Скриншот из клипа таджикской певицы Зулайхо Махмадшоева и узбекской звезды Озода Нурсаидова

Тоҷикӣ: нашри намоҳанги нави Зулайхо бо овозхони ӯзбек Озода Нурсаидова - видео

346
(Таҷдидшуда 12:48 18.01.2021)
Овозхони попи тоҷик Зулайхо Маҳмадшоева ва сарояндаи номии ӯзбекистонӣ Озода Нурсаидова таронаи тозаеро ҳамсароӣ кардаанд

ДУШАНБЕ, 18 янв — Sputnik. Зулайхо Маҳмадшоева, овозхони номии тоҷик чанде пеш аз сабти як намоҳанги муштарак бо овозхони машҳури ӯзбекистонӣ Озода Нурсаидова хабар дода, афзуда буд, он 14 январ пешниҳоди мухлисон мегардад.

Таронаи ҳамсароии ситораҳо "Лейлӣ" ном дошта, ҳамагӣ дар се рӯз онро дар шабакаи Ютуб, дар канали Зулайхо Маҳмадшоева бештар аз 114 ҳазор нафар тамошо кардаанд.

Намоҳангро дар саҳифаи Озода Нурсаидова бошад, 140 ҳазор бор тамошо кардаву 4 ҳазору 800 нафар тугмаи "лайк"-ро пахш кардаанд.

Тавре Зулайхо Маҳмадшоева хабар додааст, шеъри тарона ба Ризо Рад таллуқ дорад ва оҳанги онро худи Озода Нурсаидова навиштааст.

Таҷрибаи ҳамсароии овозхонҳои ӯзбекистониву тоҷикистонӣ солҳои ахир байни ҳунармандони ду кишвар "мӯд" шудааст.

Пештар Шабнами Сурайё бо Юлдуз Усмонова ва Ҷонибек Муродов бо Юлдуз Турдиева ҳамсароӣ карда буданд.

Шабнами Сурайё бо писари Шералӣ Ҷӯраев, Зоҳиршоҳ Ҷӯраев таронаеро суруда буд.

Ҳамчунин Ҷонибек Муродов бо овозхони ӯзбек Сардор Раҳимхон таронаеро бо номи "Дӯстон" иҷро карда буд, ки хело шӯҳратёб гардид.

Ҷолибаш ин аст, ки қариб ҳамаи таронаҳое, ки сарояндагони ду давлат иҷро карданд, бо забони тоҷикӣ суруда шудаанд.

346
Театр, архивное фото

Замони оғози мавсими тамошои намоишҳои театрҳо дақиқ шуд

65
Тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ дар ду мавсим доир мегардад

ДУШАНБЕ, 24 фев – Sputnik. Дар Тоҷикистон мавсими тамошои намоишҳои театрҳои касбӣ аз рӯзи 3 апрел шурӯъ мешавад, хабар медиҳад Вазорати фарҳанг.

 ба иттилои манбаъ,тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ  дар ду мавсим доир мегардад.

Дар мавсими аввали он спектаклҳо рӯзҳои 3, 10, 17, 24  апрел, 8, 15 май ва 12 июни соли равон дар Театри давлатии академии драмавии ба номи А. Лоҳутӣ, Театри давлатии академии опера ва балети ба номи С. Айнӣ, Театри давлатии ҷавонон ба номи М.Воҳидов, Театри таҷрибавии тамошобини ҷавон ба номи М.Қосимов ва Театри давлатии драмавии русии ба номи В. Маяковский ба саҳна гузошта мешаванд.

Мавсими дуввуми намоиши спектаклҳо 2, 9, 16, 23, 30 октябр дар театрҳои болозикр доир мешавад.

Вазорати фарҳанг гуфт, китобҳои Ҳошим Гадоро ба маблағи 16 000 сомонӣ хариданд

Ба гуфти масъулин, дар репертуари театрҳо соли равон намоиши асарҳои нави саҳнавӣ бахшида ба 30-солагии Истиқлоли давлатии Тоҷикистон пешбинӣ гардидааст. Ҳамчунин нимаи дуюми моҳи майи соли равон Фестивал-озмуни ҷумҳуриявии театрҳои касбӣ- "Парасту-2021" баргузор мегардад, ки тӯли як ҳафта мухлисони театрӣ метавонанд аз намоишҳои озмунӣ ба таври ройгон бархурдор гарданд.

Таҳияи асарҳои нав дар репертуари муассисаҳои театрӣ аз моҳи апрел тартиб дода шудааст.

65
Барчаспҳо:
Тоҷикистон, театр
Масҷиди марказии Душанбе, акс аз бойгонӣ

Суоли усто аз Шӯрои уламо: аз “пилорама”-и арзишаш 35 ҳазор сомонӣ закот супорам?

625
(Таҷдидшуда 14:56 23.02.2021)
Шӯрои уламои Маркази исломии Тоҷикистон мегӯяд, дар асбобу таҷҳизоти касбу кор закот воҷиб намешавад

ДУШАНБЕ, 23 фев — Sputnik. Як корбари сомонаи Шӯрои уламо аз ин ниҳод суол кардааст, ки ба нияти кор ва пеш бурдани зиндагӣ ба маблағи 35 ҳазор сомонӣ пилорама харид ва оё аз ин дастгоҳ бояд закот супорад ё на.

Шӯрои уламо посух додааст, ки закот бояд аз даромаде, ки аз ин дастгоҳ ҳосил мешаваду ба андозаи нисоб расад, пардохт гардад.

“Дар асбобу таҷҳизоти касбу кор закот воҷиб намешавад, агар фоида ва даромаде, ки аз он ба даст меоред, ба миқдори нисоби закот, яъне 20 ҳазор сомонӣ баробар шавад ва як сол аз он гузарад, дар ин ҳолат пардохти закот лозим мешавад”, - изҳор дошт Шӯро.

Ин ниҳод қаблан изҳор дошта буд, ки вақти додани закот аз замони ба нисоб расидани мол вобаста аст

"Адои закот аз замони ба нисоб расидани мол вобаста аст, яъне дар кадом моҳе моли шумо ба нисоб расад, аз ҳамон вақт вуҷуби закот шуруъ мешавад ва пас аз гузаштани як сол пардохти закот воҷиб мегардад. Масалан, агар дар моҳи март моли шумо ба нисоб расид, пас аз гузашти як соли қамарӣ бар шумо адои закот воҷиб мешавад", - тавзеҳ дода буд Шӯрои уламо.

Соли гузашта нисоби закот 21 ҳазор сомонӣ муайян шуда буд.  Ба иттилои Шӯрои уламо, закот бар шахсе фарз аст, ки дорои нисоби закот, яъне молики 21000 сомонӣ бошад. Пас аз гузаштани як сол аз вақти соҳиби нисоб шудан ба андозаи 525 сомонӣ ба фақире ё мискине ҳамчун закот мепардозад.

625
Барчаспҳо:
Шӯрои уламои ҶТ, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0