ЮНЕСКО

Сипосномаи ЮНЕСКО аз Зевар Давлатзода

176
(Таҷдидшуда 15:11 12.10.2019)
Дафтари минтақавии ЮНЕСКО дар Алмато ба номи муовини вазири фарҳанги Тоҷикистон Зевар Давлатзода, барои нақши бориз доштанаш дар ҳамкории ЮНЕСКО ва Тоҷикистон номаи сипос равон кардааст

ДУШАНБЕ, 12 окт — Sputnik. Бино бар иттилои дафтари матбуоти вазорати фарҳанги Тоҷикистон, ахиран хонум Криста Пиккат, роҳбари Дафтари минтақавии ЮНЕСКО дар Алмато,   ба номи муовини вазири фарҳанги Тоҷикистон Зевар Давлатзода номаи сипос равон карда шудааст.

Дар матни Криста Пиккат аз муовини вазири фарҳанг Зевар Давлатзода барои нақши бориз дар ҳамкории ЮНЕСКО ва Тоҷикистон, хусусан дар доираи лоиҳаи муштараки ЮНЕСКО ва Иттиҳоди Аврупо “Долонҳои мероси Роҳи абрешим дар Афғонистон, Осиёи Марказӣ ва Эрон”, инчунин барои дастгирии доимии барномаҳои ЮНЕСКО доирд ба фарҳанг дар Тоҷикистон изҳори сипос намудааст.

Инчунин намояндаи ЮНЕСКО аз сатҳи баланди ташкилӣ ва мазмуну мундариҷаи семинари миллӣ дар мавзӯи “Коркард ва пуррасозии нақшаи идоракунии ёдгориҳои ба Феҳристи Мероси ҷаҳонии ЮНЕСКО воридшуда ва ёдгориҳои таърихию фарҳангии ба Рӯйхати қаблӣ аз Ҷумҳурии Тоҷикистон воридшуда”, ки аз 1 то 4 октябри соли 2019 дар вилояти Суғд баргузор гардида буд, қайд намудааст.

“Ба шарофати дастгирӣ ва иштироки шахсии Шумо ба мо муяссар гардид, ки намояндагони ҳукуматҳои маҳаллӣ ва мутахассисони соҳаи бостоншиносӣ ва таърихро ҷамъ карда, ба онҳо малакаи омода намудани нақшаи идоракунии ёдгориҳо ва таҳияи ҳуҷҷатҳо барои пешниҳод ба Феҳристи Мероси ҷаҳонии ЮНЕСКО-ро омӯзонем” – таъкид намудааст Криста Пиккат, роҳбари Дафтари минтақавии ЮНЕСКО дар Алмато.

176
Барчаспҳо:
сипоснома, нома, Зевар Давлатзода, ЮНЕСКО, Тоҷикистон
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

595
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

595
Кинопленка, архивное фото

Филми коргардони тоҷик дар ҷашнвораи Англия намоиш дода мешавад

49
(Таҷдидшуда 14:30 06.08.2020)
Барои аввалин бор филми яке аз коргардонҳои тоҷик Комил Каримов дар ҷашнвораи филми Англия намоиш дода мешавад

ДУШАНБЕ, 6 авг — Sputnik. Филми кӯтоҳи "Шахсият", ки моли коргардони тоҷик Комил Каримов мебоша, ба марҳалаи ниҳоии ҷашнвораи филми Англия роҳ ёфт, хабар медиҳад Авеста.

Ромфурди Англия мизбони дуввумин ҷашнвораи филми Авросиё дар соли 2020 аст.

Кумитаи баргузоркунандаи ҷашнвораи филм умедвор аст, ки дар оянда ширкаткунандагони бештаре аз Тоҷикистонро бо корҳои фохир дар ин ҷашнвора бибинанд.

Филми "Дӯғоб"-и коргардони тоҷик дар ҷашнвораи Бишкек намоиш дода мешавад

Дар ин ҷашнвора 60 филм ба забони англисӣ дар бахшҳои филмҳои баланд, кӯтоҳ ва мусиқии филм ширкат карданд.

Илова бар ширкат кунандагони тоҷикистонӣ , намояндагони кишварҳои Қазоқистон , Италия, Финландия , Иёлоти Муттаҳида  , Белорус , Суид , Олмон, Эрон, Украина, Арманистон, Русия ва Ӯзбекистон ҳам осори худро ба ин ҷашнвора ирсол карданд.

Маросими эҳдои ҷавоиз низ 18 август дар шаҳри Ромфурд баргузор мешавад.

49
Барчаспҳо:
тоҷик, коргардон, филм, Англия
Мужчина с ножом в руках, архивное фото

Боздошти Меҳровар барои қатли додараш дар Душанбе-видео

0
Вазорати умури дохилии Тоҷикистон аз боздошти як ҷавони 24 солаи пойтахт хабар медиҳад, ки дар куштори додараш муттаҳам мешавад

 

ДУШАНБЕ, 6 авг — Sputnik. Бино ба гузориши ин ниҳод, бо гумони бародаркушӣ  Бобоҷонов Меҳровари 24 сола боздошт гаштааст.

Ба иттилои манбаъ, куштор дар заминаи муноқишаи лафзӣ ва якдигарнофаҳмӣ санаи 15 июл тақрибан соати 15:20 ба вуҷуд омадааст.

Манбаъ мегӯяд, дар ин рӯз Бобоҷонов Меҳровар бо бародараш Бобоҷонов Бахтовари 18 сола муноқиша намуда додарашро зери латукӯб қарор додааст.

Боздошти марде, ки ба гардани бародараш корд зад

Гуфта мешавад,Марҳум Бобоҷонов Бахтовар ҳамчун чораи муҳофизатӣ бо корди ошхонагӣ ба бародарааш ҳамла мекунад, аммо гумонбаршуда корди ӯро аз дасташ гирифта, як маротиба ба қафаси синааш зарба мезанад.

Дар натиҷаи зарби корди бародар бинобар сабаби рафтани хуни зиёд додар дар ҷойи ҳодиса ба ҳалокат мерасад, афзудааст манбаъ.

Вазорат шарҳ надодааст, ки чи омил боиси якдигарнофаҳми ва ҳатто куштор гаштааст.

ВУД мегӯяд, нисбат ба ҳодисаи мазкур тафтишот идома дорад.

Ин нахустин ҳолати кордкашии бародар ба бародар набуда, даҳ рӯз пеш кормандони пулиси шаҳри Конибодом 

як сокини 40-солаи маҳаллиро бо гумони қасдан расонидани зарари миёна ба саломатии додараш боздошт карданд.

Ҳамзамон ин ниҳод, қабл аз ин  як марди 42-сола, сокини шаҳри Истаравшанро боздошт кард, ки пас аз майнӯшӣ бо бародари 41-солааш ҷангу ҷанҷол намуда, як маротиба ба гарданаш корд задааст.

 

 

0