Вазири фарҳанги ҶТ, Шамсиддин Орумбекзода

Вазири фарҳанг: дар Тоҷикистон беш аз 3 000 ёдгории таърихиву фарҳангӣ мавҷуд аст

75
(Таҷдидшуда 13:25 23.11.2017)
Вазири фарҳанги Тоҷикистон Шамсиддин Орумбекзода дар ҷаласаи 10-уми вазирони фарҳанги кишварҳои узви Созмони исломӣ, омӯзишӣ, илмӣ ва фарҳангӣ (ISESCO) дар шаҳри Хартуми Судон иштирок дорад

ДУШАНБЕ, 23 ноя — Sputnik. Вазорати фарҳанги ҶТ хабар медиҳад, ки Тоҷикистон дар ҷаласаи вазирони фарҳанги кишварҳои узви Созмони исломӣ ширкат дорад.

Бино бар иттилои манбаъ, вазири фарҳанги Тоҷикистон Шамсиддин Орумбекзода дар ин ҷаласа дар бораи ҷойгоҳи дини ислом дар Тоҷикистон ва ёдгориҳои таърихиву фарҳанги исломӣ дар кишвар суханронӣ кард.

Ёдовар мешавем, ки ҷаласаи 10-уми вазирони фарҳанги давлатҳои аъзои Созмони исломӣ, омӯзишӣ, илмӣ ва фарҳангӣ (ISESCO) дар шаҳри Хартуми Судон аз 21-уми ноябр то 23-уми ноябр баргузор мешавад.

Вазири фарҳанг ҳангоми  суханронӣ дар ин ҷаласа гуфт, ки Тоҷикистон нисбати созмонҳову иттиҳодияҳои динӣ назари мусбат дорад.

"Илова бар ин, мардуми тоҷик баъд аз зуҳури Ислом ба ин дини ҷаҳонӣ эътиқод дошта, айни замон беш аз 97 дарсади ҷомеаи Тоҷикистонро мусулмонҳо ташкил медиҳанд. Арзишҳои миллии мардуми тоҷик бо арзишҳои исломӣ созгор буда, пайваста дар як масир қарор доранд", — таъкид кард ӯ.

Орумбекзода афзуд, дар Тоҷикистон беш аз 3 000 ёдгории таърихӣ ва фарҳангӣ мавҷуд аст, ки бештар аз 120-тояшон аз ёдгориҳои исломӣ ҳастанд.

"Яъне, ин миқдор ёдгориҳои исломро мақбараву, мадраса ва масҷидҳо ташкил медиҳанд, ки онҳо таърихи хеле кӯҳан доранд масалан: Мақбараи Хоҷа Машҳад — 1200-сол, мақбараи Муҳаммад Башоро — 900 сол, Мақбараи Хоҷа Нақшрон 800- сол, масҷиди Шоҳи Хомуш — 800 сол, масҷиди Дур — Дур 300 — сол, Мақбараи Мир Саид Алӣ Ҳамадонӣ — 700- сол ва бозёфти китоби "Қуръон" аз Қалъаи Ҳулбук асри 9 ва ғайраҳо аз қабили онҳо мебошанд",- гуфт вай.

Ба қавли вазири фарҳанги Тоҷикистон, теъдоди масҷидҳои ҷомеъ ва панҷвақта дар кишвар зиёд мешавад ва ҷавонон дар донишгоҳи исломӣ озодона таҳсил мекнунанд.

"Айни замон дар Ҷумҳурии Тоҷикистон теъдоди масҷидҳои ҷомеъ, панҷвақта ва иттиҳодияҳои динӣ ба 4 998 адад расида, ҳамзамон, дари Донишкадаи исломии Имоми Аъзам барои донишҷӯён боз буда, ҳамасола донишҷӯён ҷиҳати таҳсил ба он дохил мешаванд",- қайд кард ӯ.

Дар охир Шамсиддин Орумбекзода таъкид дошт, ки Тоҷикистон дини исломро дини сулҳ медонад ва муқобили ҳама гуна зуҳуроти ифротгароиву терористист, ки аз номи дини мубини Ислом истифода мекунанд.

75
Барчаспҳо:
Ислом, таърих, фарҳанг, Шамсиддин Орумбекзода, Тоҷикистон
Казы Бишкека, муфтий Садриддин Маджитов

Даргузашти қозии зодаи Тоҷикистон дар Бишкек дар синни 48-солагӣ

1181
(Таҷдидшуда 10:32 11.07.2020)
Садриддин Маҷидов, қозии шаҳри Бишкек ва яке аз руҳониёни шинохтаи Қирғизистон, ки зодаи ноҳияи Ёвони Тоҷикистон буд, даргузашт

ДУШАНБЕ, 11 июл — Sputnik. Раёсати мусалмонони Қирғизистон аз даргузашти Садриддин Маҷидов, қозии шаҳри Бишкек хабар дода, муфтии кишвар Мақсад Токтомушев ба наздиконаш таслият гуфтааст.

Ба иттилои раёсати мусалмонҳои Қирғизистон, Маҷидов 22 июни соли 1972 дар деҳаи Қирғизободи ноҳияи Ёвони Тоҷикистон таваллуд шудааст.

“Ӯ хеле инсони бомасъулият, донишманд ва меҳрубон буд. Дар паҳнсозии арзишҳои аслии Ислом саҳми бузург гузошта, шогирдони зиёд тарбия кард”, - омадааст дар таслиятнома.

Манбаъ зикр кард, ки марҳум бемории қанд дошт, аммо дақиқ сабаби марг гуфта нашудааст.

Дар назар аст, ки Маҷидовро 11 июл дар ноҳияи Қадамҷой, деҳаи Орукзар ба хок супоранд.

1181
Барчаспҳо:
даргузашт, беморӣ, Қирғизистон
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

385
(Таҷдидшуда 23:38 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Далер Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Давлат Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, мегуфт ", - афзуд Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров ба ин аст, ки ҷашнвора метавонад миқёси худр бо филмҳои минтақавии Русия васеътар кунад.

Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

385
Барчаспҳо:
ҷашнвораи кино, Қазон
Хаким Фузайлов. Архивное фото

Ҳаким Фузайлов сармураббии нави "Хуҷанд" таъйин шуд

0
(Таҷдидшуда 09:21 13.07.2020)
Ҳаким Фузайлов, собиқ футбобози машҳур ва мураббии шинохтаи кишвар, сармураббии тими “Хуҷанд”-и Хуҷанд таъйин гардид

ДУШАНБЕ, 13 июл – Sputnik. Тибқи иттилои дафтари матбуотии бошгоҳ, Ҳаким Фузайлов, собиқ сармураббии тими миллии Тоҷикистон  то охири мавсим “Хуҷанд”-ро тамрин хоҳад дод.

Ба иттилои манбаъ, Никол Лазаревич, ки дар аввали сол сармураббии даста таъйин шуда буд, бинобар бастани сарҳадҳои байни кишварҳо бар асари пандемияи ҷаҳонии коронавирус, ба даста кӯмак карда наметавонад.

Манбаъ мегӯяд, Ҳоло Лазаревич дар зодгоҳаш Сербия қарор дорад.

“Мо маҷбур шудем, ки бо сабаби вазъияти ҷаҳонӣ ва алахусус дар тим баамаломада, сари мизи гуфтушунид нишинем. Дар натиҷаи гуфтушунидҳои пурсамар бо ҳайати мураббиёни кунунӣ ва роҳбарияти клуб, ҷонибҳо ба хулосае омаданд, ки даста сармураббии ниёз дорад. Мутаассифона, Никола Лазаревич дар Сербистон аст ва имкони ҳамроҳ шудан ба дастаро бо сабабҳои, ба ҳама маълум, надорад. Мо бо Ҳаким Каюмович ба мувофиқа расидем, ки ӯ дастаро ба мусобиқаҳои дар пешистодаи ватанӣ ва байналмилалӣ омода мекунад ва мӯҳлати шартнома то охири сол эътибор дорад”-гуфт Муроҷон Умаров, директори иҷроияи Хуҷанд.

Фаъолияти мураббигии Фузайлов охири солҳои 90-ум аз роҳбарии бошгоҳи “Бухоро” ва “Динамо”-и Самарқанд оғоз кардааст. Аз соли 2005 то декабри соли 2011 дар “Ростов” ва “Локомотив”-и Маскав мураббии селексионер буд.

Моҳи январи соли 2012 вай ноиби президенти “Локомотив”  Тошканд оид ба масъалаҳои тарбияи бозигарон таъйин карда шуд. Моҳи майи он сол ба ҳайати мураббиён дохил шуд ва баъдан сармураббии даста шуд.

Ӯ ҳамчунин тими миллииТоҷикистон, дасҳои “Истиқлол”, “Куктош” –ро тамрин дода ахиран  аввали моҳи июл ӯ вазифаи сармураббии бошгоҳт “Каганат”-и Қирғизистонро тарк кард.

0