Министр культуры РТ Шамсиддин Орумбекзода

Орумбекзода: мавқеъи Тоҷикистон дар арсаи сиёсати байналмилалӣ мустаҳкамтар шуд

114
(Таҷдидшуда 18:13 09.09.2019)
Шамсиддин Орумбекзода, вазири фарҳанги Тоҷикистон дар номаи табрикотиаш а мардуми Тоҷикистон таъкид доштааст, ки имрӯзҳо дар кишвар сулҳи пойдор, суботи сиёсиву иҷтимоӣ ва фазои озоди бунёдкориву созандагӣ муҳайё гардида

ДУШАНБЕ, 9 сен — Sputnik. Шамсиддин Орумбекзода, вазири фарҳанги Тоҷикистон мардуми Тоҷикистонро ба муносибати 28-умин солгарди Истиқлолияти Тоҷикистон самимона шодбош гуфт.

Дар ин бора дафтари матбуоти вазорати фарҳанг хабар додааст.

Праздничный концерт в Худжанде
© Официальная страница пресс-службы президента РТ в Facebook.

Тавре Шамсиддин Орумбекзода дар номаи табрикотиаш қайд намудааст, даврони соҳибистиқлолии кишвар марҳилаи камолоту инкишофи Тоҷикистон ба шумор меравад.

“Дар ин давра марҳилаи рушду инкишофи кишвар мушоҳида шуда, дар Ватани азизамон Ваҳдати миллӣ, сулҳи пойдору суботи сиёсиву иҷтимоӣ ва фазои озоди бунёдкориву созандагӣ муҳайё гардида, дар баробари боло рафтани тамоми соҳаҳои иқтисодиву иҷтимоии мамлакат, обрӯву эътибор ва мавқеи Тоҷикистон дар арсаи сиёсати байналмилалӣ боз ҳам мустаҳкамтар гардид”, таъкид доштааст вазири фарҳанг.

Вай зикр намудааст, ки боиси ифтихору сарфарозист, ки Истиқлолияти кишвар сол ба сол таҳким меёбад.

“Дар ин рўзи, ба тамоми мардуми кишвар тансиҳативу хотирҷамъӣ, нусрати илоҳиву сарбаландӣ, иқболи баланду толеи нек ва сарбаландию комрониҳо таманно менамоям” – қайд намуд вай.

Ҳамзамон Шамсиддин Орумбекзода мавриди истифода қарор гирифтани чархаи дуюми иншооти нерӯгоҳи барқи обии Роғунро ба кулли мардуми шарифи Тоҷикистони сшодбош гуфт.

114
Барчаспҳо:
номаи шодбошӣ, Роғун, табрикот, истиқлолият, Шамсиддин Орумбекзода, Тоҷикистон
Мавзуҳо:
9 сентябр - рӯзи Истиқлол: 28 соли мустақилияти Тоҷикистон (49)