Сбор труппы театра им. Станиславского и Немировича-Данченко

Театри мусиқии бачагонаи ҳунармандони ҷавони Маскав ба Тоҷикистон меояд

35
(Таҷдидшуда 13:32 04.09.2019)
Ҳунармандони ҷавони Маскав барои тамошобинони Тоҷикистон намоиши мусиқии “Афсонаҳо дар мавзӯи Дунаевский”-ро таҳия намудаанд

ДУШАНБЕ, 4 сен — Sputnik. Намоиши театри мусиқии бачагонаи ҳунармандони ҷавони Маскав дар театри мусиқӣ-драмавии ба номи  Камоли Хуҷандии шаҳри Хуҷанд барргузор мегардад, иттилоъ додааст сомонаи расмии Маркази илм ва фарҳанги Русия дар Хуҷанд.

Бино бар иттилои манбаъ сафари ҳунарии хайриявии Театри мусиқии бачагонаи актёрони ҷавони Маскав таҳти сарварии роҳбари бадеӣ-Ҳунарпешаи хизматнишондодаи Русия Александр Фёдоров рӯзи 8 сентябри соли равон баргузор мегардад.

Сафар аз ҷониби ташкилоти “Росссотрудничество” бо супориши Вазорати корҳои хориҷии Русия сурат гирифтааст.

Мақсад аз баргузории сафари ҳунарии Театри мусиқии бачагонаи актёрони ҷавони Маскав ба Тоҷикистон тарғиби  фарҳанги Россия дар қаламрави Узбакистон, Қазоқистон, Тоҷикистон ва Сербия будааст.

 Дар доираи сафари ҳунарӣ театр намоиши мусиқии “Афсонаҳо дар мавзӯи Дунаевский” — ро бахшида ба 75 — солагии Ғалаба дар Ҷанги Бузарги Ватанӣ пешкаш менамояд.

Намоиши театри мусиқии бачагонаи ҳунармандони ҷавони Маскав комилан ройгон аст ва ҳар касе хоҳиш дошта бошад метавонад аз он тамошо намояд.

Инчунин, театри мазкур намоишҳои худро то 4 октябри соли равон дар Узбакистон, Қазоқистон ва Сербия намоиш хоҳад дод. 

35
Барчаспҳо:
фарҳанг, Маскав, ҷавонон, Суғд, Хуҷанд, Русия, Тоҷикистон
Школьная ярмарка в Душанбе

Китоби нависандаи тоҷик Марямбону Фарғонӣ дар Эрон чоп шуд

51
(Таҷдидшуда 15:47 08.07.2020)
Китобе дигар аз маҷмуаи адабиёти муосири Тоҷикистон аз хати кирилӣ ба форсӣ баргардон шуда, дар 376 саҳифа ба чоп расид

ДУШАНБЕ, 8 июл — Sputnik. Доктор Ҳажири Теҳронӣ, пажӯҳишгари эронӣ дар саҳифаи Фейсбукии худ навиштааст, ин китоб, ки “Ман чунин девонаам” ном дорад, гулчине аз достонҳо ва ҳикоятҳои Марямбону Фарғонӣ, рӯзноманигор, нависанда ва шоири муосири тоҷик аз чанд китоби пешини ӯ аст, иттилоъ додааст радиои тоҷикии Садои Хуросон.

Марямбону Фарғонӣ, чандин ҷоизаи адабӣ дар Тоҷикистон ва Русия дарёфт кардаааст, ки аз байни онҳо метавон ба ҷоизаи Борис Пастернак дар Русия (1995) ва ҷоизаи Садриддини Айнӣ дар Тоҷикистон (2012) ишора кард.

Китоби “Шаҳболи Хаёл”-и ӯ низ ҷоизаи китоби соли Тоҷикистонро дар соли 2013 дарёфт кардааст.

Ӯ  аз соли 1992  узв Иттиҳодияи журналистон ва аз 1996 узви Иттифоқи нависандагони Тоҷикистон аст.

Хонум Фарғонӣ чанд соле низ дар Садои Хуросони Эрон фаъолият кардааст.

Китоби “Ман чунин девонаам”-ро доктор Маҷиди Асадӣ, пажӯҳишгари эронӣ, ки чанд соле дар Тоҷикистон фаъолият доштааст аз хати кирилӣ ба форсӣ баргардонда ва виросторӣ кардааст.

51
Барчаспҳо:
китоб, чоп, Эрон, тоҷик, нависанда, Шоира
Сироджиддин Аслов, архивное фото

Ҳамдардии Сироҷиддин Муҳриддин бо Тосимитсу Мотэги

78
Вазири корҳои хориҷии Тоҷикистон Сироҷиддин Муҳриддин бо ҳамтои ҷопониаш изҳори таслият карду мубориза бар зидди COVID - 19 - ро баррасӣ кард

ДУШАНБЕ, 8 июл — Sputnik. Вазири корҳои хориҷии Тоҷикистон Сироҷиддин Муҳриддин бо dазири корҳои хориҷии Ҷопон Тосимитсу Мотэги телефонӣ суҳбат кард.

Бино ба гузориши Вазорати корҳои хориҷӣ, дар ибтидо Вазири корҳои хориҷии Тоҷикистон ба ҳамтои ҷопонияш барои талафоти ҷониву хисороти зиёди моддӣ бар асари обхезӣ ва ярч дар ҷануби ин икшвар изҳори ҳамдардӣ кардааст.  

Дар рафти суҳбат ҳолати кунунӣ ва дурнамои густариши муносибатҳои дуҷонибаи Тоҷикистон ва Ҷопон дар заминаҳои гуногун ва масъалаҳои дигари мавриди эҳтимоми муштарак баррасӣ шудаанд.

Мусоҳибон зимни арзёбии ҳамкории ду кишвар дар соҳаи тандурустӣ ва тиб, бар аҳаммияти идомаи ҳамёрӣ ва иқдомҳои муштарак ҷиҳати пирӯзӣ бар ҳамагирии Ковид-19 таъкид кардаанд.

Вазири корҳои хориҷии Тоҷикистон аз кумакҳои Ҷопон барои соҳаҳои зерсохторӣ, тандурустӣ, беҳдошт, некӯаҳволии ҷомеа, омӯзиш ва рушди малака дар доираи Кумаки расмии рушд (ODA) изҳори сипос намудааст.

Дар ин суҳбат ёдоварӣ шудааст, ки маориф ва рушди захираҳои инсонӣ яке аз самтҳои муҳимми рушди стратегӣ дар Тоҷикистон мебошад, мутахассисони кишвари мо дар давраҳои гуногуни бозомӯзӣ дар Ҷопон таҳсил мекунанд.

Дар ин замина лоиҳаи Стипендияи рушди захираҳои инсонии Барномаи кумаки Япония (JDS) дар бахшҳои муносибатҳои байналмилалӣ, ҳуқуқ, иқтисодиёт ва мудирият, инчунин Агентии ҳамкориҳои байналмилалии Япония (JICA) дар соҳаҳои иқтисодиву иҷтимоии  Тоҷикистон саҳми арзанда гузошта истодаанд.

78
Барчаспҳо:
ВКХ, ҳамдардӣ, вазир, Сроҷиддин Аслов
Люди в масках в городе

Тасдиқи фавти дигар аз COVID-19 дар Тоҷикистон: омори нави расмӣ

0
Вазорати беҳдошти Тоҷикистон омори нави гирифторон, фавт ва шифоёбӣ аз коронавируси навъи COVID - 19 дар Тоҷикистонро нашр кард

ДУШАНБЕ, 8 июл — Sputnik. Шабонарӯзи гузашта дар Ҷумҳурии Тоҷикистон 49 ҳолати нави сироятёбӣ ба COVID-19 ва 1 мавриди фавт бар асари он ба қайд гирифта шуд.

Бино ба иттилои Вазорати тандурустии Тоҷикистон, аз 30 апрел то 8 июл дар кишвар шумораи гирифторони COVID-19 ба 6364 нафар расида, аз ин беморӣ то кунун дар мамлакат 5011 (78,7%) нафар беморон шифо ёфтаанд. Ҳамзамон, дар муддати зикргардида дар мамлакат аз ин беморӣ 54 нафар фавтидаанд.

"Шабонарӯзи охир 220 нафар гумонбарон зери назорати табибон қарор дошта, 46 нафар баъд аз муолиҷа ба хонаҳояшон рухсат дода шуданд", — омадааст дар хабарнома.

Манбаъ таъкид карда, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

Гуфта мешавад, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

0
Барчаспҳо:
бемориҳои сироятӣ, омор, Тоҷикистон