Нигина Амонкулова

"Маринес" - суруди помирӣ дар иҷрои Нигина ва базми мардумӣ-видео

4717
(Таҷдидшуда 21:05 22.12.2019)
Нигина Амонқулова, овозхони шинохтаи тоҷик суруди машҳури солҳои охир дар минтақаи Помирро бозхонӣ карда, ҳафтаи равон онро дигарбора вирди забонҳо кардааст

ДУШАНБЕ, 22 дек — Sputnik. Суруди “Маринес” дар иҷрои Амонқулова ҳафтаи равон нашр шуда, даҳҳо ҳазор нафар онро гӯш карда, писандидаанд.

Амонқулова бо забони шуғнӣ месарояд, “Фук ринесат, илтимос веф гапен маринес, фук ринесат илтимос веф хабен маринес, узта тем рӯзо аз ту хез, тар ига ҷоят тар ига макӯн, илтимосум, илтимосум веф мо хатен мабинес”, ки тарҷумааш ба тоҷикӣ -  “Ҳамаро фаромӯш кунӣ ҳам, илтимос он гапҳоямро ёд дор, ҳамаро фаромӯш кунӣ гар, он шабҳоро аз хотир набарор, рӯзе меравам ба дигар ҷою макон, лек илтимос номаҳоямро нигоҳ дор”, мебошад.

Ӯ дар идома суол мегузорад, ки “узта чирд хо нозум, узта чирд хо розум, узта чирд дигар хо хатен бозум” – “дигар ба кӣ менозам, роз мегӯям, барои кӣ дигар, номаҳо мефиристам”.

“Зимистон мис навжид ят баҳор, хо ҷонум чуд то чат хорат зор, узта тем рӯзо аз то хиз тар ига ҷоят, тар ига макӯн, илтимосум мо дил мак малол”, - сурудаст Нигина. Амонқулова дар идома бо оҳанги дигари базмии мардумӣ меомезаду бо забони тоҷикӣ дар бораи мастию майпарастӣ ва ҳиҷрону васли ёрон месарояд.

Суруди Маринесро, ки Нигина бозхонӣ кард, соли 2017 Ширинмоҳ Ниҳолова хонда буд ва тайи солҳои аз ҷумлаи сурудҳои машҳур дар ВМКБ ба шумор мерафт.

4717
Барчаспҳо:
бозхонӣ, Нигина Амонқулова, суруд, Тоҷикистон
Театри ноҳияи Ёвон

Театри ноҳияи Ёвон касбӣ мешавад

49
(Таҷдидшуда 13:14 03.07.2020)
Мақомоти иҷроияи Хатлон хабар дод, ки теъдоди театрҳои касбӣ дар вилоят афзоиш ёфта, ба чор адад баробар мешавад

ДУШАНБЕ, 3 июл — Sputnik. Бо дастгирии раиси вилояти Хатлон, Қурбон Ҳакимзода театри халқии ноҳияи Ёвон ба театри касбӣ табдил хоҳад ёфт, хабар дод Носирҷон Маъмурзода, мудири Шуъбаи иттилоотию таҳлилии дастгоҳи раиси вилояти Хатлон.

Ба иттилои манбаъ, дар доираи сафари кории худ ба ноҳияи Ёвон раиси вилоят дар Қасри фарҳангии ноҳия композитсияи ҳунармандони театри халқиро бахшида ба 5500-солагии Саразм тамошо карда, бо ҳунармандон мулоқот орост.

Котибот афзуд, ки пешниҳоди ба театри касбӣ табдил ёфтани театри халқӣ пазируфта шуда, Қурбон Ҳакимзода барои дастгирии ҳамаҷиҳатаи фаъолияти он дастур дод.

Феълан дар ин театри халқӣ 15 ҳунарманди ҳирфаии театр фаъолият мекунанд. Раиси вилоят ваъда дод, ки дар нахустин намоиши саҳнавии театри касбӣ иштирок хоҳад кард.

Котиботи ҳукумати Хатлон илова намуд, ки то имрӯз дар ҳудуди вилояти Хатлон се театри ксбӣ фаъолият мекунанд. Дар сурати мақоми театри касбиро гирифтани театри халқии ноҳияи Ёвон, теъдоди театрҳои касбии вилоят ба чор адад мерасад.

49
Барчаспҳо:
касбӣ, театр, Ёвон, Тоҷикистон
Министр культуры Таджикистана Зульфия Давлатзода

Ҳамдардии вазири фарҳанг бо хонаводаи Амонулло Қодиров

714
(Таҷдидшуда 19:02 02.07.2020)
Раҳбарияти Вазорати фарҳанги Тоҷикистон бо аҳли хонаводаи Амонулло Қодиров, Ҳунарпешаи халқии Тоҷикистон изҳори ҳамдардӣ кардааст

ДУШАНБЕ, 2 июл — Sputnik. Фарҳангиёни Тоҷикистон ба аҳли хонаводаи Амонулло Қодиров, Ҳунарпешаи халқии Тоҷикистон изҳори таслият кард, хабар медиҳад Вазорати фарҳанг.

"Вазорати фарҳанги Ҷумҳурии Тоҷикистон ва аҳли фарҳанги кишвар аз даргузашти собиқадори соҳаи театр, Ҳунарпешаи халқии Тоҷикистон Амон Қодиров андӯҳгин буда, ба наздикону пайвандони марҳум изҳори тасаллият менамоянд", - омадааст дар номаи таслият.

Ёдрас мешавем, ки Амонулло Қодиров, Ҳунарпешаи халқии Тоҷикистон, рӯзи 28 июн дар шаҳри Душанбе дар синни 75-солагӣ аз олам чашм пӯшид.

Амонулло Қодиров 10 июни соли 1945 дар ноҳияи Шаҳринав ба дунё омада, соли 1965 Омӯзишгоҳи ҷумҳуриявии маданӣ-равшаннамоии ноҳияи Ленин (ҳоло Коллеҷи фарҳанги ноҳияи Рӯдакӣ) ва соли 1971 Институти давлатии санъати театрии ба номи А.Луначарскийи шаҳри Маскавро хатм кардааст.

Ӯ қариб тамоми умр дар театри ҷавонони ба номи Маҳмудҷон Воҳидов ҳунарнамоӣ карда, соли 1982 сазовори унвони Ҳунарпешаи шоистаи Тоҷикистон ва соли 1994 соҳиби унвони Ҳунарпешаи халқии Тоҷикистон шуд.

Қодиров бо даҳҳо нақшаш дар театр ва синамои тоҷик, бахусус бо нақши Ҳодӣ дар дуэти Шодию Ҳодӣ ҳамроҳ бо Шодӣ Солеҳов дар ёдҳо мемонад.

"Дар ҳаҷв доди ҳунарро медиҳад. Ҳарчанд образҳои лирикӣ, драмавӣ, фоҷиавиро низ бо маҳорати баланд иҷро мекунад, ҳолати рӯҳию дунёи ботинии қаҳрамононашро ҳамаҷониба мекушояд. Тамошогарон ба истеъдодаш дар беш аз шаст спектакли театр, аз қабили «Дон Жуан», «Умри ҷовид», «Латифаҳои деҳот», «Якпула савдо, садпула ғавғо», «Робиаи Балхӣ», «Умед», «Табиби зӯракӣ» баҳои баланд додаанд", - омадааст дар маълумоти Википедия.

Амонулло Қодиров ҳамчунин дар филмҳои «Субҳи Ганг», «Достони Сиёвуш», «Ҳафт арӯси дуздидашуда», «Аспҳо дар моҳтобшаб», «Хоби хирси сафед» ва дар чандин намоишномаи телевизионӣ нақшҳои мондагор офарида, дар дубляжи даҳҳо филм ба забони тоҷикӣ низ иштирок кардааст.

714
Барчаспҳо:
вазир, Вазорати фарҳанги ҶТ, ҳамдардӣ, ҳунарпеша, Тоҷикистон
Президент Ирана Хасан Рухани, архивное фото

Рӯҳонӣ: пинҳони мубтало шудан ба коронавирус таҷовуз ба ҳуқуқи дигарон аст

0
(Таҷдидшуда 02:46 06.07.2020)
Раисҷумҳури Эрон гуфт, агар касе бидонад, ки ба вируси корона мубтало шудааст вазифаи шаръӣ ва инсонӣ дорад, ки ба атрофиёнаш иттилоъ диҳад ва худро қарантина кунад

ДУШАНБЕ, 6 июл — Sputnik. Ҳасани Рӯҳонӣ ахиран дар ҷаласаи Ситоди миллии муқобила бо вируси корона гуфт,  агар фарде мехоҳад вориди идорае шавад бояд аз ниқоби тиббӣ истифода кунад ва агар накард, набояд ба ӯ хизматрасонӣ карда шавад, иттилоъ додааст хабаргузории “Парстудей”.

Раисҷумҳури Эрон таъкид кард, ки вуруди кормандон бидуни ниқоби тиббӣ ба идораҳо мамнуъ аст ва агар корманд дар идорае серодам бидуни ниқоби тиббӣ меояд, бояд барои ӯ фаҳмонанд ва ӯро баргардонанд.

Рӯҳонӣ афзуд, набояд иҷоза дода шавад, ки дар метро ва автобус мардум бидуни  ниқоби тиббӣ ворид шаванд ва вазири умури дохила ва ҳамаи шаҳрдориҳо талоши худро ба кор бигиранд ва ҳар ҷо лозим аст аз неруи интизомӣ ва басиҷ истифода кунанд.

Раисҷумҳури Эрон ҳамчунин афзуд, мавзӯи муҳим ва мавриди таъкиди мо аз рӯзи аввал ин буд, ки бояд худамонро бо ин шароит омода кунем  яъне аз рӯзи аввал гуфтем, ки ин вирус меҳмони нохондаи кутоҳмуддат нест ва мумкин аст то охири сол ва ҳатто то соли оянда низ идома дошта бошад.

Рӯҳонӣ таъкид кард, ки мардум бояд то замони тавлиди  дору ва ё ваксина барои муқобила бо ин беморӣ, фарзро бар ин қарор диҳанд, ки ҳама мумкин аст олуда бошанд ва лизо бояд дар иртиботи иҷтимоӣ бо ашхос, ниҳояти диққат ва эҳтиёти лозимро ба амал оваранд.

Ҳамзамон, вай бо ташаккур аз ҳамаи муҳаққиқоне, ки барои ёфтани дору ва ё ваксинаи ин беморӣ талош ва кор мекунанд, ибрози умедворӣ кард, ки ин талошҳо идома ёбад ва ба натиҷаҳои мусбат бирасад.

0
Барчаспҳо:
Раисҷумҳур, Ҳасан Руҳонӣ, ҳуқуқ, таҷовуз, вирус, Эрон