Боғи Ирам, акс аз бойгонӣ

Дар Тоҷикистон озмуни ҷумҳуриявии "Беҳтарин оилаи ҳунарманд" баргузор мешавад

35
(Таҷдидшуда 16:30 06.05.2018)
Озмун 14 май дар муассисаи далвтии "Боғи Ирам" баргузор мешавад. Оғози барнома соати 08:30

ДУШАНБЕ, 6 мая — Sputnik. Дар Тоҷикистон озмуни ҷумҳуриявии  "Беҳтарин оилаи ҳунарманд" баргузор мешавад, хабар медиҳад дафтари матбуотии Кумитаи занон ва оилаи Тоҷикистон.

Бино бар иттилои манбаъ, озмун ба Рӯзи байналмилалии оила, ки ҳамасола 15 май ҳамчун "Рӯзи оила" ҷашн гирифта мешавад ва ба муносибати эълон гардидани соли 2018 "Соли рушди сайёҳӣ ва ҳунарҳои мардумӣ"  бахшида мешавад.

"Беҳтарин оилаи ҳунарманд" миёни оилаҳои ҳунарманди кишвар санаи 14 майи соли равон дар "Боғи Ирам" гузаронида мешавад",- гуфта мешавад дар иттилои манбаъ.

Оғози барнома соати 08:30 ва даромад озод аст.

Пештар дар Хуҷанд низ  бахшида ба таҷлили Рўзи ҷавонони Тоҷикистон таҳти унвони "Ҷавонон — пайрави Пешвои миллат!" мусобиқаи шоҳмот баргузор шуд.

Дар он байни писарон ҷои якумро Дориюш Усмонов, хонандаи гимназияи ба номи Ё.В.Гёте, ҷои дуюмро Муҳаммад Осимӣ хонандаи литсейи донишкадаи политехникӣ ва ҷои сеюмро Ҷаъфар Деҳқонов хонандаи гимназияи ба номи Ё.В.Гёте соҳиб гардиданд.

35
Барчаспҳо:
ҳунарманд, Муассисаи давлатии илмии марказии "Боғи Ирам", Тоҷикистон
Маросими дафни Баҳром Гафурӣ

Сипоси падари Баҳром Ғафурӣ ба ғамшарикони хонадонаш

122
Хонаводаи Бахром Ғафурӣ, овозхони марҳуми тоҷик, ба тамоми дӯстону азизоне, ки тариқи шабакаҳои иҷтимоӣ ва расонаҳо ғамшарикӣ кардаанд, изҳори сипос кардааст

ДУШАНБЕ, 12 авг — Sputnik. Баҳром аввал ба шумо – миллати бошараф ва мухлисони азизаш, сипас ба хонаводаи мо тааллуқ дошт, омадааст дар изҳороти хонаводаи мотамзада.

“Аз замин то осмон аз якояки шумо миннатдорем. Худованд ҳамаи шуморо аз балову офатҳои заминиву осмонӣ нигаҳбон бошад!”, - дуо кардаанд аҳли байти сароянда.

Сипосномаро яке аз дӯстони хонавода, рӯзноманигор Фахриддини Холбек дар саҳифаи фейсбукияш аз номи падари хонадон - амаки Шамсиддин, бародарони Баҳром - Анвар, Музаффар, Вайсиддин, писаронаш – Анӯшервон ва Эҳсон ва бақияи аъзои хонаводаи Баҳром Ғафурӣ нашр кардааст.

Баҳром Ғафурӣ бар асари садамаи маргбор санаи 7-уми августи соли равон, тахминан соати 04:00 ҷон дода буд.

Бино бар иттилои ВКД, ронандаи автомашинаи тамғаи “Ланд-крузер-200”, рақами қайди давлатиаш 01-57JJ01, Анварзода Ислом Қурбон, соли таваллудаш 1991, муовини прокурори ноҳияи Фирдавсӣ, дар хиёбони Рӯдакии шаҳри Душанбе суръати автомашинаро баланд карда, ба автомашинаи тамғаи “Камаз” бархӯрдаааст. .

Ба иттилои мабаъ, дар натиҷа мусофири дохили автомашинаи мазкур Баҳром Ғафурӣ, соли таваллудаш 1976, сароянда, дар ҷойи ҳодиса ба ҳалокат расидааст.

Ҳамзамон манбаъ қайд кардааст, ки худи ронанда Анварзода ва мусофири дигари автомашина Зарипов Баҳодур, соли таваллудаш 1986, сокини деҳаи Кангурти ноҳияи Темурмалик ҷароҳатҳои ҷисмонӣ бардошта, дар беморхона бистарӣ гардидаанд.

122
Барчаспҳо:
ҳалокат, садама, овозхон, Тоҷикистон
Министр культуры Таджикистана Давлатзода Зулфия Давлат

Супоришҳои Давлатзода ба масъулини Суғд барои таъмири мақбараи Абуабдуллоҳ Рӯдакӣ

159
(Таҷдидшуда 14:29 12.08.2020)
Вазири фарҳанги Ҷумҳурии Тоҷикистон Зулфия Давлатзода ба ноҳияи Панҷакент рафта, бо ҷараёни корҳои омодагӣ ба таҷлили 5500-солагии Саразми бостонӣ ошно гардидааст.

ДУШАНБЕ, 12 авг — Sputnik. Тибқи иттилои Вазорати фарҳанги Тоҷикистон, дар доираи сафари кории худ ба вилояти Суғд, вазири фарҳанги Ҷумҳурии Тоҷикистон Зулфия Давлатзода ба ноҳияи Панҷакент рафта, бо ҷараёни корҳои омодагӣ ба таҷлили 5500-солагии Саразми бостонӣ ошно гардидааст.

"Давлатзода дар Маҷмааи ҷумҳуриявии таърихию фарҳангии Панҷрӯд аз рафти корҳои тармиму таъмири мақбараи Устод Рӯдакӣ дидан намуд ва бо масъулини муассиса вохӯрда, барои ҷонноктар кардани ҷараёни кор супоришҳо дод", - омадааст дар хабарнома.

Боиси зикр аст, ки 7 август Вазири фарҳанг Зулфия Давлатзода дар доираи сафари кориаш ба вилояти Суғд дар шаҳраки Бӯстони ноҳияи Мастчоҳ бо ҷараёни сохтмони Қасри фарҳанг, ки дар арафаи таљлили Истиќлолияти давлатии Тољикистон мавриди бањрабардорї ќарор мегирад, шинос гардида буд.

Қасри фарҳанги ноҳияи Мастчоҳ бо ҳазор ҷои нишаст  бунёд шуда истодаст. Тибқи иттилои масъулини сохтмон иншоот дар муҳлати муқарраршуда ба истифода дода мешавад.

Зулфия Давлатзода зимни сафар бо аҳли фарҳанги ноҳияи Мастчоҳ ва дар шаҳри Хуҷанд бо кормандони раёсати фарҳанги вилояти Суғд вохӯрӣ намуда, фаъолияти минбаъдаи Қасри фарҳангро мавриди таваҷҷуҳи масъулин қарор додааст.

Дар Австралия ҳам аз устод Абуабдуллоҳ Рӯдакӣ ёд хоҳанд кард

Ӯ таъкид кардааст, ки бо ба истифода додани ин бинои замонавӣ бобати ҷалби мутахассисон ва ҳунарпешагони ҷавону болаёқат тадбирҷўӣ намуда, фаъолияти онро ба таври муосир ба роҳ монанд.

Ҳамчунин, бо истифода аз захираҳои дохилии зеҳниву кадрӣ пайваста кўшиш ба харҷ диҳанд, ки рисолати касбии хешро дар самти тарбияи маънавии ҷомеа, баланд бардоштани руҳияи худогоҳиву худшиносии миллӣ, ватандўстӣ, эҳтиром ба арзишҳои волои милливу таърихӣ адо намоянд.

159
Барчаспҳо:
таъмир, мақбара, Абуабдуллоҳ Рӯдакӣ, Вазорати фарҳанг, Суғд

Муҳоҷиронро дигар ба марзи Қазоқистон намемонанд: полиси Самара роҳро назорат мекунад

0
Муҳоҷирони меҳнатӣ, ки дар сарҳади Русия ҷамъ омада буданд, берун карда шуданд, аммо мақомоти минтақа барои пешгирии такрори ин ҳолат чораҳо меандешанд

 

ДУШАНБЕ, 12 авг — Sputnik.  Дар маҷмӯъ, то 7 август беш аз ду ҳазор шаҳрванди Узбакистон ва инчунин тақрибан сад шаҳрванди Тоҷикистон аз марзи Русия ва аз вилояти Самара хориҷ карда шуданд.

Дар ин бора ба Sputnik Тоҷикистон хадамоти матбуоти Ваколатдор оид ба ҳуқуқи инсон дар вилояти Самара Олга Галтсова хабар дод.

Ба иттилои манбаъ, бурдани шаҳрвандони хориҷӣ бар асоси марҳилаҳо сурат гирифта, мувофиқи омадани онҳо ба сарҳади Русия амалӣ карда шуд.

Номбурда гуфт, барои онҳое, ки меомаданд, лагери хаймаҳо бо тамоми шароити зарурӣ ташкил карда шуда буд.

Ба гуфти ӯ, шаҳрвандони Тоҷикистонро бо ҳавопаймо рӯзи 28 июл аз Қазон интиқол доданд ва охирин гурӯҳи муҳоҷирони ӯзбекро 7 август ба кишварашон сафарбар кардаанд.

Аммо эҳтимолияти он, ки муҳоҷирон ба доми қаллобон афтода, дубора ба сарҳади Русия биёянд, боқӣ мемонад, афзудааст Олга Галтсова.

Қиссаи бедаракшавии муҳоҷири тоҷик: аз латукӯб то гум шудани хотира-видео

"Бо мақсади пешгирии ҷамъшавии минбаъдаи шаҳрвандони хориҷӣ дар қаламрави ноҳияи Болшечерниговски вилояти Самара ва инчунин ҷилавгирӣ аз кӯшиши воридшавии онҳо ба қаламрави вилояти Оренбург, постгоҳи назоратӣ таъсис дода шуд", гуфтааст манбаъ.

0
Барчаспҳо:
Ӯзбекистон, Тоҷикистон, Қазоқистон, муҳоҷирон, марз, Самара, Русия