Президент Академии наук Таджикистана Фарход Рахими

Тоҷикон таърихи худро дар Мисру Муғулистон хоҳанд ҷуст шарҳи президенти Академияи улум

822
(Таҷдидшуда 14:27 16.02.2021)
Президенти Академияи улуми Тоҷикистон аз омодагии кишвараш барои эъзоми ду ҳайати олимон ба Мисру Муғулистон хабар дод

ДУШАНБЕ, 16 фев — Sputnik. Тоҷикистон ба таври ҳатмӣ пас аз боз шудани роҳҳо ба хориҷ ду ҳайати олимон ва мутахассисонро ба Мисру Муғулистон хоҳад фиристод. Дар ин бора Фарҳод Раҳимӣ, президенти АМИТ ба Sputnik Тоҷикистон тафсилот дод.

Вай афзуд, ин ҳайатҳо ба манзури омӯзиш ва таҳқиқи он манобеи таърихии дастнохӯрда дар ин ду кишвар эъзом мешаванд, ки ба таърихи халқи тоҷик иртибот доранд.

“Як гуруҳи таҳқиқотӣ барои сафар ба Мисрро Тоҷиддин Мардонӣ, шарқшинос, корманди Пажӯҳишгоҳи Осиёву Аврупо, собиқ муовини вазири корҳои хориҷии Тоҷикистон ба зимма доранд. Тамоми омодагиҳо гирифта шудаанд. Ҳамин ки роҳҳо боз шаванд, ин гуруҳ ба Миср меравад”, - гуфт Фарҳод Раҳимӣ.

Як гуруҳи дигар ҳам ба Муғулистон хоҳад рафт. Дар ин гуруҳ низ олимоне эъзом мешаванд, ки на фақат ҳуруфи арабиасос, балки забонҳои суғдиву бохтариро низ баладанд. Мо ин гуна нафаронро дорем. Он ҷо гап зиёд аст, афзуд вай.

Дар гузашта расонаҳо аз кашфи маъхазҳои таърихӣ дар Мисру Муғулистон хабар дода буданд, ки тахмин мерафт, ҳомили ҷузъиёти ҳанӯз дастнохӯрдаи таърихи халқи тоҷик мебошанд.

Бино ба пешгӯиҳо, кутуби таърихии зиёде дар замонҳои истилои арабу муғул ба он кишварҳо аз қаламравҳои тоҷикнишин бурда шуда, то ба ҳол дар бойгониҳо маҳфуз нигоҳ дошта мешаванд.

Президенти Академияи улуми Тоҷикистон мегӯяд, маълум нест, ки дар бойгониҳои Муғулистон чӣ китобу маъхазҳо мавҷуданд.

“Мо он ҷо сафорат надорем, аммо банда бо вазири маорифи он кишвар ошноии хуб дорам, чун замоне ҳамкор ҳам будем. Ба болои ин, мо бо Академияи улуми Муғулистон созишномаи ҳамкорӣ дорем. Ягон мушкили хос нест. Аммо мо намедонем, ки он ҷо чӣ ҳаст”, - гуфт Фарҳод Раҳимӣ.

Созишномаи аввалин миёни президентҳои Тоҷикистону Муғулистон дар бораи дастрасии олимону таърихнигорони ду кишвар ба бойгониҳои ҳамдигар моҳи сентябри соли 2014 ба имзо расида буд.

Бино ба ин созишнома, дар ин бойгониҳо маъхазҳои ҳанӯз дастнохӯрда ва омӯхтанашудаи таърихи асрҳои миёна хеле зиёданд.

822
Барчаспҳо:
таърих, Миср, Муғулистон, Тоҷикистон
Муким Абдуфаттоев директор театр Пушкин в городе Бустон

Ғарқшавии Гулбаҳор: чаро ӯ ва Сулаймонро Муқимҷон ба об тела дод? - видео

4592
(Таҷдидшуда 20:01 27.02.2021)
Гулбаҳор Ғаффрова, ҳаҷвнигори шинохтаи тоҷик се маротиба аз марг наҷот ёфт. Ӯ, ки ҳунари шиновариро надорад, боре аз ҷониби ҳамкоронаш ба об тела дода шуд

ДУШАНБЕ, 27 фев — Sputnik. Гулбаҳор Ғаффорова ҳаҷвнигори шинохтаи тоҷик, собиқ узви дастаи "Хандинкамон" дар бораи ҳодисаи ғарқшавиаш нақл кард. Ӯ афзуд, ки ҳамкоронаш боиси ба об рафтанаш шуданд, ҳарчанд дар пайи як шӯхӣ ин ҳодиса рух дод.

Хонум Ғаффорова дар сӯҳбат бо рӯзноманигор Орзу Исоев дар барномаи "Ногуфтаҳо" се ҳодисаеро, ки бо вай рух доду қариб бо марг меанҷомид, тавзеҳ дод.

Гулбаҳор мегӯяд, ҳодиса дар шаҳри Қайроққум, ҳозира Гулистон, дар соҳили "Баҳри тоҷик", вақте як барномаро сабт мекарданд, рух дод.

"Аз рӯи сенария ману Сулаймон бояд дар дохили об истода, бозӣ мекардем. Дар ҳамин ҷо ман ба Сулаймон гуфтам, ки чуқур намеравем, зеро ӯ ҳам оббозӣ карда наметавонист", - нақл мекунад Гулбаҳор.

Дар ҳамин ҳол, - меафзояд хонуми ҳаҷвнигор, дигар ҳайъати гурӯҳ, Муқимҷону Анисҷон аз пасамон пайдо шуданду шӯхикунон моро давониданд ва тела доданд.

"Мо ҳарду аз ҷой хеста натавонистем. Об ба даҳонам мерафт, дасту почаҳоям меларзиданд. Ман гуфтам ҳозир мемирам", - идома медиҳад вай.

Ба гуфтаи Гулбаҳор, ӯро ҳамкасбонаш, ки боиси ғарқ шуданаш гаштанд, наҷот доданд.

Аз писари вазир то домоди Президент ва дороӣ: ногуфтаҳои Далер Назаров-видео

"Ман дигар ба об муқовимат нишон дода наметавонистам. Худро партофтам. Дар ҳамин ҳол касе маро кашола карда, аз об бардошт, дидам, ки Муқимҷон будааст",  - мегӯяд хонуми ҳаҷвнигор.

Ӯ таъкид мекунад, ки сатҳи об баланд набуд, танҳо то камар мерасид.

4592
Барчаспҳо:
дарё, об, "Хандинкамон", Муқим Абдуфаттоев
Председатель ГБАО Ёдгор Файзов

Ёдгор Файзов аз баҳси забонҳои помирӣ ва пешниҳодҳо ба Ҳукумат гуфт

3258
(Таҷдидшуда 17:24 27.02.2021)
Ёдгор Файзов, раиси Вилояти Мухтори Куҳистони Бадахшон аз баҳсу мунозираҳо атрофи забонҳои помирӣ гуфт, ки ба иттилои ӯ ҳамарӯза сурат мегиранд

ДУШАНБЕ, 27 фев — Sputnik. Файзов зимни ҳамоиш дар мавзӯи забони модарӣ гуфт, ҳамарӯза оид ба забонҳои маҳаллӣ дар вилоят баҳсу мунозираҳо рафта истодаанд. Ӯ таъкид намуд, ки ба мақомоти иҷроияи ҳокимияти давлатии вилоят ва тариқи шабакаҳои иҷтимоӣ муроҷиатномаҳо ва пешниҳодоти зиёд ворид мегарданд.

Тибқи иттилои котиботи ҳукумати ВМКБ, дар ин ҳамоиш масоили таърихӣ, таҳияи алифбоҳои забонҳои помирӣ, ҷанбаҳои қонунии ҳимоя ва инкишофи забонҳои помирӣ ва таълифи осори бадеӣ ба ин забонҳо мавриди баррасӣ қарор дода шуданд.

Муқбилшоҳ Аламшоев: забонҳои помирӣ ба хатт ниёз доранд

Дар мавриди пешниҳодҳое, ки ба ҳукумати вилоят ироа шудаанд, тафсилоти бештар дода нашуд, аммо забоншиносон борҳо таъкид кардаанд, ки забонҳои помирӣ ва яғнобӣ бояд дар дабистонҳои маҳалли корбурдашон ва ҳамчунин бахшҳои забоншиносӣ омӯзонда шаванд. 

Феълан дар ҳудуди ВМКБ забонҳою лаҳҷаҳои гуногун — рошорвӣ, шуғнонӣ, рӯшонӣ, хуфӣ, бартангӣ, язгуломӣ, вахонӣ ва ишкошимӣ корбурд доранд, ки асосан шифоҳӣ буда, хат надоранд. Масъалаи таҳияи алифбо ва хат аз иқдоми дигари муҳим барои ҳифз ва рушди забонҳои помирию яғнобӣ арзёбӣ мешавад.

Қаблан Кумитаи забон ва истилоҳот тавсия дода буд, ки таҳқиқу омӯзиши забонҳои бадахшонӣ ва яғнобӣ ва таълими ин забонҳо ба соҳибзабонони ин минтақаҳо роҳандозӣ гардад, аммо то ҳол иқдоми амалие дар ин самт сурат нагирифтааст.

3258
Барчаспҳо:
забон, Тоҷикистон
Президент Туркменистана Гурбангулы Бердымухамедов, архивное фото

Ашқободҷон ё Пойтахтҷон: Бердимуҳаммадов ба навзодҳо ном мегузорад

171
Қурбонгулӣ Бердимуҳаммедов, раисҷумҳури Туркманистон феҳристе аз номҳои духтар ва писарро барои навзодҳо пешниҳод кардааст

ДУШАНБЕ, 27 фев — Sputnik. Қурбонгулӣ Бердимуҳаммадов ба навзодҳо ном мегузорад.

Тавре "Парс тудей" менависад, раисиҷумҳури Туркманистон барои навзодоне, ки қарор аст 25 майи соли 2021 ва дар 140-умин соли таъсиси Ашқобод мутаваллид шаванд, феҳристе аз номҳоеро пешниҳод кардааст.

 Туркманистон рӯзи шанбе Комиссиюни вижаи давлатиро барои созмондиҳии ин маросим эҷод кард ва Қурбонгулӣ Бердимуҳаммедов, раисиҷумҳури ин кишвар низ феҳристе аз номҳои духтар ва писарро барои хонаводаҳое, ки фарзандонашон 25 май ва ҳамзамон бо солгарди таъсиси Ашқобод (Aşgabat) мутаваллид мешаванд, пешниҳод кардааст.

"Раисиҷумҳури Туркманистон гуфта, ки ин иқдоми намодин аст, ки исми писари нахусти хонаводаро, ки 25 майи соли 2021 мутаваллид мешавад "Пойтахт" ё "Ашқобод" ва исми духтари нахустро ҳам " Марҷон" ё "Мая" бигузоранд", - менависад манбаъ.

Раисиҷумҳури Туркманистон ҳамчунин дастур додааст то ҳадяҳое барои ин навзодон, ки дар 25 моҳи май мутаваллид мешаванд, таҳия шавад.

Петар хабар дода шуд, ки раисиҷумҳури Туркманистон, Қурбонгулӣ Бердимуҳаммадов писарашро ба симмати муовини сарвазир таъйин кард.

Сардор Бердимуҳаммадов ба вазифаи муовини сарвазир ва раиси Палатаи олии назорат таъйин гардид. Гузашта аз ин, узви Шӯрои амнияти миллӣ низ интихоб шуд.

"Дунёи маънавии туркманҳо": нашри китоби дигари Бердимуҳаммадов, раҳбари Туркманистон

Кишвардори Туркманистон гуфтаст, ки тасмим гирифт, ба кабинаи вазирон боз як вазифаи муовини раисро ворид кунад. Ба гуфтаи ӯ, муовини нави раиси ҳукумат, Палатаи олии назоратро низ сарварӣ карда, узви Шӯрои амният хоҳад буд.

Вазифаҳои муовини сарвазир, рақамисозӣ ва ҷорӣ намудани технологияҳои инноватсионӣ дар системаи ташкилотҳои давлатӣ ва ҷамъиятӣ, тандурустӣ, маориф, молия ва иқтисодро дарбар мегиранд.

Ҳамзамон, Сардор Бердимуҳаммадов аз вазифаи вазири саноат ва истеҳсолоти сохтмон озод карда шуд.

171
Барчаспҳо:
номгузорӣ, навзод, Қурбонқулӣ Бердимуҳаммадов, Туркманистон