Принц Карим Ага-хан IV, архивное фото

Мавлуди Аълоҳазрат Оқохони IV дар Маскав бошукӯҳ ва дар шакли муосир таҷлил мешавад

733
(Таҷдидшуда 21:17 29.10.2019)
Барои таҷлили 83-юмин солгарди мавлуди Аълоҳазрат Оқохони IV ба Маскв беҳтарин сарояндагони Тоҷикистон меоянд

ДУШАНБЕ, 29 окт — Sputnik. Ба муносибати 83-юмин солгарди мавлуди пешвои исмоилиёни ҷаҳон Аълоҳазрат Оқохони IV, дар Маскав бо ибтикори созмони ҷамъиятии "Нур" барномаи бошукӯҳи фарҳангӣ таҳти унвони "Хушҳолӣ муборак" баргузор мешавад.

Дар ин бора раиси созмони "Нур" Карамшо Мамаднасимов дар суҳбат бо Sputnik Тоҷикистон хабар дод.

Ба гуфти ӯ таҷлили Рӯзи мавлуди Шоҳ Карим ал-Ҳусайнӣ рӯзи 22 декабр дар назар дошта шудааст. Сабаби ба таъхир афтидани таҷлили мавлудро Мамаднасимов ба банд будани толорҳо ва муносиб набудани толорҳои холӣ ба шакли нави баргузории барнома, рабт дод.

"Мо имсол дар нақша дорем барномаро дар формати нав ташкил кунем - яъне дар шакли Open Space - муҳити озод. Он натанҳо аз консерт балки аз намоиши аксу нигораҳо, таомҳои миллӣ, барномаҳои фарҳангӣ ва дар ҷамъбаст аз шоу-барномаи консертӣ бо ширкати ситораҳои эстрадаи Тоҷикистон иборат хоҳад буд. Чун на ҳар толори консертӣ ба шакли нави баргузории барномаи мо муносиб буд, мо барномаамонро каме бо таъхир гузоштем", - гуфт Мамаднасимов дар суҳбат бо Sputnik Тоҷикистон.

Барои таҷлили 83-юмин солгарди мавлуди Аълоҳазрат Оқохони IV ба Маскв беҳтарин сарояндагони Тоҷикистон меоянд: Хайём Хайёлбеков, Соҳиба Давлатшоева, Гурӯҳи "ШАМС", Фирӯз Паллаев, Ақназар Аловатов, Замири Тиллозод ва Парвиноз Ақназарова.

Барномаи фарҳангӣ аз соати 14: 00 оғоз шуда то соати 21:00 давом хоҳад кард. Макони баргузории барнома - шаҳри Маскав, кӯчаи Шарикоподшипниковская 13, аренаи “Main Stage” мебошад.

Паёми алмосии Оқохони IV: Аз вазифаи имом то баракати иртибот ва беҳтарин садақа...

Ногуфта намонад, ки 80-умин солгарди пешвои исмоилиёни ҷаҳон Шоҳ Карим ал-Ҳусайнӣ низ дар Маскав соли 2016 бо консерти бошукӯҳи "Хушҳолӣ муборак" таҷлил шуда буд. Дар он овозхонони маъруф - Самандар Пӯлодов, Мадина Ақназарова, Ақназар Аловатов, гурӯҳи "Шамс", гурӯҳи "Зафар", Мутриб Шоискандаров, гурӯҳи рақсии "Нур" ва Далер Назаров ширкату ҳунарнамоӣ карда буданд.

Шоҳ Карим ал-Ҳусайнӣ Оқохони IV, 49-умин имоми исмоилиёни ҷаҳон, 13 декабри соли 1936 дар шаҳри Женеваи Швейсария ба дунё омадааст. Ин торихро исмоилиёни ҷаҳон чун рӯзи “Мавлуд” ҷашн мегиранд.

Шоҳзода Карим ал-Ҳусайнӣ ва тарҳҳои Шабакаи тавсеъаи Оқохон дар Тоҷикистон

Ҳамакнун дар саросари ҷаҳон камобеш 20 милюн кас пайрави маҳзаби шиъаи имомии исмоилӣ ҳаст, ки дар Тоҷикистон, Ҳиндустон, Покистон, Афғонистон, Танзания, Кения, кишварҳои халиҷи Форс, Эрон, Лубнон, Сурия, Алҷазоир, ҳамчунин Амрико, Канада, Бритониё ва Фаронса зиндагӣ ба сар мебаранд. Яке аз бузургтарин ҷамоътҳои исмоилиён дар вилояти мухтори Кӯҳистони Бадахшон ба сар мебарад.

Аълоҳазрат Шоҳ Карим донишомӯхтаи донишкадаи торихи исломи Донишгоҳи Ҳарвард буда, бунёдгузор ва сарвари "Шабакаи тавсеъаи Оқохон" (AKDN) аст. Ӯ пас аз бобояш Султон Муҳаммадшоҳ Оқохони Севум, дар рӯзи 11 июли соли 1957, дар 20-солагӣ пешвои руҳонии исмоилиёни ҷаҳон шудааст.

733
Барчаспҳо:
Оқохони IV, таҷлил, Рӯзи мавлуд, Маскав
Мавзуъ
“Хушҳолӣ муборак”-дар Маскав бахшида ба мавлуди Оқохони IV консерт баргузор гардид
Награждение, архивное фото

Қадрдонии шоири тоҷик бо нишони "Наследие"

494
(Таҷдидшуда 16:52 23.11.2020)
Шоир ва рӯзноманигори тоҷик Карим Ҳайдар ба медали иттифоқи нависандагони Русия "Наследие" сазовор гардид

ДУШАНБЕ, 23 ноя — Sputnik. Шоир ва сармуҳаррири барномаҳои ахбори телевизиони "Тоҷикистон", Карим Ҳайдарро бо ситораи "Наследие" - 2020 қадрдонӣ мекунанд.

Қарори мукофотонидани шоири тоҷик дар Иттифоқи нависандагони Русия қабул гардид.

Ба гуфти шоир, ин мукофот дар маросими ҷоизасупории "Наследие" ба ӯ дода мешавад. Ин маросим баҳори соли 2021 бо ширкати фаъоли ҷамъиятӣ Мария Романова баргузор мешавад.

Қайд мекунем, ки ин дуввумин ҷоизаи шоир дар соли 2020 мебошад. Пештар шоир ва рӯзноманигори тоҷик Карим Ҳайдар ба медали иттифоқи нависандагони Русия "Сергей Есенин" сазовор гардид.

Шоири тоҷик Карим Ҳайдар ба медали "Сергей Есенин"-и Русия сазовор шуд

Шарҳи ҳоли Карим Ҳайдар

Карим Ҳайдар 6 январи соли 1961 дар Истаравшан дар оилаи рӯзноманигор Раҳим Ҳайдар таваллуд шудааст.

Шоир узви Иттифоқи нависандагон, Иттифоқи рӯзноманигорон ва аълочии телевизион ва радиои Тоҷикистон мебошад.

Соли 1983 факултаи забон ва адабиёти руси донишгоҳи давлатии Хуҷандро хатм карда, аз соли 2006 дар шабакаи телевизиони "Тоҷикистон" фаъолият мебарад.

Карим Ҳайдар муаллифи маҷмааҳои шеърии "Садои аҷдодон" ("Голоса предков"), "Қиссаи Ҳисор", ҳикояву очеркҳо мебошад, ки бештарагон дар маҷмааҳои кишварҳои ИДМ мунташир шудаанд.

Ӯ суруди миллии Тоҷикистонро ба забони русӣ тарҷума кардааст ва муаллифи филмҳои мустанади Роберт Рождественский", "Тимур Зулфиқоров", "Михаил Синелников - шоир ва тарҷумон" мебошад.

Гулчине аз ҳаёту эҷодиёти устод Гулназар Келдӣ-тасвирбаён

Афзун бар ин, Карим Ҳайдар барои  Донишгоҳи славянии Тоҷикистону Русия гимн навиштааст.

Бо медалҳои "Хизмати шоиста" ва  МГТРК "Мир" мукофотонида шудааст. Карим Ҳайдар соли 2018 ордени дараҷаи якуми "Достаевский"-и Русияро гирифта буд.

494
Барчаспҳо:
нишон, медал, шоир, Карим Ҳайдаров
Книги Рахмона подарили библиотеке Малайзии

Қодирӣ китобҳои президенти Тоҷикистонро ба китобхонаи миллии Малайзия тақдим кард

162
(Таҷдидшуда 16:43 23.11.2020)
Ардашер Қодирӣ, сафири Тоҷикистон дар Малайзия аз Китобхонаи миллии Малайзия боздид намуда, китобҳои президенти Тоҷикистонро ба китобхонаи миллии ин ин кишвар тақдим кард

ДУШАНБЕ, 23 ноя – Sputnik. Сафири Тоҷикистон дар Малайзия Ардашер Қодирӣ аз Китобхонаи миллии Малайзия боздид намуда, бо мудири кулли Китобхонаи мазкур хонум Майзан бинти Исмоил мулоқот кардааст.

Бино ба гузориши Вазорати корҳои хориҷии Тоҷикистон, дар мулоқот ҷонибҳо оид ба роҳандозии ҳамкорӣ миёни китобхонаҳои миллии Тоҷикистон ва Малайзия мубодилаи афкор намуда, дар ин замина имзо кардани Ёддошти тафоҳумро зарур шуморидаанд.

Китоби “Уфуқҳои истиқлол”-и Эмомалӣ Раҳмон, соҳиби Шоҳҷоизаи озмуни “Санъати китоб” шуд

Дар ин дидор ҷонибҳо ҳамчунин аҳамияти талошҳои муштаракро барои рушду таҳкими ҳамкорӣ ба нафъи мардумони ду давлат таъкид доштаанд.

“Ҷанг барои “Маснавӣ”: дар Душанбе тайи 5 соат 10 ҳазор китоб фурӯхта шуд

Манбаъ афзуда, ки дар ҷараёни мулоқот сафири Тоҷикистон китобҳои Президенти Тоҷикистон  Эмомалӣ Раҳмонро ба Китобхонаи миллии Малайзия тақдим кард.

162
Барчаспҳо:
боздид, Ардашер Қодирӣ, китобхона
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон