Шамсиддин Орумбекзода, вазири фарҳанги Тоҷикистон

Ҳамдардии Шамсиддин Орумбекзода бо Далер Назаров

774
(Таҷдидшуда 16:34 10.09.2019)
Фарҳангиёни тоҷик бо Далер Назаров ва наздикону аҳли хонаводааш изҳори ҳамдардӣ карданд

ДУШАНБЕ, 10 сен — Sputnik. Вазири фарҳанги Тоҷикистон Шамсиддин Орумбекзода бо хонаводаи ҳунарманди номдори тоҷик Далер Назаров барои даргузашти модараш, изҳори таслият кардааст.

"Роҳбарияти Вазорати фарҳанги Ҷумҳурии Тоҷикистон ва аҳли фарҳангу ҳунар ба ҳунарпешаи машҳури Тоҷикистон Далер Назаров нисбати даргузашти модараш изҳори ҳамдарии амиқ намуда, аз даргоҳи Худованд ба пайвандони марҳум сабри ҷамил хоҳонанд", - омадааст дар номаи таслияти Вазорати фарҳанги Тоҷикистон.

Ёдрас мешавем, ки модари ду ситораи фарҳанги Тоҷикистон – овозхону оҳангсоз, Далер Назаров ва коргардони шинохта, Давлат Худоназар рӯзи 8 сентябр дунёро падруд гуфт.

Нодирамоҳ Қадамшоева, дар шаҳри Душанбе як ҳафта қабл аз солгарди навбатии зодрӯзаш даргузашт.

Умр агар вафо мекард, Нодирамоҳ Қадамшоева 15-уми сентябри соли равон 97-сола мешуд.

Марҳум Қадамшоева, ҳамсари Меҳрубон Назаров, собиқ вазири фарҳанги Тоҷикистони шӯравӣ мебошад, ки ду ситораи рахшони санъат – Далер Назар ва Давлат Худоназарро ба воя расондааст. Ӯ дар рӯзе дунёро падруд гуфт, ки 60 сол қабл дар ин рӯз Далер Назаровро ба дунё оварда буд.

Аз Фейзов то вакили парлумон: пешниҳодҳо ба Ҳукумат дар арафаи 60-солагии Далер Назаров

Ҷасади марҳум дар оромгоҳи Сари Осиё ба хок супурда шуд.

Дар шабакаҳои иҷтимоӣ афроди зиёд аз даргузашти модари Далер ва Давлат изҳори ҳамдардӣ карда, ба хонавода сабри ҷамил хостаанд.

Ҳимояти Далер Назаров аз вазир: ӯ гуфт худаш чӣ мехоҳаду чиро не

774
Барчаспҳо:
изҳори ҳамдардӣ, Шамсиддин Орумбекзода, Далер Назаров, Душанбе, Тоҷикистон
Одиночная фотография журналиста из Приморья Юрия Смитюка «Остров Врангеля»

Озмуни ёдбуди аксбардор Андрей Стенин ғолиби овоздиҳии онлайниро эълон кард

29
(Таҷдидшуда 14:53 04.08.2020)
Корбарони интернет ғолиби Озмуни байналмилалии фотожурналистии ёдбуди Андрей Стенинаро интихоб карданд

ДУШАНБЕ, 4 авг — Sputnik.  Беҳтарин кори Озмуни байнулмилалии ёдбуди Андрей Стенин, ба андешаи корбарони интернет, акси ягонаи рӯзноманигор аз Юрий Ситюк таҳти унвони"Ҷазираи Врангел" шинохта шуд.

Павел Кулемеев, корманди илмӣ ва нозири мамнуъгоҳи "Ҷазираи Врангел" бо истиқбол ва таассуроти зиёд акси рӯзноманигорро табиӣ ва воқеӣ хонадаас.

Ҷазираи Врангелел шимолтарин ҷазираи муҳофизатшаванда дар Арктикаи Русия аст. Уқёнуси Арктика ҷазираро аз ҷониби меридиан 180 дараҷа тақсим кардааст ва аз ин рӯ он дар ду ҷониб ҳам ғарб ва ҳам шарқи сайёраи мо ҷойгир аст.

Сафарҳо ба мамнуъгоҳҳои табиии “Ҷазираи Врангел” маҳдуданд, аммо дар тобистон ва тирамоҳ тақрибан даҳҳо хатсайрҳои сайёҳӣ мавҷуданд.

Моҳи сентябр Озмуни байналмилалии фотожурналистии ёдбуди Андрей Стениндар ғолибонашро дар сомонаи stenincontest.ru | эълон хоҳад кард, ҳамзамон дар Маскав намоишгоҳи аксҳои барандагони он кушода мешавад.

Озмун инчунин ният дорад, ки намоиши анъанавии аксҳои ғолибонро дар шаҳрҳои ҷаҳон то охири сол ба роҳ монад.

Озмуни байналмилалии фотожурналистии ёдбуди Андрей Стенин ҳамасола барои аксбардорони ҷавони аз 18 то 33 сола доир мешавад. Имсол, озмун беш аз 5000 асарро аз 75 кишвари ҷаҳон ҷамъ овардааст.

Аз оғози роҳандозии озмун соли 2014 то кунун аксҳои ғолибони он дар Москва, Кейп Таун, Будапешт, Мадрид, Деҳлӣ, Милан, Ню Йорк, Анқара, Буэнос-Айрес ва дигар шаҳрҳои ҷаҳон ба намоиш гузошта шуданд.

Қабули дархостҳо барои ширкат ҳамасола 22 декабр дар зодрӯзи аксбардор МИА "Россия сегодня" Андрей Стенин, ки дар вақти адои хизмат вафот кард, қабул карда мешаванд.

Шарикони байналмилалии ВАО-и озмун: агентии хабарӣ ва радиои Sputnik, агентии иттилоотии Askanews, медиахолдинги Independent Media, агентии хабарии Notimex, агентии иттилоотии ANA, шабакаи телевизион ва сомонаи RT, Shanghai United Media Group (SUMG), сомонаи рӯзномаи интернетии China Daily, сомонаи интернетии The Paper, шабакаи расонаҳои Al Mayadeen, агентии хабарии Prensa Latina, агентии хабарии News1, сомонаи хабарии DBW, пойгоҳи хабарии Brasil247.

Ҳамчун шарикони соҳа озмунро дастгирӣ мекунанд: Маҷаллаи National Geographic Россия, портали Russian Photo, портали Photo-study.ru, мактабӣ аккосии “Академияи аксбардорӣ”, портали иттилоотӣ YOung JOurnalists, маҷаллаи Fotoargenta, клуби фотожурналистикаи Ню-Дели, маҷаллаи Enfoque Visual, маҷалла LF Magazine, сайти шарики байналмилали шарик - фестивали PhotON.


29
Барчаспҳо:
ёдбуд, ғолиб, намоиш, Аккос, Озмун, Русия
Зрители в кинотеатре

Дар ноҳияи Спитамен кинотеатри замонавӣ сохта мешавад

139
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

139
Барчаспҳо:
рушду ободонӣ, Раҷаббой Аҳмадзода, Суғд, Спитамен
Шанхай, архивное фото

Чин мӯҳлати пардохти қарзи 40-миллионии Тоҷикистонро ба таъхир андохт

0
Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар, аз ҷумла аз Тоҷикистон боздошт

ДУШАНБЕ, 5 авг — Sputnik. Пардохти қарзи Тоҷикистон ба Чин ба маблағи 40 миллион доллар муваққатан ба таъхир андохта шуд. Дар ин бора муовини вазири рушди иқтисод ва савдо Абдураҳмон Абдураҳмонзода хабар дод.

Ба гуфтаи вай, Чин вазъи мураккаби иқтисодии Тоҷикистонро дар робита бо пандемияи коронавирус ба назар гирифта, мӯҳлати пардохти онро тамдид кард.

Афзун бар ин, Чин дар робита бо мушкилии молии пайи пандемияи коронавирус қабули пардохтҳои қарзиро аз 77 кишвар боздошт.

Пештар Вазорати молия гуфта буд, қарзи умумии берунаи Тоҷикистон дар нимсолаи аввали соли 2020 3 миллиарду 96 миллионро ташкил медиҳад.

Маълум аст, ки қарзи бештари Тоҷикистон, 36 дар сади он, ба бонки Чин рост меояд, ки он 1 миллиарду 133,4 ҳазор доллар аст.

“Ҳисоби абҷад”: “Талко” қарзҳои андозро ғайривоқеӣ хонд

 

0