Рамзи ҷашни байналмилалии Наврӯз ва Соли нави миллӣ, ки ба ҷойи арча истифода мешавад

Ба ҷои арча истифода баред: Раҳмон ҷойгузини арча дар Соли нави миллиро қабул кард - акс

975
Эмомалӣ Раҳмон, раисиҷумҳури Тоҷикистон рамзи ҷашни байналмилалии Наврӯз ва Соли нави миллиро тасдиқ карда, дастур додааст, ки он ба ҷои арча истифода шавад

ДУШАНБЕ, 22 фев — Sputnik. Тибқи иттилои дафтари матбуоти раисиҷумҳури Тоҷикистон, вазорату идораҳо ва мақомоти шаҳру вилоятҳо муваззаф шудаанд,  рамзи тасдиқкардаро ба ҷойи арча дар назди идораҳо, кӯчаву хиёбонҳо, иншооту хонаҳои истиқоматӣ ҳамчун рамзи ҷашни Наврӯз ва таҷлили Соли нави миллӣ аз 19 то 25 марти соли 2019 насб намоянд.

Манбаъ афзуд, ки рамзи Соли нави миллӣ аз тарафи Иттифоқи рассомони Тоҷикистон дар асоси хулосаҳои донишмандони Академияи илмҳои Ҷумҳурии Тоҷикистон омода шудааст.

“Рамзи мазкур арчамонанд буда, аз ҳафт табақ иборат мебошад. Ҳамаи табақҳо аз давраҳо иборат буда, мазмуни гардиши фалак ва коинотро ифода менамоянд. Ҳар давра бо нақшу нигори миллӣ ороиш дода шудааст. Дар гирдогирди табақҳо гулдӯзиҳои гуногун ва дар табақи охирони суманак гули наврӯзӣ чун нишонаи эҳёи табиат гузошта шудааст”, - тавзеҳ додааст дафтари матбуоти раисиҷумҳури Тоҷикистон.

Рамзи ҷашни байналмилалии Наврӯз ва Соли нави миллӣ, ки ба ҷойи арча истифода мешавад
дафтари матбуоти раисиҷумҳури Тоҷикистон
Рамзи ҷашни байналмилалии Наврӯз ва Соли нави миллӣ, ки ба ҷойи арча истифода мешавад

Бар асоси хулосаҳои донишмандон, мардумшиносон ва фолклоршиносони тоҷик ва дигар олимони ҳавзаи Наврӯз аз миёни рамзҳои наврӯзӣ, ки аз гулҳои бойчечак, сиёҳгӯш, лола, гули зард, шохи дарахти ғунчадор ва паррандаҳои асотирии симурғ ва парасту иборатанд, суманак ва гули наврӯзӣ ҳамчун рамзи истиқболи ҷашни Наврӯзи байналмилалӣ, Соли нави миллӣ ва пайки омад - омади баҳори файзбор дар ҷумҳурӣ қабул гардид.

“Минбаъд суманак ва гули наврӯзӣ ҳамчун рамзи миллӣ барои ҷашнгирии Соли нави миллӣ ва Наврӯзи байналмилалӣ истифода хоҳад гашт”, - омадааст дар иттилоия.

Котиботи раисиҷумҳур аз қавли донишмандон илова намуд, ки суманак дар ҳамаи минтақаҳои Тоҷикистон маъмул буда, ҳамчун рамзи сарсабзӣ ва хуррамӣ дар арафаи Соли нави миллӣ ва ҷашни Наврӯз омода мешавад.

“Суманак инчунин ифодагари пайдо шудани заминдорӣ ва кишоварзӣ дар миёни қабилаҳои ориёӣ буда, муносибату муҳаббати деҳқонро ба гандум, ки ризқу рӯзии одам аст, ифода менамояд. Дар зарфи гирд омода кардани суманак рамзи коиноту замин буда, ҷовидонагии табиату инсонро тасвир месозад”, - таъкид кардааст манбаъ.

Дафтари матбуот иттилоъ додааст, ки сохти гузоштани суманак ва гули наврӯзӣ дар хиёбону кӯчаҳо низ омода гардида, манзури шаҳрвандон мегардад.

“Дизайнерон дар ҳар шаҳру ноҳия метавонанд барои назди ҳавлиҳо, муассисаю корхонаҳо шаклҳои мақбултари конструксияҳоро тарҳрезӣ намоянд”, - таъкид шудааст дар иттилоия.

975
Мавзуҳо:
Раисҷумҳури Тоҷикистон Эмомалӣ Раҳмон (222)
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

52
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

52
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2914
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2914

Мақомоти тоҷик мегуянд, нишонаҳои сироятёбии COVID-19 дигар шудааст

0
(Таҷдидшуда 17:36 08.08.2020)
Мақомоти Идораи кор бо занон ва оила дар вилояти Суғд мегуянд, назар ба оғози давраи хуруҷи COVID -19, ҳоло нишонаҳои сирояти ин беморӣ дигар шудааст

ДУШАНБЕ, 8 авг – Sputnik. Хуршеда Хоҷазода, сардори Раёсати кор бо занон ва оилаи вилояти Суғд дар бораи дигаршавии аломатҳои сироятёбии бемории COVID-19 таъкид намудааст.

Бино ба гуфти ӯ, назар ба давраи оғози сабти вируси корона, ҳоло нишонаҳои хуруҷи ин маризӣ нав шудааст.

“Мутаассифона рӯз ба рӯз нишонаҳои сироятёбии бемории COVID-19, тағйир ёфта истодааст. Ба шумо гуфтани ҳастам, ки дар ҷаласаи Ситоди вилоятӣ оид ба пешгирӣ ва мубориза бо бемории COVID-19 иштирок доштам, ки табибон аз нишонаҳои нав пайдои сирояти ин беморӣ таъкид мекарданд. Агар ибтидо табъ ва сулфаи хушку давомдор аз нишонаҳои ин беморӣ дониста мешуд, ҳоло боз нишонҳаои дигари ин беморӣ ба мисли дарди гулӯ ва мисли ин ҳолатҳо муайян карда шудаанд”, - гуфтааст Хоҷазода.

Сардори Раёсати кор бо занон ва оилаи Суғд дар нишасти матбуотӣ зикр кардааст, ки ҳолатҳои гирифтории занони ҳомила ба бемории COVID-19 ҷой дошта, хушбахтона фавт байни ин гурӯҳи занон ба қайд гирифта нашудааст.

Бино ба гуфти Хоҷазода баъди ташхис ва табобат ҳолати саломатии занони ҳомила барқарор шуда хатар ба кӯдакони дар батнбуда таҳдид накардааст. Чанде пеш Фаррух Мақсудзода, сардори Раёсати тандурустии вилояти Суғд аз ҳолати зоиши занҳои дучори бемории COVID -19 иттилоъ дода гуфт, ки саломатии навзодон қаноатбахш аст.

“Ҳомилазанҳои гирифтори бемории коронавирус ду нафарро ташкил медоданд. Ҳар дуи онҳо дар беморхонаи ҷамоати Ёва дар ноҳияи Бобоҷон Ғафуров таваллуд карданд. Вазъи саломати кӯдаконашон дуруст аст ва худи модарон ҳам шифо ёфта, аз бемористон рухсат шудаанд”, - гуфт Мақсудзода.

То санаи 7 август дар мамлакат 6484 (84,1%) нафар аз бемории COVID-19 шифо ёфта, бар асари он 62 нафар фавтидаанд. Мақомоти Тоҷикистон рӯзи 30-уми апрел аз қайди 15 мавриди бемории коронавирус дар кишвар иттилоъ доданд.

Супориши Абдуллозода: чораҳои пешгирикунанда аз COVID - 19 дар Тоҷикистон пурзӯр шавад 

Бар пояи омори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон то санаи 7 август, теъдоди сироятёфтагон ба бемории COVID-19 дар мамлакат ба 7706 нафар баробар шуда, аз ин шумор 6484 нафар ё 84, 1% аз ин маризӣ шифо ёфтаанд. Бар асари ин беморӣ то кунун 62 нафар фавтидаанд.

0
Барчаспҳо:
эҳтиёт, табобат, табибон, беморон, вирус, Хуҷанд, Тоҷикистон