Саидмукаррам Абдулқодирзода, раиси Шӯрои уламо, акс аз бойгонӣ

Намозу ифтору идгардак манъ: Шӯрои уламо гуфт, пули ҳаҷу закотро чигуна сарф бояд кард

6152
(Таҷдидшуда 12:38 17.04.2020)
Саидмукаррам Абдулқодирзода, раиси Шӯрои уламои Маркази исломии Тоҷикистон, бо имзои як қарор намозҳои ҷамоат ва ҳамчунин таровеҳ, ифтор, идгардак ва дигар маъракаҳоро манъ кард

ДУШАНБЕ, 17 апр — Sputnik. Қарори Шӯрои уламои Тоҷикистон зери имзои Абдулқодирзода аз 5 банд иборат буда, дар банди якумаш гузоридани намозҳои ҷамоат - панҷвақта, ҷумъа ва таровеҳ дар масҷидҳои кишвар ва ҷамоатхонаҳо то беҳбуд ёфтани вазъият аз рӯзи 18 апрели соли 2020 мамнӯъ эълон шуд.

Дар банди дуюм омадааст, ки дар моҳи Рамазон  баргузор намудани ҳар гуна ҷамъомад - таровеҳ, ифтор, идгардак ва дигар маъракаҳо манъ карда шавад.

"Закот, садақаи фитр ва дигар  хайрияҳо ба шахсони ниёзманд, ятимон, бепарасторон, маъюбон дода шавад. Шахсони саховатманд метавонанд садақа ва закоти худро барои пешгирии бемории сироятии мазкур ба суратҳисоби хазинаи махсус гузаронанд", - омадааст дар идомаи қарор.

Шӯрои уламо таъкид кардааст, шаҳрвандоне, ки нияти ҳаҷ доштанд, бо сабаби пурра баста шудани зиёрати хонаи Худо “Масҷид-ул-ҳарам” маблағҳои ба ин ният ҷамъкардаи худро, аввал дар корҳои ободонии хонаву дари хеш, баъдан, барои амалҳои хайру савоб, ба монанди овардани об, кандани чоҳ, сохтани пул ва дигар корҳои хайриявии деҳаву маҳалли худ, ки ҳар кадом садақаи ҷория мебошад, сарф намоянд. 

Дар идома омадааст, ки тавсияҳои табибон ва тадбирҳои Вазорати тандурустӣ ва ҳифзи иҷтимоии аҳолӣ ҳангоми рӯзадорӣ ва дигар маросим қатъиян риоя карда шаванд.

Ин ниҳод афзудааст, ки вобаста ба рӯзадорӣ Шӯрои уламо тавсияҳои худро сари вақт омода карда, пеш аз саршавии моҳи мубораки Рамазон онҳоро ба тасвиб расонад.

6152
Министр культуры РТ Шамсиддин Орумбекзода

Мусибат дар хонаводаи Орумбекзода: ҳамдардӣ бо оилаи собиқ вазир

2566
(Таҷдидшуда 19:48 30.05.2020)
Раҳбарияти Вазорати фарҳанги Тоҷикистон бо хонаводаи вазири собиқи ин ниҳод Шамсиддин Орумбекзода изҳори таслият кардааст

ДУШАНБЕ, 30 май — Sputnik. Дар хонадони вазири пешини фарҳанг Шамсиддин Орумбекзода мусибат рух додааст - модари вазири собиқ даргузашт.

Дар ин робита раҳбарияти Вазорат бо хонаводаи Шамсиддин Орумбекзода изҳори таслият кардааст.

"Роҳбарияти Вазорати фарҳанги Ҷумҳурии Тоҷикистон ва аҳли фарҳангу ҳунар ба собиқ вазири фарҳанги Ҷумҳурии Тоҷикистон Шамсиддин Орумбекзода нисбати даргузашти модарашон ҳамдардии амиқ баён менамоянд", - омадааст дар номаи ҳамдардӣ.

Ёдрас мешавем, ки Шамсиддин Орумбекзода то соли 2020 вазири фарҳанги Тоҷикистон буд ва соли 2019 Орумбекзодаро мардуми Тоҷикистон "вазири дастрас" унвон карданд.

Ҳамин тавр, моҳи январи соли 2020, тибқи Қарори Ҳукумати Ҷумҳурии Тоҷикистон Орумбекзода Шамсиддин Шодибек аз вазифаи Вазири фарҳанги Ҷумҳурии Тоҷикистон бо сабаби ба нафақа баромаданаш озод карда шуда Давлатзода Зулфия Давлат ҷойгузини ӯ гардид.

2566
Барчаспҳо:
Вазорати тандурустӣ, изҳори ҳамдардӣ, Тоҷикистон
Парвин Юсуфи

"Ҳамааш мегузарад": Парвин Юсуфӣ ба хотири дастгирӣ аз мардум таронаи ҷадид хонд - навор

215
(Таҷдидшуда 19:09 29.05.2020)
Сарояндаи маъруфи Тоҷикистон Парвин Юсуфӣ ба хотири дастгирӣ намудани тоҷикистониён дар замони авҷи маризии коронавирус таронаи ҷадид нашр кард

ДУШАНБЕ, 29  май — Sputnik. Парвин Юсуфӣ сарояндаи маъруфи Тоҷикистон чанде пеш дар сафҳаи Фейсбукии худ таронаи навашро мунташир намуд. Ӯ ба кулли мардуми Тоҷикистон муроҷиат намуда, ҳамагонро ба сабурӣ даъват кард.

"Ҳамеша боварӣ дошта бошед ки ҳамааш мегузарад! Худованди Бузург ҳамеша нигаҳбони Шумо бошад, ва даст ба ДУО бардорем ки ин бемории марговарро Худованд нест кунад аз рӯйи замин", - навиштааст Юсуфӣ зери навори таронаи наваш.

Сарояндаи саршинос мегӯяд, дар ин лаҳзаҳои барои мардуми Тоҷикистон мушкил, тамоми ҳунармандони тоҷик бо замир ва ҳунари худ дар паҳлуи мардум мебошанд.

"Шукри Ватан! Шукри Тоҷикистон! Шукри Меҳру Муҳаббати Халки азизам! Шукри забон! Шукри зиндагӣ! Шукри Муҳаббати Худо!
215
Мавзуҳо:
Пайомадҳои COVID-19 дар Тоҷикистон ва ҷаҳон
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

0
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

0