Съемки фильма, архивное фото

Ҳам воқеӣ ҳам арзон: “Газ-52”-ро ба ҷарӣ чаппа карданд - видео

779
(Таҷдидшуда 18:39 27.11.2019)
Ҳайати эҷодии киностудияи “Суғдсинамо” барои сабти порае аз филми “Наставник” як мошини тамғаи “Газ-52”- ро дар ағбаи водии Зарафшон ба ҷарӣ чаппа кардаанд.

ДУШАНБЕ, 27 ноя — Sputnik. Ин кор назар ба сохтани ин лаҳзаи филм тавассути компутер воқеӣ ва ҳам барои филмсозон арзон уфтодааст. Зайниддин Орифӣ, котиби матбуоти муассисаи “Суғдсинамо” дар суҳбат бо Sputnik Тоҷикистон аз сабти филми ҷадид бо номи “Наставник” – (Мураббӣ) иттилоъ дод.

Ӯ гуфт дар ҷараёни сабти ин филм, барои ҳайати эҷодии “Наставник” лозим омадааст, ки як мошини тамғаи Газ-52 ро баъди таъмир ба ҷарӣ чаппа кунанд, зеро дар ин ҳолат сабти филм воқеӣ ва ҳам барои онҳо камхарҷтар ҳисоб шудааст.

“Мо мошини тамғаи Газ-52 и замони шӯравиро дарёфт карда, онро таъмир ва аз сари нав рангубор кардем. Ин мошин мутобиқи филмнома бояд, ки дар роҳи ағба ба садама дучор шуда ба ҷаррӣ фурӯ равад. Ин лаҳзаро мешуд, ки аз тариқи компютер сохт, вале назар ба кору заҳмати компютер, ташкили ин кор барои мо арзонтар ва ҳам сабти саҳна воқеӣ ба навор гирифта шуд”,- афзуд Орифӣ.

 Мошине, ки дар филми “Наставник” ба садама дучор шуда ва ҷарӣ фуру меравад, воқеаи солҳои 70-уми замони Шӯравиро инъикос мекунад.

Дар пайи ин ҳодиса Раҷаб Давлатов, падари қаҳрамони марказии филм Саидмурод Давлатов, ки дар он солҳо ба сифати ронанда-экпедитор мол мекашон ба ҳалокат мерасад.

Ин воқеа дар соли 1978 дар деҳаи Дарғи ноҳияи Айнӣ рух додааст ва филмсозони “Суғдсинамо” баъди 28 сол аз замони фурупошии Шӯравӣ, тавассути саҳнаороӣ он замонро барқарор намуда ва дар ҷои ҳодиса саҳнаро ба таври воқеӣ ба навор гирифтаанд.

Масъулини “Суғдсинамо” мегуянд, филми “Наставник” (Мураббӣ) шарҳиҳолӣ буда, аз рӯзгори Саидмурод Давлатов, бунёдгузори ширкати байналмилалии рушди инсон “САМО”, қисса мекунад, ки барои бисёре аз тоҷирон намунаи ибрат мебошад.

Мазмуни филми мазкур ҳамин гуна аст, ки як ҷавон аз як деҳаи дурдасттарини Тоҷикистон алайҳи ҳама мушкилоти зиндагӣ мубориза бурда, комёб ва шуҳратёр мегардад. То расидан ба зинаи шӯҳрат айёми кӯдакии ин ҷавони рустоӣ дар як оилаи серфарзанд бо мушкилоти фаровон ба паси сар мешавад. Пас аз ҳалок шудани падар дар як сонеҳаи нақлиётӣ дар соли 1978, саробонии қаҳрамони филм ва дигар аъзои хонавода ҳамагӣ дар ихтиёри модар меуфтад.

Қаҳрамони филм барои дарёфти рӯзӣ ба муҳоҷират меравад ва дар кишварҳои ғайр низ ба зиёд мушкилот дучор омада, баъди тай намудани ин ҳама сахтиёҳои айёми ҷавонӣ билофосила ба комёбиҳои молиявӣ ноил мегардад.

Дар тасвир намудани рӯзгори қаҳрамон дар шароити муҳоҷират, филмсозон ба шаҳрҳои Маскави Русия ва кишвари Қазоқистону Қирғизистон барои сабти саҳнаҳо сафар анҷом додаанд. Барои нақшофарӣ як қатор ҳунармандони касбии соҳаи театр ва синамои Русия аз ҷумла Александр Песков, Михаил Горевой, Людмила Фирсова тими “Суғдсинамо” ро ҳамроҳӣ кардаанд.

Илнур Гафатуллин, маркази продюсерии “Футура магнум” и Русия ба наворгирии саҳнаҳои пуртазоди филмро, барои тамошобин ҷолиб ва таваҷҷӯҳбарнгез маънидод кардааст.

Масъулони “Суғдсинамо” мегуянд дар умум барои саҳнаороӣ ин филм дар умум 3 ҳазору 750 адад либосу пойафзол ба ҳисоби як мошин дар саҳнаҳои гуногун лозим шудааст.

Дар филми “Наставник” ба ҳисоби ситораҳои театр ва синамои русу, қазоқу қирғиз, аз ҷумла ҳунармандони шинохтаи кишвар Лутфулло Давлатов, Тағойимурод Розиқов, Фируза Раҳмонова, Мавлона Наҷмиддинова, Парвиз Пулодӣ иштирок мекунанд. Дар назар аст, ки филми ҳунарии "Наставник" (Мураббӣ) баҳори соли 2020 ба намоиш гузошта шавад.

779
Барчаспҳо:
мошин чаппа шудааст, мошин, "Суғдсинамо", Зарафшон, Тоҷикистон
Церемония открытия музея героя таджикского народа Восе

Соҳибкорон дар шаҳраки Ҳулбук муҷассамаи 11-метрии Восеъ - ро гузоштанд

212
(Таҷдидшуда 12:09 24.09.2020)
Муҷассамаи қаҳрамони халқи тоҷик Восеъ аз ҷониби ҳайкалтарош Хушбахт Саъдиев сохта шуда, баландии он бо назардошти таҳкурсӣ 11 метрро ташкил медиҳад

ДУШАНБЕ, 24 сен — Sputnik. Дар маркази ноҳияи Восеи вилояти Хатлон-шаҳраки Ҳулбук Президенти Тоҷикистон Эмомалӣ Раҳмон гулгашти Восеъро ба баҳрабардорӣ расонид ва аз рӯйи лавҳаи рамзии муҷассама парда бардошт.

Тибқи иттилои котиботи раисиҷумҳур, ҳайкал бо истифода аз металли ранга сохта шуда, таҳкурсӣ ва атрофи он бо санги хоро оро дода шудааст.

"Баландии муҷассама бо назардошти таҳкурсӣ 11 метрро ташкил медиҳад. Таҷдиди гулгашт ва гузоштани муҷассама дар ин майдон бо саҳми шахсони эҳсонкор ва соҳибкорони хайрхоҳи маҳаллӣ сурат гирифтааст", - омадааст дар хабарнома.

Тибқи иттилои манбаъ, масоҳати умумии гулгашт 1 гектарро ташкил дода, дорои беҳтарин шароит барои истироҳату фароғат ва сайру гашти сокинону меҳмонон мебошад.

Гуфта мешавад, ки лоиҳаи гулгашти мазкур аз ҷониби Ҷамъияти дорои масъулияти маҳдуди "Аҳмадҷон Ҳулбук" тарҳрезӣ шуда, корҳои сохтмонӣ бо ҷалби кормандони Корхонаи воҳиди давлатии "Манзилию коммуналӣ"-и ноҳияи Восеъ ва Ҷамъияти дорои масъулияти маҳдуди "Ниагара-А" анҷом дода шудаанд.

Дар давраи таҷдиди ин иншооти фарҳангӣ ва гузоштани муҷассамаи Восеъ беш аз 50 нафар сокини маҳаллӣ барои иҷрои корҳои сохтмонӣ ҷалб гардида, бо маоши хуб таъмин шуданд.

Гуфта мешавад, ки дар атрофи муҷассама бо композитсияи бадеӣ 3 фаввораи замонавӣ бунёд гардида, ҳамчунин гулҳои ранга ва дарахтони ҳамешасабзи ороишӣ шинонида шудаанд.

Манбаъ афзуда, ки Эмомалӣ Раҳмон ба сифати корҳои сохтмонӣ баҳои баланд дода, ҷиҳати истифодаи самаранок ва  зебо нигоҳ доштани гулгашт масъулонро муваззаф намудааст.

212
Барчаспҳо:
муҷассама, муҷассама, Восеъ, Эмомалӣ Раҳмон, Кӯлоб, Ҳулбук
Памятник Рудаки, архивное фото

Имрӯз дар Тоҷикистон аз Рӯдакӣ ёд мекунанд: бузургдошти рӯзи Одамушуаро дар ҷумҳурӣ

66
(Таҷдидшуда 16:55 22.09.2020)
Имрӯз 22 сентябр - рӯзи бузургдошти Абуабдуллоҳ Рӯдакӣ, бунёдгузори адабиёти порсӣ-тоҷикӣ дар Тоҷикистон аст

ДУШАНБЕ, 22 сен — Sputnik. Аз соли 2002 бад ин сӯ дар Тоҷикистон ҳамасола 22 сентябр бо номи рӯзи Рӯдакӣ гиромӣ дошта мешавад.

Абуабдуллоҳ Ҷаъфар ибни Муҳаммад ибни Ҳаким ибни Абдураҳмон ибни Одам Рӯдакӣ дар соли 858 дар рустои Панҷрӯди шаҳристони Панҷакент (воқеъ дар Тоҷикистони имрӯза) ба дунё омаду дар дарбори Сомониён аз иззату эҳтироми зиёде бархурдор буд.

Шоирро дар охирҳои умр тибқи навиштаи бархе тазкираҳо бадхоҳонаш кӯр мекунанду ӯ бо анбӯҳи андӯҳ ба зодгоҳаш бармегардад ва дар ҳамон ҷо вафот мекунад.

Дар мавриди шумори ашъори Рӯдакӣ назарҳои мухталифе мавҷуд аст, ки бархе онро як миллиону сесад ҳазор байт гуфтаанд, ки муттаассифона аз он ашъор то замони мо камтар аз 1000 мисраъ боқӣ монда, ки ҳамин миқдори андак аз табъи равону самимияти гуфтори ӯ ҳикоят медиҳанд.

Барои гиромидошти номи устод Абуабдуллоҳ Рӯдакӣ дар гӯшаву канори Тоҷикистон номи яке аз ноҳияҳо ба номи Рӯдакӣ гузошта шудаасту, дар вилояту ноҳияҳо хиёбону кӯчаҳову ва маҳалҳои аҳолинишин номгузорӣ карда шудаанд.

Дар пойтахт шаҳри Душанбе Боғи Устод Рӯдакӣ, хиёбони марказии шаҳр ба номи Хиёбони Рӯдакӣ, муҷассамаи Рӯдакӣ дар хиёбони номбурда, якчанд муассисаҳои давлатӣ номгузорӣ шудаанд.  

Ҳазорҳо нусха китобу нашрияҳо дар бораи эҷодиёти А. Рӯдакӣ пайваста маводҳои илмиву бадеӣ ҳамасола нашр карда истодаанд. Рузи 22- юми сентябр хамчун Рӯзи Рӯдаки ҷашн гирифта мешавад.

66
Барчаспҳо:
ёдбуд, бузургдошт, адабиёт, Абӯабдуллоҳ Рӯдакӣ, Рӯдакӣ, Тоҷикистон
Призыв, архивное фото

Мулоқоти ошкорои раисон бо даҳҳо наваскарон: Оё “облава” аз байн меравад?

0
(Таҷдидшуда 15:52 24.09.2020)
Дар оғози маъракаи даъвати тирамоҳии ҷавонон ба хизмати сарбозӣ, раисони аксар шаҳру навоҳии Тоҷикистон наваскаронро ба мулоқоти худ пазируфта, аз майли ихтиёран ба хизмат рафтани онҳо хуш истиқбол кардаанд

ДУШАНБЕ, 24 сен – Sputnik. Чанде пеш вохурии Зариф Мирдадо, раиси ноҳияи Ашт бо волидони наваскарони ноҳия баргузор гардида ва дар ин мулоқот аз ихтиёран ба хизмати сарбозӣ рафтани 150 ҷавон иттилоъ дода шуд.

Сулаймонзода Қурбоналӣ комиссари ҳарбии ноҳия изҳори умед намудааст, ки шумори ҷавононе, ки майли рафтан ба хизмати сарбозиро доранд сол аз сол зиёд мешавад.

“Мо бо ҷавонони ҷасуру нотарси худ фахр мекунем ва умед ба он дорем, ки сафи ҷавонони бо амри дил ба хизмат ҳозиршаванда зиёд мегардад”, гуфтааст Сулаймонзода, комиссари ноҳияи Ашт.

Дар ҳукумати шаҳри Хуҷанд низ мулоқоти Маъруф Муҳаммадзода, раиси ин шаҳр бо як гурӯҳ ҷавонон баргузор гардид. Дар ин вохурӣ шуморе аз ҷавонон аз омодагии худ, барои ихтиёран ба хизмат рафтанро баён намудаанд.

Зимнан дар дигар минтақаҳои Тоҷикистон низ мулоқоти роҳбарон бо наваскарон ва волидони онҳо ҷараён дорад.

Баъзе аз масъулин барои ҳавасмандӣ ба ҷавононе, ки бо хоҳиши худ нияти ба хизмат сафарбаршуданро доранд, ройгон додани шаҳодатномаи ронандагӣ ва бархеи дигар ҷудо намудани қитъаи замини наздиҳавлигиро ваъда кардаанд.

Маъракаи даъвати ҷавонон ба хизмати сарбозӣ дар Тоҷикистон ҳамасола дар ду давра, баҳору тирамоҳ баргузор мешавад. Даъвати тирамоҳии ҷавонон ба аскарӣ моҳҳои октябр ва ноябр давом мекунад. Фармони раисиҷумҳури Тоҷикистон, барои даъвати тирамоҳии наваскарон содир шудааст ва тибқи он ҷавонони синнашон 18 -27 сола ба хизмати ҳарбӣ даъват карда мешаванд.

"Моҳҳои октябр ва ноябри соли 2020 дар ҷумҳурӣ даъвати шаҳрвандони ҷинси мард, ки то рӯзи даъват ба синни 18 - солагӣ мерасанд, инчунин шаҳрвандони синну солашон калон, ки ҳуқуқи ба таъхир андохтани муҳлати даъват ё озод будан аз даъват ба хизмати ҳарбиро надоранд, барои хизмат ба сафҳои Қувваҳои мусаллаҳи Ҷумҳурии Тоҷикистон даъват карда мешаванд", - омадааст дар қарори раисиҷумҳур.

Чанд сол аст, ки дар ҷараёни иҷроиши нақшаи қабули наваскарон ба қисмҳои ҳарбӣ хабарҳо дар бораи ҳолатҳои сарбозгирӣ ва ё ба истилоҳ “облава” зиёд нашр мешаванд.

Ҳодисаи Зафарободро фаромӯш мекунанд, ё такрор?

Дар ҷараёни маъракаи даъвати баҳории ҷавонон ба хизмати сарбозӣ баҳори имсол як гурӯҳ волидони сарбозон дар ноҳияи Зафаробод иброз намуданд, ки писарони онҳоро, ки ҳама табиб ва дар бемористони ноҳия фаъолият мекарданд, ғайриқонунӣ ба хизмат бурдаанд.

Роҳила Ёдгорова, модари Бахтиёр Ҷумъаев, яке аз чор сорбоз дар ноҳияи Зафаробод ба Sputnik Тоҷикистон иброз намуда буд, ки масъулини комиссарияти ҳарбии ноҳия пеши худ рутбаи ҳарбии писарашро бекор намуда, ӯро ҳамроҳ бо ҳамкасбонаш ба хизмат фиристодаанд.

Ба ҳисоби Бахтиёр Ҷумъаев духтури сироятшинос, Аҳлиддин Ашрафов анастезиолог - реаниматолог, Дилшод Эшонқулов духтури асабшинос ва Шодӣ Шодиев, табиби ҷарроҳ ҳар яки онҳо баъди хатми Донишгоҳи тиббии Тоҷикистон, ки барои муҳассилин курси ҳарбиро низ фароҳам кардааст, бо дипломи олӣ ва билетӣ ҳарбӣ ба сифати табиб дар Беморхонаи ноҳияи Зафаробод аз рӯи касби худ ба фаъолият пардохта буданд, аммо кормандони комиссарияти ҳарбии ноҳия бо бекор кардани рутбаи ҳарбӣ, онҳоро пеши худ ба хизмат бурдаанд.

Дар оғози соли ҷорӣ дар ҷаласаи натиҷагирӣ аз ҷамъбасти маъракаи даъвати тирамоҳии шаҳрвандон ба сафи Қисмҳои низомии кишвар дар соли 2019, муовини сарвазири Тоҷикистон таъкид намуд, ки бо вуҷуди иҷрои саривақтии нақша зиёд камбудиҳо ошкор шудааст.

Ба ҳамин далел нисбати дасти кам 34 корманди комиссариатҳои ҳарбӣ аз ҷазоҳои интизоми ҳарбӣ то озод намудан аз вазифаи ишғолнамуда татбиқ карда шуд.

Эмомалӣ Раҳмон, раисиҷумҳури Тоҷикистон, ахиран дар ҷаласаи бахшида ба 27 - солагии таъсисёбии қувваҳои мусаллаҳ таъкид намуд, ки фарзандони вакилону вазирон бояд дар навбати аввал хидмат кунанд.

Раисиҷумҳур зикр кард, ки роҳбарони ҳамаи зинаҳо, аз аъзои Ҳукумат ва вакилони парлумон то раисони вилоят, шаҳру ноҳияҳо, ҷамоатҳои шаҳраку деҳот, ташкилоту муассисаҳо, хизматчиёни давлатӣ ва соҳибкорон бояд худашон намунаи риояи Конститутсия, Қонуни Тоҷикистон "Дар бораи уҳдадории умумии ҳарбӣ ва хизмати ҳарбӣ" бошанд.

Зимнан дар мулоқоту вохуриҳое, ки раисон бо наваскарон анҷом медиҳанд, сули матраҳ ин аст, ки чи теъдод аз ин ҷавонони бо майли худ ба хизмат раванда писарони нафарони мансабдор мебошанд? Ва ё кифоя аст, ки нақшаи тирамоҳии даъват аз ҳисоби ин теъдод ҷавонон иҷро шуда ва дигар “облава” аз байн меравад? – посухи ин суолро вақт нишон медиҳад, яъне ҷараёни маъракаи тирамоҳии ҷавонон ба хизмати ҳарбӣ.

0
Барчаспҳо:
сарбоз, наваскарон, истиқбол, мулоқот, тирамоҳ, Тоҷикистон