Президент Республики Таджикистан Эмомали Рахмон на открытии музея в ТНУ

Омӯзишгоҳи Левакант, ки Раҳмон дар он таҳсил кардааст, ба осорхона табдил меёбад

436
Раиси вилояти Хатлони ва Вазири меҳнат дар шаҳри Левакант аз Омӯзишгоҳи касбию техникӣ дидан карданд, ки он ҷо солҳои 60 - ум Эмомалӣ Раҳмон таҳсил мекард

ДУШАНБЕ, 8 фев — Sputnik. Интизори меравад, як осорхонаи дигари кишвардори Тоҷикистон дар шаҳри Левакант қомат афрозад, хабар медиҳад котиботи раиси вилояти Хатлон.

Ба иттилои манбаъ, чанде пеш аз ин омӯзишгоҳ раиси вилояти Хатлон Қурбон Ҳакимзода ва Вазири меҳнат, муҳоҷират ва шуғли аҳолии Тоҷикистон Ширин Амонзода дидан намуданд.

Гуфта мешавад, дар Омӯзишгоҳи касбӣ - техникии рақами 40, ки дар шаҳри Калининобод (имрӯза Литсейи касбӣ - саноатии кимёвии шаҳри Левакант) Эмомалӣ Раҳмон авохири солҳои 60 - ум таҳсил карда буд.

Раиси вилоят Қурбон Ҳакимзода изҳор доштаст, ки осорхонаи Пешвои миллат мувофиқ ба солҳои 60-70-уми асри XX бо кандакорию гаҷкорӣ бунёд шуда, аёнияти дарсии онвақта бояд ҷамъоварӣ шаванд.

Раиси вилоят ба масъулин дастур додааст, ки аз ҳама имконияти мавҷуда истифода намуда, осорхонаро дар муҳлати муайян ба истифода диҳанд.

Раҳмон осорхонаи Пешвои миллатро кушод: намоиши миз, иншо ва дафтарчаи имтиҳоноташ

Манбаъ меафзояд, Литсейи касбӣ-саноатии кимиёвии шаҳри Левакант соли 1967 таъсис ёфтааст.

Ҳоло литсей аз се бинои таълимӣ, се хобгоҳ, ошхонаю майдончаи варзишӣ ва дигар иншооти ёрирасон иборат буда, дар масоҳати беш аз 5 гектар ҷой гирифтааст.

Шумораи касбомӯзон дар литсейи мазкур 344 нафарро ташкил медиҳад, ки онҳо аз рӯйи 10 ихтисос дар ин омӯзишгоҳ таълим мегиранд.

Ёдовар мешавем, ки чанде пеш дар бинои таълимии факултетҳои иқтисодӣ ва молиявии Донишгоҳи миллии Тоҷикистон Осорхонаи Пешвои миллат ифтитоҳ ёфта буд.

436
Барчаспҳо:
Хатлон, Эмомалӣ Раҳмон, осорхона
Абдукахор Косим избран академиком Международной академии русской литературы

Тоҷикистонӣ академики Академияи байналмилалии адабиёти Русия интихоб шуд

211
(Таҷдидшуда 13:04 25.02.2021)
Абдуқаҳҳори Қосим ният дорад, барои ҷашни 30 солагии Истиқлолияти давлатии Тоҷикистон ва ҳамчунин 110 - солагии солрӯзи Мирзо Турсунзода ашъори нав эъҷод кунад

ДУШАНБЕ, 25 фев — Sputnik. Абдуқаҳҳори Қосим академики Академияи байналмилалии адабиёти Русия интихоб шуд, хабар медиҳад Вазорати фарҳанги Тоҷикистон.

Ба иттилои манбаъ, Қосим бо қарори Президиуми академияи байналмилалии адабиёти Рус, ба ҳайси академики ин ташкилоти ададбӣ иетихоб гардидааст.

Манбаъ меафзояд, феълан Абдуқаҳҳори Қосим дар шаҳри Турсунзода ба сар мебарад ва ният дорад бо ашъораш дар ҷашни 30 - солагии Истиқлолияти давлатии Тоҷикистон ва ҳамчунин дар солрӯзи Мирзо Турсунзода саҳми арзанда гузорад.

Ёдовар мешавем, ки соли 2020 шеъри "Бешаи анбӯҳи андеша"-и шоири тоҷик Абдуқаҳҳори Қосим дар "Озмуни телевизионии шеъри рӯзномаҳои ҷаҳон", ки дар шаҳри Пекини Чин баргузор гардид, таҳти унвони "Ғолибони барҷаста" соҳиби Шоҳҷоизаи озмун гардид.

Бори нахуст дар Колумбия шеъри тоҷикӣ садо дод

Инчунин дар 30-юмин солгарди Фестивали адабии байналмилалии Меделин, ки ба таври онлайн дар шаҳри Меделини Колумбия баргузор гардид ва дар он 40-умин солгарди таъсиси мукофоти алтернативии Нобел низ ҷашн гирифта шуд, бори аввал аз Тоҷикистон шоири тоҷик, журналист ва мутарҷим Абдуқаҳори Қосим иштирок намуда, бо забони тоҷикӣ шеърҳои худро қироат намуд.

211
Театр, архивное фото

Замони оғози мавсими тамошои намоишҳои театрҳо дақиқ шуд

75
Тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ дар ду мавсим доир мегардад

ДУШАНБЕ, 24 фев – Sputnik. Дар Тоҷикистон мавсими тамошои намоишҳои театрҳои касбӣ аз рӯзи 3 апрел шурӯъ мешавад, хабар медиҳад Вазорати фарҳанг.

 ба иттилои манбаъ,тамошои намоишҳои театрҳои касбӣ аз ҷониби кормандони вазорату кумитаҳо ва идораву корхонаҳои давлатӣ  дар ду мавсим доир мегардад.

Дар мавсими аввали он спектаклҳо рӯзҳои 3, 10, 17, 24  апрел, 8, 15 май ва 12 июни соли равон дар Театри давлатии академии драмавии ба номи А. Лоҳутӣ, Театри давлатии академии опера ва балети ба номи С. Айнӣ, Театри давлатии ҷавонон ба номи М.Воҳидов, Театри таҷрибавии тамошобини ҷавон ба номи М.Қосимов ва Театри давлатии драмавии русии ба номи В. Маяковский ба саҳна гузошта мешаванд.

Мавсими дуввуми намоиши спектаклҳо 2, 9, 16, 23, 30 октябр дар театрҳои болозикр доир мешавад.

Вазорати фарҳанг гуфт, китобҳои Ҳошим Гадоро ба маблағи 16 000 сомонӣ хариданд

Ба гуфти масъулин, дар репертуари театрҳо соли равон намоиши асарҳои нави саҳнавӣ бахшида ба 30-солагии Истиқлоли давлатии Тоҷикистон пешбинӣ гардидааст. Ҳамчунин нимаи дуюми моҳи майи соли равон Фестивал-озмуни ҷумҳуриявии театрҳои касбӣ- "Парасту-2021" баргузор мегардад, ки тӯли як ҳафта мухлисони театрӣ метавонанд аз намоишҳои озмунӣ ба таври ройгон бархурдор гарданд.

Таҳияи асарҳои нав дар репертуари муассисаҳои театрӣ аз моҳи апрел тартиб дода шудааст.

75
Барчаспҳо:
Тоҷикистон, театр
День 26 февраля нац

Истеҳсоли "Волксваген" ва шомил шуданиТоҷикистон ба САҲА: имрӯзи таърих

0
(Таҷдидшуда 18:47 25.02.2021)
Рӯзи бисту шашуми феврал, Рӯзи байналмилалии фориғболӣ мебошад. Дар ин рӯз раҳбари ансамбли фолклории "Помир", фалаксарои маъруф Соҳиба Давлатшоева ба дунё омадааст

Рӯзи 26 феврал дар ҷаҳон чӣ рух дод

Соли 1936 дар Олмон нахустин автомобили "халқӣ"- "Волксваген" истеҳсол карда шуд.

Соли 2017 дар намоишгоҳи техникӣ-коммуникатсионӣ дар Барселона тамғаи навкардашудаи телефони Nokia 3310 ба  тамошо гузошта шуд.

Рӯзи 26 феврал дар Тоҷикистон чӣ рух дод

Соли 1995 аввалин маротиба дар Тоҷикистони соҳибистиқлол интихоботи парлумонӣ баргузор гардид.

Соли 1992 Тоҷикистон ба САҲА ҳамроҳ шуд.

Соли 2010 дар Душанбе маросими ботантанаи мукофотонидани барандагони стипендияи ба номи Дмитрий Менделеев баргузор гардид.

Соли 2014 дар ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон лоиҳаи қарорҳои Маҷлиси миллии Маҷлиси Олии Ҷумҳурии Тоҷикистон "Оид ба ворид намудани тағйирот ба Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон" баррасӣ карда шуд

Соли 2016 ташаббусҳои муштараки Тоҷикистону Нидерландия муҳокима карда шуданд.

Соли 2016 дар Ню-Йорк ташаббуси Тоҷикистон дар масъалаи рӯзномаи ҷаҳонии оби тоза муҳокима карда шуд.

Соли 2009 дар Кохи Ваҳдати пойтахт бо ширкати Эмомалӣ Раҳмон ба муносибати 1310-солагии Имоми Аъзам конфронси ҷумҳуриявии илмӣ-амалӣ таҳти унвони "Мероси Имоми Аъзам ва фарҳанги миллӣ" баргузор гардид.

Ҷашнҳои рӯзи 22 январ дар Тоҷикистон ва ҷаҳон

Соли 2014 Консепсияи пешрафти инноватсионии комплекси агросаноатии Ҷумҳурии Тоҷикистон тасдиқ карда шуд.

Соли 2016 Қоҳир Расулзода дар ноҳияи Восеи вилояти Хатлон дар маросими пардабардорӣ аз нимпайкараи марҳум генерал-майор Рустам Амакиев, собиқ фармондеҳи Воҳиди таъйиноти махсуси зиддитеррористии "Алфа"-и Кумитаи давлатии амнияти миллии Ҷумҳурии Тоҷикистон иштирок кард.

Ҷашнҳои рӯзи 26 феврал

  • Рӯзи байналмилалии фориғболӣ.

Рӯзи 26 феврал кӣ ба дунё омадааст

Меҳрӣ Абдуллоева (1931) – раққоса, Ҳунарпешаи шоистаи Тоҷикистон.

Карим Абдулов (1939-2011) – доктори илми таърих, профессор, нависанда, Корманди шоистаи Тоҷикистон.

Зебо Давлатшоева (1969) – рассом.

Соҳиба Давлатшоева (1970)- сароянда, Ҳунарпешаи шоистаи Тоҷикистон.

Наргиси Карим (1975)- шоира.

Усмон Раҷабов (1950)- меъмор.

Раиса Савина (1925) – доктори илми тиб, профессор.

Нозим Сафаров (1939) – доктори илми таърих.

Ҷамшеди Саъдулло (1961)- публисист.

Абдувадуд Файзиев (1942)- актёри театр.

Аҳмад Юсуфов (1928 – 1987) – доктори илми тиб, профессор.

0
Барчаспҳо:
ҷаҳон, ҷашн, Тоҷикистон