Таъсиси маркази фарҳангии мусиқии Чин дар Тоҷикистон баррасӣ шуд

© Министерство культуры ТаджикистанаМинистр культуры принял делегацию китайской делегации
Министр культуры принял делегацию китайской делегации - Sputnik Тоҷикистон
Обуна шудан
Вазири фарҳанги Тоҷикистон Шамсиддин Орумбекзода бо ҳайати Донишгоҳи санъат ва илми Ланҷоуи Чин густариши муносибатҳои фарҳангиро баррасӣ намуд

ДУШАНБЕ, 20 дек — Sputnik. Шамсиддин Орумбекзода, вазири фарҳанги Тоҷикистон бо ҳайати намояндагони Донишгоҳи санъат ва илми Ланҷоуи Чин таҳти роҳбарии Ҷенг Вейкианг мулоқот кард, иттилоъ додааст дафтари матбуоти вазоарти фарҳанги кишвар.

Бино бар иттилои манбаъ, зимни сӯҳбат масоили таҳкими робита ва ҳамкорӣ байни донишкадаи номбурда ва муассисаҳои таълимии зерсохтори Вазорати фарҳанг, табодули донишҷӯён, такмили ихтисоси кадрҳои ҳарду ҷониб, инчунин густариши муносибатҳои фарҳангӣ ва таъсиси маркази фарҳангии мусиқии Чин дар Тоҷикистон мавриди баррасӣ қарор гирифтанд.

Мэр Душанбе Рустам Эмомали и Ван Юн глава Хайнан подписали проток о дружбе между городами Душанбе и Хайнан - Sputnik Тоҷикистон
Рустами Эмомалӣ боз бо як минтақаи Чин муносибатҳои бародаршаҳрӣ барқарор кард

Сипас меҳмонони Чин ба Консерваторияи милли Тоҷикистон ба номи Т. Сатторов рафтанд.

“Ректори муассиса Фароғат Азизӣ аз таърихи таъсисёбии консерватория, ки ҳар сол садҳо нафар мутахассисони соҳаҳои гуногуни мусиқиро омода менамояд, ба меҳмонон маълумот пешниҳод намуд”, - таъкид намудааст манбаъ.

Дар ҳамин ҳол меҳмонон пешниҳодҳо барои таҳсили донишҷӯёни Чин дар Тоҷикистон, хусусан дар худи консерватория ва барои идома доднани магистратура аз ҷониби донишҷӯёни тоҷик дар Чин ироа гардида, созишномаҳо баста шуд.

Меҳмонон инчунин аз синфхонаҳои сабти овоз дидан намуда рафти сабти сурудҳои донишҷӯёнро муоина кардданд. Меҳмонон барномаи омоданамудаи омӯзгорону донишҷӯёнро, ки иборат аз навозиши асбобҳои миллӣ ва симфонӣ буд, тамошо карданду баҳои баланд доданд.

Лентаи хабарҳо
0