Паёми Раҳмон ба адибон: асарҳои мондагор эҷод кунед
(Таҷдидшуда 12:33 23.12.2020)
Эмомалӣ Раҳмон, президенти кишвар шоирону нависандагони кишварро ба навиштани осори мондагор дар рӯҳияи ҳуввияту бедории миллӣ даъват кардааст.ДУШАНБЕ, 23 дек - Sputnik. Ин нукта дар паёми Эмомалӣ Раҳмон, дар анҷумани 15 – уми Иттифоқи нависандагон аз сӯи муовини сарвазир Матлубахон Сатториён қироат шуд, садо дод.
Раисҷумҳур гуфтааст, аҳли адаб низ чун дигар сокинони сайёра ва кишвар зиндагии пурташвишеро аз сар мегузаронанд, равандҳои таҳоҷуми фарҳанги, паҳншавии бемории коронавирус, ҳимояи асолату арзишҳои миллӣ, ҳифзи забон, тарбияи ахлоқии насли навин дар назди адибони муосир вазифаҳои бештареро мегузорад.
Шоиру нависандагони тоҷик чун чашми бозу дили бедори миллати худ ба воситаи асарҳои сазовори давру замон, дар роҳи тасвири дастовардҳои замони истиқлол ва инсонҳои бунёдкор бояд пеш аз беш саҳми арзанда гузоранд.
Президент гуфтааст, бовар дорам, ки анҷумани шумо бо таҳлили диқиқу софдилона фаъолияти панҷсолаи садорати Иттифоқи нависандагон ва баҳсҳои судманд дар атрофи асарҳоятон барои рушди адабиёти ояндаи миллатамон нақши сазовор мегузорад.
Раисиҷумҳур ҳозириниро шодбош гуфта таъкид кардааст, ки асару навиштаҳои асил аз қадим барои миллати тоҷик азизу муқаддас аст.
“Бештар асарҳои мондагор эҷод кунед ва содиқона дар хизмати миллату давлати худ бошед”,-таъкид кардааст, президент.
Эмомалӣ Раҳмон изҳори итминон кардааст, ки дар оянда эҷоди асарҳое, ки тақвияти ҳувияту худшиносӣ ва таҳкими суботи кишвар мусоидат мекунанд, бештар вусъат мебахшед.
Анҷумани понздаҳуми Иттифоқи нависандагони Тоҷикистон бо ширкати беш аз 202 нафар аъзо ва дигар меҳмонон ҷараён дорад.
Эълони санаи таҷлили Сада бо оташи калон дар Душанбе
(Таҷдидшуда 13:52 27.01.2021)
Вазорати кишоварзии Тоҷикистон ва ҳукумати Душанбе санаю шеваи таҷлили ҷашни Сада дар пойтахтро баён доштандДУШАНБЕ, 27 янв — Sputnik. Тибқи иттилои мақомоти тоҷик, таҷлили Сада рӯзи 31 январ дар Боғи фарҳангию фароғатии ба номи Абулқосим Фирдавсии шаҳри Душанбе баргузор мешавад. Манбаъ таъкид кард, ки дар маросим намоиши ниҳолҳою тухмии зироати кишоварзӣ баргузор гардида, ҳамчунин дар саҳни боғи мазкур рамзи ҷашни Сада- оташи калон афрӯхта мешавад.
“Дар ҷашни мазкур кишоварзони тамоми шаҳру навоҳии мамлакат олоти кории кишоварзӣ, навъҳои тухмии зироат ва техникаҳои соҳавӣ, хӯрокҳои миллӣ, ярмарка-фурӯши ниҳол, гулу буттаҳои ороишӣ ва дигар маҳсулотеро, ки ифодагари ҷашни Сада мебошанд, ба намоиш мегузоранд”, - омадааст дар иттилоия, ки “Ховар” нашр кардааст.
Таъкид шудааст, ки дар ҷашни имсола олимони соҳаи кишоварзӣ, тухмипарварони мамлакат ва боғпарварон навъҳои гуногуни зироати донагӣ ва ниҳолу буттаҳоро ба намоиш гузошта, ба деҳқонон роҳу усули парвариши онро тавсия медиҳанд.
Манбаъ афзуд, Эмомалӣ Раҳмон дар паёми охираш изҳор дошт, ки ифтихор дорем, ки Тоҷикистон барҳақ, ватани Наврӯз, Сада, Тиргон ва Меҳргон аст. Ҳар кадоме аз ин ҷашнҳо таърихи беш аз шашҳазорсола дорад ва ин мояи ифтихори мост.
Барчаспҳо:
С ба ҷои З: парлумон номи як ноҳияи Тоҷикистонро тағйир дод
(Таҷдидшуда 16:20 25.01.2021)
Маҷлиси миллии Тоҷикистон бо пешниҳоди Ҳукумати кишвар дар номи яке аз ноҳияҳои вилояти Хатлон як ҳарфро иваз намудДУШАНБЕ, 25 янв — Sputnik. Маҷлиси миллӣ бо пешниҳоди Ҳукумати Тоҷикистон лоиҳаи қарор дар бораи иваз намудани номи ноҳияи Шаҳритузи вилояти Хатлон ба ноҳияи Шаҳритусро якдилона қабул кардааст.
Ба иттилои котиботи палатаи болоии парлумон, қарори мазкур имрӯз дар иҷлосияи панҷуми Маҷлиси миллӣ, таҳти раёсати Рустами Эмомалӣ қабул шуд.
Бар асоси Донишномаи озод, ноҳияи Шаҳритус, яке аз ноҳияҳои идории вилояти Хатлон аст, ки ҳанӯз 29 августи соли 1930 дар Тоҷикистони шӯравӣ таъсис ёфтаст.
Ноҳияи Шаҳритус бо ҳудуди наздики 2,4 ҳазор километри мураббаъ дар дараи рӯди Кофарниҳон ҷой дорад. Дар шимол бо Вилояти Сурхондарёи Ӯзбекистон, дар шарқ бо ноҳияи Қубодиён, дар ғарб бо ноҳияи Носири Хусрав аз ноҳияҳои вилояти Хатлон ва дар ҷануб бо вулусволии Хулм аз бахшҳои Вилояти Балх дар Афғонистон ҳаммарз аст.
Дар ҳудуди ноҳияи мазкур водии Бешкент ҷойгир аст, ки дарозиаш 70 километр бараш то 5 километр буда, яке аз водиҳои гармтарини ҷумҳурист.
Барчаспҳо:
Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав
ДУШАНБЕ, 28 янв – Sputnik. Тибқи иттилои котиботи раисиҷумҳури Тоҷикистон, имрӯз дар маҷлиси васеи Ҳукумати мамлакат Эмомалӣ Раҳмон ба масъулини хадамоти ҳавоии кишвар дастур додааст, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд.
“Президенти мамлакат муҳтарам Эмомалӣ Раҳмон ба Директори Агентии авиатсияи гражданӣ Субҳонзода Икром, директорони генералии Ҷамъияти саҳҳомии кушодаи “Фурудгоҳи байналмилалии Душанбе” Исматулло Абдуллозода ва Ҷамъияти саҳҳомии кушодаи “Фурудгоҳи байналмилалии Хуҷанд” Қурбони Алимардон дастур доданд, ки ҳар чи зудтар сатҳу сифати хизматрасонӣ дар истиқболу интиқоли мусофирон, барқарорсозӣ ва ташкили хатсайрҳои навро роҳандозӣ намоянд”,-афзудааст, котиботи президент.
Ёдовар мешавем, рӯзи гузашта зимни ироаи паёми солона Эмомалӣ Раҳмон гуфт, ки Тоҷикистон ба зудӣ парвозҳоро бо дигар кишварҳо барқарор мекунад.
Дар баробари ин, президент санаи дақиқи бозкушоии марзҳоро нагуфт.
Ба гуфти Эмомалӣ Раҳмон аз саргирии парвозҳо бо шарафи пирӯзии Тоҷикистон бар коронавирус даст медиҳад.
Ёдрас мешавем, ки раисиҷумҳури Тоҷикистон рӯзи 26 январ аз пирӯзии Тоҷикистон бар коронавирус эълом кард.
Раҳмон пирӯзии Тоҷикистон бар коронавирусро эълон кард
Дар баробари ин президент қайд кард, ки дар сурати бозкушоии марзҳо, карантини 14 - рӯза низ барқарор мешавад.
Ҳукумати Тоҷикистон аз тобистони соли гузашта инҷониб бо Русия, ки хатсайри маъмул ба шумор меравад, масъалаи барқарор кардани парвозҳоро баррасӣ дорад. Аммо то кунун чизе дар ин самт рушан нашудааст.
Барчаспҳо: