Сафири Фарронса дар Тоҷикистон Ясмин Гуедар

Сафири Фаронса: Тоҷикистон дар қалби мардуми мо ҷо хоҳад гирифт

93
(Таҷдидшуда 14:08 27.10.2017)
Нигораҳои таърихии Тоҷикистон дар осорхонаи Гимеи Порис ба намоиш гузошта мешавад

ДУШАНБЕ, 27 окт — Sputnik. Ба гузориши равобити умумии Вазорати фарҳанг, ин қарор дар дидори вазири фарҳанг бо сафири Фаронса дар баррасӣ шудааст.

Ба иттилоъи манбаъ, зимни вохӯрӣ ҷонибҳо оид ба таҳкими робитаҳои фарҳангии Тоҷикистон ва Фаронса суҳбат кардаанд.

Дар ин дидор баргузории намоиши нигораҳои таърихии Тоҷикистон дар осорхонаи Гимеи Порис, ки соли 2019 баргузор мегардад, баррасӣ шудааст.

Сафири Фаронса дар Тоҷикистон, хонум Ясмин Гуедар гуфтааст, ки "ман бовар дорам, намоишгоҳи Тоҷикистон дар Порис дар сатҳи олӣ баргузор шуда, аз ҷониби мардуми Фаронса хеле хуш пазируфта хоҳад шуд. Тоҷикистон дар қалби мардуми мо ҷоеро мегирад, ки сазовори он аст".

Ҳамчунин хонум Ясмин Гуедар изҳор дошт, ки барои самаранок ба роҳ мондани ҳамкории дуҷонибаи судманд дар доираи салоҳияти кориаш талош хоҳад кард.

"Намоиши мазкур имконияти хубест барои муаррифии фарҳанги Тоҷикистон ва  таҳкими рушди муносибатҳои фарҳангии ду кишвар такони тоза хоҳад бахшид, — гуфтааст Шамсиддин Орумбекзода.

93
Барчаспҳо:
намоишгоҳ, дидор, вохӯрӣ, Ясмин Гуедар, Тоҷикистон
Мавзуъ
Вазорати дифоъи Фаронса: ба ФР то 1,2 млрд. евро баргардонида мешавад
Вакилони парлумони Фаронса “мардуми хушбахти Қрим”-ро диданд
Номаи Эмомалӣ Раҳмон ба президенти Фаронса
Ҳунармандм мардумии Тоҷикистон Сурайё Қосимова

"Интихоби дуруст:" Талабшо Муқимов дар бораи издивоҷи Сурайё Қосимова

501
(Таҷдидшуда 19:03 26.09.2020)
Рӯзноманигори машҳури тоҷики муқими Амрико Талабшо Муқимов издивоҷи примаддонаи саҳнаи тоҷик Сурайё Қосимоваро шарҳ дод

ДУШАНБЕ, 26 сен - Sputnik. Талабшо Муқимов рӯзноманигори шинохтаи тоҷики муқими Амрико мегӯяд, мардуми сайёра ба космос сафар мекунанд, вале вазифаи бархеҳо ғайбату киноя аст.

Ӯ издивоҷи примаддонаи саҳнаи тоҷик Сурайё Қосимоваро бо Пӯлод Шаропов шарҳ дода, навиштааст, ки Сурайё Қосимова ҳамеша интихоби дуруст дорад.

"Касе метавонад, ки худро хушбахтару ободтар кунад Ошаш шавад! Агар 200 сола бошиву бо сини 20 никоҳи ҳалол бастӣ боз ҳам ош шавад! Ишқ сарҳад надорад! Вазифаи дӯстдоштаи баъзе нафарон ғайбат, бахилӣ ва хандаҳои бемазмун аст... Мардуми дунё ба Космос сафар доранд ва дар дигар сайёраҳо зиндагӣ ва корҳои илмӣ пеш мебаранд. Мо устои пеши пеши "Комментария". Пеш аз муҳокимаи нафаре ҳар кас аз худ аввал пурсад, ки ақалан қутии гӯгирд "спичка" сохта метавонад ё не?. Сурайё Қосимова - Ҳунарманди нотакрор, зани бисёр зебо ва инсони беҳад нексиришт аст! Ҳамеша ақли комил ва интихоби дуруст дорад!", - навиштааст Талабшо зери акси якҷоя бо хонум Сурайё Қосимова.

Ёдрас мешавем, ки никоҳи ин бонуи ҳунар бо Пӯлод Шаропов, ки аз ҷиҳати синну сол аз ҳам фарқияти зиёд доранд, дар шабакаҳои иҷтимоӣ баҳсу мунозираҳои зиёдеро барангехт. 

Нафаре аз доираҳои наздики Шабнами Сурайё, ба Sputnik Тоҷикистон гуфт, ҷавон чанд сол ошиқи ҳунарманд буд.

"Дар шабакаҳои иҷтимоӣ менависанд, ки гӯё ҷавон барои пулу моли хонум Сурайё ӯро ба занӣ гирифтааст. Дурӯғи маҳз аст! Ҳаминро метавонам гӯям, ки ӯ солҳо боз ошиқи Сурайё Қосимова буд ва худаш ҳам марди доро аст", - изҳор дошт манбаъ.

Издивоҷи Сурайё Қосимова бо ҷавони 32-сола - навори никоҳ корбаронро "шӯронид"

Аммо нафароне низ пайдо шудаанд, ки дахолати дигаронро ба ҳаёти шахсии ҳунарманд танқид карда, ба навхонадорон хушбахтӣ тамано кардаанд.

501
Барчаспҳо:
интихоб, Сурайё Қосим, издивоҷ
Выступление ансамбля, архивное фото

Фарҳангиёни Ӯзбекистон ба Тоҷикистон меоянд

237
(Таҷдидшуда 15:33 26.09.2020)
Меҳмонон аз Ҷумҳурии Ӯзбекистон аз ду шаҳри Ҷумҳурии Тоҷикистон - Хуҷанд ва Душанбе боздид хоҳанд кард

ДУШАНБЕ, 26 сен — Sputnik. Сафари намояндагони аҳли илму адаб ва фарҳангии Ӯзбекистон ба Тоҷикистон аз 26 то 28 сентябр дар назар аст.

Меҳмонони Ӯзбекистон 26 сентябр аз ёдгориҳои бостонии "Қалъаи Хуҷанд"-и шаҳри Хуҷанд ва Хона—музейи Камоли Хуҷандӣ боздид менамоянд.

Хабаргузории "Ховар" бо такя ба ба Вазорати фарҳанг навиштааст, ки аҳли илму адаб ва фарҳанги Ӯзбекистон 27 сентябр  дар Душанбе  аз Китобхонаи миллии Тоҷикистон боздид менамоянд. Сипас дар ин макон мизи мудаввар бо иштироки ҳайатҳои намондагони доираи илму адаб ва фарҳанги ҷумҳуриҳои Тоҷикистон ва Ӯзбекистон зери унвони “Дӯстиро ҷустуҷӯ дорем мо” доир мегардад.

Инчунин дар ин рӯз меҳмонон аз "Кохи Наврӯз", Осорхонаи миллии Тоҷикистон, Иттифоқи нависандагони Тоҷикистон, Академияи миллии илмҳо ва Донишкадаи давлатии санъати тасвирӣ ва дизайн дидан менамоянд.

Ёдовар мешавем, ки  аз 10 то 14 октябри соли 2017 дар Ҷумҳурии Ӯзбекистон Рӯзҳои фарҳанги Ҷумҳурии Тоҷикистон баргузор гардиданд, ки мақсади он мустаҳкам намудани равобити фарҳангии ду давлати бо ҳам дӯсту бародар- Тоҷикистон ва Ӯзбекистон буд.

Инчунин аз 11 то 15 ноябри соли 2019  дар Ҷумҳурии Тоҷикистон Рӯзҳои фарҳанги Ҷумҳурии Ӯзбекистон баргузор гардиданд.

Ҳамчунин моҳи марти соли 2018 дар шаҳри Душанбе барномаи фарҳангии муштараки «Шоми дӯстӣ» бо иштироки устодони санъати ҳарду мамлакат баргузор гардида буд.

237
Барчаспҳо:
фарҳанг, фарҳангиён, ҳукумати Ӯзбекистон, Тоҷикистон
Футболист на поле, архивное фото

Пирӯзии “Навбаҳор” бар “Равшан” и Кӯлоб: ҳисоби бозӣ 5:0

0
(Таҷдидшуда 19:15 26.09.2020)
Бозии даври чаҳоруми чемпионати Тоҷикистон оид ба футбол байни ҷавондухтарон U-17 бо пирӯзии “Навбаҳор” и ноҳияи Мастчоҳ бар “Равшан” и шаҳри Кӯлоб ба охир расидааст. Дар ин бозӣ соҳибони майдон бо ҳисоби 5:0 пирӯз шудаанд

ДУШАНБЕ, 26 сен – Sputnik. Тавре Аҳлиддин Юнусов, котиби Федератсияи футболи Суғд ба Sputnik Тоҷикистон иттилоъ дод, дар доираи даври чаҳоруми чемпионати футбол инчунин бозӣ миёни дастаҳои “Хатлон” ва “Мактаби махсуси футбол, чавгон ва асп” ё “ММФЧВА” и Суғд доир шуда, бо ҳисоби 3: 2 бо ғалабаи мизбонон тамом шудааст.мяч

Бино ба иттилоъи манбаъ дар чемпионати Тоҷикистон оид ба футбол миёни бонувон шаш даста ба ҳисоби “Навбаҳор” у “Равшан” ва “ММФЧВА” у “Хатлон” барои ба даст овардани Ҷом рақобат мекунанд.

Қарор аст, дар доираи давраи панҷуми бозиҳо “Навбаҳор” дар сафар бо дастаи “Ҳосилот” и Фархор бозӣ анҷом диҳанд.

 “Ҳоло дастаи “Хатлон” дар ҷои аввал ва дастаи “ММФЧВА” дар ҷои дуюм қарор дорад”, - гуфт Юнусов.

Соли гузашта дастаи “ММФЧВА” чемпион шуда буд. Зимнан соли сеюм аст, ки чемпионати футбол миёни бонувон мунтазам доир мегардад.

 Баъзеҳо аз баргузории футболи занона интиқод мекунанд, аммо бисёриҳо бо муҳимияти тарғиби тарзи ҳаёти солим роҳандозии ин намуди варзиш миёни бонувонро тасмими саривақтӣ медонанд. Федератсияи футболи Тоҷикистон ҳам бо мақсади тарғиби тарзи ҳаёти солим роҳандозии чемпионати футбол миёни бонувонро роҳандозӣ намуда, аз сӯи ин ниҳод сафархарҷ, туб ва либоси варзишии дастаҳо таъмин карда мешавад.

0
Барчаспҳо:
Кӯлоб, пирӯзӣ, Мастчоҳ, Футбол, Суғд, Тоҷикистон