Заместитель руководителя агентства по анализу антикоррупционных рисков и борьбе с коррупцией в Республики Таджикистан Шодом Турсунзода

Мақомдори Агентии зидди коррупсия ба фарҳангиён роҳи мубориза бо фасодро гуфт

2205
(Таҷдидшуда 13:42 13.03.2020)
Шодком Турсунзода, муовини сардори Сарраёсати муқовимат бо коррупсияи Тоҷикистон ба фарҳангиёни кишвар гуфтааст, барои огоҳии мардум аз оқибатҳои коррупсия барномаҳои театрӣ ва видеороликҳо бештар таҳия кунанд

ДУШАНБЕ, 13 мар — Sputnik. Номбурда ин нуктаро зимни як ҷаласа бо раҳбарияти Вазорати фарҳанг ва муассисаҳои зерсохтори он изҳор доштааст.

Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон
акс аз сомонаи Агентии мубориза бо коррупсияи Тоҷикистон

Бино ба иттилои дафтари матуботии Вазорати фарҳанги Тоҷикистон, Шодком Турсунзода иброз доштааст, ки аҳли фарҳанг барои баланд бардоштани сатҳи огоҳии мардум нисбат ба фасоду порагирӣ ва ба ҷавобгарии ҷиноӣ кашида шудани инсон дар натиҷаи даст задан ба ин амал ҳиссаи арзанда гузошта метавонанд.

“Барои ин таҳияи намоишҳои театрӣ, нашри китобҳо ва дарҷи мавод дар рӯзномаву маҷаллаҳо воситаи хубе мебошанд. Номбурда таъкид кард, ки Вазорати фарҳанг минбаъд бояд ба таҳияи лавҳаҳои кӯтоҳи видеоӣ низ таваҷҷӯҳ намояд”,-афзудааст муовини сардори Сарраёсати муқовимат бо коррупсия.

Номбурда гуфтааст, барои ба вуҷуд овардани андешаву рафтор ва кирдори зиддикоррупсионӣ дар баробари мақомоти ҳифзи ҳуқуқ аҳли фарҳангу адаб, чун адибону шоирон, ноширон, рассомон, сенариянависон, коргардонҳои театру кино, оҳангсозон ва аҳли кормандони Вазорати фарҳанг нақши муҳим гузошта метавонанд.

Дафтари матбуотии вазорат мегӯяд, дар ҷаласаи мазкур Зулфия Давлатзода, вазири фарҳанги Тоҷикистон, Обид Назариён, муовини аввали вазир ва роҳбарону кормандони тамоми муассисаҳои зерсохтори Вазорати фарҳанг иштирок доштанд.

2205
Барчаспҳо:
Вазорати фарҳанги ҶТ, фасод, Агентии коррупсия, Тоҷикистон
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

319
(Таҷдидшуда 23:38 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Далер Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Давлат Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, мегуфт ", - афзуд Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров ба ин аст, ки ҷашнвора метавонад миқёси худр бо филмҳои минтақавии Русия васеътар кунад.

Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

319
Барчаспҳо:
ҷашнвораи кино, Қазон
Школьная ярмарка в Душанбе

Китоби нависандаи тоҷик Марямбону Фарғонӣ дар Эрон чоп шуд

220
(Таҷдидшуда 15:47 08.07.2020)
Китобе дигар аз маҷмуаи адабиёти муосири Тоҷикистон аз хати кирилӣ ба форсӣ баргардон шуда, дар 376 саҳифа ба чоп расид

ДУШАНБЕ, 8 июл — Sputnik. Доктор Ҳажири Теҳронӣ, пажӯҳишгари эронӣ дар саҳифаи Фейсбукии худ навиштааст, ин китоб, ки “Ман чунин девонаам” ном дорад, гулчине аз достонҳо ва ҳикоятҳои Марямбону Фарғонӣ, рӯзноманигор, нависанда ва шоири муосири тоҷик аз чанд китоби пешини ӯ аст, иттилоъ додааст радиои тоҷикии Садои Хуросон.

Марямбону Фарғонӣ, чандин ҷоизаи адабӣ дар Тоҷикистон ва Русия дарёфт кардаааст, ки аз байни онҳо метавон ба ҷоизаи Борис Пастернак дар Русия (1995) ва ҷоизаи Садриддини Айнӣ дар Тоҷикистон (2012) ишора кард.

Китоби “Шаҳболи Хаёл”-и ӯ низ ҷоизаи китоби соли Тоҷикистонро дар соли 2013 дарёфт кардааст.

Ӯ  аз соли 1992  узв Иттиҳодияи журналистон ва аз 1996 узви Иттифоқи нависандагони Тоҷикистон аст.

Хонум Фарғонӣ чанд соле низ дар Садои Хуросони Эрон фаъолият кардааст.

Китоби “Ман чунин девонаам”-ро доктор Маҷиди Асадӣ, пажӯҳишгари эронӣ, ки чанд соле дар Тоҷикистон фаъолият доштааст аз хати кирилӣ ба форсӣ баргардонда ва виросторӣ кардааст.

220
Барчаспҳо:
китоб, чоп, Эрон, тоҷик, нависанда, Шоира
Новая эстакада в 82-м микрорайоне в Душанбе

Эстакадаи нав дар Душанбе ифтитоҳ ёфт: Раҳмон ва Рустам бо ҳам лентаашро буриданд

242
(Таҷдидшуда 10:36 10.07.2020)
Эстакада дар доираи лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” бунёд гардидааст

ДУШАНБЕ, 10 июл – Sputnik. Субҳи имрӯз Эмомалӣ Раҳмон, раисҷумҳури Тоҷикистон  ҳамроҳ бо раиси шаҳри Душанбе Рустами Эмомалӣ дар ноҳияи Синои пойтахт эстакадаи навро ифтитоҳ карданд.

Бино бар иттилои дафтари матбуоти раисҷумҳури Тоҷикистон, дар доираи лоиҳа корҳои азнавсозии роҳ бо назардошти сохтмони чорроҳаи сесатҳа, сохтмони роҳ бо пул дар ду сатҳ аз ду тарафи хиёбони Нусратуло Махсум бо хиёбони Сино иҷро гардид.

Манбаъ иттилоъ додааст, ки дарозии роҳ аз буриши хиёбони Сино то дарвозаи ғарбии пойтахт 4,9 километрро ташкил медиҳад.

Дар доираи корҳои сохтмонӣ ҳамчунин навсозии системаи муҳандисии зеризаминӣ, аз ҷумла оби нӯшокӣ, гармидиҳӣ, хатҳои алоқа, газ, равшанидиҳии замонавӣ, хатсайри троллейбус, сабзазоркунии гулгашту роҳравҳо ва як қатор тадбирҳои дигар амалӣ карда шудаанд.

Ба Эмомалӣ Раҳмон, раисҷумҳури кишвар зимни ифтитоҳи иншоот иттилоъ дода шуд, ки барои анҷоми корҳои сохтмонӣ муосиртарин техникаи соҳавӣ ҷалб гардида буд ва назорати сифати корҳои бунёдӣ аз ҷониби коршиносони байналмилаливу дохилӣ ба таври доимӣ роҳандозӣ мегардид.

Гуфта шудааст, ки лоиҳаи мазкур аз ҷониби Ҳукумати Тоҷикистон, Бонки аврупоии таҷдид ва рушд ва Бонки осиёии сармоягузории инфрасохторӣ татбиқ шуд.

“Фармоишгари лоиҳа Вазорати нақлиёт, Маркази татбиқи лоиҳаҳои таҷдиди роҳҳо ва пудратчии он Ширкати “Ксинҷянг Коммуникейшн Констракшн Групп”-и Чин мебошад. Назорати сифати корҳоро дар ин лоиҳа Ширкати машваратии “Эптиса”-и Испания бар уҳда дошт”, - таъкид доштаааст манбаъ.

Тибқи лоиҳа, чорроҳаи хиёбони Сино, ки дар ин ҷо қаблан муҷассамаи Абуалӣ ибни Сино гузошта шуда буд, пурра навсозӣ гардид.

Эмомалӣ Раҳмон, зимни ифтитоҳи иншоот бо таъкид гуфт ин роҳҳо бояд солҳои дароз ба мардум хизмат расонанд.

Бояд қайд кард, ки дар доираи амалишавии лоиҳаи “Беҳтар намудани ҳолати роҳи минтақавии Душанбе — Турсунзода, қитъаи роҳ аз буриши хиёбони Сино бо хиёбони Исмоили Сомонӣ то дарвозаи ғарбии шаҳри Душанбе” дар маҳаллаи 82-юми пойтахт низ чунин як эстакада қаблан аз тарафи Эмомалӣ Раҳмон, президенти кишвар ва раиси шаҳри Душанбе Рустами Эмомалӣ ба истифода дода шуда буд.

Сохтмони ин эстакада 22 июли соли 2016 оғоз гардида буд.

Иншоот дар муддати ду сол бо сатҳу сифати баланд дар рӯзҳои таҷлил аз 27-умин солгарди Истиқлолияти давлатии Тоҷикистон ифтитоҳ шуда буд.

Ин чорроҳа низ аз 3 сатҳ, роҳи давродаврӣ иборат мебошад. Дар сатҳи сеюм аз самти шарқ ба ғарб кӯпрук бо дарозии 123 метр ва паҳноии 25 метр мегузарад.

Дар лоиҳаи сохтмони эстакада 5 роҳи зеризаминӣ низ бо дарозии умумии 236 метр барои роҳгузарон бунёд шудааст.

242
Барчаспҳо:
Рустам Эмомалӣ, Эмомалӣ Раҳмон, ифтитоҳ, эстакада, Тоҷикистон