Опрос Комитета по делам религии Таджикистана

Кумитаи дин назари мардумро пурсиду на ҳамаашро ҳисоб кард: 92% розиянд

2336
Кумитаи дини Тоҷикистон дар пайи як назарсанҷии саросарӣ дар ҷумҳурӣ эълон кард, ки ҳудуди 92% - и пурсидашудагон аз Қонуни танзими анъана ва ҷашну маросим пуштибонӣ кардаанд

ДУШАНБЕ, 15 фев — Sputnik. Дар ин назарсанҷӣ баробари муносибаташон ба қонун аз шаҳрвандон инчунин пешниҳодҳо барои беҳбудии татбиқи қонун пурсида шудааст.  

Афшин Муқим, сухангӯи Кумитаи дин, танзими анъана ва ҷашну маросим гуфт, кормандони Кумита ба шаҳру навоҳии кишвар сафар карда, аз 3 то 5 декабри соли гузашта 10 ҳазор нафарро мавриди пурсиш қарор додаанд.

“Аммо ба хотири фурсати кам ва теъдоди зиёди пурсишномаҳо Кумита фақат 3 ҳазори онҳоро таҳлил кард, ки аз ин теъдод 1665 нафар (55%)-и мусоҳибон мардон ва 1335 нафар (45%) занон буданд. Аз рӯи синну сол пурсидашудагони аз 18 то 35 сола 1326 нафар ё 44% ва аз 35-сола боло 1674 нафар ё 56% - ро ташкил доданд”, - гуфт Афшини Муқим.

Манбаъ афзуд, ки натиҷаи таҳқиқот нишон медиҳад, ки 91,9% (2757 нафар) қонунро ҷонибдорӣ карда,  3,4% (102 нафар) – и шаҳрвандон дастгирӣ нанамуданд. Боқимонда бетараф будаанд ё ҷавоб надодаанд.

Афзоиши қонуншиканиҳои танзим дар даврони коронавирус

Бино ба ин назарсанҷӣ, аксари шаҳрвандон таъсири мусбати Қонуни танзим ба буҷаи хонаводаҳоро зикр намуда, 55,53% (1953 нафар) бар ин будаанд, ки Қонун ба сатҳи зиндагии мардум таъсири мусбат доштааст.

Ҳудуди 26,87% (945 нафар) гузинаи беҳтар гардидани имкони пасандозро интихоб намуда, 11,20% (394 нафар) ҳам бар ин будаанд, ки ин қонун барои ба таҳсил фаро гирифтани фарзандон мусоидат кардааст.

Аммо 4,04% (142 нафар) – и мусоҳибон тағйироти мусбат аз ин Қонунро ҳис накардаанд ва 2,36% (83 нафар)-и боқимонда фоида надиданду баръакс бадтар шудани вазъро зикр кардаанд.

Дар ҳамин ҳол, аксари пурсидашудагон татбиқи Қонуни танзим дар амри ба низом даровардани маросим, аз ҷумла маросими азодории се, ҳафт, чил ва сол, мусбат арзёбӣ карда, 76% (2272 нафар) онро барои решакан кардани авомили номатлуб, назири таассуб, худнамоӣ ва хурофот муассир донистаанд.

Аммо 15% (469 нафар) нақши онро манфӣ дониста, 9% (259 нафар) аз изҳори назар худдорӣ кардаанд.

Қонун “Дар бораи танзими анъана ва ҷашну маросимҳо дар Ҷумҳурии Тоҷикистон” 8 июни соли 2007 аз сӯи президенти Тоҷикистон, Эмомалӣ Раҳмон ба имзо расида, ҳадафаш коҳиш додани харҷи маъракаҳо, аз миёни бурдани хурофот ва афзоиши даромадҳои аҳолии кишвар мебошад.

Тибқи иттилои Суди Олии Тоҷикистон, соли 2020 дар Тоҷикистон судҳои кишвар 609 парвандаи ҳуқуқвайронкунии маъмурӣ (86 ҳолат камтар аз соли 2019) – ро баррасӣ карда, аз ин теъдод 9 парванда қатъ шуда ва дар 600 ҳолат қарори дахлдор баровардаанд. Бино ба ин манбаъ, маблағи умумии ҷарима 2 миллиону 599 ҳазору 919 (соли 2019 - 3 миллиону 355 ҳазор) сомониро ташкил медиҳад, ки аз он 1 миллиону 630 ҳазору 324 сомонӣ рӯёнда шудааст.

2336
Барчаспҳо:
танзим, қонун, Тоҷикистон
Зрители в кинотеатре

Филми "Парвонаҳо" дар Қазон ҷоиза гирифт - видео

45
(Таҷдидшуда 18:37 02.03.2021)
Филми "Парвонаҳо"-и коргардони тоҷик дар Русия сазовори ҷоизаи Кинофестивали байналмилалии "Зилант" шуд

ДУШАНБЕ, 2 мар — Sputnik. Филми "Парвонаҳо" ("Мотыльки") - и коргардони ҷавон Дилшод Авазов дар шаҳри Қазони Русия сазовори ҷоизаи Кинофестивали байналмилалии "Зилант" шуд, иттилоъ додааст сомонаи расмии Кинофестивали байналмилалӣ.

Филм дар бораи духтаре қисса мекунад, ки дигарон барояш роҳу равиши зиндагиро таъйин мекунанд ва ин ба сарнавишти ӯ бетаъсир намемонад. 

Наворбардори ин филм Пайрав Шарифов будаааст.

Филми мазкур дар шаҳри Санкт-Петербург бо забони русӣ ба навор гирифта шудааст. Аммо воқеаи филм дар Тоҷикистон мегузарад.

Дар нақши асосӣ Усмон Тӯраев аз Тоҷикистон ва Анна Гуляева аз Русия бозӣ кардаанд. Кинофестивал дар шаҳри Қазон "Зиланд" ҳар сол баргузор мегардад ва аз шаҳру ноҳияҳои зиёди худи Русия иштирок мекунанд.

Ва зиёда аз 20 давлатҳои дигари дунё иштирок доштанд. Ба гуфтаи Дилшод Авазов, филмро худаш маблағгузорӣ кардааст. Филмро дар хонаи як дӯсташ ба навор гирифтааст.

45
Барчаспҳо:
КИНО, Қазон, ҷоиза, коргардон, Тоҷикистон
Книга, архивное фото

"Қонуни тиб"- и Абуалӣ ибни Сино дар Душанбе бознашр шуд

76
(Таҷдидшуда 17:12 02.03.2021)
Кормандони маркази синошиносии Институти фалсафа, сиёсатшиносӣ ва ҳуқуқи Академияи миллии Тоҷикистон “Қонуни тиб” (китоби 5) - ро тарҷума ва бознашр намуданд, ки ҷилди 16 - уми Осори Абуалӣ ибни Синоро ташкил медиҳад

ДУШАНБЕ, 2 мар — Sputnik. Суннатулло Ҷонбобоев, роҳбари марказ, иттилоъ додааст, ки ҷилд бахшеро дар бар мегирад, ки дар илми тиб бо номи "Карободин" (фармакопия) машҳур аст.

"Китоб аз 3 қисм иборат мебошад. Дар қисми аввал оид ба доруҳои мураккаб сухан меравад. Дар қисми дуюм доруҳои мураккаб аз рӯи навъашон тақсим шуда, таркиб, тарзи ба вуҷуд овардан ва истифодаи дурусти онҳо нишон дода шудааст. Қисми сеюм, доруҳои мураккаби санҷидашударо фаро мегирад", -  таъкид доштааст Суннатулло Ҷонбобоев. 

Дар китоб бемориҳо, сабаб ва зиёне, ки ба бадани инсон мерасонанд, шарҳи комил ёфтаанд, - гуфт Ҷонбобоев.

Дар асар мавриди бисёр бемориҳо андешаҳои илман асоснок ҷой шудаанд, ки то имрӯз аҳамияти худро гум накардаанд. 

Кормандони марказ, ҳамчунин, бори аввал рисолаҳои "Китоб - уш – шифо",  "Ҷадал", "Хитоба", "Суфастоӣ" ва "Фанни шеър" - и  Абуалӣ ибни Синоро аз арабӣ ба забони русӣ тарҷумаву нашр намуданд.

Тарҷумаи тоҷикии онҳо рӯзҳои наздик дастраси хонандагон мегардад.

76
Барчаспҳо:
китоб, қонун, Ибни Сино, Сино, Тоҷикистон
День 4 марта

Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих

0
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шуд

Рӯзи 4 март дар ҷаҳон чӣ рух дод

 Соли 1789 аввалин Конститутсия ИМА ба ҳукми амал даромад.

Рӯзи 4 март дар Тоҷикистон чӣ рух дод

Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.

Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал-  шаҳри Катманду сафар кард.

День 2 марта
© Sputnik/ Стас Этвеш/ Мария Вишнякова

Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.

Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии  «Тоҷикистон-2014»  баргузор гардид.

Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.

Соли  2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.

Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.

Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш  дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.

Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.

Ҷашнҳои рӯзи 4 март

  • Дар Белорус — Рӯзи милитсия.

Рӯзи 4 март кӣ ба дунё омадааст

Соли 1875 -нависандаи тоҷик, равшанфикр ва рӯзноманигор Маҳмудхоҷа  Беҳбудӣ.

Соли 1936 - рӯзноманигор Тулфор Қадамов.

Соли 1947 - доктори илмҳои биологӣ Сафарбек Раҳимов.

Соли 1949 - ҳофиз, ҳунарманди халқии Тоҷикистон Дона Баҳромов.

Соли 1957 – рӯзноманигор Ҳуринисо Ализода.

0
Барчаспҳо:
Ҷаҳон, Тоҷикистон, ҷашн