Мехрона Гайбуллоева в Санкт-Петербурге в Эрмитаже

Меҳрона бо иштирокчиёни "Ту беҳтаринӣ!" ба тамошои Петербург рафт

187
(Таҷдидшуда 16:26 10.08.2019)
Бунгоҳи байналмиллалии иттилоотӣ ва радиои Sputnik ба иштирокчиёни озмуни овозии "Ту беҳтаринӣ!" сафар ба Петербург ҳадя намуд. Сафари 10 иштирокчии ин озмун аз 3 то 10 - уми август давом кард

ДУШАНБЕ, 10 авг - Sputnik. Иштирокчиёни озмуни "Ту беҳтаринӣ!" тибқи нақшаи тарҳрезишуда ба сайри маконҳои тамошобоби шаҳри афсонавӣ - Санкт- Петербург баромаданд.

Ҷавонон бо қаиқ дар рӯди Нева сайр карда, аз пули калон ва Эрмитаж дидан намуданд.

Дар қалъаи Петропавловский бошад, аснои тирандозии анъанавӣ чанде аз иштирокчиён ҳаяҷонзада шуданд.

Мехрона Гайбуллоева в Санкт-Петербурге на Дворцовой площади
© Sputnik/ Александр Гальперин
Мехрона Гайбуллоева в Санкт-Петербурге на Дворцовой площади

Зимнан иштирокчиёни озмуни "Ту беҳтаринӣ!" ба гирду атрофи Санкт- Петербург низ ба тамошо баромаданд. Сарояндаҳои ҷавон бо меъмории асримиёнагии Виборг, қасрҳои Петергоф ва Павловский, литсей ва боғҳои Деҳаи Шоҳӣ шинос шуданд.

Албатта овозхонҳои ҷавон ба монанди ситораҳои машҳури Русия талаботи вижа надоштанд, вале онҳоро низ дар сатҳи бисёр баланд пазироӣ намуданд.

Ҷавононро дар як меҳмонхонаи ҷаҳорситорадор ҷой доданд, ки дар канори рӯди Нева ва крейсер "Аврора" макон дорад.

Аммо ин ҷавонони боистеъдод на танҳо барои сайру саёҳат ва меҳмонхонаи боҳашамат ба шаҳри Санкт- Петербург омаданд.

Посмотреть эту публикацию в Instagram

🌺🥀

Публикация от Gaybulloeva Mehrona (@gaybulloeva.mehrona.official)

 "Аз ҳама муҳим ин муошират аст, - мегӯяд Артём Семёнов. - Барои ман  дар Латвия маҳз муошират намерасид. Дар он ҷо ман муаллим надорам ва овозам ҳам сайқал намеёбад".

"Вақте мавсими озмуни овозии "Ту беҳтаринӣ!" ба анҷом расид, маро ғам фаро гирифт, гуфт Сатеник Геворян аз Арманистон. Пас аз ба хона баргаштан, барои истироҳат намудан ба кӯли Севан рафтам. Он ҷо ҳам ҳар боре аз озмун фикр мекардам, ғамгин мешудам ва ҳамаро ёд мекардам. Бисёр мехостам барои истироҳат дар кӯли Севан, дугонаам Соня аз Одессияро даъват кунам. Зеро дар озмун бо ӯ дӯсти пайдо кардем. Дар фикри озмун будам, ки баногоҳ ба ман аз Sputnik занг заданд ва ба тамошои Санкт- Петербург даъват карданд. Шумо намедонед, ки ман чӣ қадр шод шудам!".

Посмотреть эту публикацию в Instagram

🌺🥀

Публикация от Gaybulloeva Mehrona (@gaybulloeva.mehrona.official)

Аз ҳама дер намояндаи Тоҷикистон Меҳрона Ғайбуллоева ба Санкт - Петербург расид. Ӯ чаҳор соат бо ҳавопаймо ба Маскав парвоз карду тавассути қатора давоми як шаб ба ин шаҳр расид.

"Ман то охирин лаҳза шубҳа доштам ба ин даъват, бароям боварнокарданӣ буд. Аммо вақте ҳамаи бачаҳоро дидам, хурсандии ман ҳадду канор надошт. Боз ба назди дӯстон омадан, барои ман хушбахтии бузург аст", - изҳор намуд ин ҳунарманди  ҷавони тоҷик.

Маврид ба зикр аст, ки Меҳрона ду сол пайи ҳам дар озмуни мусиқии "Ту беҳтаринӣ" ширкат ва ҳунарнамоӣ намуда буд.

Озмуни байналмилалии овозхонии "Ту Беҳтаринӣ!" аз ҷониби телеканал НТВ ва бунгоҳи байналмилалии иттилоотӣ ва радиои Sputnik ба роҳ монда шудааст.

Озмуни байналмилалии овозхонии "Ту беҳтаринӣ!" ба кӯдакони боистеъдоде, ки бе нигоҳубин ва бе волидайн мондаанд, имкон медиҳад, аз худ хабар диҳанд ва саҳнаҳои бузургро тасхир кунанд.

187
Президент Республики Таджикистан Эмомали Рахмон открыл государственный флаг Таджикистана в селе Гозион

Дар ноҳияи Шаҳринав Парчами 55-метрӣ гузошта шуд

258
(Таҷдидшуда 12:50 30.09.2020)
Майдони Парчами давлатӣ дар ноҳияи Шаҳринав дар кӯчаи Исмоили Сомонӣ сохта шудааст. Баландии сутунпояи парчам 55 метрро ташкил медиҳад

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон дар кӯчаи Исмоили Сомонии ноҳияи Шаҳринав Майдони Парчами давлатиро ифтитоҳ кард.

Бино ба гузориши котиботи раисҷумҳур, масоҳати умумии майдони Парчами давлатӣ, ки дар маркази ноҳияи Шаҳринав сохта шудааст, 2100 метри мураббаъ буда, баландии сутунпояи ин рамзи давлатдорӣ 55 метр мебошад.

Матои парчам 7 метр паҳноӣ ва 15 метр дарозӣ дорад.

Гуфта мешавад, ки майдони Парчами давлатӣ сафолакпӯш карда шуда, бо гулу буттаҳои ороишӣ зебу зинат ёфтааст.

Ҳамчунин, ба хотири таъмини истироҳату фароғати сокинону меҳмонон дар Майдони Парчами давлатии ноҳияи Шаҳринав нишастгоҳҳои замонавӣ ва чароғпояҳои гуногунҳаҷму гуногуншакл насб гардидаанд.

Дар ин майдон ҳамчунин фаввора сохта шудааст.

Дар майдони парчам барои баргузор намудани чорабиниҳои фарҳангиву фароғатӣ шароит фароҳам буда, он барои сайру гашт ва тамошои сокинон макони муносиб мебошад.

Эмомалӣ Раҳмон аснои ошноӣ, бунёди Майдони Парчами давлатиро дар ноҳияи Шаҳринав дар самти баланд бардоштани ҳисси ватандӯстиву худогоҳии ҷавонону наврасон ва гиромӣ доштани арзишҳои милливу давлатӣ муҳим арзёбӣ кардааст.

258
Барчаспҳо:
парчам, Эмомалӣ Раҳмон, Шаҳринав
Маросими пешвози меҳмонон, акс аз бойгонӣ

Сафари фарҳангиёну адибони Ӯзбекистон ба Тоҷикистон

125
(Таҷдидшуда 14:31 28.09.2020)
Ҳукумати вилояти Суғд аз сафари як ҳайати намояндагони илму адаб ва фарҳанги Ӯзбекистон ба Тоҷикистон хабар дод

ДУШАНБЕ, 28 сен — Sputnik. Гуруҳи намояндагони аҳли илму адаб ва фарҳанги ҷумҳурии Ӯзбекистон тавассути гузаргоҳи сарҳадии “Фотеҳобод” ба вилояти Суғди Тоҷикистон ташриф оварданд, хабар дод котиботи ҳукумати Суғд.

Манбаъ афзуд, ки ҳайати меҳмононро муовини раиси вилояти Суғд, Анвар Яъқубӣ ва намояндагони Вазорати фарҳанги  Тоҷикистон гарму самимӣ истиқбол гирифтанд.

“Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад”, - омадааст дар иттилоия.

Таъкид шудааст, ки меҳмонон давоми рӯз аз Маҷмааи фарҳангию “Қалъаи Хуҷанд”, Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Манбаъ афзуд, ки сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Дар шаҳри Душанбе феълан сафари ҳайати Ӯзбекистон давом дорад.

125
Барчаспҳо:
илм, фарҳанг, Ӯзбекистон, Тоҷикистон
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 21:53 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳалле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон