Таҷлили Сада 50 шабу 50 рӯз пеш аз Наврӯз

© Sputnik / Амир ИсаевБотанический сад Академии наук Таджикистана (Боги "Ирам")
Ботанический сад Академии наук Таджикистана (Боги Ирам) - Sputnik Тоҷикистон
Обуна шудан
Вазорати кишоварзии Тоҷикистон азм дорад, 26 январ дар Боғи Ирами шаҳри Душанбе ҷашни Садаро таҷлил кунад

ДУШАНБЕ, 17 янв — Sputnik. Ёқубҷон Уроқов, масъули Вазорати кишоварзии Тоҷикистон, мегӯяд, дар намоиши идона ҳама гуна олоти кории кишоварзӣ, хони пурнозу неъмат, ҳунарҳои мардумӣ ва аз ҳисоби хоҷагиҳои ниҳолпарвару тухмипарвар намоиш-фурӯши ниҳолҳои мевадиҳандаву сояафкан, гулу буттаҳои ҳамешасабзи ороишӣ ва тухмиҳои баландсифат, инчунин дигар суннатҳое, ки ҷашни Садаро ифода  мекунанд, ба маъраз гузошта мешаванд.

 Президент Таджикистана Эмомали Рахмон на заседании Совета глав государств Содружества Независимых Государств - Sputnik Тоҷикистон
Раҳмон аз осори Берунӣ мисол оварду қадимӣ будани ҷашни Меҳргонро исбот кард

Уроқов дар суҳбат бо “Ховар” изҳор доштааст, ки дар шаҳри Душанбе ва дигар минтақаҳои мамлакат нуқтаҳои муайянгардидаи намоиш-фурӯши ниҳолҳои мевадиҳандаву сояафкан, гулу буттаҳои ҳамешасабзу ороишӣ ва тухмиҳои баландсифати дорои сертификат пешниҳод мегарданд.

Манбаъ афзудааст, ки дар замони истиқлолият иди Сада баробари дигар маросиму суннатҳои миллии мо умри дубора пайдо карда, таҷлили ҳарсолаи он ба ҳукми анъана даромад ва дар  радифи ҷашнҳои миллиамон ба қонунгузории мамлакат ворид гардид.

Эмомалӣ Раҳмон ба муносибати ин ҷашни аҷдодӣ дар соли 2019 иброз дошта буд, ки “Ниёгони мо панҷоҳ шабу панҷоҳ рӯзро то ҷашни Наврӯз ҳисоб карда, Садаро таҷлил мекарданд. Яъне Сада ҷашни омодагӣ ба Наврӯз буда, ин ду ҷашни қадимӣ бо ҳам тавъам мебошанд. Мувофиқи сарчашмаҳои таърихӣ сабаби Сада номгузорӣ шудани ин ҷашн низ дар ҳамин аст”.

Лентаи хабарҳо
0