Меҳрнигори Рустам, овозхон

Меҳрнигори Рустам ба ИМА рафт видео

960
(Таҷдидшуда 20:48 16.08.2019)
Меҳрнигори Рустам, овозхони ҷавони тоҷик барои баргузории консерт дар арафаи Истиқлолияти давлатии Тоҷикистон озими Иёлоти Муттаҳидаи Амрико шудааст

ДУШАНБЕ, 16 авг — Sputnik. Умедҷон Аҳмадзода, рӯзноманигори тоҷик бо нашри навор аз истиқболи Меҳрнигор дар фурудгоҳи Ҷон Кенедии шаҳри Ню-Йорк хабар дод, ки ин сафари овозхон ба ҷашни Истиқлолияти давлатии Тоҷикистон рабт дорад. Ба иттилои манбаъ консерт 8-уми сентябр дар Эмир Паласи Бруклин баргузор мешавад.

Худи Меҳрнигор бо баёни миннатдорӣ барои истиқболи гарм, аз ҳаводорон даъват кардааст, ки дар консерташ дар арафаи ҷашни Истиқлолияти давлатии Тоҷикистон иштирок кунанд.

Ахиран Меҳрнигори Рустам намоҳанги ҷадиди худро зери унвони “Дили ошиқ” пешниҳоди мухлисон карда буд. Намоҳангро, ки Меҳрнигор дар саҳифаҳояш дар шабакаҳои иҷтимоӣ пешниҳод кардааст, аз ҷониби коргардон Лидия Андре таҳия шудааст. Муаллифи оҳанг худи Меҳрнигор ва матни суруд маҳсули эҷоди Орзу Исоев, рӯзноманигор ва шоири шинохтаи Тоҷикистон мебошад.

Дар намоҳанг Меҳрнигори Рустам бо либосҳои гуногун дар мавзеъҳои гуногун, аз ҷумла бо либоси сарӣ болои капоти мошини гаронарзиш ҳунарнамоӣ ва рақс мекунад.

960
Барчаспҳо:
консерт, овозхон, Меҳрнигори Рустам, Тоҷикистон-ИМА
Паломничество в Мекку

Сафари Ҳаҷҷи умра боз ба таъхир гузошта шуд: то моҳи март

572
(Таҷдидшуда 20:44 14.01.2021)
Хуруҷи каронавируси навъи нав ё “вируси бритонӣ” дар як қатор аз кишварҳои ҷаҳон, сабаби мутаваққиф шудани сафари шаҳрвандон барои адои Ҳаҷҷи умра шудааст

ДУШАНБЕ, 14 янв – Sputnik. Қарор буд, дар нимаҳои дуюми моҳи январи соли ҷорӣ аввалин гурӯҳи шаҳрвандони Тоҷикистон ба Ҳаҷҷи умра раванд, аммо бо сабаби хуруҷи каронавируси навъи нав ё “бритонӣ” сафар ба таъхир монда шудааст.

Абдулмаҷид Зокиров, масъули ширкати сайёҳии "Расулсохтмон", рӯзи 14 январ дар суҳбат ба Sputnik Тоҷикистон гуфт, кишвари Арабистони Саудӣ дар бораи чунин таъхиргузорӣ дар қабули зиёраткунандагон, рӯзи гузашта аз тариқи расонаҳои ахбори умум эълон кардааст.

“Хуруҷи “вируси бритонӣ” масъулини кишвари Арабистони Саудиро андаке ба ташвиш гузоштааст, онҳо аз нав дарҳоро бастаанд. Ҷониби Арабистон тавассути расонаҳои ахбори умум иттилоъ нашр кардаанд, ки аз охирҳои моҳи март ба қабули зиёраткунандагон шурӯъ хоҳанд кард”,-гуфт намояндаи “Расулсохтмон”.

Масъулони Вазорати Ҳаҷҷи Арабистони Саудӣ баъди таъхири чандвақта, моҳи декабри соли гузашта эълон намуда буданд, ки сар аз моҳи 6 уми солшумории қамарӣ, ки ба нимаҳои дуюми моҳи январи соли 2021 рост меояд, ба қабули шаҳрвандони Тоҷикистон, барои зиёрати шаҳрҳои муқаддаси Ислом - Маккаи мукаррама ва Мадинаи мунаввара шурӯъ мекунанд.

Абдулмаҷид Зокиров иброз намуд, ки сафарбаршавии сокинон барои Ҳаҷҷи умра аз қабули масъулини Арабистони Саудӣ вобаста аст, бо сабаби вазъи беҳдоштӣ мутафаққиф мешавад.

“Мо танҳо аз беҳтаршавии вазъи саросарии беҳдоштӣ умедвор буда, то он рӯз сабр мекунем.  Агар дар ин миён то охирҳои моҳи март, ягон хабари хуш расад, ҳатман мардумро огоҳ мекунем”, - зикр кард Зикров.

Сафарбаршавии сокинони кишвар барои Ҳаҷҷи умра аз суи ширкатҳои сайёҳии "Расулсохтмон" ва "Ормон" роҳандозӣ мешавад. Вазорати Ҳаҷҷи кишвари Арабистон синну соли зиёраткунандаҳоро бо сабаби хуруҷи бемории ҳамагири COVID-19, маҳдуд намуда эълон намуд, ки танҳо, барои аз 18 то 50 - солаҳо барои сафар ба ин кишвар иҷозат дода мешавад.

Дар пайи хуруҷи бемории ҳамагирии коронавирус ва сабти он дар Арабистони Саудӣ, ин кишвар баҳори соли гузашта сафари зоирин ба шаҳрҳои муқаддаси Исломро манъ намуд ва барои аввалин бор, соли 2020 маросими Ҳаҷ баргузор нагардид. Моҳи ноябри соли 2020 баъди таваққуфи чандмоҳа Арабистони Саудӣ феҳрасти кишварҳоро нашр кард, ки сафари шаҳрвандони онҳо дар ин кишвар рухсат шудааст.

Дар ин руйхат кишварҳои қораи Осиё, мисли Тоҷикистон, Қазоқистон, Ӯзбекистон, Чин, Туркия, Озарбойҷон ва давлати Белорус шомил буданд.

Сафари шаҳрвандони давлатҳои Эрон, Миср, Қатар, Италия Қирғизистон, Кувейт, Русия, Англия ва Иёлоти Муттаҳидаи Амрико барои ба Ҳаҷҷи умра ба таври муваққат манъ гуфта мешуд.

Нимаҳои моҳи декабри соли 2020 табибон дар бораи сирояти навъи ҷадиди коронавирус дар кишварҳои Британия иттилоъ дода гуфтанд, ки вируси мазкур аз COVID-19 наздики 70 дарсад хавфноктар аст ва суръати паҳншавии он низ бамаротиб фарқ мекунад.

Дар гузашта аз Тоҷикистон ҳазорҳо нафар, барои зиёрати маконҳои муқаддаси Ислом ба кишвари Арабистони Саудӣ сафар мекарданд.

572
Барчаспҳо:
ҳоҷиён, Арабистон, ҳаҷҷи умра, Тоҷикистон
Раскопки городища Тахти-сангин (ХРАМ ОКСА)

Пешниҳоди Тоҷикистон ба ЮНЕСКО дар бораи "Тахти Сангин"-и ноҳияи Қубодиён

230
(Таҷдидшуда 19:20 12.01.2021)
Тоҷикистон ба ЮНЕСКО пешниҳод кардааст, ки 2500 - солагии ёдгории Шаҳристони "Тахти Сангин" - и ноҳияи Қубодиёнро ба рӯйхати ҷашнҳо ворид намояд

ДУШАНБЕ, 12 янв — Sputnik. Кормандони Институти таърих, бостоншиносӣ ва мардумшиносии ба номи А. Дониши АМИТ ба ЮНЕСКО пешниҳод намуданд, ки 2500 - солагии ёдгории Шаҳристони "Тахти Сангин" - и ноҳияи Қубодиёнро ба рӯйхати ҷашнҳо ва бузургдоштҳое, ки созмон солҳои 2022 - 2023  дар сатҳи ҷаҳонӣ таҷлил мекунад, ворид намояд, иттилоъ додааст рӯзномаи "Ҷумҳурият".

"Ҳуҷҷатҳои лозима, аллакай, ба  ЮНЕСКО пешниҳод шудаанд. Агар дархости мо пазируфта шавад, соли 2022  - ум 2500 - солагии ин ёдгории нодир дар сатҳи ҷаҳонӣ таҷлил хоҳад шуд", - иттилоъ додааст Институти таърих, бостоншиносӣ ва мардумшиносии ба номи А. Дониши АМИТ.

Гуфта шудааст, ки маҳз ба ҳамин хотир қарор аст, дар соли 2021 калонтарин экспедитсияи бостоншиносӣ дар мавзеи "Тахти Сангин" роҳандозӣ шавад.

Шаҳристони "Тахти Сангин" ёдгории нодири асрҳои lV то милод – III милодӣ буда, дар баробари Қалъаи Ҳисор, Дайри буддоии Аҷинатеппа, мадрасаи Хоҷа Машҳад ва шаҳри Ҳулбук барои ворид шудан ба Феҳристи ҷаҳонии фарҳангии ЮНЕСКО пешниҳод шудааст.

230
Барчаспҳо:
пешниҳод, рӯйхат, Шаҳристон, Қубодиён, ЮНЕСКО, Тоҷикистон
День 16 января

Аввалин Чемпионати ҷаҳон оид ба футбол ва нашри Энсиклопедияи миллии тоҷик: имрӯзи таърих

0
(Таҷдидшуда 18:02 14.01.2021)
Рӯзи шонздаҳуми январ дар Тайланд Рӯзи омӯзгор, дар Рӯзи озодиҳои диннӣ ва дар Ҷумҳурии демократии Конго Рӯзи қаҳрамонон ҷашн гирифта мешавад

Рӯзи 16 январ дар ҷаҳон чӣ рух дод

Соли 2016 Бонки осиёӣ- инфрасохтории сармоягузорӣ расман ба фаъолият оғоз намуд. Маросими кушодашавии бонк дар шаҳри Пекини Ҷумҳурии Мардумии Чин баргузор гардид

Соли 2002 Шӯрои Амнияти Созмони Милали Муттаҳид барои содир кардани таҳримҳо дар бораи созмони террористии Ал-Қоида ва ҳаракати Толибон, ки дар Афғонистон қарор доштанд, якдилона овоз дод.

Соли 1989 дар Бразилия аввалин маротиба Чемпионати ҷаҳон оид ба футболи хурд баргузор гардид.

Рӯзи 16 январ дар Тоҷикистон чӣ рух дод

Соли 2017 Президенти Ҷумҳурии Тоҷикистон Эмомалӣ Раҳмон дар робита ба суқути ҳавопаймои боркашони ширкати туркӣ дар маҳаллаи бӯстонсароҳо, ки сабаби марг ва ҷароҳат бардоштани даҳҳо нафар шаҳрвандон, аз ҷумла, кӯдакон ва хисороти хонаҳои истиқоматӣ дар атрофи шаҳри Бишкек гардид, ба Президенти вақти Ҷумҳурии Қирғизистон Алмосбек Отамбоев барқияи таслият ирсол намуданд.

Соли 2015 дар шаҳри Душанбе Созишномаи генералӣ байни Ҳукумати Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи  корфармоёни Тоҷикистон барои солҳои 2015-2017 ба имзо расид.

Соли 2018 масоили рушди ҳамкории дуҷонибаи Тоҷикистон ва Белорус муҳокима карда шуданд.

Соли 2009 дастаи "Регар"-ТадАЗ-и Турсунзода барои ширкат дар "Ҷоми мусобиқаи Иттиҳоди давлатҳои ИДМ ва Балтика" аз шаҳри Қазон ба шаҳри  Москваи Федератсия Россия рафт.

Соли 2015 ҷилди сеюми "Энсиклопедияи миллии тоҷик" бо теъдоди 5 ҳазор нусха нашр шуд.

Соли 2018 дар Сафорати Тоҷикистон дар Чин оид ба муносиботи дуҷонибаи ду кишвар брифинг баргузор гардид.

Ҷашнҳои рӯзи 16 январ 

  • Дар ИМА — Рӯзи озодиҳои динӣ.
  • Дар Ҷумҳурии Демократии Конго – Рӯзи қаҳрамонон.
  • Дар Тайланд - Рӯзи омӯзгорон

Рӯзи 16 январ кӣ ба дунё омадааст

Соли - 1899 аввалин Комиссари халқии Ҷумҳурии Автономии Советии Сотсиалистии Тоҷикистон (1924-1927), доктори илмҳои таърих, профессор Аббос Алиев.

0
Барчаспҳо:
Ҷаҳон, Тоҷикистон, ҷашн
Мавзуъ
Аз ифтитоҳи "Сафеддара" то террор дар "Шарли Эбдо": имрӯзи таърих
Чор сол пеш Раҳмон ваъда дод, ки лимити барқ пурра бардошта мешавад: имрӯзи таърих
Аз зодрӯзи Муҳаммадрофеъ то ҳалокати 1400 кас дар заминҷунбии Кингстон: имрӯзи таърих