Далер Назаров, архивное фото

Рейтинги овозхонҳо: Далер Назаров маҳбубтарин овозхон дар Тоҷикистон ба ҳисоб меравад

685
(Таҷдидшуда 20:07 16.10.2019)
Тибқи як назарсанҷие, ки ҳафтаномаи "Ҷавонони Тоҷикистон" ба анҷом расонд, маълум гардид, ки маҳбубтарин овозхон миёни шаҳрвандони Тоҷикистон ҳамоно Далер Назаров боқӣ мемонад

ДУШАНБЕ, 16 окт — Sputnik.  Ҳафтаномаи "Тоҷикистон", назарсанҷияшро дар мавриди рейтинги 10 овозхони шинохтаи тоҷик, ки синни соли онҳо аз 40 боло мебошад, ҷамъбаст намуд.

Бар тибқи натиҷаи ин назарсанҷӣ, овозхони маъруфи кишвар Далер Назаров бо касби 61 хол садрнишини ҷадват аст.

Сарояндаи лаҳистонӣ бо иҷрои суруди Далер Назаров мардумро ба ваҷд овард

Ба даҳгонаи беҳтарин овозхонҳои миёнасоли Тоҷикистон Афзалшоҳ Шодиев, Сурайё Қосимова, Давлатманд Холов, Зафар Аюбӣ, Чидахон Холов, Сангалӣ Мирзоев, Саидқул Билолов ва Парда Қосим шомил гардиданд.

Бояд гуфт, ки овозхони саршиноси Тоҷикистон Афзалшоҳ Шодиев бо касби 51 хол дар мақоми саввум, аммо ҳунарманди дигари Тоҷикистон Парда Қосим дар феҳрасти охирини ҷадват қарор гирифт.

Муъҷиза: Чоршанбе Аловатов бо суруди Далер Назаров доваронро шигифтзада кард - видео

Ёдовар мешавем, ки ҳафтаи гузашта тибқи назарсанҷии ҳафтаномаи мазкур, беҳтарин овозхонҳои ҷавон муайян гардиданд, ки Шабнами Сурайё бо гирифтани холи бештар ҳамаро гол зада, садрнишини ҷадвал шуд.

Овоздиҳӣ тариқи шабакаҳои иҷтимоӣ сурат мегирад ва як овоз бар ҷонибдории ин ё он санъаткор як хол ҳисоб карда мешавад.

685
Барчаспҳо:
овозхон, Далер Назаров, Тоҷикистон
Нигина Амонкулова

"Гуфтиву накардӣ" : нашри суруди ҷадиди Нигина Амонқулова - видео

1067
(Таҷдидшуда 20:12 18.10.2020)
Нигина Амонқулова сарояндаи шинохтаи саҳнаи тоҷик, суруди ҷадиди худро таҳти унвони "Гуфтиву накардӣ" нашр кард

ДУШАНБЕ, 18 окт — Sputnik. Нигина Амонқулова овозхони шинохтаи Тоҷикистон, дар саҳифаи Qiam Entertainment дар Ютуб, суруд ва намоҳанги нави худро пешкаши мухлисонаш гардонидааст.

Навори суруд дирӯз, 17 октябр дар шабакаи Youtube нашр шудааст. Дар давоми як рӯз ин сурудро беш аз 84 ҳазор кас тамошо карда ва зиёда аз 2 ҳазор корбар писандидааст.

Ногуфта намонад, ки ин суруди Нигина Амонқулова низ дар доираи тарҳи нави сароянда бо ширкати Qiam Entertainment сабт шудааст.

Маллифи суханони суруд Орзу Исоев буда, оҳангашро Даврони Раҳматзод эҷод кардааст. Ин суруд дар бораи ошиқест, ки маъшуқаашро қадр намекунад. 

Ёдрас мешавем, ки чанде пеш сароянда тарҳи нави худ -  "Legends live forever" оғоз кард, ки дар доираи он сурудҳои машҳури ситораҳои номдори шарқро бозхонӣ мекунад. Ба гуфти Нигина ин тарҳро ба ӯ ширкати  Qiam Entertainment, ки сароянда аз оғози соли 2020 бо он ҳамкорӣ дорад, пешниҳод кардааст.

То ҳол Нигина сурудҳои сарояндаҳои шодравон  - Аҳмад Зоҳир, Муқаддас Набиева, Зафар Нозим, Муҳаммадрафеъ ва Аминҷон Сабуриро, ки ба гуфти худаш аз ҳама бештар писандаш ҳастанд, иҷро кардааст.

Нигина Амонқулова суруди Муқаддас Набиеваро бозхонӣ кард

Нигина Амонқулова дар доираи ин тарҳи ҷадид, нахустин бор ба забони ҳиндӣ сароид. Ҳамчунин дар баробари зинда кардани ёди ҳунармандони қадимӣ, Нигина дар доираи ин тарҳ, се суруди ҷадиди худро низ месарояд.

1067
Барчаспҳо:
Тоҷикистон, нав, ҷадид, нашр, Нигина Амонқулова
Младенец, архивное фото

Машҳуртарин номҳои кӯдакона дар Ӯзбекистон маълум шуд

513
(Таҷдидшуда 09:25 18.10.2020)
Соли 2020 Муҳаммадалӣ ва Солиҳа номҳои маъмулӣ шуданд. Соли гузашта низ ба онҳо шумораи бештари волидон бартарӣ додаанд

ДУШАНБЕ, 18 окт — Sputnik. Агентии хизматрасонии давлатии назди Вазорати адлия маълумотро дар бораи номҳои маъмул дар Ӯзбекистон, ки волидон барои кӯдакони навзод интихоб кардаанд, нашр кард.

Изабелла, Сензора, Имран: Кумитаи забон 217 номи нав илова ва 223 номи аҷнабиро рад кард

Тибқи маълумоти ин ниҳоди давлатӣ, дар соли 2020 маъмултарин номҳо Муҳаммадалӣ ва Солиҳа буданд: 1582 писар ва 1601 духтар ба ин ном гузошта шудаанд.

Тибқи омори соли гузашта, ин номҳо инчунин мавқеи аввалро ишғол мекарданд.

Ҳабибҳо бисёр шуданд: Ҳукумат гуфт, навзодҳоро зиёд Ҳабиб ном мегузоранд

Дар соли гузашта, 12 461 шаҳрванд ба фарзандони худ Солиҳа ва 11 305 шаҳрванди Ӯзбекистон ба фарзандонашон Муҳаммадалӣ ном гузоштанд.

513
Маруф Мухаммадзода

Дигар муҳлат нест: дастури Муҳаммадзода, барои барканории раисони бемасъул

391
(Таҷдидшуда 10:19 20.10.2020)
Маъруф Муҳаммадзода, раиси шаҳри Хуҷанд зимни баргузории ҷаласа, аз бемасъулиятии раисони маҳаллаҳо дар бораи пешгирӣ ва мубориза бо бемории COVID-19 изҳори нигаронӣ варзид

ДУШАНБЕ, 20 окт – Sputnik. Муҳаммадзода дар иҷлосияе, ки дар он фаъолияти нуҳ моҳаи соҳаҳои хоҷагии халқи шаҳри Хуҷанд натиҷагирӣ карда мешуд, аз бемасъулиятии раисони маҳаллаҳо ҷиҳати пешгирии бемории коронавирус интиқод кард.

"Давлату ҳукумат ба шумо бовар карда вазифа додааст. Имрӯз вақти он аст, ки ба вазифаатон содиқ бошед, мардумро ҳимоя намоед, барои саломатии мардум чораандешӣ кунед, то мардум аз беморӣ талаф наёбад. Мутаасифона ягон чорабинӣ накардед, ягон ташаббус, ягон пешниҳод нисбати хуруҷи бемории COVID-19 аз ҷониби раисони маҳаллаҳоро надида истодаем. Дар оғоз як ду бор корҳои безарагардониро гузаронидед, дигар ҳоло аз ёди ҳама ин корҳо баромада рафт", - иброз намуд Муҳаммадзода.

Мушкили хуруҷи бемории COVID-19 ва роҳҳои пешгирии он, аз мавзӯъҳои меҳварии ҷаласаи ҳукумати шаҳри Хуҷанд ба ҳисоб мерафт. Ва бино бар таъкиди масъулини иҷлосия, шаҳри Хуҷанд яке аз шаҳрҳои осебпазир аз лиҳози хуруҷи ин беморӣ гардидааст.

Фирӯза Нуруллозода, муовини раиси шаҳри Хуҷанд иттилоъ дод, ки аз оғози сабти пандемияи каронавирус то имрӯз дар маркази Суғд, 4 ҳазору 650 мавриди сирояти беморӣ қайд шудааст, аз ин шумор 3114 нафар дар Бемористонҳои клиникавӣ, сироятӣ ва таваллудхонаи Хуҷанд табобат гирифта ва 1536 нафар дар зери муоинаи амбулатории духтурон қарор доштанд.

Муовини раиси шаҳри Хуҷанд омори охирини сироятёбӣ ва табобати сокинонро дар ҷаласа ироа намуд.

"Айни ҳол 128 нафар бо сирояти илтиҳоби шадиди шуш дар беморхонаҳо, 64 нафар бо ҳамин гуна ташхиси беморӣ дар табобати амбулаторӣ ва 35 нафар бо аломати COVID-19 зери назорати амбулаторӣ қарор доранд. Аз тарафи духтурони оилавӣ ва кормандони МНДСЭ муоинаи эпидемиологии манбаҳои сироят гузаронида шуда, корҳои фаҳмондадиҳӣ оиди пешгирии роҳҳои сироятёбӣ аз шахси бемор, аъзоёни оила ва дигарон гузаронида шудааст", -  зикр намуд, Нуруллозода.

Ҳарчанд дар ин ҷаласа иттилоъ дар бораи шумори фавт аз беморӣ гуфта нашуд, вале раиси Хуҷанд аз маргумири сокинон нигаронӣ кард ва ба муовинонаш дар барои барканор кардани раисони маҳаллаҳое, ки дар ин самт дуруст карбарӣ накардаанд дастур дод.

"Ин шухӣ нест, ҷони одам рафта истодааст. Талафот шуда истодааст. Раисони маҳалла медонед, кӣ аз кадом кӯча бо кадом сабаб фавтид. Тамом, мо дигар муҳлат дода наметонем, ки як моҳ ё ду моҳ корашро дуруст карда тавонад. Таҳлил мекунетон, ки кадом раиси маҳалла дар ҳамин самт бетарафӣ карда бошаду корро дуруст ба роҳ намондааст, барои ман гузориш медиҳетон, дигар ягон рӯз кор намекунад. Кор мекардагиш кор мекунад, кор намекардагия ба ҷояш дигар кас таъйин карда мешавад. Шахсони масъулро мондан даркор, ки дар ин масъала дуруст корбарӣ кунанд", -  гуфт раиси шаҳри Хуҷанд.

Алҳол дар шаҳри Хуҷанд 22 маҳалла мавҷуд мебошад.

Маъруф Муҳаммадзода аз масъулони шуъба ва бахшҳои кор бо ҷавонон, занон, фаъолони маҳаллаҳо, имомхатибон, омӯзгорон ва кормандони мақомоти ҳифзи ҳуқуқ даъват намуд, ки барои пешгирӣ ва мубориза бо ҳамагири каронавирус чораҳои зарурӣ андешанд.

391
Барчаспҳо:
бемасъулиятӣ, муҳлат, раис, Хуҷанд, Маъруф Муҳаммадзода
Мавзуҳо:
Пайомадҳои COVID-19 дар Тоҷикистон ва ҷаҳон