ баробар шавад ва як сол аз он гузарад, дар ин ҳолат пардохти закот лозим мешавад”, - изҳор дошт Шӯро.

Ин ниҳод қаблан изҳор дошта буд, ки вақти додани закот аз замони ба нисоб расидани мол вобаста аст

"Адои закот аз замони ба нисоб расидани мол вобаста аст, яъне дар кадом моҳе моли шумо ба нисоб расад, аз ҳамон вақт вуҷуби закот шуруъ мешавад ва пас аз гузаштани як сол пардохти закот воҷиб мегардад. Масалан, агар дар моҳи март моли шумо ба нисоб расид, пас аз гузашти як соли қамарӣ бар шумо адои закот воҷиб мешавад", - тавзеҳ дода буд Шӯрои уламо.

Соли гузашта нисоби закот 21 ҳазор сомонӣ муайян шуда буд.  Ба иттилои Шӯрои уламо, закот бар шахсе фарз аст, ки дорои нисоби закот, яъне молики 21000 сомонӣ бошад. Пас аз гузаштани як сол аз вақти соҳиби нисоб шудан ба андозаи 525 сомонӣ ба фақире ё мискине ҳамчун закот мепардозад.

623
Барчаспҳо:
Шӯрои уламои ҶТ, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0