Фортепиано. Акс аз бойгонӣ

Ҷаннати 12-сола чиниҳоро тасхир кард

195
(Таҷдидшуда 16:04 05.01.2018)
Дар шаҳри Пекини Чин консерти навозандаи ҷавони тоҷик Ҷаннат Ҳусейнзода баргузор шуд

ДУШАНБЕ, 5 янв — Sputnik.  Дар ин бора равобити умумии Вазорати фарҳанг хбар медиҳад.

Ба гузашти манбаъ, моҳи декабри соли 2017 дар қароргоҳи Созмони ҳамкориҳои Шонгҳой дар шаҳри Пекин консерти камеравии донишҷӯи Коллеҷи санъати ба номи А. Бобоқулови шаҳри Душанбе Ҷаннат Ҳусейнзодаи 12-сола баргузор шудааст.

 

Консерти мазкур дар доираи силсилаи "Нӯҳ нотаи сеҳрофар" бо ибтикори Котиботи СҲШ ва сафорати Тоҷикистон дар Чин гузаронида шудааст.

Гуфта мешавад, ки Котиботи генералии СҲШ бо равон кардани мактуби расмӣ бо номи Ҷаннат Ҳусейнзода ба Ҳукумати Тоҷикистон ва ба Вазорати фарҳанги муроҷиат карда будааст. 

Сафири Тоҷикистон дар Чин Парвиз Давлатзода Ҷаннатро самимона ба Пекин хайрамақдам гуфта, дар бораи маҳорати нодири пианинонавози наврас гуфтааст.

"Мухлисони Ҷаннат ӯро барои иҷрои беҳамтои мусиқии композиторони номвар мисли Бах, Чайковский ва Бетховен, инчунин барои асарҳое, ки худи Ҷаннат эҷод кардааст, дӯст медоранд". 

Барномаи консертӣ, ки Ҷаннат Ҳусейнзода ва бо устодаш махсус омода кардааст, асарҳои В.А.Мотсарт, Ф.Менделсон, Я.Сибелиус, Ф.Шопен, Готтшалк ва чанд асарҳои лирикии композиторони муосири хитоиро дар бар гирифтааст.

Худи Ҷаннат мусиқиеро таҳти унвони "Баҳор" пешкаши ҳозирин кардааст.

Дар чорчӯби ин чорабинӣ намоиши аккосӣ таҳти унвони "Таърихи маданияти мусиқии халқи тоҷик" ба маъраз гузошта шудааст. Меҳмонони чорабинӣ, расмҳои ёдгориҳои нодир аз қабили бонуи уднавоз — бозёфти асрҳои VI-VII мелодӣ дар Панҷакенти қадим, ҳайкалчаи асримиёнагии бонуи дафнавоз, ки дар вохӯрии Шоҳи Сосониён Хусрав ва дӯстдоштаи ӯ Ширин иштирок дошт, саҳнаи вохӯрии Шоҳ Хусрави Парвиз ва Борбад ва ғайраҳоро тамошо карданд. 

Дар намоишгоҳ инчунин зиндагиномаи санъаткорони барҷаста ва композиторон, арбобони шоистаи санъати халқи тоҷик мисли Зиёдулло Шаҳидӣ, Аъзам Камолов, Шоҳназар Соҳибов, Ҳанифа Мавлонова, Зафар Нозимов, Одина Ҳошимов, Фирӯз Баҳор, Дамир Дустмуҳамедов, Талабхӯҷа Сатторов, Шарофиддин Сайфиддинов, Толибхон Шаҳидӣ ва дигарон ҷой дода шуда буданд. 

Ҳусейнзода Ҷаннат  донишҷӯи курси якуми шӯъба ва ихтисоси "Фортепиано"- и Муассисаи давлатии "Коллеҷи санъати Душанбе ба номи А.Бобоқулов" мебошад.

Ӯ аз панҷсолагӣ бо омӯзиши мусиқӣ машғул аст. Дар навохтани пианино ва скрипка маҳорати хос дошта, қобилияти дирижерӣ ва эҷоди асарҳои мусиқӣ ҳам дорад. Ӯ иштирокчии чандин озмун ва ҷашнвораҳои байналмиллалӣ дар кишварҳои гуногун аз қабили Узбакистон, Миср, Фаронса, лауреат ва барандаи медали тиллоии "The Golden Festival International" (Париж, моҳи маи 2015) мебошад.      

195
Барчаспҳо:
консерти инфиродӣ, Ҷаннат Ҳусейнзода, Пекин
Маросими пешвози меҳмонон, акс аз бойгонӣ

Сафари фарҳангиёну адибони Ӯзбекистон ба Тоҷикистон

103
(Таҷдидшуда 14:31 28.09.2020)
Ҳукумати вилояти Суғд аз сафари як ҳайати намояндагони илму адаб ва фарҳанги Ӯзбекистон ба Тоҷикистон хабар дод

ДУШАНБЕ, 28 сен — Sputnik. Гуруҳи намояндагони аҳли илму адаб ва фарҳанги ҷумҳурии Ӯзбекистон тавассути гузаргоҳи сарҳадии “Фотеҳобод” ба вилояти Суғди Тоҷикистон ташриф оварданд, хабар дод котиботи ҳукумати Суғд.

Манбаъ афзуд, ки ҳайати меҳмононро муовини раиси вилояти Суғд, Анвар Яъқубӣ ва намояндагони Вазорати фарҳанги  Тоҷикистон гарму самимӣ истиқбол гирифтанд.

“Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад”, - омадааст дар иттилоия.

Таъкид шудааст, ки меҳмонон давоми рӯз аз Маҷмааи фарҳангию “Қалъаи Хуҷанд”, Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Манбаъ афзуд, ки сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Дар шаҳри Душанбе феълан сафари ҳайати Ӯзбекистон давом дорад.

103
Барчаспҳо:
илм, фарҳанг, Ӯзбекистон, Тоҷикистон
Сангҳои сари роҳ, акс аз бойгонӣ

Раҳмон аз бошишгоҳи одамони асри санг ва шаҳри Мунк дар Ховалинг гуфт

176
Эмомалӣ Раҳмон, раисиҷумҳури Тоҷикистон, аз мавзеъҳои таърихӣ дар ноҳияи Ховалинг гуфта, дастур дод, ки сайёҳони дохилию хориҷӣ ба онҳо бештар ҷалб карда шаванд

ДУШАНБЕ, 27 сен — Sputnik. Тибқи иттилои котиботи раисҷумҳури Тоҷикистон, Эмомалӣ Раҳмон гуфт, ноҳияи Ховалинг бо таърихи бостонӣ ва фарҳанги ғании худ маълуму машҳур мебошад.

Ӯ афзуд, дар ҳудуди он шумораи зиёди ёдгориҳои таърихиву фарҳангӣ, аз қабили мазори Султон Увайси Қаранӣ, Боғ – осорхонаи Восеъ, шаҳри Мунки қадим, бошишгоҳҳои одамони асри санг ва маъбади буддоии Чепол мавҷуданд, ки барои сайёҳони дохиливу хориҷӣ бисёр ҷолиб мебошанд.

“Аз ин лиҳоз, обод нигоҳ доштани мавзеъҳои табииву таърихӣ ва ҳарчи бештар ҷалб кардани сайёҳони дохиливу хориҷӣ аз ҷумлаи вазифаҳои муҳимтарини роҳбарону масъулони ноҳия ва Кумитаи рушди сайёҳӣ ба ҳисоб меравад.”, - омадааст дар матни суханронии раисиҷумҳур.

Ба гуфтаи Раҳмон, илова ба ёдгориҳои нодири таърихӣ ва табиати зебои ин диёр муҳайё сохтани инфрасохтори зарурӣ барои рушди сайёҳӣ, бахусус, сайёҳии табобативу экологӣ ва ҷалби сайёҳони дохиливу хориҷӣ яке аз воситаҳои асосии бо ҷойи кор таъмин намудани аҳолӣ ва беҳтар гардонидани сатҳи зиндагии сокинони ноҳия мебошад.

Ӯ таъкид кард, ки ин раванд бояд дар доираи чорабиниҳои солҳои рушди деҳот, сайёҳӣ ва ҳунарҳои мардумӣ вусъат дода шавад.

176
Президент Республики Таджикистан Эмомали Рахмон

Тағйироти кадрӣ бо 7 фармони Раҳмон: аз мақоми нави Давлаталӣ Назрӣ то сардори разведка

1488
(Таҷдидшуда 21:03 28.09.2020)
Эмомалӣ Раҳмон, раисиҷумҳури Тоҷикистон, имрӯз бо имзои 7 фармону як қарор дар сохтори Вазорати умури хориҷӣ ва Гвардияи миллии ҷумҳурӣ тағйироти кадрӣ анҷом дод

ДУШАНБЕ, 28 сен — Sputnik. Бо фармони раисиҷумҳур, полковник Сатторов Ҳасан Мирзоевич сардори Раёсати разведкаи Гвардияи миллии Ҷумҳурии Тоҷикистон таъйин гардид.

Раҳимзода Султон Нурмаҳмадпур бо фармони раисиҷумҳур аз вазифаи сафири Тоҷикистон дар Ҳиндустон озод гардида, бо қарори Эмомалӣ Раҳмон раиси Кумитаи иҷроияи Фонди байналмиллалии наҷоти Арал таъйин шуд.

Бобокалонзода Луқмон сафири нави Тоҷикистон дар Ҳиндустон таъйин гардид.

Холбобоев Файзулло Самадович бо сабаби ба кори дигар гузаштан аз вазифаи сафири Тоҷикистон дар Украина озод гардида, ба ҷои ӯ Назризода Давлаталӣ Ҳайдар, сафири Тоҷикистон дар Украина таъйин шуд.

Имом Шарофиддин Зуҳуриддинзода бо сабаби ба нафақа баромадан аз вазифаи сафири Тоҷикистон дар Ҷумҳурии Исломии Афғонистон озод карда шуд. Шарифӣ Саъдӣ сафири нави Тоҷикистон дар Ҷумҳурии Исломии Афғонистон таъйин гардид.

1488