Чайхана Рохат, архивное фото

Зиёфат дар чойхонаи "Роҳат": Рӯзи куҳансолон дар Душанбе чигуна таҷлил шуд - видео

133
Дар ҳамоиш барои фаъолияти пурсамар дар самти кор бо куҳансолон як зумра кормандони сохторҳои мақомоти шаҳри Душанбе бо мукофоту  туҳфаҳои хотиравӣ қадр гардиданд

ДУШАНБЕ, 1 окт — Sputnik. Имрӯз бо ташаббуси мақомоти шаҳри Душанбе  дар Театри давлатии академӣ – драмавии ба номи А. Лоҳутӣ бахшида ба  Рӯзи байналмилалии куҳансолон  таҳти унвони "Дар ҷавонӣ  хидмати модар- падар кун!"  маҳфили  фарҳангӣ баргузор гардидааст.

Тавре АМИТ "Ховар" хабар медиҳад,  маҳфили  мазкурро  муовини раиси шаҳри Душанбе Мавсума Муинӣ ифтитоҳ намуда, ба иштирокдорони он номаи шодбошии раиси шаҳри Душанбе Рустами Эмомалиро расондааст.

Ноиби Рустами на летнем фестивале в Душанбе 17.08.2019
© Sputnik / Амир Исаев
Ноиби Рустами на летнем фестивале в Душанбе 17.08.2019

Муинӣ  зикр кардааст, ки  мояи  ифтихор аст, ки Ҳукумати  мамлакат  ва махсусан, Президенти Ҷумҳурии Тоҷикистон Эмомалӣ Раҳмон ба вазъи зиндагии пиронсолону барҷомондагон, нафақахӯрон ва дигар қишрҳои ниёзманди ҷомеа таваҷҷуҳи хос зоҳир менамоянд. Дар ин робита дар кишвар даҳҳо фармону қарор ва амру дастурҳои дахлдор  оид ба беҳгардонии шароити зисти ин қишри ҷомеа ба тасвиб расидаанд.

"Ҳамасола дар ҷумҳурӣ ва бахусус пойтахти  мамлакат — шаҳри Душанбе Рӯзи куҳансолон  ва дигар санаҳои ифтихории марбут ба ин табақаи соҳибэҳтироми ҷомеа ба таври васеъ таҷлил мегарданд. Мақомоти иҷроияи ҳокимияти давлатии шаҳри Душанбе низ нисбат ба ин табақаи ҷомеа эҳтироми хосса зоҳир намуда, дар таъмини ҳуқуқу озодиҳои онҳо корҳои шоиста анҷом медиҳад. Бо ибтикори роҳбарияти  мақомоти шаҳр  дар пойтахт  Маркази минтақавии хизмати иҷтимоӣ ба нафақахӯрон ва маъюбони шаҳри Душанбе ташкил карда шудааст, ки дар он шахсони бесаробону барҷомонда,  ниёзманд таҳти ҳимояти давлат ба нигоҳубин ва хизматрасониҳои алоҳида фаро гирифта шудаанд",- таъкид намудааст муовини раиси шаҳр.

Дар  ҷамъомад ҳамчунин гуфта шудааст, ки дар ин рӯз бо мақсади ҳифз ва пуштибонӣ аз ҳуқуқу озодиҳои шахсони  пиронсол дар шаҳри Душанбе аз ҷониби ташкилоту идораҳои давлатӣ ва ҷамъиятӣ конференсияву вохӯрӣ, ҷамъомаду суҳбатҳои гуногун бахшида ба нақш ва саҳми табақаи номбурда дар пешбурди ҷомеа баргузор  карда  мешаванд.

Дар ҳамоиш барои фаъолияти пурсамар дар самти кор бо куҳансолон як зумра кормандони сохторҳои мақомоти иҷроияи ҳокимияти давлатии шаҳри Душанбе бо мукофоту  туҳфаҳои хотиравӣ қадр гардиданд.

Сипас  бахшида ба ҳаёт ва фаъолияти ибратомӯзи ин табақаи ҷомеа намоиши театрӣ  пешниҳод гардидааст.

Инчунин барномаи фароғатӣ — дастагули мусиқӣ иборат аз созу навои устодони санъат ва эҷодкорони ҷавони шаҳри Душанбе   пешниҳоди иштирокдорон гардонида шудааст.

Дар Чойхонаи машҳури пойтахт — "Роҳат" барои иштирокдорони  ин ҳамоиш дастурхони идона ороста шудааст.

133
Барчаспҳо:
Мавсума Муинӣ, изофа ба ҳуқуқи бознишастагии куҳансолон, Душанбе, Тоҷикистон
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

59
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

59
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

2957
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

2957
Здание налогового комитета в Душнабе, архивное фото

Дар Суғд 27,3 миллион сомонӣ пинҳонкории андоз ошкор шуд

0
(Таҷдидшуда 12:33 09.08.2020)
Дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид шудааст

 ДУШАНБЕ, 9 авг — Sputnik. Дар Суғд 27,3 миллион сомонӣ пинҳонкории андоз ошкор шуд, гузориш медиҳад "Ховар".

Бино бар иттилои манбаъ, кормандони Раёсати андози вилояти Суғд дар доираи иҷрои қонунгузории Ҷумҳурии Тоҷикистон оид ба сари вақт пардохт намудани андоз ва ҳолатҳои саркашинамоӣ аз андозсупорӣ давоми шашмоҳаи  якуми соли 2020 нисбат ба фаъолияти 340 соҳибкори инфиродӣ ва шахсони ҳуқуқӣ санҷиши риояи қонунгузории андоз гузарониданд.

"Дар натиҷа ба маблағи 27,3 млн.сомонӣ ҳолатҳои пинҳонкунии андозро ошкор намуда, аз ин ҳисоб 24,6 млн сомониашро ба буҷети давлат ситонидаанд", - тавзеҳ медиҳад манбаъ.

Гуфта мешавад, дар давраи ҳисоботӣ дар самти маҷбуран ситонидани қарзи андозҳо 1531 адад қарор оид ба маҷбуран ситонидани андозҳо ба маблағи умумии 55,9 млн.сомонӣ қабул гардида, аз ин ҳисоб 40,1 млн.сомонӣ рӯёнида шуд, ки   нисбат ба ҳамин давраи соли гузашта 22,6 млн.сомонӣ зиёд мебошад.

Инчунин имрӯз мувофиқи ҳисобот дар миқёси вилояти Суғд 35 536 нафар соҳибкорони инфиродии бо патент фаъолияткунанда ба қайд гирифта шуда, аз ин ҳисоб ба буҷети давлатӣ 33,0 млн.сомонӣ андозҳо ворид гардид.

“Ҳисоби абҷад”: “Талко” қарзҳои андозро ғайривоқеӣ хонд

Шумораи соҳибкорон нисбат ба ҳамин давраи соли гузашта 904 нафар зиёд гардидааст. Вобаста ба имтиёзҳои пешбинишуда ҷамъоварии андозҳо нисбат ба ҳамин давраи соли гузашта ба маблағи 5,2 млн.сомонӣ коҳиш ёфтааст.

0