Неделя моды в Душанбе. архивное фото

Шабнами Сурайё суруди Далер Назаровро бозхонӣ кард - видео

5984
(Таҷдидшуда 19:41 21.08.2020)
Ситораи эстрадаи тоҷик Шабнами Сурайё суруди ҳунарманди машҳур, маэстро Далер Назаровро бозхонӣ кард

ДУШАНБЕ, 18 июл – Sputnik. Овозхони номдори Тоҷикистон Шабнами Сурайё яке аз сурудҳои машҳуртарини маэстро Далер Назаров - "Чак-чаки борони баҳор" - ро бозхонд.

Дар ин бора сароянда дар саҳифааш дар Инстаграм хабар дода қисме аз сурудро сароидааст.

"Интизор бошед", - хитоб кардааст Шабнам ба ҳаводоронаш.

Посмотреть эту публикацию в Instagram

Интизор бошед 🎶❤🎧

Публикация от Шабнами Сураё (@shabnamsurayooffiicial)

Суруди "Чак чаки борон"

Бояд гуфт, ки "Чак-чаки борони баҳор" - ба қалами шоири шаҳир Лоиқ Шералӣ тааллуқ дошта аз сурудҳои машҳуртарини маэстро Далер Назаров мебошад.

То ин дам ин суруд аз ҷониби овозхонони машҳури гуногуни ҷаҳон иҷро шудааст.

“Чаки чаки борон”-и Далер Назаров дар тарҳи коргардони Русия Иван Шаповалов “Поднебесы”

Юлдуз Усмонова Ҳунарманди мардумии Ӯзбекистон рӯзи 8 марти соли 2009 дар саҳнаи Кохи Борбад бо Далер Назаров ин сурудро иҷро карда онро аз дӯстдоштатаринаш гуфт.

Солҳо пеш ҳам як писарбачаи ӯзбекистонӣ Ҷӯрабек Ҷӯраев бо иҷрои ин суруд корбарони интернетро тасхир карда буд.

Писарча чунон машҳур гардид, ки ба барномаи машҳури Малахов даъват шуд.

Анита Фигел - овозхони лаҳистонӣ дар "Шоми дӯстии Тоҷикистону Лаҳистон", ки шоми 12 сентябри соли 2019 дар Театри опера ва балети ба номи Садриддин Айнӣ баргузор шуд, суруди маэстро Далер Назаров - "Чак-чаки борони баҳор" - ро иҷро карда буд.

Ҳамчунин, ситораи интернет сарояндаи навраси тоҷик Абдурозиқ низ ахиран суруди ҳунарманди нотакрор Далер Назаров - "Чак Чаки борони баҳор", пешкаши мухлисон карда буд.

5984
Барчаспҳо:
суруд, суруд, бозхонӣ, Далер Назаров, Шабнами Сурайё
Министр культуры Узбекистана Озодбек Назарбеков

Вазири фарҳанги Ӯзбекистон Озодбек Назарбеков ба Тоҷикистон омад

227
Моҳи  равон якчанд мулоқотҳои ҳамаҷонибаи намояндагони расмии Ӯзбекистон ва Тоҷикистон идома хоҳад кард

ДУШАНБЕ, 27 сен — Sputnik. Намояндагони Ӯзбекистон бо роҳбарии Вазири фарҳанги ин кишвар Озодбек Назарбеков ба вилояти Суғд омаданд, менависад нашри минтақавии “SugdNews”.

Ба иттилои манбаъ, дар марз меҳмонони фахриро муовини вазири фарҳанги Тоҷикистон Обид Назаров ва муовини раиси вилояти Суғд Анвар Ёқубӣ пешвоз гирифтанд.

Гуфта мешавад, ҳадафи сафари гурӯҳи корӣ- рушди муносибатҳои фарҳангии дуҷонибаи Тоҷикистону Узбекистон, табодули таҷриба ва дурнамои ҳамкориҳои минбаъда мебошад.

Тибқи маълумоти пешакӣ, ҳайат ҳадди аққал ду рӯз дар Тоҷикистон хоҳад буд.

  26 сентябр намояндагони Узбекистон ба Хуҷанд ташриф оварданд ва як қатор чорабиниҳо санаи 27 сентябр дар Душанбе ба нақша гирифта шудааст.

Марзи Тоҷикистону Ӯзбекистон кай боз мешавад?

Ба ҳайати гурӯҳи меҳмонони ӯзбек сарвари Академияи рассомии Ӯзбекистон Акмал Нур, ректори Консерваторияи давлатӣ Камолиддин Уринбоев, директори Театри драма ва мазҳакаи ба номи Муқимӣ Мирзо Азизов ва дигар намояндагону зиёиён ва эҷодкорон шомиланд.

227
Барчаспҳо:
Озодбек Назарбеков, Ӯзбекистон, Тоҷикистон
Ҳунармандм мардумии Тоҷикистон Сурайё Қосимова

"Интихоби дуруст:" Талабшо Муқимов дар бораи издивоҷи Сурайё Қосимова

1588
(Таҷдидшуда 21:02 26.09.2020)
Рӯзноманигори машҳури тоҷики муқими Амрико Талабшо Муқимов издивоҷи примаддонаи саҳнаи тоҷик Сурайё Қосимоваро шарҳ дод

ДУШАНБЕ, 26 сен - Sputnik. Талабшо Муқимов рӯзноманигори шинохтаи тоҷики муқими Амрико мегӯяд, мардуми сайёра ба космос сафар мекунанд, вале вазифаи бархеҳо ғайбату киноя аст.

Ӯ издивоҷи примаддонаи саҳнаи тоҷик Сурайё Қосимоваро бо Пӯлод Шаропов шарҳ дода, навиштааст, ки Сурайё Қосимова ҳамеша интихоби дуруст дорад.

"Касе метавонад, худро хушбахтару ободтар кунад Ошаш шавад! Агар 200 сола бошиву бо сини 20 никоҳи ҳалол бастӣ боз ҳам ош шавад! Ишқ сарҳад надорад! Вазифаи дӯстдоштаи баъзе нафарон ғайбат, бахилӣ ва хандаҳои бемазмун аст... Мардуми дунё ба Космос сафар доранд ва дар дигар сайёраҳо зиндагӣ ва корҳои илмӣ пеш мебаранд. Мо устои пеши пеши "Комментария". Пеш аз муҳокимаи нафаре ҳар кас аз худ аввал пурсад, ки ақалан қутии гӯгирд "спичка" сохта метавонад ё не?. Сурайё Қосимова - Ҳунарманди нотакрор, зани бисёр зебо ва инсони беҳад нексиришт аст! Ҳамеша ақли комил ва интихоби дуруст дорад!", - навиштааст Талабшо зери акси якҷоя бо хонум Сурайё Қосимова.

Ёдрас мешавем, ки никоҳи ин бонуи ҳунар бо Пӯлод Шаропов, ки аз ҷиҳати синну сол аз ҳам фарқияти зиёд доранд, дар шабакаҳои иҷтимоӣ баҳсу мунозираҳои зиёдеро барангехт. 

Нафаре аз доираҳои наздики Шабнами Сурайё, ба Sputnik Тоҷикистон гуфт, ҷавон чанд сол ошиқи ҳунарманд буд.

"Дар шабакаҳои иҷтимоӣ менависанд, ки гӯё ҷавон барои пулу моли хонум Сурайё ӯро ба занӣ гирифтааст. Дурӯғи маҳз аст! Ҳаминро метавонам гӯям, ки ӯ солҳо боз ошиқи Сурайё Қосимова буд ва худаш ҳам марди доро аст", - изҳор дошт манбаъ.

Издивоҷи Сурайё Қосимова бо ҷавони 32-сола - навори никоҳ корбаронро "шӯронид"

Аммо нафароне низ пайдо шудаанд, ки дахолати дигаронро ба ҳаёти шахсии ҳунарманд танқид карда, ба навхонадорон хушбахтӣ тамано кардаанд.

1588
Барчаспҳо:
интихоб, Сурайё Қосим, издивоҷ
Доктор экономических наук, экс-замминистра сельского хозяйства и продовольствия России Леонид Холод

Холод хатари коҳиши ҳосили картошкаро дар Тоҷикистон шарҳ дод

0
Коҳиши ҳосили картошка дар Тоҷикистонро доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод шарҳ дод

ДУШАНБЕ, 27 сен — Sputnik. Кишоварзони Тоҷикистон зиёда аз 227 ҳазор тонна картошка ҷамъ оварданд, ки ин нисбат ба ҳамин давраи соли гузашта тақрибан 78 ҳазор тонна (ё 25%) камтар аст, хабар медиҳад Вазорати кишоварзии ҷумҳурӣ.

Коҳиш ёфтани ҳосили картошка дар Тоҷикистонро, доктори илмҳои иқтисодӣ, собиқ муовини вазири кишоварзӣ ва хӯроквории Федератсияи Русия Леонид Холод инро хабари бад номида гуфт, ҷумҳурӣ ба ин сабзавот вобастагии зиёд дорад.

Иқтисодшинос гуфт, ки чунин вазъ метавонад дар дигар кишварҳои минтақаи Осиёи Марказӣ низ ба амал ояд, зеро шароити табиӣ тақрибан якхела буд, сатҳи кишоварзӣ низ ба ҳамин монанд аст. Дар чунин шароит, нархҳо ва имкониятҳои содиротии ҷумҳуриҳои ҳамсоя низ маҳдуд хоҳанд шуд.

"Тибқи қонунҳои муқаррарии бозор, коҳиш ёфтани истеҳсоли ватанӣ ва бад шудани шароити беруна бевосита ба болоравии нархҳо дар бозор оварда мерасонад. Зеро ҳаҷми истеъмоли маҳсулот, ки яке аз маҳсулоти асосӣ мебошад ва маҳсули талаботи сершумор аст, наметавонад хеле кам шавад”, гуфт коршинос ба Sputnik Тоҷикистон.

Тибқи гуфтаи иқтисодшинос, коҳиши ҷиддии ҳосилнокӣ, метавонад ба бемуботии нарх дар бозор ва ҳамзамон ба воҳима оварда расонад, ки чунин ҳолат хавфнок хоҳад буд.

Ба таъкиди ӯ мақомоти давлатиро лозим аст, ки бозор ва динамикаро аз наздик назорат кунанд ва дар сурати болоравии шадиди нархҳо, диққат диҳанд ва тафтишот гузаронанд.

Илченко: Истеҳсоли картошка барои кишвар вазифаи стратегӣ аст

Номбурда гуфт, бо вуҷуди вазъи мавҷуда, мардум набояд ба вохима афтанд ва харидори зиёд кунанд, зеро дар бозор картошкаи нав пайдо мешавад, ки бояд нархҳоро устувор созад.

0
Барчаспҳо:
истеҳсол, бозор, нарх, картошка, Тоҷикистон