Маҳмадсаид Убайдуллоев, раиси Маҷлиси миллии Тоҷикистон, акс аз бойгонӣ

Саломатӣ хуб набуд: Убайдуллоев баъди 1 моҳ ҷоизаи 30 ҳазордоллариро ба Ғоиб расонд

7880
Маҳмадсаид Убайдуллоев, раиси Маҷлиси миллии Тоҷикистон ҳафтаи равон дар ҷаласаи якҷояи ду палатаи парлумон ҷоизаи адабии Ассамблеяи байнипарлумонии ИДМ ба номи Чингиз Айтматовро ба шоири тоҷик Муҳаммад Ғоиб супорид

ДУШАНБЕ, 29 дек — Sputnik. Ҷоизаи мазкур, ки маблағаш 30 ҳазор доллари амрикоӣ арзёбӣ мешавад, бо пешниҳоди ҳайати Тоҷикистон таҳти роҳбарии Убайдуллоев  соли равон ба Муҳаммад Ғоиб сазовор дониста шуд.

Ҷоизасупорӣ дар доираи ҷаласаи 50-уми Ассамблеяи байнипарлумонии ИДМ, ки рӯзҳои 21 ва 22 ноябр дар Санкт-Петербург гузашт, баргузор гардид, аммо шахсан Муҳаммад Ғоиб дар он иштирок надошт.

Убайдуллоев дар шарҳи ҳузур надоштани Муҳаммад Ғоиб дар маросими ҷоизасупорӣ дар Қасри Таврическийи Петербург изҳор дошт, ки мутаассифона шоири тоҷик ба далели вазъи саломатӣ натавонист дар маросим иштирок кунад. Раиси Маҷлиси миллӣ афзуд, ки аз номи Муҳаммад Ғоиб ҷоизаро қабул карду сипосашро ба Ассамблея ва раёсати парлумони Қирғизистон расондааст.

Сипас Маҳмадсаид Убайдуллоев дар ҳузури вакилони парлумони Тоҷикистон ба Муҳаммад Ғоиб ҷоизаро супурда, тансиҳатӣ ва муваффақиятҳои  эҷодӣ таманно кард.

7880
Барчаспҳо:
шоирон, ҷоиза, ИДМ, Тоҷикистон
Даромадгоҳи асосии ВДНХ дар Маскав, акс аз бойгонӣ

Созиши Собянин ва Рустами Эмомалӣ барои эҳёи гӯшаи Тоҷикистон дар “ВДНХ”

161
(Таҷдидшуда 21:30 25.11.2020)
Рустами Эмомалӣ, раиси Маҷлиси миллӣ ва шаҳрдори Душанбе бо Сергей Собянин, шаҳрдори Маскав созиш кардаанд, ки дар Намоишгоҳи дастовардҳои хоҷагии халқ – “ВДНХ” гӯшаи Тоҷикистон таъсис дода хоҳад шуд

ДУШАНБЕ, 25 ноя — Sputnik. Дар намоишгоҳи маъруф ба “ВДНХ”-и Маскав боз гӯшаи Тоҷикистон пайдо хоҳад шуд, хабар дод шаҳрдории пойтахти Русия.

Қарор барои ташкили гӯшаи миллии Тоҷикистон дар ҳудуди Намоишгоҳи дастовардҳои хоҷагии халқро шаҳрдори Маскав, Сергей Собянин ва Рустами Эмомалӣ қабул кардаанд.

Мулоқоти Собянин ва Рустами Эмомалӣ дар доираи сафари кории раиси Маҷлиси миллии Тоҷикистон ба Маскав сурат гирифт.

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

“Ҷонибҳо созиш кардаанд, ки баррасии лоиҳаи гӯшаи миллии Тоҷикистон дар ВДНХ, ба истилоҳ “корти муаррифигар”-и Тоҷикистон дар Русияро идома хоҳанд дод”, - хабар додааст котиботи шаҳрдории Маскав.

Инчунин роҳбарони пойтахтҳои Тоҷикистону Русия барномаи ҳамкорӣ то соли 2023 дар бахшҳои тиҷорат, нақлиёт, маориф, тандурустӣ ва технологияҳои информатсиониро имзо кардаанд.

Созиш барои ташкили гӯшаи Тоҷикистон дар ВДНХ дар ҳолест, ки дар замони шӯравӣ чунин як гӯша вуҷуд дошт.

Павильон Таджикской ССР на ВДНХ, архивное фото
© Архив пресс-службы ВДНХ
Павильон Таджикской ССР на ВДНХ, архивное фото

Сохтумони ғуфраи муаррифигари Тоҷикистон дар ВДНХ соли 1937 оғоз гардид ва дар соли 1939 ба истифода дода шуд. Бинои он баъди Ҷанги Бузурги Ватанӣ азнавсозӣ шуда буд, аммо соли 1965 ғуфраи Тоҷикистони Шӯравӣ аз ВДНХ нест карда шуд. Далели тахриби гӯшаи Тоҷикистонро, ки ҳудуди 5 ҳуҷра доштааст, бархе муаррихон ба ҷавобгӯй набудан ба талаботи техникӣ рабт доданд.

161
Барчаспҳо:
Намоишгоҳ, Тоҷикистон, Русия
Награждение, архивное фото

Қадрдонии шоири тоҷик бо нишони "Наследие"

503
(Таҷдидшуда 16:52 23.11.2020)
Шоир ва рӯзноманигори тоҷик Карим Ҳайдар ба медали иттифоқи нависандагони Русия "Наследие" сазовор гардид

ДУШАНБЕ, 23 ноя — Sputnik. Шоир ва сармуҳаррири барномаҳои ахбори телевизиони "Тоҷикистон", Карим Ҳайдарро бо ситораи "Наследие" - 2020 қадрдонӣ мекунанд.

Қарори мукофотонидани шоири тоҷик дар Иттифоқи нависандагони Русия қабул гардид.

Ба гуфти шоир, ин мукофот дар маросими ҷоизасупории "Наследие" ба ӯ дода мешавад. Ин маросим баҳори соли 2021 бо ширкати фаъоли ҷамъиятӣ Мария Романова баргузор мешавад.

Қайд мекунем, ки ин дуввумин ҷоизаи шоир дар соли 2020 мебошад. Пештар шоир ва рӯзноманигори тоҷик Карим Ҳайдар ба медали иттифоқи нависандагони Русия "Сергей Есенин" сазовор гардид.

Шоири тоҷик Карим Ҳайдар ба медали "Сергей Есенин"-и Русия сазовор шуд

Шарҳи ҳоли Карим Ҳайдар

Карим Ҳайдар 6 январи соли 1961 дар Истаравшан дар оилаи рӯзноманигор Раҳим Ҳайдар таваллуд шудааст.

Шоир узви Иттифоқи нависандагон, Иттифоқи рӯзноманигорон ва аълочии телевизион ва радиои Тоҷикистон мебошад.

Соли 1983 факултаи забон ва адабиёти руси донишгоҳи давлатии Хуҷандро хатм карда, аз соли 2006 дар шабакаи телевизиони "Тоҷикистон" фаъолият мебарад.

Карим Ҳайдар муаллифи маҷмааҳои шеърии "Садои аҷдодон" ("Голоса предков"), "Қиссаи Ҳисор", ҳикояву очеркҳо мебошад, ки бештарагон дар маҷмааҳои кишварҳои ИДМ мунташир шудаанд.

Ӯ суруди миллии Тоҷикистонро ба забони русӣ тарҷума кардааст ва муаллифи филмҳои мустанади Роберт Рождественский", "Тимур Зулфиқоров", "Михаил Синелников - шоир ва тарҷумон" мебошад.

Гулчине аз ҳаёту эҷодиёти устод Гулназар Келдӣ-тасвирбаён

Афзун бар ин, Карим Ҳайдар барои  Донишгоҳи славянии Тоҷикистону Русия гимн навиштааст.

Бо медалҳои "Хизмати шоиста" ва  МГТРК "Мир" мукофотонида шудааст. Карим Ҳайдар соли 2018 ордени дараҷаи якуми "Достаевский"-и Русияро гирифта буд.

503
Барчаспҳо:
нишон, медал, шоир, Карим Ҳайдаров
Угон автомобиля, архивное фото

Дар пойтахт ноболиғи 13-сола барои мошинрабоӣ дастгир шуд

0
(Таҷдидшуда 10:19 26.11.2020)
Вазорати умури дохилаи Тоҷикистон аз боздошти ноболиғи 13-сола, ки дар мошинрабоӣ гумонбар дониста мешавад, хабар дод

ДУШАНБЕ, 25 ноя — Sputnik.  Бино бар иттилои дафтари матбуоти вазорати умури дохилаи Тоҷикистон писарбачаи боздоштшуда сокини ноҳияи Рӯдакии пойтахт буда ҳамагӣ 13-сол доштааст. Ӯ хонандаи синфи 7-уми МТМУ будааст. 

Манбаъ хабар додааст, ки ахиран ба ШВКД ноҳияи И.Сомонӣ марди 24-солаи сокини кӯчаи Рӯдакии пойтахт муроҷиат кардаат.

Ӯ ба кормандони милитсия муроҷиат намудааст, ки санаи 24-уми ноябри соли равон, тахминан соати 03:00, шахсони номаълум бо роҳи пинҳонӣ аз назди бинои истиқоматиаш автомашинаи шахсиаш “Мерседес-Бенс”-ро ғайриқонуни ронда бурдаанд.

Ба гуфтаи манбаъ, зарари расонидашуда 45 ҳазор сомониро ташкил додааст.

Гуфта шудааст, ки ҳангоми амалиёт аз ҷониби кормандони милитсия, ноболиғ, писарбачаи 13-солаи сокини ноҳияи Рӯдакӣ, хонандаи синфи 7-уми МТМУ, ҳамчун гумонбар дар ғайриқонунӣ ронда бурдани автомобил бидуни мақсади тасарруф, дастгир карда шуд.

Манбаъ таъкид доштааст, ки аз ҷониби кормандони милитсия ин ҳодиса мавриди тафтиш қарор дорад.

0
Барчаспҳо:
пойтахт, гумонбар, ноболиғ, рабудан, ВУД, Тоҷикистон