Город Худжанд, архивное фото

Хонаи Эргашбойбача макони баргузории ҳамоиши фарҳангӣ шуд

780
(Таҷдидшуда 15:26 18.04.2020)
Хона – осорхонаи “Эргашбойбача” дар шаҳри Хуҷанд Рӯзи байналмилалии ҳифзи ёдгориҳои таърихӣ ба макони маҳфили фарҳангӣ табдил ёфт

ДУШАНБЕ, 18 апр – Sputnik. Бино бар иттилои дафтари матбуоти мақомоти шаҳри Хуҷанд, бахшида ба Рӯзи байналмилалии ҳифзи ёдгориҳои таърихӣ, меъморӣ ва фарҳангӣ дар Хона –осорхонаи “Эргашбойбача” ҳамоиши илмӣ-фарҳангӣ баргузор гардид.

Тибқи иттилои манбаъ, меҳмонон нахуст аз Хона – осорхонаи “Эргашбойбача” боздид намуда, аз ин бинои таърихии начандон дур бардошти хубе карданд.

Фирӯза Нуруллозода, муовини Раиси шаҳри Хуҷанд афзуд, ки баргузор намудани чунин чорабиниҳо дар ҳифзи ёдгориҳои таърихӣ, меъморӣ ва фарҳангӣ, баланд бардоштани фарҳанги аҳолӣ, тарбияи онҳо дар рӯҳияи эҳтиром нисбат ба арзишҳои умумиинсонӣ ва дар байни аҳолӣ густариш додани донишҳо роҷеъ ба мероси таърихӣ – фарҳангии халқ, ва дар омӯзиш, тармим ва аз вайроншавӣ нигоҳ доштани онҳо мусоидат хоҳад намуд.

“Бо мақсади рушду нумуи бемайлони соҳаи сайёҳӣ, баланд бардоштани сатҳи зиндагии мардум, рушди инфрасохтор,инчунин муаррифии таъриху фарҳанг, табиат, анъанаҳои миллӣ, рушди соҳаҳои хизматрасониву сайёҳӣ ва ба ин васила бо шуғл фаро гирифтани аҳолии қобили меҳнат, солҳои 2019-2021-ро “Солҳои рушди деҳот, сайёҳӣ ва ҳунарҳои мардумӣ” эълон шудааст”, таъкид дошт Нуруллозода.

Тибқи иттилои мақомоти шаҳри Хуҷанд, дар шаҳр 36 ёдгориҳои таърихӣ, 5 ёдгориҳои археологӣ, 21 ёдгориҳои шаҳрсозиву меъморӣ ва санъат мавҷуд мебошад.

Ёдрас мешавем, мақомоти шаҳри Хуҷанд аз 8 августи соли 2016, тибқи қарори Раиси шаҳри Хуҷанд Шарифзода Шариф Файз Хона осорхонаи этнографӣ, хонаи расмии “Эргашбойбача” таъсис гардид.

Маҳз аз ҳамон сол манзили истиқоматие, ки байни сокинони маҳал бо номи “Манзили Эргашбойбача” маълум аст, ба як макони таърихию фарҳангӣ ва намоиши анъанаҳои мардуми Хуҷанд табдил дода шуд.

780
Барчаспҳо:
фарҳанг, маҳфил, таърихӣ, ёдгориҳо, Хуҷанд, Тоҷикистон
Министр культуры РТ Шамсиддин Орумбекзода

Мусибат дар хонаводаи Орумбекзода: ҳамдардӣ бо оилаи собиқ вазир

2774
(Таҷдидшуда 19:48 30.05.2020)
Раҳбарияти Вазорати фарҳанги Тоҷикистон бо хонаводаи вазири собиқи ин ниҳод Шамсиддин Орумбекзода изҳори таслият кардааст

ДУШАНБЕ, 30 май — Sputnik. Дар хонадони вазири пешини фарҳанг Шамсиддин Орумбекзода мусибат рух додааст - модари вазири собиқ даргузашт.

Дар ин робита раҳбарияти Вазорат бо хонаводаи Шамсиддин Орумбекзода изҳори таслият кардааст.

"Роҳбарияти Вазорати фарҳанги Ҷумҳурии Тоҷикистон ва аҳли фарҳангу ҳунар ба собиқ вазири фарҳанги Ҷумҳурии Тоҷикистон Шамсиддин Орумбекзода нисбати даргузашти модарашон ҳамдардии амиқ баён менамоянд", - омадааст дар номаи ҳамдардӣ.

Ёдрас мешавем, ки Шамсиддин Орумбекзода то соли 2020 вазири фарҳанги Тоҷикистон буд ва соли 2019 Орумбекзодаро мардуми Тоҷикистон "вазири дастрас" унвон карданд.

Ҳамин тавр, моҳи январи соли 2020, тибқи Қарори Ҳукумати Ҷумҳурии Тоҷикистон Орумбекзода Шамсиддин Шодибек аз вазифаи Вазири фарҳанги Ҷумҳурии Тоҷикистон бо сабаби ба нафақа баромаданаш озод карда шуда Давлатзода Зулфия Давлат ҷойгузини ӯ гардид.

2774
Барчаспҳо:
Вазорати тандурустӣ, изҳори ҳамдардӣ, Тоҷикистон
Парвин Юсуфи

"Ҳамааш мегузарад": Парвин Юсуфӣ ба хотири дастгирӣ аз мардум таронаи ҷадид хонд - навор

215
(Таҷдидшуда 19:09 29.05.2020)
Сарояндаи маъруфи Тоҷикистон Парвин Юсуфӣ ба хотири дастгирӣ намудани тоҷикистониён дар замони авҷи маризии коронавирус таронаи ҷадид нашр кард

ДУШАНБЕ, 29  май — Sputnik. Парвин Юсуфӣ сарояндаи маъруфи Тоҷикистон чанде пеш дар сафҳаи Фейсбукии худ таронаи навашро мунташир намуд. Ӯ ба кулли мардуми Тоҷикистон муроҷиат намуда, ҳамагонро ба сабурӣ даъват кард.

"Ҳамеша боварӣ дошта бошед ки ҳамааш мегузарад! Худованди Бузург ҳамеша нигаҳбони Шумо бошад, ва даст ба ДУО бардорем ки ин бемории марговарро Худованд нест кунад аз рӯйи замин", - навиштааст Юсуфӣ зери навори таронаи наваш.

Сарояндаи саршинос мегӯяд, дар ин лаҳзаҳои барои мардуми Тоҷикистон мушкил, тамоми ҳунармандони тоҷик бо замир ва ҳунари худ дар паҳлуи мардум мебошанд.

"Шукри Ватан! Шукри Тоҷикистон! Шукри Меҳру Муҳаббати Халки азизам! Шукри забон! Шукри зиндагӣ! Шукри Муҳаббати Худо!
215
Мавзуҳо:
Пайомадҳои COVID-19 дар Тоҷикистон ва ҷаҳон
Медицинские работники в госпитале COVID-19

Дурӯғ аст: пизишкони тоҷик қайчӣ шудани маошашонро такзиб карданд

0
Кормандони соҳаи тибби Тоҷикистон мактубе навишта, иддаоҳоеро, ки музди корашон қайчӣ мешавад, такзиб кардаанд

ДУШАНБЕ, 30 мая — Sputnik. Кормандони соҳаи тандурустии ноҳияи Айнӣ мактуби саркушодае навиштаву иддаоҳои бархе нафаронеро, ки худро пизишк муаррифӣ карда, аз кам шудани маошашон дар давраи пандемия хабар медоданд, такзиб кардаанд.

Пизишкон изҳор доштанд, ки маълумотҳо дар бораи ба 300 сомонӣ кам шудани маоши кормандони соҳаҳои тиб ки дар шабакаҳои иҷтимоӣ ва бархе аз расонаҳо паҳн мешавад, аз ҳақиқат дур аст. 

Ҳамчунин аз ҳисоби духтурону ҳамшираҳои шафқат дезинфексия шудани муассисаҳои тиббӣ ва харидории либоси муҳофизатиро дурӯғ гуфтаанд.

Олимзода: ба пизишкони вобасташуда маоши иловагӣ дода мешавад

Дар ин мактуб онҳо хабар додаанд, ки маоши кормандони тиб аз 840 то 1277 сомонӣ муқаррар карда шудааст.

Табибон афзудаанд, ки афзун бар ин, иловапулиҳо низ пардохт мешаванд.

Дар моҳи Рамазон бошад, аз ҷониби саховатмандон кӯмакҳои моддӣ расидааст.

0