Открытие РЦНК в Худжанде

Раҳбари "Россотрудничество": Хуҷанд ба рӯям дарвозаи ҷаҳони наверо кушод

51
(Таҷдидшуда 20:07 03.12.2017)
Алексей Фролов, сарпарасти Созмони федеролии Русия дар умури кишварҳои ҳамсуд, ҳаммеҳанони бурунмарзӣ ва ҳамкориҳои банйналмилалии гуманитарӣ "Россотрудничество" таассуроташ аз сафар ба шаҳри Хуҷандро боз гуфт

ДУШАНБЕ, 3 дек — Sputnik. Ба гузориши равобити умумии Ҳукумати вилояти Суғд, сарпарасти "Россотрудничество" аз мавзеъҳои таърихӣ, фарҳангӣ ва фароғатии ин шаҳри бостонӣ боздид намуда дар барномаи ситораҳои Филармонияи шаҳри Санкт-Петербург дар "Кохи Рӯдакӣ" ширкат кард.

"Осорхонаи торихӣ, Боғи Камоли Хуҷандӣ, Маҷмааи "Истиқлол", гулҳои зебову пуртароват ва муҳимтар аз ҳама мардуми кушодачеҳраву зебои шаҳри Хуҷанд маро ба ваҷд овард", — гуфтааст Фролов ба хабарнигорон.

"Ман, ки бори аввал ба шаҳри бостонии Хуҷанд омадаам, чеҳраи саршор аз лабханди пиру барнои шаҳр, хиёбонҳои тозаву ороста, мардуми орому пуртамкин, кӯчаҳои обод, хонаҳои тоза, хӯрокҳои болаззатро дидаву чашидам ва фикру зикрамро нисбати миллати тоҷик дигар намудам. Ба қадимию ориёӣ будани ин халқи кӯҳан бори дигар итминон ҳосил кардам. Шаҳри Хуҷанд барои ман дуёни наверо боз намуд. Шумо хуҷандиён бояд ифтихор кунед, ки дар чунин шаҳри зебову ором зиндагӣ ба сар мебаред", — афзудааст вай.

Ёдовар мешавем, ки 30 ноябр дар шаҳри Хуҷанд маросими ифтитоҳи Маркази илму фарҳанги Русия бо ширкати сафири Русия дар Тоҷикистон Игор Лякин-Фролов, сарпарасти "Россотрудничество" Алексей Фролов, муовини раиси вилояти Суғд Анвар Яъқубӣ ва меҳмонон баргузор гардид.

Дар чорчӯби ин маросим дар "Кохи Рӯдакӣ" барномаи фарҳангии ситораҳои Филармонияи шаҳри Санкт-Петербург намоиш дода шуд.

 

 

51
Барчаспҳо:
Тоҷикистон, Русия
Мавзуъ
Россотрудничество дар Хуҷанд ҳам марказ бунёд мекунад
Бехабар намонед: Россотрудничество дар Душанбе намошгоҳи омӯзишӣ баргузор мекунад
Россотрудничество дар Тоҷикистон, Арманистон ва Озарбойҷон филиал мекушояд
Россотрудничество дар омӯзиши улуми дақиқ ба донишҷӯён кӯмак мекунад
Памятник Рудаки, архивное фото

Имрӯз дар Тоҷикистон аз Рӯдакӣ ёд мекунанд: бузургдошти рӯзи Одамушуаро дар ҷумҳурӣ

25
(Таҷдидшуда 16:55 22.09.2020)
Имрӯз 22 сентябр - рӯзи бузургдошти Абуабдуллоҳ Рӯдакӣ, бунёдгузори адабиёти порсӣ-тоҷикӣ дар Тоҷикистон аст

ДУШАНБЕ, 22 сен — Sputnik. Аз соли 2002 бад ин сӯ дар Тоҷикистон ҳамасола 22 сентябр бо номи рӯзи Рӯдакӣ гиромӣ дошта мешавад.

Абуабдуллоҳ Ҷаъфар ибни Муҳаммад ибни Ҳаким ибни Абдураҳмон ибни Одам Рӯдакӣ дар соли 858 дар рустои Панҷрӯди шаҳристони Панҷакент (воқеъ дар Тоҷикистони имрӯза) ба дунё омаду дар дарбори Сомониён аз иззату эҳтироми зиёде бархурдор буд.

Шоирро дар охирҳои умр тибқи навиштаи бархе тазкираҳо бадхоҳонаш кӯр мекунанду ӯ бо анбӯҳи андӯҳ ба зодгоҳаш бармегардад ва дар ҳамон ҷо вафот мекунад.

Дар мавриди шумори ашъори Рӯдакӣ назарҳои мухталифе мавҷуд аст, ки бархе онро як миллиону сесад ҳазор байт гуфтаанд, ки муттаассифона аз он ашъор то замони мо камтар аз 1000 мисраъ боқӣ монда, ки ҳамин миқдори андак аз табъи равону самимияти гуфтори ӯ ҳикоят медиҳанд.

Барои гиромидошти номи устод Абуабдуллоҳ Рӯдакӣ дар гӯшаву канори Тоҷикистон номи яке аз ноҳияҳо ба номи Рӯдакӣ гузошта шудаасту, дар вилояту ноҳияҳо хиёбону кӯчаҳову ва маҳалҳои аҳолинишин номгузорӣ карда шудаанд.

Дар пойтахт шаҳри Душанбе Боғи Устод Рӯдакӣ, хиёбони марказии шаҳр ба номи Хиёбони Рӯдакӣ, муҷассамаи Рӯдакӣ дар хиёбони номбурда, якчанд муассисаҳои давлатӣ номгузорӣ шудаанд.  

Ҳазорҳо нусха китобу нашрияҳо дар бораи эҷодиёти А. Рӯдакӣ пайваста маводҳои илмиву бадеӣ ҳамасола нашр карда истодаанд. Рузи 22- юми сентябр хамчун Рӯзи Рӯдаки ҷашн гирифта мешавад.

25
Барчаспҳо:
ёдбуд, бузургдошт, адабиёт, Абӯабдуллоҳ Рӯдакӣ, Рӯдакӣ, Тоҷикистон
Ҳунраманд Ҷонибек Муродов

"Нурияҷон": нашри таронаи нави Ҷонибек Муродов-садо

312
Овозхони шинохтаи мусиқии попи тоҷик Ҷонибек Муродов таронаи нави худро пас аз чанд моҳи таваққуф пешкаши мухлисонаш кард

ДУШАНБЕ, 21 сен - Sputnik. Таронаи нави Ҷонибек Муродов  таҳти унвони “Нурияҷон” се рӯз қабл нашр шуда, мақбули ҳаводоронаш гаштааст.

Таронаи ҷадиди овозхон дар канали JM Company мунташир шуда, давоми ин муддат ҳазорҳо маротиба бозбинӣ шудаву беш аз ду ҳазор лайк гирифтааст.

Оҳанги тарона аз Муқтадо Ғарбавӣ буда, нависандаи тарона Ризо гуфта мешавад.

Қаблан Ҷонибек ҳамроҳи овозхони шинохтаи ӯзбек Юлдуз Турдиева бо забони тоҷикиӣ  “дуэт”-и “Азизи дилам”-ро сароида буд, ки аз ҷониби корбарони интернетии тоҷикону ӯзбекон хуб истиқбол шуд.

Ҳамзамон пештар аз он Ҷонибек бо падараш Ҷӯрабек Муродов, ҳунармандони номӣ таронаи “Мусофир”-ро ба муҳоҷирон бахшида буданд.

312
Барчаспҳо:
тарона, Ҷонибек Муродов, овозхон, Тоҷикистон
Тепловоз, архивное фото

Туркманистон сохтмони роҳи оҳани Афғонистон то сарҳади Тоҷикистонро анҷом хоҳад дод

0
(Таҷдидшуда 18:43 22.09.2020)
Намояндагони Туркманистон ва Афғонистон ҳамкориҳои минбаъда оид ба сохтмони роҳи оҳане, ки кишварҳои Осиёи Марказиро метавонад бо ҳам пайвандад, баррасӣ намуданд

ДУШАНБЕ, 22 сен – Sputnik. Намояндагони ожонсии “Роҳи оҳани Туркманистон” ва Идораи роҳи оҳани Вазорати нақлиёти Афғонистон доир ба сохтмони роҳи оҳан дар доираи лоиҳаи ТАТ-ро гуфтугӯ анҷом доданд, иттилоъ додааст рӯзномаи интернетии “Turkmenistan.ru”.

Аз ҷумла тарафҳо сохтмони қитъаи роҳи оҳани Акина –Андхой ва Тургунди-Ҳиротро баррасӣ карданд.

Дар ҳоли ҳозир, 1,5 километр роҳи оҳан сохта шудааст. Ҳамчунин аз 33 иншооти обгузар, сохтмони 16 иншоот ба анҷом расидааст.

Баъд аз анҷоми хобондани роҳи оҳан дар қитъаи Акина – Андхой, қарор аст сохтмони ин роҳи оҳан то марзи Тоҷикистон идома ёфбад.

Ҳангоими гуфтушунид, таъкид шудааст, ки роҳи оҳани мазкур имкон медиҳад ба Афғонистон ба муносибатҳои иқтисодӣ боз ҳам бештар ҷалб шавад.

Гуфта шудааст, ки ин раванд метавонад ба пойдори сулҳ дар ин кишвар мусоидат кунад.

0
Барчаспҳо:
баррасӣ, сохтмон, роҳи оҳан, Афғонистон, Туркманистон, Тоҷикистон