Спектакль Даври Орифин в честь 80-летия Ага-Хана IV

Театре, ки дар он Гурминҷ Завқибеков фаъолият кард - 84 сола шуд

63
(Таҷдидшуда 16:01 01.08.2020)
Театри мусиқӣ-драмавии шаҳри Хоруғ яке аз иншооти ҷашнӣ ба шумор рафта бинои нави онро президент Эмомалӣ Раҳмон зимни сафари хеш ба ВМКБ ифтитоҳ хоҳад кард

ДУШАНБЕ, 1 авг — Sputnik. 84 сол пеш, рӯзи 1 август, дар шаҳри Хоруғ — маркази маъмурии ВМКБ театри вилоятии мусиқӣ-драмавӣ бо ба намоиш гузоштани спектакли "Дохунда" аз рӯи асари устод  Садриддин Айнӣ ифтитоҳ ёфт..

Дар солҳои гуногун дар ин театр ҳунармандони маъруфи мамлакат, аз ҷумла Ҳунарпешаи халқии СССР Ғуломҳайдар Ғуломалиев,  Ҳунарпешаҳои  халқии Тоҷикистон Савсан Бандишоева, Бахтулҷамол Карамхудоев, Гурминҷ Завқибеков, Майсара Дилдорова, Улфатмо Мамаданбарова, Киматшо Иматшоев, Сафарбегим Тошхуджаева ва дигарон  фаъолият намудаанд.

Заррагул Искандарова-ҳунарпешаи марлдумии Тоҷикистон
Из личного архива внучки Заррагул Искандаровой

Пас аз соли 1992 театри мазкур номи расмии Театри давлатии мусиқӣ-мазҳакавии ба номи Меҳрубон Назаров касб намуд. Соли 2012, театр пас аз панҷ соли навсозӣ дари худро барои тамошобин боз кард, менависад АМИТ "Ховар".

Ин театр мунтазам дар фестивал-озмуни театрҳои касбии Тоҷикистон “Парасту” ва Фестивали байналмилалии театрҳои Осиёи Марказӣ дар Алмаато ва Қазоқистон иштирок намуда, борҳо ба мукофотҳои ин фестивалҳо сарфароз гардидааст.

“Даври Орифин”: баромади ҳунармандони театри Хоруғ дар Маскав

Соли 2012 спектакли «Ишқи парӣ», ки ба қалами нависанда ва драматург Тоҳири Маҳмадризо тааллуқ дорад (коргардон Умед Хусравов) дар номинатсияи «Беҳтарин ороиши мусиқӣ барои намоишнома» дар  ин фестивал-озмун  сазовори ҷоиза гардид.

Дар омади гап, моҳи марти соли равон Умед Хусравов  спектакли  нави «Бародар» (“Врод”)-ро аз рӯи пьесаи нависанда ва драматург, шореҳи адабии АМИТ «Ховар» Мансур Суруш ба намоиш гузошта буд.

Ба наздикӣ бинои нави театр мавриди истифода қарор дода мешавад.

Соли 2010 Президенти Ҷумҳурии Тоҷикистон Эмомалӣ Раҳмон дар чорабиниҳои бахшида ба Рӯзи ваҳдати миллӣ дар Вилояти Мухтори Кӯҳистони Бадахшон, дар қатори дигар иншооти ҷашнӣ, дар маросими ифтитоҳи бинои таъмиршудаи театри вилоятӣ ширкат варзид. Бо ин мақсад зиёда аз 4,5 миллион сомонӣ маблағҳои давлатӣ сарф шудааст.

Аммо, тавре зимни мулоқоти сарвари давлат бо ҳайати эҷодии театр ва ходимони фарҳангии вилоят маълум гардид, ин бино, ки дар миёнаи солҳои 60-уми асри гузашта сохта шудааст, барои Хонаи фарҳанг пешбинӣ шуда буд ва ба талаботи фаъолияти театрӣ ҷавобгӯ нест.

Раисиҷумҳур ба сохторҳои дахлдори ҷумҳуриявӣ ва вилоятӣ дастур дод, ки ҳуҷҷатҳои лоиҳавию сметавиро ҷиҳати сохтмони бинои нави  театри вилоятӣ омода намоянд ва дар назди мақомоти маҳаллӣ вазифа гузошт, ки барои сохтмон  қитъаи замин ҷудо намоянд.

Ҳамин тавр, моҳи июли соли 2015 Эмомалӣ Раҳмон ҳангоми сафари навбатии худ ба ВМКБ ба сохтмони бинои нави театр дар Хоруғ оғоз бахшид.

Бинои нави театр, ки фармоишгари он Дирексияи сохтмони иншооти ҳукуматии Дастгоҳи иҷроияи Президент аст, барои 500 ҷой пешбинӣ шудааст. Сохтмони иншоотро ширкати “Бунёд” анҷом медиҳад.

Ёдрас мешавем, ки феълан мақомоти ВМКБ ба сафари раисиҷумҳури Тоҷикистон ба ин минтақа омодагӣ мебинад.

Гуфта мешавад, ки сафари Эмомалӣ Раҳмон ба ВМКБ то ҷашни Истиқлоли давлатӣ дар назар аст, аммо феълан санаи дақиқи он ироа нашудааст. Ин сафар аз нахустин боздидҳои Эмомалӣ Раҳмон аз ВМКБ дар аҳди роҳбарии Ёдгор Файзов дар вилоят хоҳад буд.

Қаблан Эмомалӣ Раҳмон изҳор дошта буд, ки  ба истиқболи 30-солагии истиқлолияти давлатӣ,  илова ба 378 иншооте, ки тибқи қарори Ҳукумат тасдиқ гардидаанд, қариб 18 900 иншооти нав бунёд мегардад.

“Аз ин шумора ба Вилояти Мухтори Кӯҳистони Бадахшон 400, вилоятҳои Суғд 6000, Хатлон 5000, шаҳри Душанбе 3530 ва шаҳру ноҳияҳои тобеи марказ 3422 иншоот рост меояд. Яъне бунёди чунин шумораи бузурги иншооту биноҳои нав, ки боиси хеле ободу зебо шудани кишвари азизамон ва ҳалли бисёр масъалаву мушкилоти иҷтимоӣ мегарданд, майдони озмоиши нангу номуси ватандорӣ, ҳисси баланди милливу ватандӯстӣ ва кӯшишу ғайрати соҳибкорону тоҷирон ва дигар шахсони олиҳиммат мебошад”, - изҳор дошта буд раисиҷумҳури Тоҷикистон дар мулоқот бо соҳибкорон.

63
Барчаспҳо:
сафар, Эмомалӣ Раҳмон, Хоруғ, Театр, ВМКБ
Народний артист Таджикистана Афзалшо Шодиев

Мақоми нави Афзалшоҳ Шодиев баъди барканорӣ аз раҳбарии Филармония ва муддате истироҳат

1631
(Таҷдидшуда 16:43 06.08.2020)
Ҳунарманди шинохтаи тоҷик, пас аз барканорияш аз раҳбарии Филармонияи давлатӣ тӯли шаш моҳ дар истироҳат буд. Қаблан гуфта буд , ки вақти холигияшро мехоҳад сарфи эҷод кунад.

ДУШАНБЕ, 6 авг — Sputnik. Афзалшоҳ Шодиев, ҳунарманди шинохтаи тоҷик, ки моҳи феврали соли ҷорӣ аз вазифаи раҳбарии Филармонияи давлатӣ барканор шуда буд, мақоми нав гирифт, дар ин бора бародари ӯ Набиҷон Шодиев дар сафҳаи фейсбукияш хабар додааст.

Ба иттилои манбаъ, ҳунарманди шинохта роҳбарии Муассисаи давлатии "Ансамбли тарона ва рақси "Сомон" таъйин шудааст.

Таъйини раиси нав дар Филармонияи давлатӣ: Афзалшоҳ Шодиев барканор шуд

Гуфта мешавад таъйини Афзалшоҳ Шодиев ба ин мақом бо фармони вазири фарханг Зулфия Давлатзода  ва пешниҳоди президент Эмомалӣ Раҳмон сурат гирифтааст. 

Ӯ қаблан тӯли панҷ сол Филармонияи давлатиро роҳбарӣ кард ва замони барканорияш зимни суҳбат ба Sputnik Тоҷикистон гуфт, рафтанаш аз ин вазифа бо розигии худаш сурат гирифтаст ва аз фаъолияташ дар ин макон хурсанд аст ва мехоҳад каме ба эҷод машғул шавад.

Гиряи кормандон барои раис: Афзалшоҳ Шодиев дар бораи барканорӣ ва нақшаҳои баъдӣ

Ӯ ҳунарманди мардумии Тоҷикистон аст ва дар моҳи феврали соли 2013 дар Русия ҷоизаи "Хиради Миллат"-ро дарёфт кардааст.

 

1631
Кинопленка, архивное фото

Филми коргардони тоҷик дар ҷашнвораи Англия намоиш дода мешавад

68
(Таҷдидшуда 14:30 06.08.2020)
Барои аввалин бор филми яке аз коргардонҳои тоҷик Комил Каримов дар ҷашнвораи филми Англия намоиш дода мешавад

ДУШАНБЕ, 6 авг — Sputnik. Филми кӯтоҳи "Шахсият", ки моли коргардони тоҷик Комил Каримов мебоша, ба марҳалаи ниҳоии ҷашнвораи филми Англия роҳ ёфт, хабар медиҳад Авеста.

Ромфурди Англия мизбони дуввумин ҷашнвораи филми Авросиё дар соли 2020 аст.

Кумитаи баргузоркунандаи ҷашнвораи филм умедвор аст, ки дар оянда ширкаткунандагони бештаре аз Тоҷикистонро бо корҳои фохир дар ин ҷашнвора бибинанд.

Филми "Дӯғоб"-и коргардони тоҷик дар ҷашнвораи Бишкек намоиш дода мешавад

Дар ин ҷашнвора 60 филм ба забони англисӣ дар бахшҳои филмҳои баланд, кӯтоҳ ва мусиқии филм ширкат карданд.

Илова бар ширкат кунандагони тоҷикистонӣ , намояндагони кишварҳои Қазоқистон , Италия, Финландия , Иёлоти Муттаҳида  , Белорус , Суид , Олмон, Эрон, Украина, Арманистон, Русия ва Ӯзбекистон ҳам осори худро ба ин ҷашнвора ирсол карданд.

Маросими эҳдои ҷавоиз низ 18 август дар шаҳри Ромфурд баргузор мешавад.

68
Барчаспҳо:
тоҷик, коргардон, филм, Англия

10 миллион нафар дар Афғонистон мубталои коронавирус шуданд

0
(Таҷдидшуда 21:39 06.08.2020)
Вазири тандурустии Афғонистон изҳор доштаст, ки сеяки аҳолии ин кишвар ба маризии сироятии коронавирус мубтало гардидаанд

ДУШАНБЕ, 6 авг — Sputnik. Вазорати тандурустии Афғонистон бо нашри гузорише гуфт, ки дар ин кишвар ҳудуди даҳ миллион, яъне аз се як ҳиссаи аҳолии Афғонистон ба коронавирус гирифтор шудаанд.

Аҳмад Ҷавод Усмонӣ, вазири тандурустии Афғонистон дар нишасти матбуотӣ гуфт, ки ин омор пас аз баррасии натиҷаҳои тести 2500 нафар дар саросари кишвар ба даст омадааст.

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

Ин тестҳо ва баррасиҳо, ки бо кӯмаки Созмони Ҷаҳонии Тандурустӣ анҷом шудааст, таъмин мезанад, ки акнун 31,5 дарсад аз аҳолии Афғонистон ба ин вирус гирифта шудаанд ва бештарин ҳолатҳои гирифторӣ дар Кобул будааст.

Коронавирус дар моҳи феврали соли ҷорӣ бо бозгашти ҳазорон муҳоҷири афғон аз Эрон ба кишварашон ворид шуд.

Дар ҳоли ҳозир таҳқиқоте дар мавриди шумораи ҷонбохтагон ва гирифторон ба ин беморӣ дар Афғонистон идома дорад.

0
Барчаспҳо:
маризӣ, Афғонистон
Мавзуҳо:
Пайомадҳои COVID-19 дар Тоҷикистон ва ҷаҳон