Госдепартамент США, архивное фото

Вазорати хориҷа ба амрикоиҳо тавсия карда аз Тоҷикистон боздид кунанд

76
(Таҷдидшуда 17:47 12.01.2018)
Тоҷикистон яке аз амнтарин кишварҳо дониста шуда ва сафар ба ин кишвар барои шаҳрвандони Амрико тавсия шудааст

ДУШАНБЕ, 12 янв — Sputnik. Вазорати умури хориҷии Иёлоти Муттаҳидаи Амрико феҳристи кишварҳоеро мунташир кардааст, ки боздид аз онҳо барои гардишгарони амрикоӣ тавсия шудааст.

Дар ин феҳрист кишварҳо ба нисбати амнияташон барои гардишгарон дар чаҳор гурӯҳ радабандӣ шудаанд. Тоҷикистон дар гурӯҳи амнтарин кишварҳо ҷой гирифта ва сафар ба ин кишвар барои шаҳрвандони Амрико раво дониста шудааст.

Вазорати умури хориҷии Амрико ҳамсояҳои Тоҷикистон – Узбакистон, Туркманистон ва Қазоқистонро низ дар ҳамин гурӯҳ ҷой додааст.

Дар гурӯҳи ноамнтарин кишварҳо барои амрикоиҳо Афғонистон, Эрон, Ироқ, Сурия, Либӣ, Малӣ, Яман, Куреи Шимолӣ, Судони Ҷанубӣ ва Ҷумҳурии Африкои Ҷанубӣ ҷой дода шудаанд.

Вазорати умури хориҷии Амрико хатарҳоеро, ки ба шаҳрвандони Иёлоти Муттаҳида дар ин кишварҳо таҳдид мекунанд низ бар шумурда, ки теруризм, табаҳкорӣ, ошӯбҳои иҷтимоъӣ, балоҳои табиъӣ ва пешомадҳои пизишкиву дармонӣ дониста шудаанд.

Тоҷикистон соли 2018-ро Соли рушди гардишгарӣ ва ҳунарҳои мардумӣ эълом кардааст. Ин тавсияи ВУХ Амрико метавонад анбӯҳе аз гардишгарони амрикоиро ба Тоҷикистон сарозер кунад. 

76
Барчаспҳо:
феҳристи кишварҳои амн барои гардишгарони амрикоӣ, ВУХ Амрико, Тоҷикистон-Амрико
Мавзуъ
Дар соли рушди сайёҳӣ: дар Душанбе нахустин Маркази иттилоотии гардишгарӣ ифтитоҳ шуд
Тоҷикистон ба 10-гонаи кишварҳои аҷиби гардишгарӣ ворид шуд
Иқдомҳои Эмомалӣ Раҳмон ва Рустам Эмомалӣ барои ҷалби гардишгарон ба Тоҷикистон
Жители Таджикистана встретили праздник Ид аль-Фитр или Иди Рамазон

Дар Тоҷикистон Иди Рамазон таҷлил мешавад

570
(Таҷдидшуда 13:59 24.05.2020)
Имсол ба далели паҳншавии коронавируси навъи COVID - 19 дар Тоҷикистон таҷлили оммавии Иди Рамазон манъ шуд

ДУШАНБЕ, 24 май — Sputnik. Мусулмонони Тоҷикистон имрӯз, Иди Фитр поёни моҳи мубораки Рамазонро ҷашн мегиранд.

Иди Фитр, пас аз 30 рӯзи рӯзадорӣ дар поёни моҳи мубораки Рамазон қайд карда мешавад.

Иди Фитр дар сиюмин рӯзи моҳи мубораки Рамазон пас аз ғуруби офтоб дар оғози моҳи Шаввол таҷлил мешавад.

Чун дигар идҳои мусалмонӣ Иди Рамазон рӯзи дақиқ надорад ва вобаста ба тақвими мусалмонӣ муайян карда мешавад.

Маъмулан Иди Фитр дар Тоҷикистон бо гузоштани намози ид оғоз шуда, бо идгардаки кӯдакон ва хабаргирии пайвандону дуохонӣ дар ҳақци гузаштагон идома мекунад.

Имсол ба далели паҳншавии коронавируси навъи COVID - 19 дар Тоҷикистон таҷлили оммавии Иди Рамазон манъ шуд. Ба хотири ҳифзи саломатии мардум намози ид дар хонаҳо гузошта шуд ва дари масҷид баста гардид.

Омӯзгорон муваззаф шуданд дар рӯзи ид рафтори шогирдонашонро зери назорат гиранд

Президенти Тоҷикистон Эмомалӣ Раҳмон мардуми кишварро ба муносибати ин ҷашн табрик карда, гуфт имсол Иди Рамазон дар авҷи паҳншавии коронавирус дар Тоҷикистон рост омад ва ба хешу пайвандону хонаводаҳое, ки наздикони худро аз даст додаанд, изҳори ҳамдардӣ кард.

Бино ба додаҳои Вазорати тандурустии Тоҷикистон, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

570
Барчаспҳо:
таҷлил, Иди Рамазон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Юбилейный показ дизайнера Хуршеда Сатторова

Аз Шабнам то Нигинаю Мадина: аксияи хайриявии ситораҳои шоу-бизнес - видео

945
(Таҷдидшуда 13:33 24.05.2020)
Ситораҳои эстрадаи тоҷик дар давраи ҳамагирии коронавируси навъи COVID - 19 ва арафаи Иди Рамазон дар Тоҷикистон аксияи хайриявӣ роҳандозӣ карданд

ДУШАНБЕ, 24 май — Sputnik. Дар Тоҷикистон дар остонаи Иди Фитр нахустин аксияи хайриявии аҳли санъату фарҳанг роҳандозӣ шуда, ба 50 хонаводаи ниёзманд маводи ғизоӣ кумак расонида шуд.

Дар аксия Шабнами Сурайё, Нигина Амонқулова, Мадина Ақназарова, Хуҷастаи Мирзовалӣ, Зайнура Пулодова, Шабнами Собирӣ, ровӣ ва рӯзноманигор Мубориз Усмонов, Сабринаи Назрӣ ва ғайраҳо ширкат кардаанд.

Посмотреть эту публикацию в Instagram

Аввалин челлендж (аксияи хайрияви) миёни ахли санъату фархангу сухан рохандози намудем. Ташаккур ба ташкилкунандагон : @madinaaknazarova_ @rajahmadofficial @delay_dobro_tajikistan Ин навори таргиби (реклама) ва хайп нест, танхо ба хотири водор намудани Шумо азизон дар рохи анчом додани амалхои хайр аст. Мо дар якчояги кудратмандем, ки дасти чандин маъюбону ниёзмандону беморонро бигирем. Пеш аз хама миннатдории худро ба хамаи шахсоне, ки челленчи моро дастгири карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем. Ин танхо огози кори мост. Дар челленчхои оянда мо шахсонеро даъват менамоем, ки имконияти моли доранд , мувофики имконият 1, 5 ,10 сомони ба оилахое, ки дар ин давраи вазнин мухточи дастгириянд, ёрдам намоем. Биёед якдигарро дар ин рузхои сахт дастгири кунем. @nurov_a_i @rajahmadofficial @nigina_amonqulova @khujasta.m @mubor1z @zulaykhoofficial @rafaelgulov @shabnamsurayoofficial @shabnami_sobiri @sabrinai_nazri_official @umedjoni_burhon @_rukhshonakarimova_ @safinajon___8 @fatim.9595 @bonu_shop_tj @zaynura_pulodova @showshotime @pulatovagulasal @shahnozirustam.official @soffi_1111_official @delay_dobro_tajikistan

Публикация от Madina Aknazarova (@madinaaknazarova_)

"Ин навори тарғибӣ ва хайп нест, танхо ба хотири водор намудани Шумо азизон дар роҳи анҷом додани амалҳои хайр аст. Мо дар якҷоягӣ қудратмандем, ки дасти чандин маъюбону ниёзмандону беморонро бигирем. Пеш аз ҳама миннатдории худро ба ҳамаи шахсоне, ки челленҷи моро дастгирӣ карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем", - гуфтаанд дар шарҳи аксия сарояндагон ва афзудаанд, ки ин оғози кор буда дар аксияҳои оянда ба ин кори хайр ашхоси доро ҷалб мешаванд.

Кумаки як миллионӣ: ба муҳоҷирони ниёзманди Маскав 37 тонна маводи ғизоӣ доданд

Аз навор дида мешавад, чӣ гуна мардуми ниёзманд аз дастгирии ситораҳо изҳори шодмонӣ мекунанд ва дар ҳаққи онҳо дасти дуо мебардоранд.

Вазорат омори нави гирифторон, шифоёфтагон ва фавтидагон аз COVID-19 -ро гуфт

Вазорати тандурустии Тоҷикистон мегӯяд, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

945
Барчаспҳо:
кумак, кори хайр, ситораҳо, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Эмомали Раҳмон, раисиҷумҳури Тоҷикистон, акс аз бойгонӣ

Қарори Ҳукумат барои пардохти кумакпулиҳо ба мардум: киҳо ва чанд сомонӣ мегиранд?

0
Эмомалӣ Раҳмон, раисиҷумҳури Тоҷикистон, бо имзои қарори Ҳукумат, тартиби нави пардохти кумакпулиҳои иҷтимоӣ ба оилаҳои камбизоатро тасдиқ карда, барои иҷрои он дастур додааст

ДУШАНБЕ, 27  май — Sputnik. Тибқи тартиботи нав, кумакпулиҳои иҷтимоӣ ба камбизоатон аз буҷаи давлат дар ҳаҷми 116 сомонӣ ҳар чормоҳа, дар маҷмуъ соле 464 сомонӣ пардохт мегардад.

Бар асоси қарор, ки Эмомалӣ Раҳмон, 14 май имзо кардааст, кумакпулиҳо ба бархе навоҳӣ аз 1 июл пардохта мешавад.

Таъйину пардохти кумакпулиҳо аз 1 июл барои оилаҳо ва шаҳрвандони камбизоат дар навоҳии Вахш, Восеъ, Данғара, Дӯстӣ, Кӯшониён, Носири Хусрав, Мир Сайид Алӣ Ҳамадонӣ, Қубодиён, Хуросон, Ҷайҳун ва Абдураҳмони Ҷомии вилояти Хатлон амалӣ мешавад.

Кумакпулиҳо барои камбизоатон инчунин дар шаҳру навоҳии Гулистон, Исфара, Истиқлол, Ашт, Мастчоҳ, Ҷаббор Расулов, Бобоҷон Ғафуров, Деваштич ва Спитамени вилояти Суғд, шаҳру навоҳии тобеи марказ – Варзоб, Ваҳдат, Роғун ва Турсунзода таъйин мешавад.

Дар қарор инчунин омадааст, ки аз 1 июл барои камбизоатон дар навоҳии Сино, Фирдавсӣ, Шоҳмансур ва Исмоили Сомонии шаҳри Душанбе низ пардохт мегарданд.

Бар асоси тартиби муқарраршуда, барои дастрас кардани пардохту кумакпулиҳои иҷтимоӣ афроду оилаҳои камбизоат бояд дар мақомоти маҳаллии ҷои истиқоматашон ба қайд гирифта шаванд.

0
Барчаспҳо:
камбизоат, кумакпулӣ, Тоҷикистон