Далер Назаров, архивное фото

Вазир гуфт, наметавонад ба Президент гӯяд, "Далер Назаров, мардаки хуб аст, мукофот диҳед"

8595
(Таҷдидшуда 14:42 26.07.2019)
Шамсиддин Орумбекзода, вазири фарҳанги Тоҷикистон мегӯяд, барои Далер Назаров, овозхони шинохтаи кишвар ҳеч монеаю маҳдудияте барои гирифтани мукофотҳои давлатӣ нест

ДУШАНБЕ, 26 июл — Sputnik. Орумбекзода гуфт, ҳамчун вазир ваколат надорад, ки тартиботи қонунро нақз кунад ва додани мукофотҳои давлатӣ наметавонад бо супориш аз боло сурат бигирад.

Ӯ гуфт, ҳеч кас барои Далер Назаров маҳдудият эҷод накардааст, кадом нафаре набошад, Далер Назаров ё каси дигар бояд ҳуҷҷатҳоро таҳия кунаду зина ба зина аз тартиби муайяншуда гузарад. Ӯ бо таассуф изҳор дошт, ки ин расмиёт то ҳол анҷом дода нашудааст. Вазир зинаҳои пешниҳод ба мукофотҳои давлатиро шарҳ дод.

“Дар навбати аввал ҳуҷҷатҳо дар ҳайати коллективи ҳамкорон таҳия мешавад, баъд бо ҳукумати шаҳр мувофиқа мешавад, баъд аҳли ҳунар ба Вазорати фарҳанг пешниҳод мешаванд, мо ба Ҳукумати ҷумуҳурӣ пешниҳод мекунем. То имрӯз мутаассифона чунин пешниҳод нашудааст”, - изҳор дошт Орумбекзода.

Ба иддао, ки хандаовар нест вақте як нафар барои гирифтани мукофоти давлатӣ худ расмиётро анҷом медиҳад, вазири фарҳанг бо суол посух дод, ки “хандаовар нест, ки ман гӯям, ман ба шумо мукофот медиҳам”.  

Вазир дубора таъкид намуд, ки барои гирифтани мукофоти давлатӣ расмиёти қонун бояд иҷро шаваду пешниҳодҳо метавонанд аз сатҳи ноҳияю вилоятҳо ироа гарданд. Орумбекзода илова намуд, ки хоҳ вазир бошад, хоҳ падари вазир, бояд меъёри қонунҳо риоя шавад.

Ӯ таъкид кард, ки наметавонад ба Ҷаноби олӣ расонад, ки Далер Назаров мардаки хуб аст, мукофот диҳед. Вазири фарҳанги Тоҷикистон изҳор дошт, ки дар ҷомеаи мутамаддин қонун аз ҳама боло аст ва ифодае аз Рими қадимро зикр кард, ки хоҳӣ озод бошӣ ғуломи қонун бош.

8595
Театри ноҳияи Ёвон

Театри ноҳияи Ёвон касбӣ мешавад

49
(Таҷдидшуда 13:14 03.07.2020)
Мақомоти иҷроияи Хатлон хабар дод, ки теъдоди театрҳои касбӣ дар вилоят афзоиш ёфта, ба чор адад баробар мешавад

ДУШАНБЕ, 3 июл — Sputnik. Бо дастгирии раиси вилояти Хатлон, Қурбон Ҳакимзода театри халқии ноҳияи Ёвон ба театри касбӣ табдил хоҳад ёфт, хабар дод Носирҷон Маъмурзода, мудири Шуъбаи иттилоотию таҳлилии дастгоҳи раиси вилояти Хатлон.

Ба иттилои манбаъ, дар доираи сафари кории худ ба ноҳияи Ёвон раиси вилоят дар Қасри фарҳангии ноҳия композитсияи ҳунармандони театри халқиро бахшида ба 5500-солагии Саразм тамошо карда, бо ҳунармандон мулоқот орост.

Котибот афзуд, ки пешниҳоди ба театри касбӣ табдил ёфтани театри халқӣ пазируфта шуда, Қурбон Ҳакимзода барои дастгирии ҳамаҷиҳатаи фаъолияти он дастур дод.

Феълан дар ин театри халқӣ 15 ҳунарманди ҳирфаии театр фаъолият мекунанд. Раиси вилоят ваъда дод, ки дар нахустин намоиши саҳнавии театри касбӣ иштирок хоҳад кард.

Котиботи ҳукумати Хатлон илова намуд, ки то имрӯз дар ҳудуди вилояти Хатлон се театри ксбӣ фаъолият мекунанд. Дар сурати мақоми театри касбиро гирифтани театри халқии ноҳияи Ёвон, теъдоди театрҳои касбии вилоят ба чор адад мерасад.

49
Барчаспҳо:
касбӣ, театр, Ёвон, Тоҷикистон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

728
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

728
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон
День 7 июля

Ҷашнҳои рӯзи 7 июл дар Тоҷикистон ва ҷаҳон

0
(Таҷдидшуда 20:53 06.07.2020)
Рӯзи ҳафтуми июл дар Танзания – Рӯзи кишоварзӣ буда, дар Осетияи Шимолӣ – Рӯзи ҷумҳурӣ дар Испания Рӯзи ҷумҳурӣ ва дар Қирғизистон Рӯзи кормандони молия мебошад

Рӯзи 6 июл дар ҷаҳон чӣ рух дод

Соли 1754 дар Ню-Йорк Коллеҷи Шоҳ таъсис дода шуд, ки ҳоло ҳамчун Донишгоҳи Колумбия машҳур аст.

День 6 июль
© Sputnik / Стас Этвеш / Вишнякова Мария

Соли 1917 аввалин маротиба дар Парлумони  Эстония интихобот сурат гирифтааст.

Соли 1914 Парлумони Австрия барои муқобили Сербия оғоз намудани  ҷанг қарор қабул намуд.

Соли 1993 дар Иёлати Висконсини Америка  ғолибияти аз ҳама бештари маблағи лоторея ба қайд гирифта шуд, ки маблағи бурд 111 миллион доллари америкоиро ташкил дод.

Соли 1960 дар Арабистони Саудӣ гирифтани маълумоти олӣ барои занон иҷоза дода шуд.

Соли 1972 аввалин бор ду зан ба сифати ҷосуси Маркази федералии ҷустуҷӯӣ савганд ёд кардаанд.

Рӯзи 7 июл дар Тоҷикистон чӣ рух дод

Соли 1993 кушодашавии корхонаи муштараки тоҷикӣ-амрикоии “Sano” дар шаҳри Хуҷанд.

Соли 2009 Ҳукумати Тоҷикистон  ва Бонки рушди Осиё барои дастгирии барномаҳои муҳими иҷтимоӣ ба маблағи 40 миллион доллари амрикоӣ созишномаи грантӣ ба имзо расониданд.

День 5 июль
© Sputnik / Стас Этвеш / Вишнякова Мария

Соли 2010 Гурӯҳи корӣ бо роҳбарии Сарвазири вақти Ҷумҳурии Тоҷикистон Оқил Оқилов ба як зумра шаҳру ноҳияҳои вилояти Хатлон сафар кард.

Соли 2012 Президенти  Ҷумҳурии Тоҷикистон муҳтарам Эмомалӣ Раҳмон машварати корӣ доир намуда, ба масъулин баҳри тезонидани корҳои сохтмонӣ, аз ҷумла, биноҳои маъмурӣ, муассисаҳои таълимиву фарҳангӣ ва иҷтимоиву тандурустӣ, вусъати минбаъдаи корҳои созандагию ободонӣ, бунёди пулу роҳҳо, 6 неругоҳи хурди барқию обӣ дар Вилояти Мухтори Кӯҳистони Бадахшон, таъмини аҳолӣ бо маводи ғизоӣ ва сӯзишворӣ дастуру супоришҳо доданд.

Соли 2013 дар маркази ноҳияи Ҷалолиддини Румӣ бо иштироки Эмомалӣ Раҳмон нахустин дармонгоҳ ва шифохонаи хусусӣ дари худро ба рӯи ниёзмандон боз намуд.

Соли 2013 маросими ифтитоҳи беморхонаи минтақавии сил дар ноҳияи Вахш.

Соли 2016 дар Бишкек ба муносибати 25-солагии Иттиҳоди Давлатҳои Мустақил ҷаласаи Шӯрои сайёҳии кишварҳои ИДМ баргузор гардид.

Ҷашнҳои рӯзи 7 июл

  • Дар Ҷазираҳои Кайман – Рӯзи Конститутсия.
  • Дар Танзания – Рӯзи кишоварзӣ.
  • Дар Осетияи Шимолӣ – Рӯзи ҷумҳурӣ.
  • Рӯзи ҷумҳурӣ дар Испания.
  • Рӯзи кормандони молия дар Қирғизистон.
  • Рӯзи парчам дар Перу.
  • Рӯзи истиқлолият дар Норвегия.
  • Рӯзи шаҳидон дар Малта.

Рӯзи 7 июл кӣ ба дунё омадааст

Соли 1746 — астрономи итолиёӣ Ҷузеппе Пиатси, ӯ нахустин сайёраи хурди  — Тсерерро кашф карда буд.

Соли 1936 — математик ва физики советӣ, профессор, академик Юрий Осипов, ӯ солҳои (1991—2013) президенти Академияи илмҳои Русия буд.

Соли 1962 — сарояндаи русиягӣ, овозхони пешини гурӯҳи "Браво" Жанна Агузарова.

Рӯзи 7 июл дар Тоҷикистон кӣ ба дунё омадааст

Мирмуъмин Абдулов (1958) – сароянда, Ҳунарпешаи шоистаи Тоҷикистон.

Турдихон Бердиева (1942 – 2008) – доктори илми филологӣ, профессор.

Неъматҷон Бобоҷонов (1939 – 1992) – доктори илми ҳуқуқ, профессор.

Назаршо Назаршоев (1954) – доктори илми таърих, профессор.

Ҳофиза Наимова (1923) – журналист, Корманди шоистаи маданияти Тоҷикистон.

Азиз Ниёзмамадов (1941 – 1995) – дирижёр, Ходими шоистаи ҳунари Тоҷикистон.

Равсаниёр Мавлуда (1968)- шоира.

Шоҳвалӣ Саидҷаъфаров (1944) – адабиётшинос, профессор.

Гулузор Тўраева (1941) – меъмор – сохтмончӣ, дорандаи Ҷойизаи давлатии ба номи Рўдакӣ.

Ҷумъақул Ҳамроев (1947)- доктори илми филологӣ, профессор.

Шокирзода Замон (1941) – нависанда.

 

Рӯзи 7 июл кӣ вафот кард

Соли 1718 — подшоҳ Алексей, писар ва меросхӯри Петри I.

Соли 1930 — нависандаи англис, офаринандаи симои Шерлак Хомс Артур Конан Дойл.

Соли 1967 — ҳунарпешаи англис, дорандаи дукаратаи "Оскар".

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 30 июн дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон