Певица Manizha Манижа Сангин (Хамраева)

Бо рӯймол дар пеши сӯзанӣ: Манижа Сангин суруди навашро нашр кард - аксу оҳанг

617
(Таҷдидшуда 17:12 26.08.2019)
Манижа Сангин овозхони тоҷики машҳури Русия суруди навашро нашр кард

ДУШАНБЕ, 26 авг — Sputnik. Овозхони тоҷики муқими Русия, Манижа Сангин ин бор рӯймол дар сар ва дар пеши сӯзанӣ акс бардошта аз нашри суруди ҷадидаш "Завтрак" (Наҳорӣ) хабар дод.

"Ин суруд дар давоми шаш соат омода шуд", - навиштааст Манижа дар саҳифаи инстаграми худ.

Ин бор Манижа бо рӯймоли сурх дар сар дар назди сӯзанӣ акс бардоштааст. Дар акс дар дасташ ду тухм ва дар паси сараш тоба қарор дорад. Умуман Манижа бо аксҳои ғайриоддии худ миёни ситораҳои инстаграм машҳур аст.

Овозхони тоҷиктабор Манижа ва панҷ нақш дар таблиғи брендҳои ҷаҳонӣ

Суруди нави Манижа ба забони русӣ иҷро шуда дар бораи оғози зиндагии нав қисса мекунад.

Ҳаводорони Манижа суруди нави овозхонро писандидаанд ва ба ӯ офарин хондаанд.

"Олӣ, ту - супер", - навиштааст яке аз ҳаводоронаш дар шарҳи суруд.

Манижа Сангин бо ҳунарнамоияш маскавиҳоро "ба по" хезонд

Ёдрас мешавем, ки Манижа ахиран намоҳанги таронаи "Мама" - "Модар" - ро пешниҳод кард.

Дар намоҳанг аз хонаводае нақл карда мешавад, ки марди оила ҳар шаб ба ҳамсар ва духтараш дармеафтад.

Сарояндаи тоҷик дар Русия: машҳуртарин шахси Петербург ва чеҳраи рӯзнома

Коргардони намоҳанг Ладо Кватания буда, дар навор саҳнаҳои зӯроварӣ дида мешавад ва тамошои он танҳо ба ашхоси аз 18 боло тавсия дода шудааст.

617
Барчаспҳо:
намоҳанг, нав, суруд, Манижа Сангин
Мавзуъ
Манижа Сангин ба Тоҷикистон меравад?
Олӣ ва ғайриоддӣ: дар Маскав консерти Манижа Сангин баргузор шуд
Манижа Сангин дар Маскав ҳунарнамоӣ мекунад
Гузориши аксӣ аз ҳунарнамоии Манижа Сангин дар Маскав
Манижа Сангин дар мусоҳиба ҳаҷми даромади худро ошкор накард
Манижа Сангин дар озмуни “Бонуи сол - 2017” ширкат меварзад
Манижа Сангин бо ҳунарнамоияш маскавиҳоро "ба по" хезонд
Пас аз хомӯшӣ: Манижа Сангин дар Санкт-Петербург ҳунарнамоӣ мекунад
Школьная ярмарка в Душанбе

Китоби нависандаи тоҷик Марямбону Фарғонӣ дар Эрон чоп шуд

50
(Таҷдидшуда 15:47 08.07.2020)
Китобе дигар аз маҷмуаи адабиёти муосири Тоҷикистон аз хати кирилӣ ба форсӣ баргардон шуда, дар 376 саҳифа ба чоп расид

ДУШАНБЕ, 8 июл — Sputnik. Доктор Ҳажири Теҳронӣ, пажӯҳишгари эронӣ дар саҳифаи Фейсбукии худ навиштааст, ин китоб, ки “Ман чунин девонаам” ном дорад, гулчине аз достонҳо ва ҳикоятҳои Марямбону Фарғонӣ, рӯзноманигор, нависанда ва шоири муосири тоҷик аз чанд китоби пешини ӯ аст, иттилоъ додааст радиои тоҷикии Садои Хуросон.

Марямбону Фарғонӣ, чандин ҷоизаи адабӣ дар Тоҷикистон ва Русия дарёфт кардаааст, ки аз байни онҳо метавон ба ҷоизаи Борис Пастернак дар Русия (1995) ва ҷоизаи Садриддини Айнӣ дар Тоҷикистон (2012) ишора кард.

Китоби “Шаҳболи Хаёл”-и ӯ низ ҷоизаи китоби соли Тоҷикистонро дар соли 2013 дарёфт кардааст.

Ӯ  аз соли 1992  узв Иттиҳодияи журналистон ва аз 1996 узви Иттифоқи нависандагони Тоҷикистон аст.

Хонум Фарғонӣ чанд соле низ дар Садои Хуросони Эрон фаъолият кардааст.

Китоби “Ман чунин девонаам”-ро доктор Маҷиди Асадӣ, пажӯҳишгари эронӣ, ки чанд соле дар Тоҷикистон фаъолият доштааст аз хати кирилӣ ба форсӣ баргардонда ва виросторӣ кардааст.

50
Барчаспҳо:
китоб, чоп, Эрон, тоҷик, нависанда, Шоира
Сироджиддин Аслов, архивное фото

Ҳамдардии Сироҷиддин Муҳриддин бо Тосимитсу Мотэги

77
Вазири корҳои хориҷии Тоҷикистон Сироҷиддин Муҳриддин бо ҳамтои ҷопониаш изҳори таслият карду мубориза бар зидди COVID - 19 - ро баррасӣ кард

ДУШАНБЕ, 8 июл — Sputnik. Вазири корҳои хориҷии Тоҷикистон Сироҷиддин Муҳриддин бо dазири корҳои хориҷии Ҷопон Тосимитсу Мотэги телефонӣ суҳбат кард.

Бино ба гузориши Вазорати корҳои хориҷӣ, дар ибтидо Вазири корҳои хориҷии Тоҷикистон ба ҳамтои ҷопонияш барои талафоти ҷониву хисороти зиёди моддӣ бар асари обхезӣ ва ярч дар ҷануби ин икшвар изҳори ҳамдардӣ кардааст.  

Дар рафти суҳбат ҳолати кунунӣ ва дурнамои густариши муносибатҳои дуҷонибаи Тоҷикистон ва Ҷопон дар заминаҳои гуногун ва масъалаҳои дигари мавриди эҳтимоми муштарак баррасӣ шудаанд.

Мусоҳибон зимни арзёбии ҳамкории ду кишвар дар соҳаи тандурустӣ ва тиб, бар аҳаммияти идомаи ҳамёрӣ ва иқдомҳои муштарак ҷиҳати пирӯзӣ бар ҳамагирии Ковид-19 таъкид кардаанд.

Вазири корҳои хориҷии Тоҷикистон аз кумакҳои Ҷопон барои соҳаҳои зерсохторӣ, тандурустӣ, беҳдошт, некӯаҳволии ҷомеа, омӯзиш ва рушди малака дар доираи Кумаки расмии рушд (ODA) изҳори сипос намудааст.

Дар ин суҳбат ёдоварӣ шудааст, ки маориф ва рушди захираҳои инсонӣ яке аз самтҳои муҳимми рушди стратегӣ дар Тоҷикистон мебошад, мутахассисони кишвари мо дар давраҳои гуногуни бозомӯзӣ дар Ҷопон таҳсил мекунанд.

Дар ин замина лоиҳаи Стипендияи рушди захираҳои инсонии Барномаи кумаки Япония (JDS) дар бахшҳои муносибатҳои байналмилалӣ, ҳуқуқ, иқтисодиёт ва мудирият, инчунин Агентии ҳамкориҳои байналмилалии Япония (JICA) дар соҳаҳои иқтисодиву иҷтимоии  Тоҷикистон саҳми арзанда гузошта истодаанд.

77
Барчаспҳо:
ВКХ, ҳамдардӣ, вазир, Сроҷиддин Аслов
Хорогская гидроэлектростанция, архивное фото

Дар шаҳри Хоруғ пули нави мошингузар сохта мешавад

0
(Таҷдидшуда 17:33 08.07.2020)
Ин сеюмин пули мошингузар дар шаҳри Хоруғ хооҳад буд, ки ду соҳили дарёи Ғундро дар ҳудуди шаҳр ба ҳам мепайвандад

ДУШАНБЕ, 8 июл — Sputnik. Дар остонаи таҷлили 29-умин солгарди Истиқлолияти давлатии Тоҷикистон дар Вилояти Мухтори Кӯҳистони Бадахшон 45 иншооти таъйиноти гуногун сохта ба истифода дода мешавад.

Аз ҷумла, дар маркази вилоят бинои театри вилоятӣ, як қисмати бинои муассисаи таҳсилоти миёнаи умумии рақами 8 ба номи Сайфулло Абдуллоев, коргоҳи дӯзандагӣ дар ҳудуди бозори «20-солагии Истиқлолияти давлатии Тоҷикистон», иншооти варзишӣ дар маҳаллаи Тирчид ва ғайраҳо мавриди истифода қарор мегиранд.

Тавре АМИТ "Ховар" бо такя ба мақомоти иҷроияи ҳокимияти давлатии ВМКБ хабар медиҳад, дар қаламрави вилоят бо мақсади сазовор пешвоз гирифтани Рӯзи Истиқлолияти давлатӣ корҳои омодагӣ босуръат идома дошта, дар баробари ба истифода додани иншооти сохтмонаш анҷомёфта,  санги асоси пули мошингард дар маҳаллаи Селхозтехникаи шаҳри Хоруғ, гузошта мешавад.

Гуфта мешавад, ки дарозии пул бо эстакада 200 метрро ташкил медиҳад.

Ин сеюмин пули мошингузар аст, ки ду соҳили дарёи Ғундро дар ҳудуди шаҳр ба ҳам мепайвандад ва интизор меравад, ки мушкилоти тамбашавии нақлиётро дар маркази шаҳри Хоруғ аз миён мебардорад.

0
Барчаспҳо:
ошноӣ бо иншооти ҷашнӣ, иншоот, ВМКБ