Игрушка деда мороза

Салом Бобои Барфӣ: монандию фарқиятҳои бобои тоҷик аз дигарон

119
(Таҷдидшуда 19:09 30.12.2020)
Қаҳрамони асосии афсонавии Соли нав дар Тоҷикистон Бобои Барфӣ мебошад, ки ба ҳамтоёни дигараш дар нуқоти гуногуни ҷаҳон шабоҳат дорад, аммо як қатор фарқиятҳои хосро низ соҳиб аст

ДУШАНБЕ, 30 дек — Sputnik. Аяз Ата, Шахта Баба, Метс Папук, Корбобо, Мош Кречун, Товлис Бабуа, Дед Мороз – чунин ном доранд, ҳамтоёни бобои барфӣ дар қаламрави Иттиҳоди Шӯравӣ. Қариб ҳамаи онҳо набераҳо доранд, аммо бобои барфӣ дар Молдова ва Гурҷистон истисноанд, чун тӯҳфаҳоро мустақилона мерасонанд.

Дар Тоҷикистон низ рамзи Соли нав Бобои Барфӣ мебошад, бархе ақаллиятҳо онро Колотун бобо низ ном мебаранд. Ба шухӣ албатта.

Монандиҳои бобои барфии тоҷикӣ ва русӣ

Бобои Барфии тоҷикӣ набера бо номи Барфак дорад. Вай ба бобояш дар тақсими тӯҳфаҳо ба кӯдаконе, ки дар соли гузашта рафтори хуб доштанд, кӯмак мекунад, шеърҳо ва сурудҳои идонаи онҳоро мешунавад, бо ҳама бо завқ аксбардорӣ мекунад.

Бобои Барфӣ инчунин хонаи худро дорад, ки ҳудуди 4 сол пеш дар истироҳатгоҳи “Сафед-Дара” дар шакли бинои махсус орододашуда пайдо шуд. Баробари ин соли гузашта дар канори яке аз майдонҳои Душанбе низ барои Бобою Барфак хона сохтанд, то кӯдаконро қабул кунанд.

Дар солҳои пеш кӯдакон дар Тоҷикистон, тақрибан як моҳ қабл аз Соли нав, ба навиштан ва фиристодани номаҳо ба Бобои Барфӣ шуруъ мекарданд, ки дар он баробари шодбошиҳо аз рӯйдодҳои соли гузашта қисса мекарданд. Дар даврони технологияҳои нав, ин шева чандон роиҷ нест. Суроғаи электронӣ ё сомонаи худро Бобои Барфӣ надорад.

Бобои Барфии тоҷик низ, чун ҳамтои русаш, риши сафеди ғафс ва мӯйи сафед дорад. Мӯйлабаш низ сафеду барҷаста аст.  

Инчунин, садои бобоҳои тоҷику рус шабеҳ аст. Онҳо садои мулоими марғуладор доранд, ки ба дуриҳо мерасад. Ҳар касе, ки онро мешунавад, дар замираш шавқи ҷашни бузург бедор мешавад.

Дар баъзе мавридҳо Бобой Барфӣ аз сурудхонӣ ва рақсидан шарм намекунад, гарчанде дар рақс низ ҳадро нигоҳ медорад.

Чӣ умумияте бобоҳо новобаста аз номашон доранд? Онҳо самимона кӯдаконро дӯст медоранд, омодаанд онҳоро шунаванд, дастгирӣ кунанд ва барои хотира аксбардорӣ намоянду тӯҳфае тақдим кунанд. Роҳи дигаре буда наметавонад, чун кӯдакон ҳаводорони содиқу самимии Соли Нав бо  арчаи идона ороёфта, оташбозии шомгоҳӣ ва туҳфаҳо мебошад.

Фарқиятҳои хоси Бобои Барфӣ

Бобои Барфӣ махсусиятҳои миллӣ низ дорад. Ӯ  сарфи назар аз мӯйу риши сафед, сабзинаранг ва дорои абрӯҳои сиёҳ мебошад, ки таъсири офтоби тафсони тоҷик мебошад. Инчунин асои калонро, ки барои бисёри бобоҳо хос аст, Бобои Барфӣ аксаран надорад.

Бобои тоҷик чапони кабуди рӯшан дорад, ки албатта гарм мебошад. Онро аз миён бо рӯймоли зардӯзишуда баста, дар сар тоқӣ дорад. Аксаран маҳсию калӯш дорад. Дар маҷмуъ анвои гуногуни пойпӯшҳои мавсимиро дидан мумкин аст. Пойафзолҳои намадин аз ҳад гарм хоҳанд буд, чун сармои шадид дар Тоҷикистон хеле кам рух медиҳад.

Ҷисман Бобои Барфӣ чандон тануманд нест, аксаран қади миёна дораду лоғар мебошад. Инчунин забондон аст, ки ҳадди ақал бо ду забон – русию тоҷикӣ балад аст, дар бархе қисматҳои шимолу ҷануби Тоҷикистон инчунин забон ӯзбекиро низ одатан медонад.

Тафсирҳои замони шӯравию миллӣ

Вақтҳои охир тафсири дигари номи Бобои барфӣ пайдо шудааст. Дар Донишномаи озод бо забони тоҷикӣ омадааст, ки Бобои барфӣ пайкараи одии барфӣ мебошад, ки одатан аз замонҳои қадим пеши хонаҳо аз барф месохтанд.

Гап сари он аст, ки Тоҷикистон соли навро ду бор ҷашн мегирад, аввал чун ҳама шаби 31 декабр ба 1 январ ва баъдан дар шаби баробарии рӯзу шаб дар баҳор Наврӯзро таҷлил мекунанд. Бархе даъватҳо низ шуданд, ки аз таҷлили Соли нави мелодӣ даст кашида шаваду танҳо Наврӯз, ки миллӣ аст, ҷашн гирифта шавад.

Агар назари ин гуруҳ боло гирад, ояндаи Бобои Барфӣ чандон дурахшон нест. Онгоҳ Бобои Барфии тоҷикӣ чун соли нави зимистонӣ ба нестӣ меравад. Вақтҳои охир даъватҳо барои маҳдуд кардан кам садо медиҳанд, бинобар ин барои суҳбат аз нестшавии Бобои Барфӣ ҳанӯз барвақт аст.

Бобои Барфии тоҷикӣ сарфи назар аз он ки чандон тануманд нест, аз пуштибонии қавии тамоми кӯдакони Тоҷикистон бархӯрдор мебошад. Гуруҳи кӯдакон, якҷоя метавонанд ҳар саддеро шикананд. Бинобар ин Соли Нав муборак Тоҷикистон!

119
Барчаспҳо:
Соли нав, Нома ба Бобои барфӣ, Бобои барфӣ, Тоҷикистон
Помощник президента по вопросам социального развития и связям с общественностью Абдуджаббор Рахмонзода

Раҳмонзода зарурати эҷоди асарҳои мусиқии баландғояи замонавиро таъкид кард

32
(Таҷдидшуда 14:33 16.01.2021)
Дар ҷаласаи Ситоди корӣ оид ба таҷлили 30-солагии истиқлолияти давлатӣ татбиқи сиёсати фарҳангии Ҳукумати Ҷумҳурии Тоҷикистон ва рушду такомули санъати мусиқии миллии тоҷик баррасӣ шуд

ДУШАНБЕ, 16 январ - Sputnik. Ба нақл аз рӯзномаи “Ҷумҳурит” ахиран дар Вазорати фарҳанг Тоҷкистон омодагӣ ба Ҷашни 30-солагии Истиқлолияти давлатӣ ва баргузории чорабиниҳои сатҳи байналмилалӣ таҳти раёсати Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ҷаласаи ситоди корӣ баргузор шуд.

Манбаъ таъкид доштааст, ки зимни ҷаласа масъалаҳои татбиқи сиёсати фарҳангии Ҳукумати Тоҷикистон ва рушду такомули санъати мусиқии миллии тоҷик баррасӣ гардиданд.

Гута шудааст, ки Абдуҷаббор Раҳмонзода вобаста ба ташаккули раванди неруи эҷодӣ, дарёфти истеъдодҳои нави бахши оҳангсозӣ ва иҷрокунандагӣ, рушди санъати мусиқии касбии миллӣ, эҷоди асарҳои мусиқии баландғояи замонавӣ таъкид доштааст.

Ҳадафи ҳукумат: бунёди 941 иншооти тиббӣ то 30 солагии Истиқлолият дар Хатлон

Инчунин, зимни ҷаласа Ёрдамчии Президенти Тоҷикистон оид ба масъалаҳои рушди иҷтимоӣ ва робита бо ҷомеа оммавигардонии жанрҳои гуногуни мусиқии касбӣ ва ташаккули фарҳанги мусиқии муосири тоҷик дар назди масъулини дахлдори мамлакат вазифаҳои мушаххас гузошт.

32
Барчаспҳо:
Абдуҷаббор Раҳмонзода, фарҳанг, мусиқӣ, истиқлолият, Тоҷикистон
Паломничество в Мекку

Сафари Ҳаҷҷи умра боз ба таъхир гузошта шуд: то моҳи март

580
(Таҷдидшуда 20:44 14.01.2021)
Хуруҷи каронавируси навъи нав ё “вируси бритонӣ” дар як қатор аз кишварҳои ҷаҳон, сабаби мутаваққиф шудани сафари шаҳрвандон барои адои Ҳаҷҷи умра шудааст

ДУШАНБЕ, 14 янв – Sputnik. Қарор буд, дар нимаҳои дуюми моҳи январи соли ҷорӣ аввалин гурӯҳи шаҳрвандони Тоҷикистон ба Ҳаҷҷи умра раванд, аммо бо сабаби хуруҷи каронавируси навъи нав ё “бритонӣ” сафар ба таъхир монда шудааст.

Абдулмаҷид Зокиров, масъули ширкати сайёҳии "Расулсохтмон", рӯзи 14 январ дар суҳбат ба Sputnik Тоҷикистон гуфт, кишвари Арабистони Саудӣ дар бораи чунин таъхиргузорӣ дар қабули зиёраткунандагон, рӯзи гузашта аз тариқи расонаҳои ахбори умум эълон кардааст.

“Хуруҷи “вируси бритонӣ” масъулини кишвари Арабистони Саудиро андаке ба ташвиш гузоштааст, онҳо аз нав дарҳоро бастаанд. Ҷониби Арабистон тавассути расонаҳои ахбори умум иттилоъ нашр кардаанд, ки аз охирҳои моҳи март ба қабули зиёраткунандагон шурӯъ хоҳанд кард”,-гуфт намояндаи “Расулсохтмон”.

Масъулони Вазорати Ҳаҷҷи Арабистони Саудӣ баъди таъхири чандвақта, моҳи декабри соли гузашта эълон намуда буданд, ки сар аз моҳи 6 уми солшумории қамарӣ, ки ба нимаҳои дуюми моҳи январи соли 2021 рост меояд, ба қабули шаҳрвандони Тоҷикистон, барои зиёрати шаҳрҳои муқаддаси Ислом - Маккаи мукаррама ва Мадинаи мунаввара шурӯъ мекунанд.

Абдулмаҷид Зокиров иброз намуд, ки сафарбаршавии сокинон барои Ҳаҷҷи умра аз қабули масъулини Арабистони Саудӣ вобаста аст, бо сабаби вазъи беҳдоштӣ мутафаққиф мешавад.

“Мо танҳо аз беҳтаршавии вазъи саросарии беҳдоштӣ умедвор буда, то он рӯз сабр мекунем.  Агар дар ин миён то охирҳои моҳи март, ягон хабари хуш расад, ҳатман мардумро огоҳ мекунем”, - зикр кард Зикров.

Сафарбаршавии сокинони кишвар барои Ҳаҷҷи умра аз суи ширкатҳои сайёҳии "Расулсохтмон" ва "Ормон" роҳандозӣ мешавад. Вазорати Ҳаҷҷи кишвари Арабистон синну соли зиёраткунандаҳоро бо сабаби хуруҷи бемории ҳамагири COVID-19, маҳдуд намуда эълон намуд, ки танҳо, барои аз 18 то 50 - солаҳо барои сафар ба ин кишвар иҷозат дода мешавад.

Дар пайи хуруҷи бемории ҳамагирии коронавирус ва сабти он дар Арабистони Саудӣ, ин кишвар баҳори соли гузашта сафари зоирин ба шаҳрҳои муқаддаси Исломро манъ намуд ва барои аввалин бор, соли 2020 маросими Ҳаҷ баргузор нагардид. Моҳи ноябри соли 2020 баъди таваққуфи чандмоҳа Арабистони Саудӣ феҳрасти кишварҳоро нашр кард, ки сафари шаҳрвандони онҳо дар ин кишвар рухсат шудааст.

Дар ин руйхат кишварҳои қораи Осиё, мисли Тоҷикистон, Қазоқистон, Ӯзбекистон, Чин, Туркия, Озарбойҷон ва давлати Белорус шомил буданд.

Сафари шаҳрвандони давлатҳои Эрон, Миср, Қатар, Италия Қирғизистон, Кувейт, Русия, Англия ва Иёлоти Муттаҳидаи Амрико барои ба Ҳаҷҷи умра ба таври муваққат манъ гуфта мешуд.

Нимаҳои моҳи декабри соли 2020 табибон дар бораи сирояти навъи ҷадиди коронавирус дар кишварҳои Британия иттилоъ дода гуфтанд, ки вируси мазкур аз COVID-19 наздики 70 дарсад хавфноктар аст ва суръати паҳншавии он низ бамаротиб фарқ мекунад.

Дар гузашта аз Тоҷикистон ҳазорҳо нафар, барои зиёрати маконҳои муқаддаси Ислом ба кишвари Арабистони Саудӣ сафар мекарданд.

580
Барчаспҳо:
ҳоҷиён, Арабистон, ҳаҷҷи умра, Тоҷикистон
Медицинские работники в отделении реанимации и интенсивной терапии в госпитале для больных COVID-19

Ҳолатҳои нави сироятёбӣ ба коронавирус дар Чин: мутахассисони СҶБ вориди Вуҳон шуданд

0
(Таҷдидшуда 16:24 16.01.2021)
Созмони ҷаҳонии беҳдошт ахиран омори нави гирифторон ба коронавирус дар ҷаҳонро эълон кард

ДУШАНБЕ, 16 январ – Sputnik. Тибқи иттилои Созмони ҷаҳонии беҳдошт то санаи 15 январ шумори сироятшудагон  ба 91 миллиону  816 ҳазору 91 нафар расид.

Тибқи иттилои манбаъ, ҷонбохтагон ба 1  миллиону 986 ҳазору 871 нафар расидаааст.

Дар ҳамин ҳол, шумори муолиҷашудагон ба беш аз 67 миллиону нафар расидааст.

Кумитаи ҳолатҳои фавқулоддаи Тоҷикистон хабар додааст, ки намояндагони Созмони ҷаҳонии беҳдошт барои муайян кардани ҷойю макони аввали зуҳури вируси корона ба Вуҳони Чин ворид шуданд.

Тибқи иттилои расида ин коршиносон дар ҳайати 14 нафар ба Чин рафтанд, гуфтушуниди дурудароз билохира самар дод ва Чин 14 январи соли равон ба коршиносону мутахассисони байналмилалӣ иҷозаи вуруд дод.

Дар ин ҳайат вирусшиносон аз Амрико, Австралия, Олмон, Ҷопон, Британияи Кабир, Русия, Нидерландия, Қатар ва Ветнам шомиланд.

Ҳамзамон манбаъ иттилоъ додааст, ки дар Чин бори аввал аз моҳи марти соли гузашта то ба имрӯз шумори зиёди гирифторони нав ба коронавирус ба қайд гирифта шуд. Мақомот гуфтанд, ки шабонарӯзи гузашта 144 нафар чун мубталои нав сабт шуд (моҳи марти соли гузашта 202 нафар буд).  Дар қиёс ба мамолики дигар ин омор чандон зиёд ҳам нест, вале ҳукуматдорони Чин онро чун як бонги изтироб қабул мекунанд.

0
Барчаспҳо:
омор, вируси корона, ҷаҳон, вирус, Чин