Далер Назаров, архивное фото

Муроҷиати Далер Назаров: замоне расидааст, ки муттаҳид шавем

751
(Таҷдидшуда 20:24 07.05.2020)
Далер Назаров, ҳунарманди номии тоҷик дар муроҷиате аз ҳамагон даъват кардааст, ки муттаҳид шуда, ба нафароне, ки сахт эҳтиёҷманданд, кӯмак расонанд

ДУШАНБЕ, 7 май — Sputnik. Ҳунарманди номии тоҷик дар муроҷиати видеоиаш

 гуфтааст, замони озмоишҳо фаро расидааст.

"Дӯстони азиз, паси панҷара борон мерезад. Ман дар қарантинаам ва дар Маскав ба он дучор шудам. Ҳоло тамоми наздикон ва дӯстонам дар гӯшаҳои гуногуни ҷаҳон қарор доранд. Фикр мекунам, нафарони зиёд ин вазъро доранд. Аммо ҳоло ки ҳама кӯшиш мекунанд дар ин вазъияти мушкил, худро пайдо кунанд ва ба саволи чи мегузарад, ҷавоб пайдо намоянд, нафароне ҳастанд, ки ба кӯмаки мо ниёз доранд", - мегӯяд вай.

Вай афзудааст, "барои ҳамин, ҳисси  ҳамдардие, ки мо дорем, ба муттаҳид шудан, мусоидат мекунад,то тамоми қувваамонро ҷамъ намуда, ба нафароне ки сахт ба мо ниёз доранд, кӯмак расонем".

"Феълан ба ҳама мушкил аст, аммо нафароне ҳастанд, ки ба кӯмаки мо сахт ниёз доранд, барои ҳамин биёед муттаҳид мешавем. Ин муроҷиат на танҳо ба тоҷикон, балки ба тамоми аҳли башар аст. Мо бояд ба якдигар кӯмак расонем ва агар хоҳем қувва ва тавонмандӣ ҳатман пайдо мешавад", - таъкид мекунад Назаров. 

Ҳоло замоне фаро расонидааст, ки ба мо муттаҳид шуданро меомӯзонад, бигзор ин мақсад моро тавон бахшад, афзудааст ӯ.

Консерти Далер Назаров дар Маскав ба таъхир афтод

Далер Назаров дар анҷоми даъваташ ба кӯмак ва некӣ ба ҳамагон саломатӣ, некӯаҳволӣ таманно карда гуфтааст, ки аҳли башар ҳатман ба ин мушкилӣ пирӯз мешавад.

751
Жители Таджикистана встретили праздник Ид аль-Фитр или Иди Рамазон

Дар Тоҷикистон Иди Рамазон таҷлил мешавад

529
(Таҷдидшуда 13:59 24.05.2020)
Имсол ба далели паҳншавии коронавируси навъи COVID - 19 дар Тоҷикистон таҷлили оммавии Иди Рамазон манъ шуд

ДУШАНБЕ, 24 май — Sputnik. Мусулмонони Тоҷикистон имрӯз, Иди Фитр поёни моҳи мубораки Рамазонро ҷашн мегиранд.

Иди Фитр, пас аз 30 рӯзи рӯзадорӣ дар поёни моҳи мубораки Рамазон қайд карда мешавад.

Иди Фитр дар сиюмин рӯзи моҳи мубораки Рамазон пас аз ғуруби офтоб дар оғози моҳи Шаввол таҷлил мешавад.

Чун дигар идҳои мусалмонӣ Иди Рамазон рӯзи дақиқ надорад ва вобаста ба тақвими мусалмонӣ муайян карда мешавад.

Маъмулан Иди Фитр дар Тоҷикистон бо гузоштани намози ид оғоз шуда, бо идгардаки кӯдакон ва хабаргирии пайвандону дуохонӣ дар ҳақци гузаштагон идома мекунад.

Имсол ба далели паҳншавии коронавируси навъи COVID - 19 дар Тоҷикистон таҷлили оммавии Иди Рамазон манъ шуд. Ба хотири ҳифзи саломатии мардум намози ид дар хонаҳо гузошта шуд ва дари масҷид баста гардид.

Омӯзгорон муваззаф шуданд дар рӯзи ид рафтори шогирдонашонро зери назорат гиранд

Президенти Тоҷикистон Эмомалӣ Раҳмон мардуми кишварро ба муносибати ин ҷашн табрик карда, гуфт имсол Иди Рамазон дар авҷи паҳншавии коронавирус дар Тоҷикистон рост омад ва ба хешу пайвандону хонаводаҳое, ки наздикони худро аз даст додаанд, изҳори ҳамдардӣ кард.

Бино ба додаҳои Вазорати тандурустии Тоҷикистон, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

529
Барчаспҳо:
таҷлил, Иди Рамазон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Юбилейный показ дизайнера Хуршеда Сатторова

Аз Шабнам то Нигинаю Мадина: аксияи хайриявии ситораҳои шоу-бизнес - видео

889
(Таҷдидшуда 13:33 24.05.2020)
Ситораҳои эстрадаи тоҷик дар давраи ҳамагирии коронавируси навъи COVID - 19 ва арафаи Иди Рамазон дар Тоҷикистон аксияи хайриявӣ роҳандозӣ карданд

ДУШАНБЕ, 24 май — Sputnik. Дар Тоҷикистон дар остонаи Иди Фитр нахустин аксияи хайриявии аҳли санъату фарҳанг роҳандозӣ шуда, ба 50 хонаводаи ниёзманд маводи ғизоӣ кумак расонида шуд.

Дар аксия Шабнами Сурайё, Нигина Амонқулова, Мадина Ақназарова, Хуҷастаи Мирзовалӣ, Зайнура Пулодова, Шабнами Собирӣ, ровӣ ва рӯзноманигор Мубориз Усмонов, Сабринаи Назрӣ ва ғайраҳо ширкат кардаанд.

Посмотреть эту публикацию в Instagram

Аввалин челлендж (аксияи хайрияви) миёни ахли санъату фархангу сухан рохандози намудем. Ташаккур ба ташкилкунандагон : @madinaaknazarova_ @rajahmadofficial @delay_dobro_tajikistan Ин навори таргиби (реклама) ва хайп нест, танхо ба хотири водор намудани Шумо азизон дар рохи анчом додани амалхои хайр аст. Мо дар якчояги кудратмандем, ки дасти чандин маъюбону ниёзмандону беморонро бигирем. Пеш аз хама миннатдории худро ба хамаи шахсоне, ки челленчи моро дастгири карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем. Ин танхо огози кори мост. Дар челленчхои оянда мо шахсонеро даъват менамоем, ки имконияти моли доранд , мувофики имконият 1, 5 ,10 сомони ба оилахое, ки дар ин давраи вазнин мухточи дастгириянд, ёрдам намоем. Биёед якдигарро дар ин рузхои сахт дастгири кунем. @nurov_a_i @rajahmadofficial @nigina_amonqulova @khujasta.m @mubor1z @zulaykhoofficial @rafaelgulov @shabnamsurayoofficial @shabnami_sobiri @sabrinai_nazri_official @umedjoni_burhon @_rukhshonakarimova_ @safinajon___8 @fatim.9595 @bonu_shop_tj @zaynura_pulodova @showshotime @pulatovagulasal @shahnozirustam.official @soffi_1111_official @delay_dobro_tajikistan

Публикация от Madina Aknazarova (@madinaaknazarova_)

"Ин навори тарғибӣ ва хайп нест, танхо ба хотири водор намудани Шумо азизон дар роҳи анҷом додани амалҳои хайр аст. Мо дар якҷоягӣ қудратмандем, ки дасти чандин маъюбону ниёзмандону беморонро бигирем. Пеш аз ҳама миннатдории худро ба ҳамаи шахсоне, ки челленҷи моро дастгирӣ карданд баён менамоем. Бо кумаку дастгирии Шумо мо тавонистем ки ба 50 оила кумак (озукавори) расонем", - гуфтаанд дар шарҳи аксия сарояндагон ва афзудаанд, ки ин оғози кор буда дар аксияҳои оянда ба ин кори хайр ашхоси доро ҷалб мешаванд.

Кумаки як миллионӣ: ба муҳоҷирони ниёзманди Маскав 37 тонна маводи ғизоӣ доданд

Аз навор дида мешавад, чӣ гуна мардуми ниёзманд аз дастгирии ситораҳо изҳори шодмонӣ мекунанд ва дар ҳаққи онҳо дасти дуо мебардоранд.

Вазорат омори нави гирифторон, шифоёфтагон ва фавтидагон аз COVID-19 -ро гуфт

Вазорати тандурустии Тоҷикистон мегӯяд, то соати 18:30 дақиқаи 23 май дар Тоҷикистон 2738 нафар гирифторони коронавируси нави COVID-19 ошкор гардида, аз ин беморӣ то кунун дар мамлакат 1223 нафар шифо ёфта, 44 кас ҷон бохтааст.

889
Барчаспҳо:
кумак, кори хайр, ситораҳо, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Министр здравоохранения Таджикистана Джамоллидин Абдуллозода

Вазири тандурустӣ таъкид кард табобати беморони вируси корона ройгон аст

0
(Таҷдидшуда 11:49 26.05.2020)
Вазири тандурустии Тоҷиккистон эълон доштааст, ки маводи доруворӣ ва муҳофизатӣ дар кишвар басанда аст ва табобати беморони вируси корона дар бемористонҳо пурра ройгон аст

ДУШАНБЕ, 26 май – Sputnik. Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон, дар суҳбато бо АМИТ “Ховар” таъкид доштааст, ки имрӯз дар Тоҷикистон маводи доруворӣ ва муҳофизатӣ басанда мебошад.

Ба гуфтаи вай, он маводу дорувориҳое, ба Вазорати тандурустӣ ворид мешаванд, ба таври кофӣ  захира карда шудаанд.

“Баъзе муассисаҳое ҳастанд, ки маводу дорувориҳои якмоҳаи худро захира намудаанд.   Назорати тақсимоти маводи доруворӣ пурзӯр гардида, супориш дода шудааст, ки беморон сари вақт бо   дорую давои зарурӣ таъмин карда шаванд. Тақсимоти маводи доруворӣ ба муассисаҳои тандурустӣ зери  назорати бевоситаи Вазири тандурустӣ қарор дорад”,- қайд кардааст Ҷамолиддин Абдуллозода.

Ҳамчунин вазир зикр кардааст, ки вазорат дар таъмини дору ягон мушкилӣ надорад ва тамоми доруворие, ки дар протоколи табобат  зикр гардидааст, аз тарафи Ҳукумати ҷумҳурӣ таъмин карда шудааст.

Ҳамзамон Абдуллозода қайд кард, ки табобати беморони COVID-19 пурра ройгон аст.

“Албатта, баъзе доруҳое ҳастанд, ки аз дорухонаҳо  дастрас карда намешаванд. Тақсимоти дурусти дору ба бемор  аз виҷдони ҳар як табиб низ вобастагӣ дорад”, - гуфт вазир.

Ёдрас мешавем, ки   то 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

0
Барчаспҳо:
ройгон, бемористон, вирус, бемор, муҳофизат, маводи доруворӣ, Тоҷикистон