Шаҳодат Ҳомидова бо наберааш

Сабадбофии холаи Шаҳодат: ҳунари аҷдодӣ хонаводаро мехӯронад (НАВОР)

135
Шаҳодат Ҳомидова, сокини 57 солаи рустои Кулангири ноҳияи ба номи Бобоҷон Ғафуров, мегӯяд беш аз 40 сол аст, ки зиндагии худу аъзои хонаводаашро аз пушти ҳунари аҷдодии сабадбофӣ таъмин мекунад

ДУШАНБЕ, 20 сен — Sputnik, Қамари Аҳрор. Ҳунари сабадбофӣ тавре мегӯяд, холаи Шаҳодат  барои ӯ меросӣ буда, дуруст вақте, ки 7 - сола буд, фориғ аз тадриси мактаб дар канори модараш нишаста ва бо завқи томи кӯдакона вижагиҳои ин корро аз худ намудааст.

“Модарам Отуной Ҳомидова ҳунарманди сабадбоф буданд. Дар овони кӯдакӣ мо ба ҷамъоварии навдаи панҷарагули сабадӣ ба атрофи кӯчаҳои маҳалла  мебаромадем. Аз ҳамон замонҳо ба ин кор шавқ пайдо карда будам. Модарам ҳам ин завқи маро дарк мекарданд ва бо муҳаббат ин ҳунарро меомӯзонданд”, - ба ёд овард Ҳомидова. 

Ҳоло сабадҳое, ки бо зӯри панҷаҳои холаи Шаҳодат офарида мешаванд, барои нигоҳ доштани лавозимот дар рӯзгори  хонаводаҳои Тоҷикистон чи дар шароити шаҳр ва чи дар рустоҷойҳо фаровон истифода мешаванд. Бино ба гуфти ин хонуми ҳунарманд, ҳоло агар баъзеи  мизоҷон сабадро ҳамчун қошуқдон, барои гузоштани нон ва ё гул истифода кунанд, баъзеи дигар аз ҷумла  мансабдорон дар рӯзҳои зодрӯз ва ҷашну айёми шодбошиҳо барои ҷой намудани туҳфа  барояш  сабадҳои армуғонӣ фармоиш медодаанд.  

© Sputnik © Камар Ахрор
Шаходат Хомидова рассказала, как обучает своему мастерству

Сабадҳое, ки умдатан аз навдаи дарахтон сохта мешаванд назар ба сабдҳои плостикӣ безарар гуфта мешаванд. Аз сӯи дигар ҳам ин сабадҳо як рамзи ҳунари аҷдодии мардуми тоҷик унвон мешаванд. Ҳатто дар растаи маҳсули ҳунармандон  ҷойгоҳи хосе дорад.

Мастер изготовления корзин Шаходат Хомидова
© фото предоставил Камар Ахрор
Мастер изготовления корзин Шаходат Хомидова

Шаҳодатхола мегӯяд, ҳунари сабадбофӣ ӯро аз як рустои кӯчак то  шаҳри Душанбе пойтахти Тоҷикистон бурдааст. Дар моҳи майи соли, 2018 дар намоишгоҳи байналмиллалии ҳунармандон, ки дар боғи ботаникии шаҳри Душанбе доир мешуд, ӯро барои иштирок дар ин ҳамоиш дар қатори даҳҳо ҳунарманд ба шаҳри Душанбе даъват карданд.

Дар ҷашнгирӣ аз 21-умин солрӯзи Ваҳдати миллӣ,  ки  имсол бо ширкати Президенти Тоҷикистон дар шаҳри Панҷакент сурат гирифт, ӯ ҳам аз ҳунармандони иштирокдори ин чорабинӣ будааст.

“Дар ҷашну маросимҳое, ки дар сатҳи ҳукумат баргузор мешаванд, маро ҳамчун ҳунарманди сабадбоф даъват мекунанд. Мо бо маҳсули дастранҷи худ иштирок мекунем. Чанде қабл рӯзҳои фарҳангии ноҳияи Бобоҷон Ғафуров дар ноҳияи Лайлаки Ҷумҳурии Қирғизистон доир шуд ва дар он ҷо  ҳам иштирок доштем”, - мегуяд ӯ.  

Холаи Шаҳодат ҳоло ҳамроҳи фарзанд ва  келину набераҳояш зиндагӣ  мекунад, ки ҳама ин ҳунари аҷдодиро аз бар кардаанд. Ҳатто ба ҳисоби наберааш Шукронаи 8 - сола, ки хурдтарин узви хонавода мебошад, аз уҳдаи сабадбофӣ баромада метавонад. Ӯ аз ин ҳунари меросӣ ифтихор мекунад ва шукр мекунад, ки онҳо ҳама бо меҳнати ҳалоли худ зиндагиашонро  таъмин карда метавонанд.

135
Барчаспҳо:
Тоҷикистон, намоиши ҳунарҳои мардумӣ, тарғиби ҳунарҳои мардумӣ
Ҳаётой Муминова

Ордкашии Ҳаётой дар сарҳад ва тарки саҳнаи бузург: "ҳеҷ вақт сар хам намекунам" - видео

2879
(Таҷдидшуда 17:21 09.08.2020)
Ҳаётой Муъминова - Ҳунарманди мардумии Тоҷикистон, дар бораи солҳои душвори 90-ум, ордкашӣ дар сарҳад ва тарки саҳнаи бузург нақл кард

ДУШАНБЕ, 9 авг — Sputnik. Ҳунарманди мардумии Тоҷикистон Ҳаётой Муъминова дар барномаи "Ногуфтаҳо" - и журналист Орзу Исоев дар бораи ҳаёти шахсӣ гуфт.

Ҳаётой Муъминова солҳои ҷанги шаҳрвандӣ, ки аз сангинтарин рӯзҳои мардуми Тоҷикистон буданд, нахустин фарзандашро ба дунё овард. Ӯ ҳамроҳи ҳамсараш барои дарёфти қути лоямут ва рӯзгоргузарнӣ ба тиҷорат рӯ овард.

"Ман аз Худованд шукргузорӣ мекунам, ки бароям чунин марди сабур, фурӯтан ва оқил ҳадя кард", - гуфт Ҳаётой дар бораи ҳамсараш ва орзу кард, ки Худованд ба ӯ 100 сол умр диҳад.

Ҳаётой Муъминова зане ҳаст, ки дар зиндагӣ ношукрӣ ва нолиданро намеписандад.

"Агар ба ман фишор оранд ҳам, садди роҳи ман шаванд ё хоҳиши ҳамкорӣ надошта бошанд, ман ҳеҷ вақт сар хам намекунам, ман бисёр хушрӯй баромада меравам. Инкори ҳар чиз тавлиди роҳи нав аст", - бовар дорад Ҳаётой ва аз ашхосе, ки садди роҳи ӯ шуданд ва боиси тарки саҳнаи бузург гардиданд, изҳори сипос мекунад.

Ҳаётой Муъминова шаш сол дар замони ҷанги шаҳрвандӣ ба тиҷорат машғул буду дар ин ҷодда муваффақ ҳам шуд.

"Тӯй нест, маош нест. Як дугона доштам дар Каленин Холбӣ, дигараш Истамой. Онҳо аслан мухлисонам буданд, ман дар маъракаҳояшон хизмат карда будам. Баъд гуфтанд мебинем аҳволатон хеле вазнин, биёед ман ба шумо тиҷоратро ёд медиҳам. Баъд  ангуштарини маркиза ва як гарданбандамро фурӯхта ба тиҷорат оғоз кардам". 

Ҳамин тавр Ҳаётой рӯ ба тиҷорат овард ва ҳамроҳи ҳамсараш бозорнишин шуд. Дар тиҷорат Ҳаётой муваффақ шуд. Ӯ мегӯяд мушкилиҳо ҳам хубии худро дорад.

"Рафиқони зиёде пайдо кардем. Чор рӯз сурудхонда мерафтем Бишкек барои бор, боз сурудхонда меомадем. Мисли як оила шуда будем",- гуфт Ҳаётой.

Сароянда ҳамчунин дар бораи сахтиҳои тиҷорат нақл кард.

"Як бор гуфтанд орд камчин шудааст ва интиқоли он манъ аст, вале мо ба ин нигоҳ накарда бор мекардем. Мо то Регар бо мошини худамон ва баъд пиёда сарҳадро убур мекардем ва баъд мошинҳои Ӯзбекистон моро интизор мешуданд. Борро дар сарҳад бояд аз болои як ҷӯйбори калон мегузаронидем. Шафёр ба пушти ман бор мекард ман то ҷӯйбор мебурдам, Меҳрӣ аз ҷӯйбор гузаронид ба мошини дигар бор мекард", - нақл мекунад Ҳаётой ва меафзояд, ки агар сарҳадбонон дар чунин ҳолат онҳоро медиданд, мумкин буд парронанд ё ҷарима кунанд.

Ин кори сангинро занон ба хотири обод кардани хона ва сер кардани шиками худу кӯдакон анҷом медоданд.

Ҳаётой Муъминова мегӯяд, инсон то охирин лаҳзаи ҳаёташ барои хушбахтии худ талош мекунад ва танҳо бояд такя ба Худо кунад.

Орзу Исоев аз ошноӣ бо Ҳаётой гуфту зиндагии ӯро дабистони вафову садоқат ва сабуриву инсонпарварӣ хонд.

2879
Барчаспҳо:
ҳаёти шахсӣ, сароянда, Тоҷикистон, Душанбе
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

67
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

67
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
День 12 августа

Ҷашнҳои рӯзи 12 август дар Тоҷикистон ва ҷаҳон

0
(Таҷдидшуда 23:18 11.08.2020)
Рӯзи ёздаҳуми август аз Рӯзи байналмилалии ҷавонон ҷашн гирифта мешавад. Дар Русия бошад аз Рӯзи варзишгарон ҷашн гирифта мешавад

Рӯзи 12 август дар ҷаҳон чӣ рух дод

Соли 1981 компютери фардии IBM PC пешниҳод карда шуд.

Соли 1992 ИМА, Канада ва Мексика оид ба таъсис додани  Минтақаи озоди иқтисодии Амрикои Шимолӣ созишнома ба имзо расониданд.

Рӯзи 12 август дар Тоҷикистон чӣ рух дод

Соли 2010 дар Қасри миллат Президенти Ҷумҳурии Тоҷикистон Эмомалӣ Раҳмон машварати корӣ доир намуда, таъкид карданд, ки «ҳар ваҷаб замини корам, хусусан заминҳои обӣ бояд пурсамар истифода бурда шавад, то ки бозори истеъмолии мамлакат бештар бо маҳсулоти дохилӣ таъмин шуда, аз таъсири манфии омилҳои берунӣ эмин бошад».

День 11 августа
© Sputnik / Стас Этвеш / Вишнякова Мария

Соли 2011  дар шаҳри Остонаи Қазоқистон Сарвари давлати  Тоҷикистон Эмомалӣ Раҳмон дар мулоқоти ғайрирасмии Сарони давлатҳои узви Созмони Аҳдномаи Амнияти Дастаҷамъӣ иштирок намуданд.

Соли 2011 муштзани тоҷик Анвар Юнусов дар Чемпионати Осиё оид ба бокс, ки дар шаҳри Инчхони Кореяи Ҷанубӣ  баргузор гардида буд, соҳиби медали тилло ва унвони чемпион шуд.

Ҷашнҳои рӯзи 9 август дар Тоҷикистон ва ҷаҳон

Соли 2015 маросими ифтитоҳи Рӯзҳои фарҳанги Тоҷикистон дар Русия баргузор гардида, се рӯз идома ёфтанд.

Соли 2017 дар шаҳри Душанбе Анҷумани 3-юми ҷавонони дар хориҷи кишвар таҳсилкунанда баргузор гардид.

Соли 2016 вазъ ва дурнамои ҳамкории Тоҷикистон ва Бонки ҷаҳонӣ дар соҳаҳои энергетика, инфрасохтор, кишоварзӣ, дастгирии буҷети давлатӣ, иҷтимоӣ ва дигар бахшҳои афзалиятнок баррасӣ гардиданд.

Ҷашнҳои рӯзи 12 август

  • Рӯзи байналмилалии ҷавонон.
  • Дар Таиланд — зодрӯзи шоҳзода ва Рӯзи модар.
  • Дар Русияя – Рӯзи  варзишгарон.
0
Барчаспҳо:
ҷашн, ҷаҳон, Тоҷикистон