Обзор на город Душанбе. Пейзаж

Муаллими ахлоқ: дар Душанбе аз Мавлоно Ҷалолиддини Балхӣ ёд карданд

119
(Таҷдидшуда 17:10 30.09.2019)
Барои бузургдошти Мавлоно Ҷалолиддини Балхӣ дар шаҳри Душанбе, дар Академияи илмҳои Тоҷикистон ҳамоиш доир гардид

ДУШАНБЕ, 30 сен — Sputnik. Осори Мавлоно Ҷалолиддини Балхӣ пур аз ҳикмат аст ва дар он сухан аз одоб, ахлоқ аз илму фарҳанг ва ирфон гуфта шудааст.

Ба ҳамин хотир осори ин мутафаккири бузурги тоҷик  дар гузашта, имрӯза ва оянда низ арзиши худро гум намекунад.

Ин нуктаро  имрӯз зимни баргузории ҳамоиши илмию адабие, ки ба бузургдошти Мавлоно Ҷалолиддини Балхӣ дар Академияи илмҳои Ҷумҳурии Тоҷикистон доир гардид, таъкид шудааст, хабар медиҳад АМИТ "Ховар".

Бино ба иттилои манбаъ, ҳамоишро президенти Академияи илмҳои Ҷумҳурии Тоҷикистон, академик Фарҳод  Раҳимӣ ифтитоҳ намуда, аҳли илмро бо зодрӯзи ин мутаффакири барҷаста табрик намудааст.

Ӯ зикр кардааст, ки Мавлоно муаллими ахлоқ аст ва осори ӯ пур аз панду андарз ва ҳидояти инсонҳо сӯйи пиндору гуфтору кирдори нек аст. Олами тафаккури Мавлоно мисли уқёнуси бекарон аст ва барои шинохти ҷавҳари аслии таълимоти ин мутафаккир осори ӯро амиқтар бояд таҳқиқ кард.

Дар ҳамоиш олимону муҳаққиқон ва донишмандон атрофи шахсият, осор, тафаккур ва паҳлуҳои таҳқиқнашудаи эҷодиёти Мавлоно андешаҳояшонро баён карданд.

Онҳо таъкид доштанд, ки дар ҷаҳони муосир-замони бархӯрди тамаддунҳо андешаҳои орифона ва таълимоти дар асоси арзишҳое, чун таҳаммулпазирӣ ва ҳамзистӣ бунёдёфтаи Мавлоно Ҷалолиддини Балхӣ аз ҳарвақта бештар муҳимият пайдо намудаанд.

Аз ҷумла, адабиётшинос, профессор Абдунабӣ Сатторзода иброз намуд, ки мардуми тоҷик бо осору афкори Мавлоно аз замонҳои пеш шинос буданд, вале шинохти бисёр хубу дақиқи мардуми тоҷик аз осору афкори ӯ дар солҳои соҳибистиқлолӣ шурӯъ гардид. Дар ин замина дар Тоҷикистон таҳқиқоти зиёд анҷом гирифтанд. Инчунин дар ин давра китобҳои Мавлоно ба хати кирилӣ нашр гардиданд.

Соли 2008 бо ташаббуси сарвари  давлат дар Душанбе конфронси байналмилалӣ доир гардид, ки ба ин муносибат корҳои зиёде амалӣ гардиданд.

"Солҳои охир шӯҳрати Мавлоно дар Ғарб хеле боло рафт. Аз ҷумла, осори Мавлоно аз пурхонандатарин ва серхаридортарин дар Америка ба ҳисоб меравад. Ҳарчанд дар Тоҷикистон ва хориҷ атрофи осори ин мутафаккири бузург бисёр корҳо ба сомон расонида шуда бошанд ҳам, вале  он то имрӯз пурра омӯхта нашудааст",-илова намуд адабиётшинос А. Сатторзода.

Ба андешаи номбурда, ҳар як хонандаи тоҷик бояд аз осори Мавлоно баҳра бигирад. Зеро осори Мавлоно як баҳри азимест, ки барои тамоми мардуми дунё, сарфи назар аз пӯсту забону мазҳаб офарида шудааст.

Дар ҷараёни ҳамоиши илмию фарҳангӣ ҳунармандони маҳбуби кишвар Файзалӣ Ҳасанов, Озодабону Ашӯрова, Ҳуршед Раҳимов ва Ортиқи Қодир аз ашъори Мавлоно Ҷалолиддини Балхӣ сурудҳо ва  шеърҳо қироат намуданд.

Мавриди зикр аст, ки ҳамоиш бо ташаббуси Институти забон ва адабиёти ба номи Абӯабдуллои Рӯдакии Академияи илмҳо баргузор гардида, дар он олимону муҳаққиқон, магистрантон ва аспирантон, ҳунармандон, инчунин ҳаводорони осори ин мутафаккири барҷаста иштирок намуданд.

Ёдовар мешавем, ки оғоз аз соли 2007 бо фармони Президенти кишвар Эмомалӣ Раҳмон ҳар сол 30 сентябр дар Ҷумҳурии Тоҷикистон ҳамчун Рӯзи Мавлоно Ҷалолиддини Балхӣ таҷлил мешавад.

119
Барчаспҳо:
Ҷалолиддини Румӣ, Душанбе, Тоҷикистон
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

58
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

58
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2957
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2957
Последствия разрушений после селевого потока в Пенджакенте

Обшавии пиряхҳо ва фаромадани сел: ҳушдори Ожонси ҳавошиносӣ аз гармии тоқатфарсо

0
(Таҷдидшуда 12:31 09.08.2020)
Бино ба ҳушдори Ожонси ҳавошиносӣ, боду ҳавои гарми чанд рӯзи охир эҳтимолан боиси фаромадани сел мешавад

ДУШАНБЕ, 9 авг — Sputnik. Ожонси ҳавошиносии Тоҷикистон боду ҳавои гарм дар Тоҷикистонро пешгӯӣ кард.

Бино ба гузориши Ожонси ҳавошиносӣ дар ҳудуди Тоҷикистон то рӯзи 9 август ҳарорати 40 дараҷаӣ боқӣ мемонад.

Ҳушдори Ожонси ҳавошиносӣ аз гармии тоқатфарсо дар моҳи август

Танҳо дар ноҳияи дурдасттарини ВМКБ- Мурғоб ҳарорати ҳаво то 25 дараҷа гарм хоҳад шуд.

Чунин гармӣ боиси обшавии пиряхҳо шуда, сатҳи дарёҳоро баланд мебардорад ва эҳтимолан боиси фаромадани сел мешавад.

То 44 дараҷа: Ҳушдори Кумита аз гармои шадид давоми чанд рӯзи оянда

Дар ҳудуди вилояти Суғд ва қисмати ғарбии Вилояти Мухтори Кӯҳистони Бадахшон эҳтимоли обхезӣ вуҷуд дорад.

0
Барчаспҳо:
пирях, гармӣ, Ожонси ҳавошиносӣ