Летний фестиваль в Душанбе

Лағви консерти Шабнами Сурайё дар Ню - Йорк ба далели коронавирус

2876
(Таҷдидшуда 17:06 14.03.2020)
Консерти ҳунарии Шабнами Сурайё, овозхони шинохтаи тоҷик, ки мебоист имрӯз дар Ню-Йорк доир шавад, лағв шудааст

ДУШАНБЕ, 14 мар — Sputnik. Дар ин бора Шабнам дар саҳифааш дар Instagram хабар дода гуфтааст, ки ба зудӣ рӯзи нави консертро эълом хоҳанд кард.

"Мухлисони азиз. Ман дер боз интизори ҳунарнамоӣ дар Ню-Йорк ва пешвози Наврӯз бо шумо будам. Мутаассифона баргузоркунандагони консерт дар Ню-Йорк маҷбур шуданд дар робита ба вазъият бо коронавирус барномаро лағв кунанд. Умедворам ҳамааш хуб мешавад ва мо ба зудӣ санаи нави консертро эълом мекунем. Саломат бошед!", - омадааст дар эълом.

Лағви консерти Нигина Амонқулова ба далели коронавирус: ӯ гуноҳе надорад

Ахиран Шабнами Сурайё аз сабти суруд ва намоҳанги нави худ, таҳти унвони "Чашмак мезанӣ" хабар дод. Намоҳанг ду ҳафта пеш, рӯзи 23 феврал дар саҳифаи сароянда дар Youtube нашр шудааст.

Оҳанги ин сурудро Роберт Мирзоян навишта матни онро Орзу Исоев эҷод кардааст.

Намоҳанги тозаи Шабнамро то имрӯз беш аз 250 ҳазор кас тамошо карда ва беш аз 4 ҳазор корбар писандидааст.

2876
Барчаспҳо:
лағв, консерт, Шабнами Сурайё
Даромадгоҳи асосии ВДНХ дар Маскав, акс аз бойгонӣ

Созиши Собянин ва Рустами Эмомалӣ барои эҳёи гӯшаи Тоҷикистон дар “ВДНХ”

45
(Таҷдидшуда 21:30 25.11.2020)
Рустами Эмомалӣ, раиси Маҷлиси миллӣ ва шаҳрдори Душанбе бо Сергей Собянин, шаҳрдори Маскав созиш кардаанд, ки дар Намоишгоҳи дастовардҳои хоҷагии халқ – “ВДНХ” гӯшаи Тоҷикистон таъсис дода хоҳад шуд

ДУШАНБЕ, 25 ноя — Sputnik. Дар намоишгоҳи маъруф ба “ВДНХ”-и Маскав боз гӯшаи Тоҷикистон пайдо хоҳад шуд, хабар дод шаҳрдории пойтахти Русия.

Қарор барои ташкили гӯшаи миллии Тоҷикистон дар ҳудуди Намоишгоҳи дастовардҳои хоҷагии халқро шаҳрдори Маскав, Сергей Собянин ва Рустами Эмомалӣ қабул кардаанд.

Мулоқоти Собянин ва Рустами Эмомалӣ дар доираи сафари кории раиси Маҷлиси миллии Тоҷикистон ба Маскав сурат гирифт.

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

“Ҷонибҳо созиш кардаанд, ки баррасии лоиҳаи гӯшаи миллии Тоҷикистон дар ВДНХ, ба истилоҳ “корти муаррифигар”-и Тоҷикистон дар Русияро идома хоҳанд дод”, - хабар додааст котиботи шаҳрдории Маскав.

Инчунин роҳбарони пойтахтҳои Тоҷикистону Русия барномаи ҳамкорӣ то соли 2023 дар бахшҳои тиҷорат, нақлиёт, маориф, тандурустӣ ва технологияҳои информатсиониро имзо кардаанд.

Созиш барои ташкили гӯшаи Тоҷикистон дар ВДНХ дар ҳолест, ки дар замони шӯравӣ чунин як гӯша вуҷуд дошт.

Павильон Таджикской ССР на ВДНХ, архивное фото
© Архив пресс-службы ВДНХ
Павильон Таджикской ССР на ВДНХ, архивное фото

Сохтумони ғуфраи муаррифигари Тоҷикистон дар ВДНХ соли 1937 оғоз гардид ва дар соли 1939 ба истифода дода шуд. Бинои он баъди Ҷанги Бузурги Ватанӣ азнавсозӣ шуда буд, аммо соли 1965 ғуфраи Тоҷикистони Шӯравӣ аз ВДНХ нест карда шуд. Далели тахриби гӯшаи Тоҷикистонро, ки ҳудуди 5 ҳуҷра доштааст, бархе муаррихон ба ҷавобгӯй набудан ба талаботи техникӣ рабт доданд.

45
Барчаспҳо:
Намоишгоҳ, Тоҷикистон, Русия
Награждение, архивное фото

Қадрдонии шоири тоҷик бо нишони "Наследие"

502
(Таҷдидшуда 16:52 23.11.2020)
Шоир ва рӯзноманигори тоҷик Карим Ҳайдар ба медали иттифоқи нависандагони Русия "Наследие" сазовор гардид

ДУШАНБЕ, 23 ноя — Sputnik. Шоир ва сармуҳаррири барномаҳои ахбори телевизиони "Тоҷикистон", Карим Ҳайдарро бо ситораи "Наследие" - 2020 қадрдонӣ мекунанд.

Қарори мукофотонидани шоири тоҷик дар Иттифоқи нависандагони Русия қабул гардид.

Ба гуфти шоир, ин мукофот дар маросими ҷоизасупории "Наследие" ба ӯ дода мешавад. Ин маросим баҳори соли 2021 бо ширкати фаъоли ҷамъиятӣ Мария Романова баргузор мешавад.

Қайд мекунем, ки ин дуввумин ҷоизаи шоир дар соли 2020 мебошад. Пештар шоир ва рӯзноманигори тоҷик Карим Ҳайдар ба медали иттифоқи нависандагони Русия "Сергей Есенин" сазовор гардид.

Шоири тоҷик Карим Ҳайдар ба медали "Сергей Есенин"-и Русия сазовор шуд

Шарҳи ҳоли Карим Ҳайдар

Карим Ҳайдар 6 январи соли 1961 дар Истаравшан дар оилаи рӯзноманигор Раҳим Ҳайдар таваллуд шудааст.

Шоир узви Иттифоқи нависандагон, Иттифоқи рӯзноманигорон ва аълочии телевизион ва радиои Тоҷикистон мебошад.

Соли 1983 факултаи забон ва адабиёти руси донишгоҳи давлатии Хуҷандро хатм карда, аз соли 2006 дар шабакаи телевизиони "Тоҷикистон" фаъолият мебарад.

Карим Ҳайдар муаллифи маҷмааҳои шеърии "Садои аҷдодон" ("Голоса предков"), "Қиссаи Ҳисор", ҳикояву очеркҳо мебошад, ки бештарагон дар маҷмааҳои кишварҳои ИДМ мунташир шудаанд.

Ӯ суруди миллии Тоҷикистонро ба забони русӣ тарҷума кардааст ва муаллифи филмҳои мустанади Роберт Рождественский", "Тимур Зулфиқоров", "Михаил Синелников - шоир ва тарҷумон" мебошад.

Гулчине аз ҳаёту эҷодиёти устод Гулназар Келдӣ-тасвирбаён

Афзун бар ин, Карим Ҳайдар барои  Донишгоҳи славянии Тоҷикистону Русия гимн навиштааст.

Бо медалҳои "Хизмати шоиста" ва  МГТРК "Мир" мукофотонида шудааст. Карим Ҳайдар соли 2018 ордени дараҷаи якуми "Достаевский"-и Русияро гирифта буд.

502
Барчаспҳо:
нишон, медал, шоир, Карим Ҳайдаров
Председатель Совета Федерации РФ Валентина Матвиенко и глава палаты парламента Таджикистана Рустам Эмомали

Муҳоҷиру пулу гӯшаи тоҷикон: натиҷаҳои нахустсафари расмии Рустами Эмомалӣ ба Маскав

105
(Таҷдидшуда 21:09 25.11.2020)
Нахустин сафари расмии Рустами Эмомалӣ дар Маскав, ки зимни он ба ҳайси раиси Маҷлиси миллӣ бо аъзои парлумони Русия ва ба ҳайси шаҳрдори Душанбе бо Сергей Собянин мулоқот кард, анҷом ёфта истодааст

ДУШАНБЕ, 25 ноя — Sputnik. Зимни ҷаласаи муштарак Валентина Матвиенко, раиси палатаи болоии парлумон ва Рустами Эмомалӣ самтҳои асосии ҳамкории ду кишвар – саноат, тиҷорат ва ҳамкории минтақаваиро муайян намуданд.

Раиси Маҷлиси миллӣ гуфт, гарчанде Русия тайи солҳои зиёд шарики асосии тиҷории Тоҷикистон мебошад (гардиши мол тайи 8 моҳи 2020 ҳудуди 720 миллион доллар), имкониятҳои истифоданашудаи ҳамкорӣ ҳанӯз зиёданд.

“Ҳиссаи сармоягузориҳои мустақими Русия ҳанӯз ҳам ба имконоти мавҷуда ҷавобгӯй набуда, зарфиятҳои ҳамкории иқтисодии Русия ва Тоҷикистон пурра истифода нашуда истодааст”, - изҳор дошт ӯ.

Валентина Матвиенко дар навбати худ аҳамияти сафари раиси палатаи болоии парлумони Тоҷикистонро таъкид карда, афзуд, ки он таконе барои рушди ҳамкориҳои дуҷонибаи Тоҷикистону Русия хоҳад шуд.

Ба гуфтаи ӯ, яке аз монеаҳои асосии рушди ҳамкориҳои иқтисодии дуҷониба коғазбозиҳои зиёд ва расмиёти мураккаб мебошад.

“Бюрократияи зиёдатию таъхиркориҳо монеи рушди ҳамкорӣ дар ин бахш мебошанд. Барои ин ба хулоса расидем, ки як роҳҳалро таҳия кунем. Тариқи кумитаҳои соҳавӣ ҳамоҳангсозиро вусъат бахшида, заминаи ҳуқуқию шартномавиро таҳким мебахшем”, - изҳор дошт раиси Шӯрои Федератсия.

Ба гуфтаи ӯ, миёни Душанбе ва Маскав баъзе нофаҳмиҳо дар масъалаи устуворсозии заминаи ҳуқуқӣ-шартномавӣ вуҷуд дорад. Ва аъзои парлумони ду кишвар метавонанд барои ҳамоҳангӣ ва тезондани тасвиби ҳуҷҷатҳо созиш кунанд.

Рустами Эмомалӣ инчунин бо ноиби раиси Ҳукумати Русия, Алексей Оверчук, ки ҳамраисии Комиссияи байниҳукуматии Тоҷикистону Русия дар умури ҳамкориҳои иқтисодиро низ ба уҳда дорад, мулоқот намуд.

Таваҷҷуҳи махсус ба ҳамкориҳои тиҷоратию иқтисодӣ равона карда шуд. Аз ҷумла Оверчук ва Рустами Эмомалӣ ҳамкорӣ дар бахши куҳкорӣ, саноати коркард, бахши энергетикаю сӯзишворӣ ва хоҷагии қишлоқро баррасӣ намуданд.

Масъалаи содироту воридоти маҳсулоти ғизоӣ, аз ҷумла меваю сабзавот аз мавзӯъҳои меҳварии мулоқот буд.

Албатта ҷонибҳо соҳаи гуманитариро низ бетаваҷҷуҳ нагузоштанд. Рустами Эмомалӣ бо аъзои парлумони Русия масоили вусъат бахшидани сохтмони макотиби русӣ дар Тоҷикистонро ба миён гузошту Валентина Матвиенко аз Рустами Эмомалӣ хост ба ҷавонон таваҷҷуҳ дода шавад.

“Ман ҷонибдори барқарорсозии ҳарчи зудтари ҳамкориҳо дар бахшҳои гуманитарӣ, афзоиш дар бахши фарҳангу маориф, варзиш ва албатта ҷавононам”, - таъкид кард раиси Шӯрои Федератсия. Ӯ давом дод, ки дар дунё созмону ҳаракатҳои ифротию террористӣ зиёданд, ки барои мағзи ҷавонон талош мекунанд. Мо бояд пешдастӣ кунем, тариқи табодули таҷриба бояд ҳарчи бештар лоиҳаҳо ва маъракаҳоро амалӣ созем.

Аз ҷумлаи иқдоми мушаххас пешниҳод гардид, ки дар 20-солаи наздик теъдоди намояндагиҳои донишгоҳҳои Русия дар Тоҷикистон афзоиш дода шавад. Таъкид гардид, ки дар заминаи макотиби Маскав барои омӯзгорони забони русии макотиби Душанбе ва дар заминаи беморхонаҳо барои табибони тоҷикистон курсҳои такмили ихтисос гузаронда шаванд.

Барои Рустами Эмомалӣ дар мулоқот бо аъзои парлумон ва ҳукумати Русия масъалаи муҳоҷирони меҳнатӣ буд. Ӯ дар бораи расмиёти содаи ҷалби муҳоҷирони тоҷик ба кор, барқарорсозии парвозҳо ва пешгирии паҳншавии коронавирус миёни муҳоҷирон суҳбат кард.

Масъалаи муҳоҷиронро инчунин дар мулоқот бо ҳамтои русиягияш, Сергей Собянин низ баррасӣ намуданд.

Зимни гуфтушунид густариши ҳамкориҳо дар бахши тиҷорату иқтисод фарҳангу гуманитарӣ ва роҳандозии равобити бевосита миёни хоҷагидорон баррасӣ шудаанд.

Собянин ва Рустами Эмомалӣ зарурати афзоиши ҳамкорӣ дар бахши маориф, тандурустӣ, сайёҳӣ ва навсозии техникию моддии хоҷагиҳои коммуналиро таъкид намудаанд.

Инчунин ба иттилои котиботи шаҳрдории Маскав, ҷонибҳо таъсиси гӯшаи Тоҷикистон дар намоишгоҳи “ВДНХ”-ро баррасӣ кардаанд, ки дар он ҷо аз соли 1939 то 1965 вуҷуд дошт.

Натиҷаи музокирот имзои Барномаи ҳамкорӣ барои солҳои 2020 – 2023 миёни Маскав ва Душанбе шуд.

Дар баробари мулоқот бо Матвиенко, Собянин ва Оверчук, раиси Маҷлиси миллии Тоҷикистон бо раиси Думаи давлатии Русия, Вячеслав Володин музокироти телефонӣ анҷом дод.

Зимни суҳбат аз ҷумла баргузории Ассамблеяи парлумонии Созмони аҳдномаи амнияти дастаҷамъӣ дар шаҳри Душанбе баррасӣ гардидааст, ки санаи эҳтимолии он охири марти соли 2021 мебошад.

105
Барчаспҳо:
мулоқот, Русия, Тоҷикистон