Ҷамъбасти озмун дар шаҳри Хуҷанд

Хуҷанд: Мавҷуда Ҳакимова барои сайёҳон беҳтарин армуғон омода кард

135
Дар шаҳри Хуҷанд озмуни шаҳрии "Истеҳсоли маҳсулоти сайёҳӣ ва армуғони беҳтарин барои сайёҳон" ҷамъбаст гардид

ДУШАНБЕ, 14 дек — Sputnik. Дар муассисаи давлатии "Кохи фарҳангии Суғдиён" бо ширкати муовини раиси шаҳри Хуҷанд Аюбҷон Раҳматзода, мудирони шуъбаю бахшҳо ва ҳунармандон озмуни шаҳрии "Истеҳсоли маҳсулоти сайёҳӣ ва армуғони беҳтарин барои сайёҳон" баргузор ва ғолибон муайян гардиданд.

Бино ба гузориши дафтари матбуотии раиси шаҳри Хуҷанд, дар озмун беш аз 20 нафар довталабон маҳсулоти дастии худро, аз қабили армуғонҳо, кордҳо, маҳсулоти мӯҳрабофӣ, қолинбофӣ, дӯзандагӣ ва рассомӣ ба маърази намоиш гузоштанд.

Ҳайати ҳакамон баъди боздид ба ҳунармандон баҳогузорӣ карда озмунро ҷамъбаст намуданд.

"Ҳамин тавр, ҷои якум ба ҳунарманд Мавҷуда Ҳакимова, мақоми дуюм ба ҳунарманд Матлуба Ниёзова ва зинаи сеюм ба рассом Холиқ Давлатов дода шуда, эшон мутаносибан бо дипломи дараҷаҳои 1,2,3 ва туҳфаҳои пулӣ сарфароз гардонида шуданд", - омадааст дар хабарнома.

Таъкид гардидааст, ки мақомоти шаҳри Хуҷанд минбаъд низ барои рушди соҳаи сайёҳӣ ва таҳкими инфрасохтори он аз тамоми имкониятҳо истифода хоҳад бурд.

Манбаъ афзудааст, ки озмуни мазкур ҷиҳати таъмини иҷрои иқдоми Президент ҷиҳати эълон гардидани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ" ва қарори раиси вилояти Суғд аз 15 феврали соли 2019, №72, қарори Раиси шаҳр аз 06 майи соли 2019, №328 "Дар бораи гузаронидани озмуни шаҳрӣ дар байни ҳунармандон оид ба истеҳсоли маҳсулоти сайёҳӣ ва армуғони беҳтарин барои сайёҳон" рӯйи кор омадааст.

135
Барчаспҳо:
ғолибон, озмун, Хуҷанд
Одиночная фотография журналиста из Приморья Юрия Смитюка «Остров Врангеля»

Озмуни ёдбуди аксбардор Андрей Стенин ғолиби овоздиҳии онлайниро эълон кард

31
(Таҷдидшуда 14:53 04.08.2020)
Корбарони интернет ғолиби Озмуни байналмилалии фотожурналистии ёдбуди Андрей Стенинаро интихоб карданд

ДУШАНБЕ, 4 авг — Sputnik.  Беҳтарин кори Озмуни байнулмилалии ёдбуди Андрей Стенин, ба андешаи корбарони интернет, акси ягонаи рӯзноманигор аз Юрий Ситюк таҳти унвони"Ҷазираи Врангел" шинохта шуд.

Павел Кулемеев, корманди илмӣ ва нозири мамнуъгоҳи "Ҷазираи Врангел" бо истиқбол ва таассуроти зиёд акси рӯзноманигорро табиӣ ва воқеӣ хонадаас.

Ҷазираи Врангелел шимолтарин ҷазираи муҳофизатшаванда дар Арктикаи Русия аст. Уқёнуси Арктика ҷазираро аз ҷониби меридиан 180 дараҷа тақсим кардааст ва аз ин рӯ он дар ду ҷониб ҳам ғарб ва ҳам шарқи сайёраи мо ҷойгир аст.

Сафарҳо ба мамнуъгоҳҳои табиии “Ҷазираи Врангел” маҳдуданд, аммо дар тобистон ва тирамоҳ тақрибан даҳҳо хатсайрҳои сайёҳӣ мавҷуданд.

Моҳи сентябр Озмуни байналмилалии фотожурналистии ёдбуди Андрей Стениндар ғолибонашро дар сомонаи stenincontest.ru | эълон хоҳад кард, ҳамзамон дар Маскав намоишгоҳи аксҳои барандагони он кушода мешавад.

Озмун инчунин ният дорад, ки намоиши анъанавии аксҳои ғолибонро дар шаҳрҳои ҷаҳон то охири сол ба роҳ монад.

Озмуни байналмилалии фотожурналистии ёдбуди Андрей Стенин ҳамасола барои аксбардорони ҷавони аз 18 то 33 сола доир мешавад. Имсол, озмун беш аз 5000 асарро аз 75 кишвари ҷаҳон ҷамъ овардааст.

Аз оғози роҳандозии озмун соли 2014 то кунун аксҳои ғолибони он дар Москва, Кейп Таун, Будапешт, Мадрид, Деҳлӣ, Милан, Ню Йорк, Анқара, Буэнос-Айрес ва дигар шаҳрҳои ҷаҳон ба намоиш гузошта шуданд.

Қабули дархостҳо барои ширкат ҳамасола 22 декабр дар зодрӯзи аксбардор МИА "Россия сегодня" Андрей Стенин, ки дар вақти адои хизмат вафот кард, қабул карда мешаванд.

Шарикони байналмилалии ВАО-и озмун: агентии хабарӣ ва радиои Sputnik, агентии иттилоотии Askanews, медиахолдинги Independent Media, агентии хабарии Notimex, агентии иттилоотии ANA, шабакаи телевизион ва сомонаи RT, Shanghai United Media Group (SUMG), сомонаи рӯзномаи интернетии China Daily, сомонаи интернетии The Paper, шабакаи расонаҳои Al Mayadeen, агентии хабарии Prensa Latina, агентии хабарии News1, сомонаи хабарии DBW, пойгоҳи хабарии Brasil247.

Ҳамчун шарикони соҳа озмунро дастгирӣ мекунанд: Маҷаллаи National Geographic Россия, портали Russian Photo, портали Photo-study.ru, мактабӣ аккосии “Академияи аксбардорӣ”, портали иттилоотӣ YOung JOurnalists, маҷаллаи Fotoargenta, клуби фотожурналистикаи Ню-Дели, маҷаллаи Enfoque Visual, маҷалла LF Magazine, сайти шарики байналмилали шарик - фестивали PhotON.


31
Барчаспҳо:
ёдбуд, ғолиб, намоиш, Аккос, Озмун, Русия
Зрители в кинотеатре

Дар ноҳияи Спитамен кинотеатри замонавӣ сохта мешавад

139
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

139
Барчаспҳо:
рушду ободонӣ, Раҷаббой Аҳмадзода, Суғд, Спитамен
Горная дорога в Таджикистане

Садамаи маргбор дар роҳи Душанбе - Хоруғ: ду мусофири "Тайота - Карола" ҷон бохтанд

0
Вазорати умури дохилии Тоҷикистон аз садамаи маргбор дар роҳи Душанбе - Кӯлоб - Хоруғ хабар медиҳад, ки ба ҳалокати ду мусофири автомашинаи "Тайота - Карола" анҷомид

ДУШАНБЕ, 6 авг — Sputnik. Садамаи маргбор дар роҳи нақлиётгарди "Душанбе - Кӯлоб - Хоруғ"  дар ҳудуди шаҳри Ваҳдат рух дод, хабар медиҳад котиботи ВУД Тоҷикистон.

Фавти ноболиғ дар садама: ронанда ӯро дар роҳи мошингарди кӯча пахш кард

Ба иттилои манбаъ, садамаи мазкур рӯзи 5-уми август, тахминан соатҳои 10:30-дақиқа ба вуқӯъ пайваст.

"Ронандаи автомашинаи тамғаи "Опел-Вектра", Нуриддинов Шуҳрати 32 - сола, сокини ноҳияи Восеъ, ҳангоми ҳаракат дар роҳи нақлиётгарди "Душанбе-Кӯлоб-Хоруғ", дар ҳудуди шаҳри Ваҳдат аз уҳдаи идораи нақлиёт набаромада, ба автомашинаи тамғаи "Тайота-Карола", таҳти идораи Муродов Иброҳими 37 - сола сокини ноҳияи Фархор, бархӯрдааст", - таъкид мешавад дар хабар.

Дар натиҷа, мусофирони автомашинаи "Тайота - Карола" Қамишев Нуриддини  54 - сола ва Эмомқулов Алиҷони 28 - сола аз ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расиданд.

Ҳамчунин, ронандаи автомашинаи тамғаи "Опел-Вектра" ва мусофираш ҷароҳати ҷисмонӣ бардошта, дар беморхона бистарӣ карда шудаанд.
ВУД Тоҷикистон мегӯяд, феълан аз рӯи ин ҳодиса тафтишот идома дорад.

0
Барчаспҳо:
ҳалок, мусофир, мошин, садама, роҳ