Паломники молятся во время хаджа

Ҳаҷи умра сар шуд: Саудӣ зойирини тоҷикро ҳанӯз даъват накардааст

257
(Таҷдидшуда 17:42 03.11.2020)
Ширкати "Расул" мегӯяд, барои адои ҳаҷи умраи шаҳрвандони Тоҷикистон бо мақомоти Арабистони Саудӣ музокирот идома доранд

ДУШАНБЕ, 3 ноя – Sputnik. Саъдулло Қурбонов, раҳбари ширкати "Расул", яке аз ду ширкати тоҷикистонии ташкили ҳаҷҷи умраву фарзӣ, ба Sputnik Тоҷикистон гуфт, то ба ҳол сари замону шароити қабули зойирини тоҷик бо Арабистони Саудӣ тавофуқ сурат нагирифтааст.

"Мо аз ҷониби худ тамоми ҳуҷҷатҳоро омода карда, ба он ҷониб ирсол доштаем. Ҳоло мунтазир ҳастем, ки он ҷониб чӣ мегӯяд. Ин ҳама ба ҳамагирӣ (пандемия) – и "вируси корона" рабт дорад. Низоми пазириш дигар шудааст, қаблӣ нест. Тадобири иловагӣ ва мураккаб барои фурудгоҳҳову дигар зерсохторҳои Саудӣ пеш омадааст, ки бояд гирифта шаванд. Масалан, 1 ноябр зойирини Индонезияро қабул кард. Ҳамин тавр, ба навбат зойирини дигар кишварҳоро хоҳад пазируфт", - гуфт Саъдулло Қурбонов.

Қаблан Арабистони Саудӣ эълон карда буд, ки аз оғоз моҳи ноябр ба зоирон иҷоза медиҳад, то аз дохилу хориҷи кишвар сафар кунанд ва маросими ҳаҷро комилан анҷом диҳанд.

Бино ба иттилои расонаҳои арабӣ, Саудӣ метавонад рӯзона 20 ҳазор зойир ва 60 ҳазор намозгузорро қабул кунад.

Раҳбари ширкати "Расул" мегӯяд, тибқи талаботи вазорати ҳаҷҷу умраи Арабистони Саудӣ, зоирон бояд аз 18 то 50 – сола, аз маризӣ осебнопазир бошанд ва пас аз вуруд ба он кишвар санади озмоиши манфии COVID-19-ро пешниҳод кунанд.

"Тамоми зоироне, ки аз хориҷ меоянд, 72 соат қабл аз сафар бояд аз муоинаи тиббӣ гузашта, пас аз ворид шудан ба Саудӣ се рӯз ниёз ба қарнтинаи худ доранд. Ё агар автобусҳо қаблан 50 мегирифтанд, ин дафъа, ба шумули раҳбалад ҳамагӣ 22 нафар мегиранд. Ё меҳмонхонаҳо бояд 10% холӣ бошанд, то дар ҳоли мариз шудан нафар таҳти муроқибати пизишкӣ қарор гирад. Боз қоидаҳое дигар аз ин қабил", - гуфт Саъдулло Қурбонов.

Тибқи иттилои Кумитаи дин ва танзими расму ойини Тоҷикистон, соли гузашта 3 ҳазору 273 шаҳрванди Тоҷикистон ҳаҷҷи умраро анҷом додаанд. Созмондеҳии ин маросимро ду ширкати ватании тоҷикӣ – "Расул" вв "Ормон" анҷом медиҳанд.

Дар ҳамин ҳол, раҳбари ширкати "Расул" мегӯяд, аз эҳтимол дур нест, ки дар қимати ҳаҷҷи умра низ тағйир ояд.

"Ширкатҳои хизматрасон бояд ҳама – аз ниқоб то айнаки зоиронро таъмин кунад. Аз сӯи дигар, хароҷоти дигаре низ дар робита бо хадамоти нақлиётиву меҳмонхонаҳо шояд пеш меоянд, ки ҳоло дар бораашон гуфта наметавонем", - гуфт Саъдулло Қурбонов.

Дар Масҷиди Ал-Ҳаром дар Макка ба хондани намоз шурӯъ карданд

Арабистони Саудӣ ҳанӯз моҳи марти соли равон ба далели пандемияи "вируси корона" дарашро ба рӯи зойирини Хонаи Худо баста буд. Мақомоти ин кишвар гуфтаанд, ки дар ҳоли бо муваффақият анҷом ёфтани таҷрибаи кунунии қабули зойирин аз 1 январи соли оянда маҳдудиятҳоро лағв хоҳанд кард.

257
Барчаспҳо:
зоирини тоҷик, зоирин, Арабистони Саудӣ, ҳаҷҷи умра
Сценарист и кинорежиссер Искандар Усмонов

Искандар Усмонов дар Теҳрон ҷоиза гирифт

151
(Таҷдидшуда 19:45 28.11.2020)
Коргардон ва драматурги тоҷик Искандар Усмонов дар як Ҷашнвораи байналмилалии филмҳо дар шаҳри Теҳрон соҳиби ҷоиза гардид

ДУШАНБЕ, 28 ноя — Sputnik. Дар шаҳри Теҳрон маросими ҷоизасупорӣ ба иштирокчиёни Ҷашнвораи байналмилалии филмҳои "Муқовимат" баргузор гардид, хабар медиҳад рӯзномаи Вечёрка.

Маросими мазкур санаи 23 ноябр баргузор гардид ва як намояндаи Тоҷикистон низ сазовори ҷоиза гашт.

Манбаъ меафзояд, муаллифи сенарияи филми "Дар марз", коргардон ва драматурги тоҷик Искандар Усмонов бо ҷоизаи "Сенарияи беҳтарини филми ҳунарии кутоҳмуддат" мукофотонида шуд.

Филм дар ҳамкорӣ бо коргардони қирғиз Тинчтик Абилқосимов дар "Киргизфилм" ба навор гирифта шудааст.

Филм барои +18 ё поинтар: тағйири қонуни Тоҷикистон “Дар бораи кино”

Қаҳрамонони филми "Дар марз" бо забонҳои тоҷикӣ, русӣ ва қирғизӣ ҳарф мезананд. Филм дар асоси саргузашти сокини солхӯрдаи як деҳаи Тоҷикистон, ки барои дидорбинии хешовандонаш ба деҳаи Қирғизистон меравад, таҳия шудааст.

Тавре коргардони тоҷик гуфт, филм 10 рӯз дар минтақаи Ботканди Қирғизистон ба навор гирифта шудааст.

Соли гузашта филми "Дар марз" дар озмуни байналмилалӣ дар VII Форуми филми ҷавони кишварҳои ИДМ "Умут" дар бахши "Мубрамияти ғоя" пирӯз шуда буд.

151
Поэт Тимур Зульфикаров

Маросими ҷоизасупории "Ситораи Иттиҳод" баргузор шуд: яке аз барандаҳо - Зулфиқоров

79
(Таҷдидшуда 14:51 28.11.2020)
Маросими супоридани ҷоизаи “Ситораи Иттиҳод” имсол тариқи онлайн баргузор шуда, яке аз барандаҳои он Тимур Зулфиқоров, нависандаи тоҷик мебошад

ДУШАНБЕ, 28 ноя — Sputnik. Ҷоизаи “Ситораи Иттиҳод” барои саҳм дар рушди фарҳангу китобхонӣ эъто мешавад.  Ҷоизаи мазкур, ки аз ҷониби Бунёди байнидавлатии  ҳамкориҳои гуманитарии кишварҳои узви ИДМ таъсис дода шудааст,  имсол тариқи онлайн супорида шуд, хабар додааст ТАСС.

Яке аз барандаҳои он Тимур Зулфиқоров, шоиру нависандаи русзабони тоҷик мебошад.

Барандаҳои “Ситораи Иттиҳод” соҳиби диплом, нишони рамзӣ ва ду миллион рубл мешаванд.

Дар баробари Зулфиқоров ба феҳрасти барандагони ҷоиза инчунин чеҳраҳои шинохтаи фарҳанг аз кишварҳои ИДМ – Озарбойҷон, Арманистон, Белорус, Қазоқистон, Қирғизистон ва Молдова шомил гардиданд.

Аз ҷумла ҷоизаи мазкурро нависандаи шинохта аз Русия, Гузел Яхина, муаллифи романи “Зулайхо чашм мекушояд” соҳиб гардидааст. Фаррух Зокиров, овозхону оҳангсоози шинохтаи ӯзбек, роҳбари гуруҳи “Ялла” низ барандаи ҷоиза шуд.

Ҷоизаи мазкур ҳамасола дар се бахш – илму маориф, фарҳангу санъат ва фаъолияти гуманитарӣ тақдим карда мешавад.

Имсол тариқи онлайн инчунин ҷоизаи “Иттиҳоди падидаҳо”, ки ба мутахассисони ҷавон тақдим мегардад, ба тарроҳи ҷавон аз Тоҷикистон, Муҳаммадносир Абдуллоев супорида шуд.

79
Барчаспҳо:
ба таври онлайн, ҷоиза, ИДМ
Интиқоли китоби Тоҷикон ба ноҳияи Ванҷ

Беш аз 4400 дона: туҳфаи Раҳмон ба Ванҷ расид

0
Вазорати маориф ва илми Тоҷикистон мегӯяд, имрӯз дар ноҳияи Ванҷ, тақсими китоби “Тоҷикон”-и Бобоҷон Ғафуров аз номи раисиҷумҳур Эмомалӣ Раҳмон оғоз шуд

ДУШАНБЕ, 30 ноя — Sputnik. Тибқи иттилои Вазорати маорифи Тоҷикистон, бо мақсади омӯзиши амиқи таърихи пурифтихори халқи тоҷик шоҳасари академик Бобоҷон Ғафуров – китоби “Тоҷикон” то ҷашни 30-солагии Истиқлоли давлатӣ ба ҳар оилаи кишвар тақсим мешавад.

Манбаъ афзуд, ки ин туҳфа аз номи раисиҷумҳури Тоҷикистон, бо роҳбарии Нуралӣ Собирзода, муовини вазири маориф ва илми Тоҷикистон ба шаҳру ноҳияҳои ВМКБ фиристода шуд.

Нуралӣ Собирзода, муовини вазири маориф ва илм иттилоъ дод, ки барои мардуми ноҳияи Ванҷ мутаносибан ба теъдоди хонаводаҳо 4408 китоб ҷудо шуда, он ба ҳар як хонавода дастрас карда мешавад.

Ҷаббори Қосим, раиси ноҳияи Ванҷ мегӯяд, тақсимоти китоби “Тоҷикон” имрӯз аз ноҳия оғоз гардида, доир ба масъалаи мазкур комиссияи махсус таъсис дода шудааст. Ин комиссия  раванди супоридани туҳфаи роҳбари давлатро дар ҷамоатҳои шаҳраку деҳот назорат менамояд. 

Чойхонаи тоҷикон дар Амрико ба макони таърихӣ табдил ёфт

Ба иттилои Вазорати маориф, Хушвахт Искандаров, омӯзгори собиқадори ноҳия гуфтааст,  солҳо боз орзу дошт, ки ин китоби пурарзиш китоби рӯйимизии ҳар як фарди тоҷик бошад.

“Боварӣ дорам, ки ин амали нек ва шоиста дар раванди худшиносии миллӣ, арҷгузорӣ ба мероси бою пурғановати гузаштагон саҳми арзанда мегузорад”, - таъкид кардааст омӯзгор.

0
Барчаспҳо:
китоб, фарҳанг, маориф, Тоҷикистон