Зрители в кинотеатре, архивное фото

Филми тоҷикӣ ҷоизаи Ҷашнвораи байналмилалии филмҳои мусалмониро ба даст овард

205
(Таҷдидшуда 10:55 11.09.2020)
Филми ҳунарии мазҳакавии коргардони тоҷик Абдулҳай Зокиров “Автобус” дар Кинофестивали  байналмилалии XVI филмҳои мусулмонии Қазон  сазовори ҷоизаи гардид.  

ДУШАНБЕ, 11 сен — Sputnik.  Филми мазҳакавии "Автобус" -и коргардони тоҷик Абдулхай Зокиров дар як ҷашнвораи байналмилалӣ дар Русия ҷоизаи мӯътабар гирифт, гузориш медиҳад АМИТ  "Ховар".

Ба иттилои манбаъ, филми ҳунарии мазҳакавии Муассисаи давлатии “Тоҷикфилм”  бо номи  “Автобус” дар  Кинофестивали  байналмилалии XVI филмҳои мусулмонии Қазон  сазовори Ҷоизаи Дипломи 1 Нигоҳи гурӯҳи стратегии “Россия ва олами исломӣ” гардид.  

Ба гуфтаи муаллиф ва коргардони филм Абдулҳай Зокиров, ҷашнвора онлайн баргузор шуд, филмҳо тақрибан ду моҳ пеш интихоб шуданд.

Имсол дар ҷашнвораи байналмилалии филмҳои мусалмонии Қазон беш аз 600 филм ширкат кард, ки 60-тои он барои иштироки минбаъда интихоб шуданд.

“Ман айни ҳол дар Саразм қарор дорам ва бовар кунед, ҳатто саҳифаи электрониамро накушодаам, вале ин хабари хушро вақте аз ҳамкасбон шунидам, маро он хеле рӯҳбаланд кард”, — гуфтааст Зокиров.

Шоҳҷоиза барои беҳтарин филми ҳунарӣ дар соли 2020-ро коргардони чинӣ Ван Ҷин барои филми "Шаҳри Чангфэнг" соҳиб шуд ва коргардонҳои беҳтарин аз рӯи филми пурраметража Марина Эр Горбач ва Меҳмет Баҳодир Эр аз Туркия барои филми "Умар ва мо" интихоб шуданд.

Филми "Автобус" ба гуфти коргардони он, соли 2019 ҳамчун як мазҳакаи моҷароҷӯй ба навор гирифта шуда, ҳама амалҳои филм дар автобус ва кӯча сурат мегиранд ва барои ба навор гирифтани филми 80-дақиқаӣ қариб як моҳ тӯл кашидааст.

Фестивали байналмиллалии филмҳои мусулмонии Қазон-яке аз ҷашнвораҳои бузурги синамои Қазон мебошад, ки шурӯъ аз соли 2005 соле як маротиба гузаронида мешавад.

 

205
Барчаспҳо:
ҷашнвора, коргардон, филм, Тоҷикистон
Президент Республики Таджикистан Эмомали Рахмон открыл государственный флаг Таджикистана в селе Гозион

Дар ноҳияи Шаҳринав Парчами 55-метрӣ гузошта шуд

253
(Таҷдидшуда 12:50 30.09.2020)
Майдони Парчами давлатӣ дар ноҳияи Шаҳринав дар кӯчаи Исмоили Сомонӣ сохта шудааст. Баландии сутунпояи парчам 55 метрро ташкил медиҳад

ДУШАНБЕ, 30 сен — Sputnik. Президенти Тоҷикистон Эмомалӣ Раҳмон дар кӯчаи Исмоили Сомонии ноҳияи Шаҳринав Майдони Парчами давлатиро ифтитоҳ кард.

Бино ба гузориши котиботи раисҷумҳур, масоҳати умумии майдони Парчами давлатӣ, ки дар маркази ноҳияи Шаҳринав сохта шудааст, 2100 метри мураббаъ буда, баландии сутунпояи ин рамзи давлатдорӣ 55 метр мебошад.

Матои парчам 7 метр паҳноӣ ва 15 метр дарозӣ дорад.

Гуфта мешавад, ки майдони Парчами давлатӣ сафолакпӯш карда шуда, бо гулу буттаҳои ороишӣ зебу зинат ёфтааст.

Ҳамчунин, ба хотири таъмини истироҳату фароғати сокинону меҳмонон дар Майдони Парчами давлатии ноҳияи Шаҳринав нишастгоҳҳои замонавӣ ва чароғпояҳои гуногунҳаҷму гуногуншакл насб гардидаанд.

Дар ин майдон ҳамчунин фаввора сохта шудааст.

Дар майдони парчам барои баргузор намудани чорабиниҳои фарҳангиву фароғатӣ шароит фароҳам буда, он барои сайру гашт ва тамошои сокинон макони муносиб мебошад.

Эмомалӣ Раҳмон аснои ошноӣ, бунёди Майдони Парчами давлатиро дар ноҳияи Шаҳринав дар самти баланд бардоштани ҳисси ватандӯстиву худогоҳии ҷавонону наврасон ва гиромӣ доштани арзишҳои милливу давлатӣ муҳим арзёбӣ кардааст.

253
Барчаспҳо:
парчам, Эмомалӣ Раҳмон, Шаҳринав
Маросими пешвози меҳмонон, акс аз бойгонӣ

Сафари фарҳангиёну адибони Ӯзбекистон ба Тоҷикистон

125
(Таҷдидшуда 14:31 28.09.2020)
Ҳукумати вилояти Суғд аз сафари як ҳайати намояндагони илму адаб ва фарҳанги Ӯзбекистон ба Тоҷикистон хабар дод

ДУШАНБЕ, 28 сен — Sputnik. Гуруҳи намояндагони аҳли илму адаб ва фарҳанги ҷумҳурии Ӯзбекистон тавассути гузаргоҳи сарҳадии “Фотеҳобод” ба вилояти Суғди Тоҷикистон ташриф оварданд, хабар дод котиботи ҳукумати Суғд.

Манбаъ афзуд, ки ҳайати меҳмононро муовини раиси вилояти Суғд, Анвар Яъқубӣ ва намояндагони Вазорати фарҳанги  Тоҷикистон гарму самимӣ истиқбол гирифтанд.

“Ҳадаф аз ташрифи меҳмонон таҳкими муносибатҳои дӯстона миёни миллатҳои тоҷику ӯзбек, тақвияти ҳамкориҳои адабӣ, илмиву фарҳангӣ миёни ду давлати дӯст арзёбӣ мешавад”, - омадааст дар иттилоия.

Таъкид шудааст, ки меҳмонон давоми рӯз аз Маҷмааи фарҳангию “Қалъаи Хуҷанд”, Осорхонаи вилоятӣ, Хона — музейи Камоли Хуҷандӣ боздид намуда, бо таъриху фарҳанги миллати тоҷик шинос гардиданд.

Манбаъ афзуд, ки сипас, меҳмонон тибқи барномаи сафар ба пойтахти мамлакат — шаҳри Душанбе равон шуданд. 

Дар шаҳри Душанбе феълан сафари ҳайати Ӯзбекистон давом дорад.

125
Барчаспҳо:
илм, фарҳанг, Ӯзбекистон, Тоҷикистон
В.Путин принимает участие в четвертом Каспийском саммите

Рӯҳонӣ: дахолати хориҷӣ дар муноқишаи Боку ва Ереван авзоъро печидатар мекунад

0
(Таҷдидшуда 19:50 30.09.2020)
Раисҷумҳурии Эрон бо ибрози нигаронӣ аз даргирии ахир байни Арманистон ва Озарбойҷон, ҳаргуна дахолати хориҷӣ дар ин моҷароро мӯҷиби печидатар шудани авзоъ донист

ДУШАНБЕ, 30 сен — Sputnik. Ҳасани Рӯҳонӣ, раисҷумҳури Эрон ахиран дар тамоси телефонӣ бо Никол Пашиниян, нахуствазири Арманистон бо таъкид бар аҳамияти сулҳ, суботу амният дар минтақа афзуд, ки минтақаи Ғарби Осиё тавони бесуботӣ ва ҷанги ҷадидро надорад, иттилоъ додааст хабаргузории "Парстудей".

Тавре манбаъ қайд намудааст, Рӯҳонӣ бо баёни ин ки бояд барои ҳаллу фасли масъалаи Қарабоғ дар чорчӯби муқаррароти байналмиллалӣ ва тамомияти арзӣ роҳи ҳилле ёфт шавад таъкид кард, ки таваққуфи ин даргириҳо барои Эрон муҳим аст ва Теҳрон интизор дорад Арманистон ва Озарбойҷон бо дироят ва хештандорӣ дар ин масир гом бардоранд.

Раисҷумҳури Эрон бо таъкид бар ин ки ҷанг роҳи ҳалли бартараф кардани мушкилоту танишҳо ва ихтилофот нест гуфт, ки ҳаргуна дахолати хориҷӣ дар ин моҷаро на танҳо ба ҳаллу фасли мушкил кумак намекунад балки даргириҳо ва танишҳоро тӯлонитар ва авзоъро печидатар хоҳад кард.

Рӯҳонӣ  ҳамчунин бо ишора ба аҳамият ва собиқаи тӯлонии равобити Эрон бо Ҷумҳурии Озарбойҷон ва Арманистон, омодагии Теҳронро барои ифои ҳаргуна нақши созанда, ки мавриди назари ду кишвари дӯсту ҳамсоя бошад, эълом кард.

Никол Пашиниян низ бо ишора ба таҳаввулоти ахири ношӣ аз даргириҳои низомии Арманистон бо Озарбойҷон, танишу даргириро ба зиёни ҳамаи кишварҳои минтақа донисту аз ҳаргуна ибтикори амале барои таваққуфи хушунатҳо истиқбол кард.

Нахуствазири Арманистон ҳамчунин аз мудохилаи хориҷӣ дар масъалаи ихтилофоти Арманистон бо Озарбойҷон ибрози нигаронӣ кард.

0
Барчаспҳо:
Ереван, Боку, муноқиша, даргирӣ, моҷаро, хориҷӣ, Озарбойҷон, Арманистон, Эрон