Сдачи в эксплуатацию Парка культуры и отдыха имени Садриддина Айни после реконструкции 06.11.2017

Боғи устод Айнӣ дар шаҳри Душанбе бозкушоӣ шуд

210
(Таҷдидшуда 14:43 06.11.2017)
Кишвардори Тоҷикистон Эмомалӣ Раҳмон, шаҳрдори Душанбе Рустам Эмомалӣ ва устондори Суғд Абдураҳмон Қодирӣ дар маросиме бошукӯҳ Боғи устод Садриддин Айниро бозкушоӣ ва руҳашро бо дуъо шод карданд

ДУШАНБЕ, 6 ноя — Sputnik. Боғи устод Айнӣ дар Рӯзи Қонуни асосии Ҷумҳурии Тоҷикистон ва дар остонаи ҷашни 25-умин солгарди Иҷлосияи XVI Шурои Олии Ҷумҳурии Тоҷикистон бозкушоӣ шуд.

Ба гузориши дафтари иттилоърасонии раисҷумҳур, дар маросими бозкушоии "Боғи фарҳангу фароғатии ба номи устод Садриддин Айнӣ" раиси вилояти Суғд, шаҳрдори Душанбе, раисҳои ноҳияҳои пойтахт, фаъолон ва аҳли адабу илму фарҳанги кишвар ширкат карданд.

Эмомалӣ Раҳмон нахуст аз тандиси Сардафтари адабиёти муосири тоҷик, Қаҳрамони Тоҷикистон устод Садриддин Айнӣ дар даромадгоҳи боғ пардаро бардошт. Ин тандисро арбоби ҳунари Ҷумҳурии Тоҷикистон, ҳайкалтарош Ғафурҷон Ҷӯраев сохтааст. Дар пои ин тандис бо ширкати шоири номии Тоҷикистон Фарзона маҳфили шеър баргузор шуд.

Сипас Эмомалӣ Раҳмон, Рустам Эмомалӣ, Абдураҳмон Қодирӣ ва ҳамроҳонашон дар назди оромгоҳи устод Айнӣ дуъо хонданд.

Расиҷумҳур дар суханроние, ки дар ин маросим кард, аз ҷумла гуфт: "Дар андеша ва осори устод Айнӣ масъалаи ташаккули ҳувият ва баланд бардоштани худшиносии миллӣ дар ҷойи аввал қарор дошт".

Дар раванди бозсозии боғ мақбара ва тандиси устод Айнӣ, сохтмони Амфитеатр, айвону нишастгоҳҳо, фаввораҳое бо чароғҳои ранга муҷаҳҳаз ва дигар созаҳои ёрирасон бунёд шуда, лӯлаҳои обрасонӣ, шабчароғҳо ва ноқилҳои барқӣ пурра навсозӣ шудаанд.

Боғи устод Айнӣ ду даромадгоҳ — асосӣ ва ҷанубӣ дорад. Ороиш ва нақшу нигори даромадгоҳҳои боғ, сутунпояҳои бошукуҳу мунаққаш бо ҳунари баланди меъмории миллӣ бунёд шудааст.

Инҷо барои баргузории барномаҳои консертӣ, маҳфилҳои ҳунариву эҷодӣ ва ғайра Амфитеатр сохта шуда, ки 2 540 метри мураббаъ масоҳат ва  1600 сандалӣ ва дигар созаҳои ёрирасон, аз ҷумла утоқҳои кории ҳунармандон, қаҳвахона ва бозигоҳ барои кӯдакон дорад.

Боғи устод Айнӣ бо сармоягузории ҳукумати вилояти Суғд ва ҳамкории коршиносони сохтусози он вилоят ва шаҳри Душанбе бозсозӣ шудааст.

210
Барчаспҳо:
Бозкушоии Боғи устод Айнӣ, Рустам Эмомалӣ, Абдураҳмон Қодирӣ, Эмомалӣ Раҳмон, Тоҷикистон-Душанбе
Мавзуъ
Интиқоли пинҳонии ҷасадҳои бузургони сиёсиву фарҳангии тоҷик аз Боғи Айнӣ ба Лучоб
Даст ба дуо, акс аз бойгонӣ

Даргузашти Дӯстмурод Уроқов, иқтисодшиносу адиби тоҷик-акс

394
(Таҷдидшуда 16:11 17.01.2021)
Дӯстмурод Уроқов, иқтисоддони тоҷик, ки ба эҷоди асарҳои бадеӣ низ шуҳрат дошт, дар синни 78-солагӣ даргузашт

ДУШАНБЕ, 17 янв — Sputnik. Дар шаҳри Душанбе яке аз донишварони пуркори иқтисоддон ва адиби соҳибдилу соҳибқалам Дӯстмурод Уроқов дар синни 78-солагӣ чашм аз ҷаҳон пӯшид, хабар додааст Фаридун Раҳнавард, рӯзноманигори тоҷик.

Дӯстмурод Уроқов, соли 1942 таваллуд шуда, доктори илми иқтисод, профессор, ходими шоистаи илми Тоҷикистон мебошад.

Дар бораи сабаби фавти Уроқов иттилое ироа нашудааст. Раҳнавард дар саҳифааш аз хизматҳои Уроқов барои илму адабиёт гуфтааст.

“Равоншод умри худро вақфи хидмат ба илму маориф ва адабиёт намуда, аз худ як силсила осори арзишманди илмиву адабӣ ба ёдгор гузоштанд. Академики Академияи иқтисодии Авруосиё, Арбоби илму техникаи Тоҷикистон ва Раиси Ассосиатсияи муҳосибон ва аудиторонии Тоҷикистон буд”, - изҳор дошт Раҳнавард.

Таъкид шудааст, ки марҳум дар баробари таълифи осори илмӣ ва фаъолияти пурсамар дар соҳаи иқтисод ба эҷоди асарҳои бадеӣ низ рағбат дошт.

Дар феҳрасти асарҳои бадеияш "Муҳофиз", "Қиссаҳои марғуби зиндагӣ", "Овора", "Диёри файзбори ман", "Меҳрона" ва ғайра зикр шудаанд, ки дар радифи осори илмӣ номашонро зинда медоранд.

394
Барчаспҳо:
даргузашт, Тоҷикистон
Помощник президента по вопросам социального развития и связям с общественностью Абдуджаббор Рахмонзода

Раҳмонзода зарурати эҷоди асарҳои мусиқии баландғояи замонавиро таъкид кард

363
(Таҷдидшуда 14:33 16.01.2021)
Дар ҷаласаи Ситоди корӣ оид ба таҷлили 30-солагии истиқлолияти давлатӣ татбиқи сиёсати фарҳангии Ҳукумати Ҷумҳурии Тоҷикистон ва рушду такомули санъати мусиқии миллии тоҷик баррасӣ шуд

ДУШАНБЕ, 16 январ - Sputnik. Ба нақл аз рӯзномаи “Ҷумҳурит” ахиран дар Вазорати фарҳанг Тоҷкистон омодагӣ ба Ҷашни 30-солагии Истиқлолияти давлатӣ ва баргузории чорабиниҳои сатҳи байналмилалӣ таҳти раёсати Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ҷаласаи ситоди корӣ баргузор шуд.

Манбаъ таъкид доштааст, ки зимни ҷаласа масъалаҳои татбиқи сиёсати фарҳангии Ҳукумати Тоҷикистон ва рушду такомули санъати мусиқии миллии тоҷик баррасӣ гардиданд.

Гута шудааст, ки Абдуҷаббор Раҳмонзода вобаста ба ташаккули раванди неруи эҷодӣ, дарёфти истеъдодҳои нави бахши оҳангсозӣ ва иҷрокунандагӣ, рушди санъати мусиқии касбии миллӣ, эҷоди асарҳои мусиқии баландғояи замонавӣ таъкид доштааст.

Ҳадафи ҳукумат: бунёди 941 иншооти тиббӣ то 30 солагии Истиқлолият дар Хатлон

Инчунин, зимни ҷаласа Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа оммавигардонии жанрҳои гуногуни мусиқии касбӣ ва ташаккули фарҳанги мусиқии муосири тоҷик дар назди масъулини дахлдори мамлакат вазифаҳои мушаххас гузошт.

363
Барчаспҳо:
Абдуҷаббор Раҳмонзода, фарҳанг, мусиқӣ, истиқлолият, Тоҷикистон
День 18 января

Аз ифтитоҳи радиои "Садои Душанбе" то марги 5 ҳазор нафар дар Чин: имрӯзи таърих

0
(Таҷдидшуда 17:45 17.01.2021)
Рӯзи ҳаждаҳуми январ дар Тайиланд – Рӯзи қувваҳои мусаллаҳ таҷлил мешавад. Дар ин рӯз соли 1999 радиои "Садои Душанбе" ба фаъолият оғоз кард

Рӯзи 18 январ дар ҷаҳон чӣ рух дод

Соли 1925 дар Русия аввалин шумораи рӯзномаи "Новый мир" ("Ҷаҳони нав") нашр шуд.

Соли 1960 аввалин маротиба ҳавопаймои Ил-118 аз шаҳри Маскави Русия ба шаҳри Қоҳираи  Миср парвози бетаваққуф анҷом дод.Соли 1964 табибони амрикоӣ аз конгресс даъват карданд, ки ширкатҳои истеҳсолкунандаи тамокуро вазифадор  намояд, то дар қуттиҳои он дар бораи хатари он ба саломатӣ нависанд.

Ҷашнҳои рӯзи 3 январ дар Тоҷикистон ва ҷаҳон

Соли 1974 дар ИҶШС се дараҷаи ордени Шарафи Меҳнат ва медали «Собиқадори меҳнат» таъсис дода шуд.

Соли 1995 дар натиҷаи заминҷунбӣ дар шаҳри Кобеи Ҷопон беш аз 5 ҳазор нафар ба ҳалокат расиданд.

Соли 2018 расонаҳо хабар доданд, Вазорати корҳои хориҷии Амрико оид ба масъалаҳои сайёҳӣ, Ҷумҳурии Тоҷикистонро яке аз мамлакатҳои барои саёҳат амну бехатар арзёбӣ карда, барои сафар ба шаҳрвандонаш тавсия додааст.

Рӯзи 18 январ дар Тоҷикистон чӣ рух дод

Соли 1993 Ҷумҳурии Тоҷикистон узви Созмони ҳамкории иқтисодӣ (СҲИ) шуд.

Соли 1999 Радиои "Садои Душанбе" ба фаъолият оғоз кард.

Соли 2003 бо мақсади такмили низоми идоракунии давлатӣ, президенти ҶТ Фармон дар бораи як қатор тағйирот дар ин низомро ба имзо расонид, ки мутобиқи он ба ҳукумат оид ба барҳамдиҳии баъзе ширкатҳо дастур дода шуд.

Соли 2010 дар ҷаласаи Шӯрои Маҷлиси намояндагони Маҷлиси Олии Ҷумҳурии Тоҷикистон Созишнома оид ба тартиби ташаккул ва иҷрои буҷети Созмони ҳамкории Шанхай ва лоиҳаи низомномаҳои минтақаҳои озоди иқтисодии «Ишкошим» ва «Данғара» мавриди муҳокима қарор дода шуданд.

Ҷашнҳои рӯзи 8 январ дар Тоҷикистон ва ҷаҳон

Соли 2010 дар шаҳри Душанбе Эмомалӣ Раҳмон дар машварати корӣ масъалаи барқарорсозии мавзеъҳои аз заминларза зарардидаи ноҳияи Ванҷро  баррасӣ намуд.

Соли 2011 дар Кумитаи иҷроияи ИДМ дар шаҳри Минск ҷаласаи гурӯҳи тафтишотӣ оид ба мутобиқкунии лоиҳаи Созишнома дар бораи ҳамкорӣ дар самти  омода намудани мутахассисони ҷузъу томҳои зиддитеррористӣ дар муассисаҳои таълимии мақомоти салоҳиятдори давлатҳои узви Иттиҳоди Давлатҳои Мустақил баргузор гардид.

Соли 2017  дар  шаҳри Душанбе зимни мулоқоти Эмомалӣ Раҳмон  бо ноиби Президенти Бонки ҷаҳонӣ оид ба Аврупо ва Осиёи Марказӣ Сирил Мюллер вазъ ва дурнамои ҳамкории дуҷонибаи Тоҷикистон ва Бонки ҷаҳонӣ дар соҳаҳои мавриди таваҷҷуҳ баррасӣ шуданд.

Ҷашнҳои рӯзи 18 январ

Дар Тайиланд – Рӯзи қувваҳои мусаллаҳ.

0
Барчаспҳо:
ҷашн, ҷаҳон, Тоҷикистон