Министр культуры Таджикистана Зульфия Давлатзода

ВМКБ: Зулфия Давлатзода гуфт, театри Хоруғ кай ба истифода дода мешавад

355
(Таҷдидшуда 15:18 08.04.2020)
Вазири фарҳанги Тоҷикистон Зулфия Давлатзода зимни дидору мулоқот бо фарҳангиёни Вилояти Мухтори Кӯҳистони Бадахшон гуфт, театри шаҳри Хоруғ кай ба истифода дода мешавад

ДУШАНБЕ, 8 апр — Sputnik. Дар толори Театри вилоятии ба номи Меҳрубон Назарови шаҳри Хоруғ вохўрии вазири фарҳанги Тоҷикистон Зулфия Давлатзода бо кормандони фарҳанги Вилояти Мухтори Кўҳистони Бадахшон баргузор гардид.

Бино ба гузориши Вазорати фарҳанг, дар вохӯрӣ муовини раиси вилоят Назира Амирбекзода, мудирони бахшҳои фарҳанги шаҳру ноҳияҳо, роҳбарони муассисаҳои фарҳангӣ ва собиқадорон иштирок намудаанд.

Тибқи итилои манбаъ, Давлатзода аз хусуси густариши омодагиҳо ба ҷашни 30-солагии Истиқлолият баромад намуда, хабар додааст, ки театри шаҳри Хоруғ аз калонтарин иншооти ҷашнӣ ба шумор меравад.

"Бо иқдоми президент дар ҳудуди ВМКБ чандин иншооти фарҳангӣ бунёд гардида, ба муносибати 30-солагии Истиқлолияти давлатии Ҷумҳурии Тоҷикистон дар маркази вилоят шаҳри Хоруғ сохтмони калонтарин иншооти ҷашнӣ -театри замонавӣ ба роҳ монда шуда, ният аст, ки то ҷашни 30 солагии Истиқлолияти Ҷумҳурии Тоҷикистон мавриди истифода қарор дода шавад", - гуфтааст вазир.

Давлатзода таъкид кардааст, ки ҳар як корманди фарҳанг бояд дар самти нигоҳ доштан ва пеш бурдани маданияти волои меҳани худ саҳмгузор бошад, зеро ҳар як меҳмону сайёҳ мардуми ин сарзаминро маҳз бо тамаддун ва фарҳанги пурғановаташон мешиносанд ва ба он баҳогузорӣ менамоянд.

Ҳамчунин дар ин дидор, сардори шуъбаи фарҳанги вилоят Сайёд Қурбонмамадов аз рафти корҳои фарҳангиёни вилоят гузориш дода, қайд кард, ки минбаъд низ кормандон кушиш менамоянд, то фаъолиятро боз баҳри муаррифии ҳар чӣ бештари фарҳанги диёр густариш бахшанд.

Манбаъ афзуда, ки дар фарҷоми вохурӣ ба як қатор кормандони муассисаҳои фарҳангӣ, собиқадорон аз номи вазорати фарҳанги Чумхурии Тоҷикистон, раиси ВМКБ, шуъбаи фарҳанги вилоят ва иттифоқи касаба мукофоти пулӣ, ифтихорномаҳо, туҳфаҳои хотиравӣ тақдим карда шудаанд.

355
Барчаспҳо:
Театр, фарҳанг, вазир, Хоруғ
Министр культуры РТ Шамсиддин Орумбекзода

Мусибат дар хонаводаи Орумбекзода: ҳамдардӣ бо оилаи собиқ вазир

7903
(Таҷдидшуда 19:48 30.05.2020)
Раҳбарияти Вазорати фарҳанги Тоҷикистон бо хонаводаи вазири собиқи ин ниҳод Шамсиддин Орумбекзода изҳори таслият кардааст

ДУШАНБЕ, 30 май — Sputnik. Дар хонадони вазири пешини фарҳанг Шамсиддин Орумбекзода мусибат рух додааст - модари вазири собиқ даргузашт.

Дар ин робита раҳбарияти Вазорат бо хонаводаи Шамсиддин Орумбекзода изҳори таслият кардааст.

"Роҳбарияти Вазорати фарҳанги Ҷумҳурии Тоҷикистон ва аҳли фарҳангу ҳунар ба собиқ вазири фарҳанги Ҷумҳурии Тоҷикистон Шамсиддин Орумбекзода нисбати даргузашти модарашон ҳамдардии амиқ баён менамоянд", - омадааст дар номаи ҳамдардӣ.

Ёдрас мешавем, ки Шамсиддин Орумбекзода то соли 2020 вазири фарҳанги Тоҷикистон буд ва соли 2019 Орумбекзодаро мардуми Тоҷикистон "вазири дастрас" унвон карданд.

Ҳамин тавр, моҳи январи соли 2020, тибқи Қарори Ҳукумати Ҷумҳурии Тоҷикистон Орумбекзода Шамсиддин Шодибек аз вазифаи Вазири фарҳанги Ҷумҳурии Тоҷикистон бо сабаби ба нафақа баромаданаш озод карда шуда Давлатзода Зулфия Давлат ҷойгузини ӯ гардид.

7903
Барчаспҳо:
Вазорати тандурустӣ, изҳори ҳамдардӣ, Тоҷикистон
Парвин Юсуфи

"Ҳамааш мегузарад": Парвин Юсуфӣ ба хотири дастгирӣ аз мардум таронаи ҷадид хонд - навор

226
(Таҷдидшуда 19:09 29.05.2020)
Сарояндаи маъруфи Тоҷикистон Парвин Юсуфӣ ба хотири дастгирӣ намудани тоҷикистониён дар замони авҷи маризии коронавирус таронаи ҷадид нашр кард

ДУШАНБЕ, 29  май — Sputnik. Парвин Юсуфӣ сарояндаи маъруфи Тоҷикистон чанде пеш дар сафҳаи Фейсбукии худ таронаи навашро мунташир намуд. Ӯ ба кулли мардуми Тоҷикистон муроҷиат намуда, ҳамагонро ба сабурӣ даъват кард.

"Ҳамеша боварӣ дошта бошед ки ҳамааш мегузарад! Худованди Бузург ҳамеша нигаҳбони Шумо бошад, ва даст ба ДУО бардорем ки ин бемории марговарро Худованд нест кунад аз рӯйи замин", - навиштааст Юсуфӣ зери навори таронаи наваш.

Сарояндаи саршинос мегӯяд, дар ин лаҳзаҳои барои мардуми Тоҷикистон мушкил, тамоми ҳунармандони тоҷик бо замир ва ҳунари худ дар паҳлуи мардум мебошанд.

"Шукри Ватан! Шукри Тоҷикистон! Шукри Меҳру Муҳаббати Халки азизам! Шукри забон! Шукри зиндагӣ! Шукри Муҳаббати Худо!
226
Мавзуҳо:
Пайомадҳои COVID-19 дар Тоҷикистон ва ҷаҳон
Самолет компании Уральские авиалинии, архивное фото

49 муҳоҷиру 13 ҷасад: ҳавопаймои Русия шаҳрвандони Тоҷикистонро ба Ватан расонд

74
Мақомоти Тоҷикистон элон намудааст, ки аз 19 то 30 майи соли равон дар ҳамоҳангӣ бо Русия 680 нафар шаҳрвандони кишвар ба Ватан баргардонида шуд

ДУШАНБЕ, 1 июн - Sputnik. Санаи 29 май бо парвозҳои махсуси ширкати “Уральские авиалинии” 49 нафар шаҳрвандони Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, аз Маскав ба Душанбе баргардонида шуданд, иттилоъ додааст дафтари матбуоти Вазорати умури хориҷаи Тоҷикистон.

Ҳамчунин тибқи иттилои манбаъ бо ин парвози махсус 13 ҷасади шаҳрвандони кишвар ба Ватан интиқол ёфтанд.

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

Вазорат умури хориҷаи Тоҷикистон таъкид доштааст, ки барои иҷрои дастури раисҷумҳури кишвар доир ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус (чартерӣ) ба/аз Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон манбаъ қайд кардааст, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити зарурӣ, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

74
Барчаспҳо:
ҷасад, Ватан, баргардонидан, кишварҳо, Тоҷикистон