ДУШАНБЕ, 17 апр – Sputnik. Сталина Азаматова яке аз устодони барҷастаи балети тоҷик мебошад, ки шогирдони зиёдеро дар ин ҷода ба камол расонидааст, хабар дод "Ховар".
Ба иттилои манбаъ, Азаматова аз 2 январи соли 1940 дар шаҳри Сталинобод (ҳозира Душанбе) таваллуд шудааст. Хатмкардаи мактаби хореографии Ленинград (1958) — ҳоло Академияи балети Русия ба номи А.Я. Ваганова мебошад.
Пас аз хатми коллеҷ соли 1958 ӯ дар саҳнаи Театри академии опера ва балети ба номи Садриддин Айнӣ ба ҳайси солист ва баъд хореограф ба фаъолият оғоз намудааст.
Сталина Азаматова соли 1968 бо унвони Ҳунарпешаи шоистаи ҶШС Тоҷикистон ва соли 2005 бо Ҳунарпешаи халқии Тоҷикистон мушараф гардид.
Нақшҳои офаридаи ӯ Жизел дар балети машҳури "Адана", Медора дар балети "Corsair", Ҳенриетта – дар "Волтси Бузург", Мерседес Дон Кихот аз Минкус, Ҷулетта дар "Ромео ва Ҷулетта", Фанни дар "Роҳи раъд" ва дигарон мебошанд. Инчунин мавсуф дар як зумра филмҳои тоҷикӣ нақш офаридааст.
Маросими дафни Сталина Азаматова пагоҳ дар шаҳри Душанбе дар назар аст.
