Газеты в Таджикистане

“Дайҷест пресс” и Акбари Саттор соҳиби нав ёфт-акс

340
(Таҷдидшуда 23:13 18.08.2020)
“Дайҷест – пресс”, серхонандатарин нашрияи мустақили 30 соли ахир, молики нав ёфт ва чопи худро аз сар гирифт

ДУШАНБЕ, 18 авг — Sputnik. Сироҷиддин Иззатуллоев, сармуҳаррири нави “Дайҷест – пресс” ба Sputnik Тоҷикистон гуфт, ҳафтанома, ки ба гуруҳи расонаҳои “Чархи гардун” тааллуқ дошт, аз сӯи ширкати “Оростафар” харидорӣ шуда, пас аз танаффуси чандмоҳа дубора рӯи чопро дид.

“Охирин шумораи “Дайҷест – пресс” аз сӯи гуруҳи расонаҳои “Чархи гардун” 29 апрели соли 2020 ба нашр расида, ба далоили маълум, қабл аз ҳама, густариши “вируси корона” дbгар чоп нашуд. Шумораи ҷадиди он бо 1000 нусха 19 августи соли равон ба дасти хонандагон хоҳад расид”, - гуфт Сироҷиддин Иззатуллоев.

“Дайҷест – пресс”, яке аз аввалин нашрияҳои серхаридори даврони истиқлоли Тоҷикистон аст, ки аввалин шуморааш 18 ноябри соли 1994 аз чоп баромада буд. Он солҳо ин ҳафтанома ба теъдоди 60 ҳазор нусха нашр мешуд, ки баландтарин рақам тайи 30 соли ахир ба ҳисоб меравад.

Сардабири “Дайҷест – пресс” далели муваффақият ва серхонандагии ҳафтаномаро дар вижагии он арзёбӣ мекунад, ки чаҳоряк аср ба ин сӯ муҳимтарин ва ҷолибтарин матолиби расонаҳои ҷаҳонро барои хонандагон дар Тоҷикистон ҷамъ оварда, пешниҳод мекунад.

Нашрияи Дайҷест пресс-и Тоҷикистон
Sputnik
Нашрияи "Дайҷест пресс"-и Тоҷикистон

“Дар ҷаҳон садҳо ҳазор расона вуҷуд доранд. Хондан, аз назар гузарондан ва шунидану дидани тамоми расонаҳои ҷаҳон аз лиҳози ҷисмонӣ имконнопазир аст”, - гуфт Сироҷиддин Иззатуллоев.

“Дайҷест – пресс” аввалин нашрияи Гуруҳи расонаҳои “Чархи гардун” ба шумор меравад, ки аз сӯи рӯзноманигори маъруф Акбари Саттор таъсис ёфта буд. Дар пайи он нашрияҳои ҳамагоние, назири “Чархи гардун”, “Авиценна”, “Вечерний Душанбе”, “Аладдин”, “Анушервон”, “ВиД”, “Зан ва мард», “Женщина и мужчина» ва ғайра ба ин хонавода пайвастанд, ки молик ва асосгузори онҳоро ба яке аз магнатҳои расонаии Тоҷикистон табдил дод.

САҲА аз Тоҷикистон хост, 14 журналист аз феҳристи сиёҳ бароварда шавад

Пас аз марги Акбари Саттор дар моҳи августи соли 2015 раҳбарии гуруҳи расонаҳои “Чархи гардун” ба ҳамсари ӯ Шаҳло Хоҷаева гузашт. Дар бораи ширкати “Оростафар”, молики ҷадиди “Дайҷест – пресс” маълумоти зиёд вуҷуд надорад. Аммо Сироҷиддин Иззатуллоев, сардабири он дар муҳити расонаӣ як фарди ношинохта нест. Ӯ солҳои зиёд дар нашрияи “Кулябская правда” ва сипас шӯъбаи иттилооти дастгоҳи Президенти Тоҷикистон кор карда, чор сол сардабири “Народная газета”, нашрияи русии ҳукумати Тоҷикистон буд.

340
Барчаспҳо:
матбуот, Тоҷикистон
Президент Республики Таджикистан Эмомали Рахмон открыл государственный флаг Таджикистана в селе Гозион

Дар ноҳияи Шаҳринав Парчами 55-метрӣ гузошта шуд

253
(Таҷдидшуда 12:50 30.09.2020)
Майдони Парчами давлатӣ дар ноҳияи Шаҳринав дар кӯчаи Исмоили Сомонӣ сохта шудааст. Баландии сутунпояи парчам 55 метрро ташкил медиҳад

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон дар кӯчаи Исмоили Сомонии ноҳияи Шаҳринав Майдони Парчами давлатиро ифтитоҳ кард.

Бино ба гузориши котиботи раисҷумҳур, масоҳати умумии майдони Парчами давлатӣ, ки дар маркази ноҳияи Шаҳринав сохта шудааст, 2100 метри мураббаъ буда, баландии сутунпояи ин рамзи давлатдорӣ 55 метр мебошад.

Матои парчам 7 метр паҳноӣ ва 15 метр дарозӣ дорад.

Гуфта мешавад, ки майдони Парчами давлатӣ сафолакпӯш карда шуда, бо гулу буттаҳои ороишӣ зебу зинат ёфтааст.

Ҳамчунин, ба хотири таъмини истироҳату фароғати сокинону меҳмонон дар Майдони Парчами давлатии ноҳияи Шаҳринав нишастгоҳҳои замонавӣ ва чароғпояҳои гуногунҳаҷму гуногуншакл насб гардидаанд.

Дар ин майдон ҳамчунин фаввора сохта шудааст.

Дар майдони парчам барои баргузор намудани чорабиниҳои фарҳангиву фароғатӣ шароит фароҳам буда, он барои сайру гашт ва тамошои сокинон макони муносиб мебошад.

Эмомалӣ Раҳмон аснои ошноӣ, бунёди Майдони Парчами давлатиро дар ноҳияи Шаҳринав дар самти баланд бардоштани ҳисси ватандӯстиву худогоҳии ҷавонону наврасон ва гиромӣ доштани арзишҳои милливу давлатӣ муҳим арзёбӣ кардааст.

253
Барчаспҳо:
парчам, Эмомалӣ Раҳмон, Шаҳринав
Маросими пешвози меҳмонон, акс аз бойгонӣ

Сафари фарҳангиёну адибони Ӯзбекистон ба Тоҷикистон

125
(Таҷдидшуда 14:31 28.09.2020)
Ҳукумати вилояти Суғд аз сафари як ҳайати намояндагони илму адаб ва фарҳанги Ӯзбекистон ба Тоҷикистон хабар дод

ДУШАНБЕ, 28 сен — Sputnik. Гуруҳи намояндагони аҳли илму адаб ва фарҳанги ҷумҳурии Ӯзбекистон тавассути гузаргоҳи сарҳадии “Фотеҳобод” ба вилояти Суғди Тоҷикистон ташриф оварданд, хабар дод котиботи ҳукумати Суғд.

Манбаъ афзуд, ки ҳайати меҳмононро муовини раиси вилояти Суғд, Анвар Яъқубӣ ва намояндагони Вазорати фарҳанги  Тоҷикистон гарму самимӣ истиқбол гирифтанд.

“Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад”, - омадааст дар иттилоия.

Таъкид шудааст, ки меҳмонон давоми рӯз аз Маҷмааи фарҳангию “Қалъаи Хуҷанд”, Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Манбаъ афзуд, ки сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Дар шаҳри Душанбе феълан сафари ҳайати Ӯзбекистон давом дорад.

125
Барчаспҳо:
илм, фарҳанг, Ӯзбекистон, Тоҷикистон
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 19:50 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳилле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон