Маҳмадсаид Убайдуллоев ва Валентина Матвиенко, акс аз бойгонӣ

Паёми Матвиенко ба Убайдуллоев ва суҳбат аз ҳамкориҳои оянда

326
(Таҷдидшуда 18:09 23.03.2020)
Валентина Матвиенко, раиси Шӯрои Федератсияи Русия, бо ирсоли як паём Маҳмадсаид Убайдуллоев, раиси Маҷлиси миллии Тоҷикистонро бо ҷашни Наврӯз шодбош гуфта, таъкид ба густариши ҳамкориҳо намудаст

ДУШАНБЕ, 23 мар— Sputnik. Роҳбарони як қатор парлумонҳои кишварҳои ҷаҳон бо ирсоли паём, ҳамтои тоҷикашон Маҳмадсаид Убайдуллоевро бо ҷашни Наврӯзи байналмилалӣ шодбош гуфтанд, хабар дод котиботи Маҷлиси миллӣ.

Валентина Матвиенко дар паём ба Маҳмадсаид Убайдуллоевич навиштааст, ки "шуморо бо фарорасии иди пурнури баҳории Наврӯз, ки дар худ садоқати ҷовидонаро барои анъанаҳо, умедвориҳои неку равшанро баҳри оянда таҷассум менамояд, табрик менамоям".

Раиси Шӯрои Федератсияи Русия таъкид кардаст, ки ҳамкориҳои миёни мақоми қонунгузории Русия ва Тоҷикистонро ба сифати қисми рушдкунандаи шарикии стратегии давлатҳоям арзёбӣ менамояд.  Ният дорем дар оянда низ ба тавсеаи пайвастаи он мусоидат намоем, изҳор доштаст Матвиенко.

Тағйироти кадрӣ: пешниҳоди Раҳмону розигии Маҷлиси миллӣ

Ӯ дар хитоб ба Маҳмадсаид Убайдуллоев илова намудаст, ки "ба шумо ва кулли аъзои Маҷлиси миллии Маҷлиси Олӣ саломатӣ, комёбию муваффақиятҳо дар ҳамаи ибтикорот ва ба мардуми Тоҷикистон сулҳу субот ва шукуфоӣ орзумандам".

326
Барчаспҳо:
Валентина Матвиенко, Маҳмадсаид Убайдуллоев, Маҷлиси миллӣ, Русия, Тоҷикистон
Одиночная фотография журналиста из Приморья Юрия Смитюка «Остров Врангеля»

Озмуни ёдбуди аксбардор Андрей Стенин ғолиби овоздиҳии онлайниро эълон кард

26
(Таҷдидшуда 14:53 04.08.2020)
Корбарони интернет ғолиби Озмуни байналмилалии фотожурналистии ёдбуди Андрей Стенинаро интихоб карданд

ДУШАНБЕ, 4 авг — Sputnik.  Беҳтарин кори Озмуни байнулмилалии ёдбуди Андрей Стенин, ба андешаи корбарони интернет, акси ягонаи рӯзноманигор аз Юрий Ситюк таҳти унвони"Ҷазираи Врангел" шинохта шуд.

Павел Кулемеев, корманди илмӣ ва нозири мамнуъгоҳи "Ҷазираи Врангел" бо истиқбол ва таассуроти зиёд акси рӯзноманигорро табиӣ ва воқеӣ хонадаас.

Ҷазираи Врангелел шимолтарин ҷазираи муҳофизатшаванда дар Арктикаи Русия аст. Уқёнуси Арктика ҷазираро аз ҷониби меридиан 180 дараҷа тақсим кардааст ва аз ин рӯ он дар ду ҷониб ҳам ғарб ва ҳам шарқи сайёраи мо ҷойгир аст.

Сафарҳо ба мамнуъгоҳҳои табиии “Ҷазираи Врангел” маҳдуданд, аммо дар тобистон ва тирамоҳ тақрибан даҳҳо хатсайрҳои сайёҳӣ мавҷуданд.

Моҳи сентябр Озмуни байналмилалии фотожурналистии ёдбуди Андрей Стениндар ғолибонашро дар сомонаи stenincontest.ru | эълон хоҳад кард, ҳамзамон дар Маскав намоишгоҳи аксҳои барандагони он кушода мешавад.

Озмун инчунин ният дорад, ки намоиши анъанавии аксҳои ғолибонро дар шаҳрҳои ҷаҳон то охири сол ба роҳ монад.

Озмуни байналмилалии фотожурналистии ёдбуди Андрей Стенин ҳамасола барои аксбардорони ҷавони аз 18 то 33 сола доир мешавад. Имсол, озмун беш аз 5000 асарро аз 75 кишвари ҷаҳон ҷамъ овардааст.

Аз оғози роҳандозии озмун соли 2014 то кунун аксҳои ғолибони он дар Москва, Кейп Таун, Будапешт, Мадрид, Деҳлӣ, Милан, Ню Йорк, Анқара, Буэнос-Айрес ва дигар шаҳрҳои ҷаҳон ба намоиш гузошта шуданд.

Қабули дархостҳо барои ширкат ҳамасола 22 декабр дар зодрӯзи аксбардор МИА "Россия сегодня" Андрей Стенин, ки дар вақти адои хизмат вафот кард, қабул карда мешаванд.

Шарикони байналмилалии ВАО-и озмун: агентии хабарӣ ва радиои Sputnik, агентии иттилоотии Askanews, медиахолдинги Independent Media, агентии хабарии Notimex, агентии иттилоотии ANA, шабакаи телевизион ва сомонаи RT, Shanghai United Media Group (SUMG), сомонаи рӯзномаи интернетии China Daily, сомонаи интернетии The Paper, шабакаи расонаҳои Al Mayadeen, агентии хабарии Prensa Latina, агентии хабарии News1, сомонаи хабарии DBW, пойгоҳи хабарии Brasil247.

Ҳамчун шарикони соҳа озмунро дастгирӣ мекунанд: Маҷаллаи National Geographic Россия, портали Russian Photo, портали Photo-study.ru, мактабӣ аккосии “Академияи аксбардорӣ”, портали иттилоотӣ YOung JOurnalists, маҷаллаи Fotoargenta, клуби фотожурналистикаи Ню-Дели, маҷаллаи Enfoque Visual, маҷалла LF Magazine, сайти шарики байналмилали шарик - фестивали PhotON.


26
Барчаспҳо:
ёдбуд, ғолиб, намоиш, Аккос, Озмун, Русия
Зрители в кинотеатре

Дар ноҳияи Спитамен кинотеатри замонавӣ сохта мешавад

128
(Таҷдидшуда 15:26 03.08.2020)
Бино аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад

ДУШАНБЕ, 3 авг — Sputnik. Раиси вилояти Суғд Раҷаббой Аҳмадзода дар ноҳияи Спитамен бо рафти корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон ошно шуд, хабар медиҳад хадамоти матбуотии раиси вилоят.

Гуфта мешавад, ки Аҳмадзода сараввал дар Ҷамоати шаҳраки Навкат бо ҷараёни сохтмони бинои баландошёнаи истиқоматӣ бо нуқтаҳои хизматрасонӣ ва кинотеатри замонавӣ ошно шудааст.

"Иншооти мазкур дар доираи омодагиҳо ба ҷашни 30 – солагии Истиқлолияти давлатии Ҷумҳурии Тоҷикистон аз ҷониби кооперативи “Гулрез” сохта шуда истодааст. Масоҳати умумии сохтмон 1000 метри мураббаъро ташкил медиҳад", - омадааст дар хабарнома.

Тибқи иттилои манбаъ, бинои сохташаванда тибқи лоиҳа аз 7 ошёна иборат буда, дар таҳхонаи он кинотеатри замонавӣ, дар ошёнаи якум нуқтаҳои хизматрасонӣ ва дар ошёнаҳои боқимонда хонаҳои истиқоматӣ ҷойгир мебошад.

Филм барои +18 ё поинтар: тағйири қонуни Тоҷикистон “Дар бораи кино”

Мувофиқи харҷномаи пешакӣ арзиши умумии сохтмон зиёда аз 7 миллион сомониро ташкил мекунад. Корҳои сохтмониро бунёдкорони ҶДММ “Книал” бар дӯш дорад.

Раиси вилоят ҳангоми шиносоӣ барои бо сифати баланд ба итмом расонидани корҳои сохтмонӣ ва ободонии атрофи иншоот ба масъулин супоришҳо додааст.

128
Барчаспҳо:
рушду ободонӣ, Раҷаббой Аҳмадзода, Суғд, Спитамен
Генеральный секретарь Организации Объединенных Наций Антониу Гутерриш

“Ин фоҷиа аст”: нигаронии Дабири кулли Созмони Милали Муттаҳид аз таътилии мактабҳо

0
(Таҷдидшуда 02:21 05.08.2020)
Дабири кулли Созмони Милали Муттаҳид аз таътилии мактабҳо дар саросари ҷаҳон ба далели шуюи вируси корона ибрози нигаронӣ кард

ДУШАНБЕ, 5 авг — Sputnik. Антонио Гуттереш, дабири кулли Созмони Милали Муттаҳид ахиран таъкид кардааст, ки бозгашти бехатар ва амни донишомӯзон ба мактабҳо бояд авлавияти аслии кишварҳо бошад, иттилоъ додааст сомонаи хабаргузории “Парстудей”.

"Аз авосити моҳи июл ба баъд мактабҳо дар ҳудуди 160 кишвар баста шудаанд, ки беш аз як миллиард донишомӯзро шомил мешавад ва ин дар ҳоле аст, ки ҳудуди 40 миллион кӯдак, даврони томактабиро аз даст додаанд", - гуфт дабири кулли СММ.

Вай инчунин қайд кардааст, ки ин теъдод ба беш аз 250 миллион кӯдаке, ки пеш аз ин бемории ҳамагирӣ ба мактаб намерафтанд афзуда шуд ва танҳо танҳо чоряки донишҷӯёни мактабҳои миёнаи кишварҳои рӯ ба тараққӣ малакаҳои асосӣ доранд.

"Акнун мо бо як фоҷиаи наслӣ рӯбарӯ ҳастем, ки метавонад зарфиятҳои бешумори башарро ҳадар диҳад, чандин даҳсолаҳои пешрафтро заиф кунад ва нобаробариҳои шадидро боз ҳам шиддат диҳад”, - зикр кард Гуттереш.

Дабири кулли Созмони Милали Муттаҳид дар идома аз баробарии як пуйиши ҷадид ба номи "ояндаи моро наҷот диҳед"хабар дод.

Вай дар идома афзуд, тасмимоте, ки акнун давлатҳо ва муттаҳидони онон мегиранд, таъсири доимӣ бар садҳо миллион нафар аз ҷавонон ва бар чашмандози тавсеаи кишварҳо дар даҳсолаҳои оянда хоҳад гузошт.

Бо ин ҳол Гуттереш тавсиа кард мактабҳо танҳо дар сурате боз шаванд, ки вируси корона таҳти назорат қарор гирад.

0
Барчаспҳо:
таътил, таътилот, нигаронӣ, вирус, мактаб, ҷаҳон, Созмони Милали Муттаҳид, Тоҷикистон