министр культуры РТ Орумбекзода, архифное фото

Орумбекзода: Рӯзҳои фарҳанги Туркманистон дар Тоҷикистон марҳилаи нави ҳамкорист

122
(Таҷдидшуда 18:58 15.10.2018)
Дар Осорхонаи миллии Тоҷикистон дар доираи Рӯзҳои фарҳанги Туркманистон дар Тоҷикистон намоиши асарҳои ҳунарҳои дастӣ, санъати тасвирӣ ва нигораҳои осорхонавӣ таҳти унвони “Туркманистон-қалби Роҳи бузурги абрешим” ифтитоҳ ёфт

ДУШАНБЕ, 15 окт — Sputnik. Вазири фарҳанги Тоҷикистон Шамсиддин Орумбекзода ва Вазири фарҳанги Туркманистон Атагелдӣ Шамурадов  рӯзи 15 октябри соли равон дар Осорхонаи миллии Тоҷикистон намоиши асарҳои ҳунарҳои дастӣ, санъати тасвирӣ ва нигораҳои осорхонавро ифтитоҳ намуданд, иттилоъ додааст вазорати фарҳанги Тоҷикистон.

“Рӯзҳои фарҳанги Туркманистон дар Тоҷикистон ҳар ду сол як маротиба баргузор мегарданд ва барои муарифии фарҳангу санъати кишварҳо ва устувории дӯстии байни мардумон аҳамияти хоса доранд”, - гафт зимни суханрониаш Вазири фарҳанги Тоҷикистон Шамсиддин Орумбекзода.

Дар ҳамин ҳол, Атагелдӣ Шамурадов, вазири фарҳанги Туркманистон дар бораи таърихи муносибатҳои фарҳангии ду кишвар, суханронӣ кард.

Вай аз ҳукумати Тоҷикистон ва ба Вазири фарҳанги Тоҷикистон Шамсиддин Орумбекзода барои пазироии самими меҳмонони туркман ва ташкили Намоишгоҳи “Туркманистон-қалби Роҳи бузурги абрешим” изҳори сипос намуд. 

Сипас меҳмонон аз намоишгоҳ дидан намуданд. Намоиши мазкур мардуми тоҷикро бо санъати дӯзандагӣ, оҳангарӣ, чӯбтарошӣ, заргарӣ, гилембофӣ, либосҳои миллӣ, санъати тасвирӣ ва осори ҳунарҳои мардумии халқи туркман, ки дар дигар рукнҳои ҳаёт инъикос меёбанд, ошно сохт. 

Сипас дар толори Осорхона муаррифии китоби Президенти Туркманистон Гурбонгулӣ Бердимуҳаммедов “Туркманистон – қалби Роҳи бузурги абрешим” баргузор гардид, ки дар он олимону нависандагон ва аъзоёни анҷумани дӯстии Туркманистону Тоҷикистон иштирок намуданд.

Илова ба ин, дар Осорхонаи миллии Тоҷикистон вохӯрии Вазири фарҳанги Тоҷикистон Шамсиддин Орумбекзода ва Вазири фарҳанги Туркманистон Атагелди Шамурадов, ки роҳбарии ҳайати Рӯзҳои фарҳанги Туркманистон дар Тоҷикистонро бар ӯҳда дорад, баргузор гардид.

Зимни мулоқот ҷонибҳо доир ба муносибатҳои фарҳангии ду кишвар дар самтҳои мухталифи санъат ва фарҳанг гуфтугӯ намуданд. 

Вазири фарҳанги Тоҷикистон Шамсиддин Орумбекзода иброз дошт, ки Рӯзҳои фарҳанги Туркманистон дар Тоҷикистон марҳилаи нави ҳамкориҳоро оғоз менамояд ва минбаъд ҳамкориҳо зичтар мегарданд.

122
Барчаспҳо:
Шамсиддин Орумбеков, Хатлон, Туркманистон, Рӯзҳои фарҳангӣ, душанбе, Тоҷикистон
На территории больницы Истиклол

Муҳаммадҷон Шодӣ аз бемористон мураххас шуд

401
(Таҷдидшуда 12:44 15.09.2020)
Муҳаммадҷон Шодӣ, ҳунарманди шинохтаи синамо ва театри тоҷик, ки ахиран бо гумони гирифторӣ бо вируси корона бистарӣ шуд, шифо ёфтааст

ДУШАНБЕ, 15 сен - Sputnik. Наздикони Муҳаммадҷон Шодӣ хабар доданд, ки ҳунарманд шифо ёфта, аз бемористон мураххас шудааст.

Ӯ ба ҳамаи мухлисон ва онҳое, ки дар рӯзҳои беморӣ дуогӯяш буданду шифои комил хостаанд, изҳори миннатдорӣ намудааст. Шодиеви 66-сола аз нимаи солҳои 80-уми асри гузашта то ҳол дар Театри давлатии академии драмавии ба номи Лоҳутӣ кор мекунад.

Дар ҳамин ҳол Вазорати тандурустии Тоҷикистон, 14 сентябр хабар дод, ки тайи як шабонарӯз дар ҷумҳурӣ 39 ҳолати нави сироят ба COVID-19 ба қайд гирифта шуд.

Ин ниҳод таъкид карда буд, ки дар як шабонарӯзи охир 112 нафар гумонбарон зери назорати табибон қарор дошта, 37 нафар баъд аз муолиҷа ба хонаҳояшон рухсат дода шуданд.

Дар маҷмӯъ шумораи гирифторони ин беморӣ дар Тоҷикистон расман 9088  нафар арзёбӣ мешавад, ки 7853 нафар ё худ 86,4%-ашон шифо ёфтаанд.

401
Барчаспҳо:
театр, фарҳанг, Тоҷикистон
Книга, архивное фото

Китоби шоири тоҷик дар Эрон нашр шуд

221
(Таҷдидшуда 17:36 14.09.2020)
Интишороти Хирадгон дар Теҳрон китоби Абдуҷаббори Суруш, шоири муосири тоҷикро мунташир кард

ДУШАНБЕ, 14 сен — Sputnik. Ба нақл аз сомонаи Тоҷикистон Таймз, Сафар Абдуллоҳ, донишманди тоҷики муқими Қазоқистон ва узви Фарҳангистони забон ва адаби форсӣ гуфтааст, ки ин дувумин китоби ашъори Абдуҷаббори Шоҳаҳмад- мутахаллис ба Суруш мебошад, ки дар Эрон мунташир мешавад.

Қаблан маҷуъаи ашъори ин шоири тоҷик бо унвони Дарахт, Сапеда ва Ойина дар Эрон мунташир шуда буд.

Дар Тоҷикистон низ китобҳои Фарёди силсилаи хомӯшӣ, Ҷазираи танҳоӣ, Шабнами нафас, Фарёди ёдҳо, Салиби сафед ва Бишунав аз най аз ин шоири тоҷик мунташир шудааст.

Абдуҷаббори Суруш ҳамчунин китоби тафсири фарҳанги ашъори Камоли Хуҷандиро, ки шомили 17 ҳазор вожа мешавад мунташир кардааст.

Вай мегӯяд, ки барои таҳқиқи ашъори Камоли Хуҷандӣ ва интишори ин китоб 20 сол заҳмат кашидааст.

221
Барчаспҳо:
Эрон, нашр, китоб, шоир, Тоҷикистон
Дети собирают воду из открытого канала в городе Дости, на юге Таджикистана

Коронавирус 150 миллион кӯдакро ба ҷамъи фақирҳои дунё изофа кард

21
(Таҷдидшуда 11:04 20.09.2020)
Созмони ҷаҳонии ҳимоят аз кӯдакон (ЮНИСЕФ) дар гузорише эълом кард, аз замони шуюи вируси куруно дар ҷаҳон то кунун 150 миллион кӯдак ба ҷамъи фақирҳои дунё изофа шудаанд

ДУШАНБЕ, 20 сен — Sputnik. Ба гузориши хабаргузории “Nas”,  Созмони ҳимоят аз кӯдакони СММ (ЮНИСЕФ) эълом кард, ки аз оғози шуюи вируси куруно дар саросари ҷаҳон ҳудуди 15 дарсад ба теъдоди кӯдаконе, ки дар кишварҳои бо даромади мутавассит ва поин дар маҳрумият зиндагӣ мекунанд, афзуда шуда ва теъдоди ин кӯдакон ба якмиллиарду 200 миллион кӯдак расидааст.

ЮНИСЕФ бо ишора ба инки теъдоди кӯдакони фақир рӯз ба рӯз дар ҳоли афзоиш аст, дар бораи буҳронӣ шудан авзоъ ба сурати вахимтаре дар моҳҳои оянда ҳушдор дорад.

Дар пажӯҳиши муштараки ЮНИСЕФ ва Созмони "аз кӯдакон ҳимоят кун" (Save The Children) дар моҳи майи 2020 дар бораи паёмадҳои иқтисодии буҳрони Ковид-19, ки ба фақир шудани 86 миллион кӯдаки дигар то поёни имсол мунҷар мешавад ҳушдор дода шуд.

Бар асоси ин пажӯҳиш, агар теъдоди кӯдакони маҳрум ва фақир ба нисбати соли гузашта 15 дарсад афзоиш дошта бошад, то поёни имсол ҳудуди 672 миллион кӯдаки маҳрум ва фақир дар ҷаҳон хоҳем дошт, ки аз се якҳисаи он дар кишварҳои африқоӣ ва ҷануби осиёӣ, зиндагӣ мекунанд.

21
Барчаспҳо:
фақр, вируси корона, гузориш, кӯдакон, ЮНИСЕФ