Пайкараи ҳунарманди халқии Иттиҳоди Шуравӣ Малика Собирова дар боғи Куруши Кабири Душанбе

Малика дар рақс: насби пайкараи 2 фарҳангии тоҷик дар Душанбе - аксҳо

545
(Таҷдидшуда 14:03 09.06.2019)
Дар маркази шаҳри Душанбе, дар боғи навбунёди Куруши Кабир ду маҷассамаи ҷадид қомат афрохтанд

ДУШАНБЕ, 9 июн — Sputnik. Тибқи иттилои дафтари матбуоти раисиҷумҳури Тоҷикистон, дар ду тарафи боғ пайкараи ҳунарманди халқии Иттиҳоди Шуравӣ Малика Собирова ва муҷассамаи мусаввир, наққоши тоҷик Камолиддин Беҳзод ҷой дода шудааст.  

Муҷассамаи мусаввир ва наққоши тоҷик Камолиддин Беҳзод дар боғи Куруши Кабири шаҳри Душанбе
дафтари матбуоти раисиҷумҳури Тоҷикистон
Муҷассамаи мусаввир ва наққоши тоҷик Камолиддин Беҳзод дар боғи Куруши Кабири шаҳри Душанбе

Манбаъ ҳадафи ин иқдомро гиромидошти хизматҳои арзандаи Беҳзод ва Собиров дар соҳаи фарҳанги кишвар хонд.

Пайкараи ҳунарманди халқии Иттиҳоди Шуравӣ Малика Собирова дар боғи Куруши Кабири Душанбе
дафтари матбуоти раисиҷумҳури Тоҷикистон
Пайкараи ҳунарманди халқии Иттиҳоди Шуравӣ Малика Собирова дар боғи Куруши Кабири Душанбе

Малика Собирова 22 май соли 1942 ба дунё омада, 27 феврали соли 1982 вафот кард. Ӯ соли 1961 Омӯзишгоҳи хореографии Ленинград (имрӯза Академияи балети рус ба номи А.Я. Ваганов)-ро бомуваффақият хатм карда, фаъолияти худро чун солисткаи балет дар Театри  опера ва балети ба номи С.Айнӣ оғоз мекунад.

Аввалин нақши худро дар намоиши "Шелкунчик"  П.И.Чайковский ҳанӯз дар солҳои донишҷӯияш дар саҳнаи Театри опера ва балети ба номи С.М. Кирови шаҳри Ленинград иҷро карда буд.

Лауреати озмунҳои байналмилалӣ дар Варна ва Москва мебошад. Чандин маротиба дар саҳнаҳои Театри калони СССР, театрҳои Ленинград, Ереван, Рига, Вилнюс, Горков, Одесса, Свердловск, Новосибирск, Оренбург, Алма-ато, Фрунзе, Тошкент ва Кишинев рақсида, ба бисёр кишварҳои ҷаҳон сафар кардааст.

545
Театри ноҳияи Ёвон

Театри ноҳияи Ёвон касбӣ мешавад

49
(Таҷдидшуда 13:14 03.07.2020)
Мақомоти иҷроияи Хатлон хабар дод, ки теъдоди театрҳои касбӣ дар вилоят афзоиш ёфта, ба чор адад баробар мешавад

ДУШАНБЕ, 3 июл — Sputnik. Бо дастгирии раиси вилояти Хатлон, Қурбон Ҳакимзода театри халқии ноҳияи Ёвон ба театри касбӣ табдил хоҳад ёфт, хабар дод Носирҷон Маъмурзода, мудири Шуъбаи иттилоотию таҳлилии дастгоҳи раиси вилояти Хатлон.

Ба иттилои манбаъ, дар доираи сафари кории худ ба ноҳияи Ёвон раиси вилоят дар Қасри фарҳангии ноҳия композитсияи ҳунармандони театри халқиро бахшида ба 5500-солагии Саразм тамошо карда, бо ҳунармандон мулоқот орост.

Котибот афзуд, ки пешниҳоди ба театри касбӣ табдил ёфтани театри халқӣ пазируфта шуда, Қурбон Ҳакимзода барои дастгирии ҳамаҷиҳатаи фаъолияти он дастур дод.

Феълан дар ин театри халқӣ 15 ҳунарманди ҳирфаии театр фаъолият мекунанд. Раиси вилоят ваъда дод, ки дар нахустин намоиши саҳнавии театри касбӣ иштирок хоҳад кард.

Котиботи ҳукумати Хатлон илова намуд, ки то имрӯз дар ҳудуди вилояти Хатлон се театри ксбӣ фаъолият мекунанд. Дар сурати мақоми театри касбиро гирифтани театри халқии ноҳияи Ёвон, теъдоди театрҳои касбии вилоят ба чор адад мерасад.

49
Барчаспҳо:
касбӣ, театр, Ёвон, Тоҷикистон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

699
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

699
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон
Ложка мед

Зиндагии ширин: дар Тоҷикистон тайи 5 моҳ 23 тонна асал истеҳсол шудааст

0
Тамоми миқдори асали гирифташуда танҳо дар як минтақаи кишвар — вилояти Хатлон истеҳсол карда шудааст

ДУШАНБЕ, 5 июл — Sputnik. Ҳаҷми истеҳсоли асал дар Тоҷикистон 4,6% афзоиш ёфтааст, хабар медиҳад хадамоти матбуоти Вазорати кишоварзии Тоҷикистон.

Дар маҷмӯъ, аз моҳҳои январ то май, дар қаламрави вилояти Хатлон 23 тонна маҳсулот истеҳсол шудааст.

Ба иттилои манбаъ, асал бештар дар бозори дохилӣ фурӯхта мешавад ва қисми он ба Россия, Қазоқистон, Афғонистон ва АМА содирот карда мешавад.

Вазорат инчунин дар бораи омодагӣ корхонаи канадагӣ “Hantana Canada Inc” ба истеҳсоли асал дар минтақаи озоди иқтисодии вилояти Суғд гузориш медиҳад.

Тоҷикистон нақша дорад ба Амрикову Аврупо ва Арабистон асал содир намояд

Дар назар аст, ки ширкат дар як сол то 55 тонна асал тавлид кунад ва маҳсулоташро ба Иёлоти Муттаҳида, Канада, Арабистони Саудӣ, АМА ва кишварҳои ИА содир кунад.

0