Книга, архивное фото

Эълон: миёни  беҳтарин нависандагони ҷавон озмуни ҷумҳуриявӣ баргузор мегардад

52
Дар  озмун муаллифони ҷавон   метавонанд бо  мақолаҳои публисистии худ иштирок намуда қобилияти худро санҷанд

ДУШАНБЕ, 28 мар — Sputnik. Кумитаи кор бо ҷавонон ва варзиш тасмим гирифтааст, ки  миёни қаламкашони ҷавон таҳти унвони “Меҳри Ватан”  озмуни ҷумҳуриявӣ доир намояд, иттилоъ додааст агентии “Ховар”.

Манбаъ афзудааст, ки иқдоми мазкур дар доираи нақшаи чорабиниҳои Кумита ва  “Барномаи давлатии ватандӯстӣ ва таҳкими ҳувияти миллии ҷавонони Тоҷикистон барои солҳои 2018- 2022” роҳандозӣ шудааст. 

Мақсад  аз баргузории озмуни ҷумҳуриявии “Меҳри Ватан”- ин  дар рӯҳияи худшиносиву худогоҳии миллӣ тарбия намудани насли наврас ва бедор намудани ҳисси миллӣ дар замири ҷавонон мебошад.  Дар  озмун муаллифони ҷавон   метавонанд бо  мақолаҳои публисистии худ иштирок намоянд.  Хоҳишмандон метавонанд то 10 майи соли равон  мақолаҳои худро ба унвони Кумита ирсол намоянд.

Муаллифони  беҳтарин мақолаҳои публисистӣ дар арафаи Рӯзи ҷавонони Тоҷикистон  бо сипоснома ва туҳфаҳои хотиравӣ қадрдонӣ карда мешаванд.

52
Барчаспҳо:
озмун, ҷавон, Нависанда, Тоҷикистон, тоҷик